農場鮮奶有限公司

營業中

休息中

今日來到元朗，下午茶時間，朋友推介去食甜品。揸車上去餐廳，幾經辛苦，終於來到，果然無令我失望！我地叫左薑汁燉奶，好滑好香，真係好好好食，在香港其他地方，真係食唔到！價錢合理，仲要係即點即撞，熱騰騰，值得大家去試另外，我地試埋自家農場出的牛奶，味道同外面買的牛奶真係唔同！好香好濃，如果我住元朗，真係想買多幾枝牛奶返屋企飲餐廳仲有麵食，我地試左午餐肉蛋公仔麵，價錢偏貴，但好有誠意，午餐肉和蛋都煎得好香好脆！食完可以食餵下羊仔，吸收下新鮮空氣

平日番工咁辛苦, 於是決定今個周末同朋友去左親親大自然!⛰ 我地一行6人👫👫👫由大帽山山腰開始行, 沿甲龍林徑行至雷公田, 之後就到左農場鮮奶!🐮🐄🍼 一入到去農場鮮奶範圍, 即刻就俾旁邊草地上面既羊咩咩吸引住, 🐑 一隻隻羊懶懶閒咁攤係度曬太陽, 好似好疏乎咁。有D就係度食草, 睇住佢地食草, 好治癒。再向前行少少就到左小食亭啦, 牆身係乳牛既黑白紋🐄, 好襯呢度既主題! 我地去到既時候唔算好多人, 但都有3-4枱客人。有D帶住小朋友, 有D就帶住狗仔。不過我相信佢地同我地黎既目的都一樣, 就係為左食呢度既奶製品!🤤凍燉奶 ($22)本來天氣咁凍, 應該要食熱野。不過行山行到個人熱哂, 最後都係跟大隊, 叫左個凍燉奶。雖然燉奶表面有一層巢左既薄膜令佢既外觀無咁好睇, 但其實食落去係 超 級 好 食!!!! 🤩🤩🤩 成日都聽人講話牛奶是燉奶的靈魂, 食完呢個由農場鮮奶整成既燉奶之後, 我絕對相信呢句說話係真既。先講個質地, 呢個燉奶用匙羹不起既時候震騰騰, 好似啫喱咁, 放入口之後就好似一團棉花咁散開, 好滑溜。另外就係佢既奶味好香好濃郁, 食得出用既牛奶脂肪率好高, 絕對拍得住日本果

正值秋天嘅乾爽天氣，梗係去行山嘅大好季節啦 嗰朝由大帽山一路行過嚟，嚟到農場鮮奶有限公司嘅時候已經係行程嘅尾站lu，咁都要食吓野休息吓啦！呢度都唔難搵到，一路沿住甲龍古道郊遊徑（或者有啲人會沿住荃錦公路行）就嚟到！以下係餐牌～聽講農場鮮奶有限公司嘅鮮奶有好濃奶味，order嘅時侯有得揀凍或者熱嘅，嗰日天氣都熱熱地，行完山所以都係揀咗凍嘅！500mL同人share都夠飲，一人一杯仲有剩添！飲凍嘅唔係好感受到奶嘅濃度，如果嗌熱嘅應該會好啲！另外我地仲叫咗熱燉奶同埋芒果布甸 熱燉奶就真係食得出濃濃嘅奶味啦！而且每一啖都感受到真係落足料！有種漿住個口嘅感覺嫁。另外芒果布甸要$23，但份量都幾細同埋味道一般，就唔太推薦了有機會嚟呢邊行山就唔好走寶啦

星期日投票後有時間就去咗八鄉飲茶飲完茶興起揸車去雷公田食燉奶，每次黎到都大排長龍...排咗10分鐘左右然後order 燉奶同埋要自己搵位所以我地兵分兩路一個排隊一個搵位。我媽話佢地自家製薑汁撞奶好好食但係我同朋友都唔鍾意食薑所以我地冇叫。由於係新鮮製作燉奶要等2分鐘凝固咗先食得燉奶好滑好有奶味👍🏻

無論任何環境都少不免會影響個人的心情，昨日出走東涌，走到雷公田的農塲，嘗一口薑汁撞奶，再喝一啖農場鮮奶 ; 就像回到兒時的感覺，很滿足，天父賜予的大自然，每樣食材都是上天賦予的。在這小小的開放茶座，雖無冷氣雅座，也沒有侍應招待，但當你倦時、飢渴時，毫無疑問是一個休憩的補給站。

星期六夏日炎炎不特止，仲有一號風球熱死辣辣，但見天氣陽光太好，所以冒住曬黑既危機決定勇闖效外，晏就未食lunch就渣車入場黎農場鮮奶喂羊仔同試下好出名既「鮮奶」，先講下喂羊仔可以買$3一束長草去喂羊。 跟住就買左兩盒500毫升既全脂鮮奶（正常），同埋叫左個芒果布甸食。芒果布甸好滑而且果肉好多，真係媲美唔少甜品店。估唔到去到郊外都可以食到咁好味嘅甜品係驚喜嘅一點鮮奶真係我試過人生以來最好味嘅鮮奶，非常鮮味，好飲過維記同十字牌好多，但500毫升飲飲下真係好飽，飲到有啲想嘔😂 喂羊仔好好玩 平時香港好少有呢啲地方俾我地親親大自然同動物，最緊要仲有咁好味出名嘅牛奶飲，值得推薦大家一定要來試一試！

一直都好想餵羊，適逢今個假期都得閒，就去左想去好耐農場鮮奶。 雖然羊唔多，不過餵過程好近距離同羊接觸，$3 一扎蔥都餵到好耐。玩完之後，就去左買想試好耐芒果布甸同牛奶。真心覺得牛奶好新鮮好好味，芒果布甸都好出色。如果行開元朗都建議週末入去玩下

週六早上, 棄掉庸懶, 驅車直上大帽山🗻 為既只係一碗餐旦麵🍜 你可以叫呢份情懷叫任性😎但我認為只係一份繁忙都市中既小小生活態度😜 由元朗方向出發, 徑經石崗、錦田、上村後見到軍營既巴士站轉入單程小路, 係狹窄既單程車路上兜轉, 最後係郊野公園旁見到農場鮮奶公司既大門, 歷時20分鐘左右, 走入山林中既深處, 諗起從前學既詩句: 「身在此山中, 雲深不知處」🌫️ 泊車位置唔多, 大約10架左右, 不過週六早上人流唔多, 主要係行山客🧗‍♂️同幾架同場既車輌🚙  車場旁邊有個小山坡, 一大片綠色放養左幾頭草羊🐐 優哉悠哉咁食咁草🌱🌿 遠望過去見到巍峨既山峰, 未知是否嘉道理農場上方既觀音山⛰️ 另一邊有頂部份, 放咗十張膠枱左右, 頭頂有幾把風扇, 然後另一邊有個小賣部咁既窗門, 嘢食都係餐蛋麵、肉丁麵、燒賣、茶葉蛋咁; 其實黎呢度既重點都係要飲佢既自家品牌牛奶 「農場鮮奶有限公司」, 分別有全脂奶、低脂奶同脫脂牛奶🥛  現場只有全脂奶有細盒, 飲落既香醇係比其他牌字高, 幾年前有人嘈過佢話唔係真牛奶, 亦都唔係香港農場生產, 但我又覺得22世紀都黎緊, 稍有常識都明白👨‍🎓 咁細既農場點去生

難得假期有好天氣，即興同男友出去親親大自然我地係元朗搭71小巴去到河背總站到落車，然後行大概2小時到就黎到農場鮮奶有限公司啦就算沿途幾辛苦幾曬同自己講就快有得飲鮮奶餵羊咩咩即刻有動力好多💪🏼去到餐廳當然要叫主打最出名既農場鮮奶啦😝分別有全脂，半脂同脫脂揀🤤我地就叫左全脂嘆下，味道果然好濃郁，淡淡既牛奶味～～本身諗住叫燉奶好可惜賣晒，太受歡迎了😭唯有叫個薑汁撞奶補翻數😋行左咁耐先黎到都值得架😆💪🏼當係做完運動黎獎勵下自己，呢到係唔錯既選擇😝😝食飽飽仲可以餵下羊咩咩添，咩~~~~

今次同男朋友兩個揸住架電單車捐窿捐嗱去搵好野食佢就帶左我黎呢個農場鮮奶到食餐蛋一丁麵啦—————餐牌上有既食物種類唔多包括有兩款湯麵兩款撈烏冬幾款小食同幾款甜品。今次我地就叫左一個餐肉蛋出前一丁麵($30)同12蚊8粒既燒賣兩樣食物味道都唔差 燒賣可以配上XO醬辣油 彈牙得來又十分惹味！而餐蛋麵呢 蛋仲係流心嘅 仲有兩大塊餐肉________________不過黎到農場鮮奶點可以唔試吓飲佢哋嘅鮮奶呢除咗有全脂1L裝之外仲有500ml嘅包裝同埋仲有低脂同脫脂選擇添飲落奶味10分濃郁。可惜就係位置比較偏僻如果唔係揸車應該都唔會再嚟啦

難得今日有司機一於去呢到其實一直想嚟呢到食野聽講d奶好好飲但地方偏僻 所以冇去過飲奶就要試全脂奶好滑好濃奶味加個餐蛋麵餐肉2面都有煎好香脆一d都唔油膩加埋隻蛋煎得啱啱好一吉就流曬d蛋黃汁出嚟撈埋一齊食一流食完再加多個甜品薑汁撞奶重要係即叫即撞第一啖 好重薑味 食食下又唔多覺可能已經習慣左好真係好滑好滑除左滑都唔知用咩形容😂走果陣買多盒大奶同牛奶糖走個糖都好重奶味 唔太甜唔似平時食開既好甜遮曬d奶味食完野 個個都乖乖汁番好d碗去指定地方先走人走既時候重買左d草去餵羊仔

終於到訪有名既香港本地農場鮮奶！為咗杯奶同餐蛋麵入到去石崗果頭，冇揸車真係唔建議特登走入嚟，牛奶係好飲，不過朝聖完打卡就算，太遠了，如果真係嚟，留意營業時間啊！環境真係好隔涉，不過可以理解，因為係農場，都會比較偏僻，見到有人真係行入黎，我估係搭巴士落車再行半小時左右，係香港咁熱既天我真係頂唔順，加上冇冷氣好似大排檔咁，我估客源有三款，一、真係呢隻奶既fans；二、揸車人士；好似我呢啲貪得意想試一次既人。餐牌就係岀前一丁、烏冬同奶製品，唔好期望有咩咁特別。農場鮮奶全脂 $32(一公升)一啲都唔羶，好易入口，奶味又夠濃，雖然$32真係唔平，但唔係咁易飲到。餐肉蛋岀前一丁麵 $30就係普通既餐肉蛋岀前一丁麵，自己屋企煮岀嚟既味，冇乜特別。我諗如果係行入嚟既人，岀哂汗好肚餓下食會覺得份額美味。五香肉丁撈冬 $30都係一碗好簡單既五香肉丁撈冬，烏冬冇煮到腍哂都彈牙。雪糕 $25、雙皮奶 $27另外試左雪糕同雙皮奶，雪糕影相就比友人食左一啖，雪糕奶味十分濃，但貴左少少，雙皮奶都唔錯，入得嚟逢奶製品都必試。總括而言，都係果句，有揸車，又住元朗咪星期六日無野做果陣貪得意入黎食碗飲杯奶再買幾盒走，如

難得細佬今日放假，可以帶我同屋企人去偏遠少少既地方郊遊。今次就去左雷公田同石崗軍營附近。到左行左一陣，就帶左我地去遠近馳名既農場鮮奶有限公司。呢間類似士多形式，有好多張圓枱擺曬出黎，我地一搵到位就即刻排隊，叫左最出名既雙皮奶，芒果布甸同鮮牛奶。佢既雙皮奶好香奶味，入口都好滑下，而芒果布甸都濃味足料，不過就細杯左少少，牛奶就坦白講同超市十字牌牛奶分別不大。最值得讚既其實唔係食物，而係環境，係郊外行到好熱好攰，可以抖一抖，食返少少凍野，真係好享受。而且仲有好幾隻羊仔係欄入邊，小朋友仲可以餵佢地，見到特別興奮，所以呢度一邊享受大自然，一邊食野醫下肚補充體力，真係好好既選擇。

之前係網上都成日見人討論，難得等到放假，終於可以去試下啦！黎個元朗半天郊遊！係元朗市區有小巴搭黎，大概半個鐘唔洗就黎到總站雷公田，落車就見到農場鮮奶既牌，行5至10分鐘到就會到。一路沿途行過去，一路吸收下難得既新鮮空氣，對於我地啲都市人黎講，日日返工放工，放假真係要去啲郊外既地方，呼吸下新鮮既空氣、放慢自己既腳步，被自己身心靈放鬆下😌😌經過郊野公園、見到個生態園牌，再行多陣就會到喇！呢個就係大門，入面就係農場公司喇！入到去左邊係食野既地方，見到好多人帶小朋友一家大細黎、有啲就帶狗仔，約埋班狗友一齊黎。入口右邊就係迷你農場，有山羊仔🐃同龜🐢可以買啲草拎黎餵羊仔，所以帶小朋友黎都係一個幾好既選擇黎👍🏻👍🏻我地坐低就叫左芒果布丁🍮、鮮奶燉蛋、馳名既餐蛋面同埋當然唔少得試下農場鮮奶啦！好耐無食過芒果布丁，芒果肉份量多又夠甜，不過就食唔出鮮奶既香味，可能比芒果味蓋曬。反而鮮奶燉蛋就食到鮮奶果種奶香、而且味道唔算好甜，值得推介👍🏻馳名既餐蛋面更加唔洗講就知好食啦！餐肉煎得岩岩好，脆得黎唔會太乾，隻蛋仲係荷包蛋，夾落去蛋黃岩岩好仲有少少流心、但又唔會太生完全唔熟咁，加埋公仔面又唔會太淋，成件事簡直係

其實幾年前已經去過農場鮮奶有限公司都飲牛奶同埋食布丁，不過因為呢度真係好偏僻，如果冇朋友或者自己揸車嚟嘅話就真係好唔方便。隔咗幾年終於有機會再嚟，發現佢水準都未過，同之前一樣咁好食！呢度嘅牛奶好好飲全部都係自家製，牛奶布丁唔好睇佢外表好似皺晒皮咁，但係佢都係好好食架！今次仲試埋佢啲燒賣，食完一碟又一碟。而芒果布丁一樣咁好食，我問過員工有冇花奶，佢同我講話因為啲布丁定係用牛奶做嘅，所以根本唔需要加花奶！食落發現佢真係冇講大話。如果大家有機會或者有時間都真係要去試吓，順便買幾盒牛奶走，返屋企慢慢嘆！