農場鮮奶有限公司

營業中

休息中

我諗大多數人黎呢度，都係因為有得泊車同餵羊。特別係有小朋友既家庭。我地亦不例外。不過揸車入黎都幾辛苦，呢條係單程路再加上灣灣曲曲， 避車處都泊滿車，真係考起我地新手既司機。泊好車就買草餵羊。$3一扎草，又吾收入場費，算係咁啦！先黎招牌牛奶，全脂牛奶，好新鮮。薑汁撞奶，話要等兩分鐘先好食，但數分鐘後仍然係液態。芒果布丁，okay 啦！牛奶雪榚， 以為好 cream 狀，原來都好冰下，都好味。奶茶好重奶味。最後走既時侯，仲要老闆娘指引倒車出返去。😅

「農場鮮奶有限公司」聽聞過唔少啦，不過，位置吊腳，唔會無情白事走嚟，最近，晌網上搵啲好行嘅行山路線啱我老婆行，就搵到條零難度嘅路線，由石崗嘅「雷公田村」行到去「清潭水塘」，易行、路程唔長、多樹蔭、有啲景，正正又路過「農場鮮奶有限公司」，點都要嚟飲吓佢哋嘅鮮奶啦！門口無任何招牌，因而不少人過門不入走晒雞，而門口巨型嘅「黑白乳牛大石」就喺其標記。走入去，石屋、小型農圈，可以參觀嘅地方就一眼睇晒。場內有一紮紮嘅草供遊人買嚟餵羊，當日所見，唔少家長會帶啲細路嚟餵吓羊，就算你無草晌身，行埋個圍欄度啲羊都慣性走過嚟，所以，幫佢哋影張大特寫喺無難度。用餐地方放咗好多膠枱膠椅，呢度零服務，自己照顧自己，但最得意喺牆身油埋黑白乳牛花紋，好襯周圍環境呀！雖然一早以飲鮮奶為目標，但都介紹吓仲有咩食，亦順便更新吓個價錢俾大家知。主打嘅喺以下呢堆，百份百純鮮奶、薑汁撞奶、燉奶……等等此外，飽肚嘅熱食有餐蛋一丁、五香肉丁一丁、魚肉燒賣、茶葉蛋……等等。溫馨提示，呢度只開星期六、日及公眾假期，仲有，人哋只喺做盤小生意，不設開水、不設額外餐具、謝絕外帶食物、謝絕濫泊，大家就要尊重吓。百分百純鮮奶半公升（全脂）$16因

今天和朋友行山走到一勸河背水塘,然後就去他介紹的農場鮮奶飲牛奶及芒果布丁! 去到見到好多人排隊，相信應該很出名！連鬼婆都特登走過來吃。排了大概15分鐘終於可以飲到牛奶及芒果布丁!牛奶真的好好味！好滑！飲落去好有奶味!芒果布丁也不視弱。好豐富芒果肉！食落去好彈牙，好滑。吃完之後完全明白為什麼那麼多人排隊。真的是值得的！吃完後我和朋友都覺得很飽了。便去隔離的農場去觀看羊仔。這裏除了有芒果布丁及牛奶之外，還有出前一丁及其他小食。如果下次同朋友過來行山，記得過來吃一次，讓你值得回味。

大家想要來到雷公田 - 農場鮮奶有限公司嘗一嘗新鮮的牛奶和奶製成品，可先到元朗秦衡街乘搭72號小巴，不消十五分鐘，再步行十分鐘就會到達目的地。廢話不多說，筆者這趟到來嘗了新鮮牛奶(細)、餐蛋麵和(凍)燉奶。先說重點農場鮮奶(500毫升) - 鮮奶有分大小兩種，筆者忘了兩種鮮奶的價錢和容量上的分別，(註: 會好好改善這方面的缺點，務求提供更多資訊給大家)，但我想大家並非金舌頭都定能細味到牛奶與眾不同之處，淡淡的奶味令人立即感受到新鮮的感覺，絕非一般大品牌的鮮奶能提供的味道，是筆者誠意的推介。(後記: 我認為大家可多買一盒回家品嚐。)凍燉奶 - 坦言並非有著光滑的表層，相反表面欲有一點「皺皮」的質感，但這個部分卻有著較甜的味源。完成表層後，燉奶就變得滑滑的，隨之亦然，味道又會變得清淡一點。總結而言，也是不錯的推介。餐蛋麵 - 老實說，隻強都真係無乜特別，只是一般的餐蛋麵而已。先謝過。

普普通通既一碗餐蛋麵，來到石崗就變得寧捨不同了🤤！好多行山客出發前/行完後都會來嘆返碗，又或者專程自駕黎試下🤣醫肚一流呀！圓型既午餐肉🐷好趣𡟹，煎到外皮微脆，加埋一隻煎熟蛋🥚，係滿足既😌.1公升裝百份百純鮮奶剛剛夠四個人分，可以簡全脂、低脂、脫脂，由於想試佢最真實最原有既味道，就簡左全脂啦🤤新鮮牛奶果然與眾不同，個牛奶味真係超rich，好濃好厚身，陣牛奶味一直存留左係口腔入面😍飲左一杯仔後都好有飽肚感🙈証明左呢杯全脂既牛奶都幾肥幾邪惡架🙈😂

每次行山經過農場鮮奶, 都一定會停下來吃個燉奶, 小食, 買些飲品等~今次亦不例外, 一行6人由河背村出發, 因天氣仍熱, 而且路段受山竹颱風影響, 令路線有點難度, 又要爬又要蹲低行, 去到農場時又餓又累, 但實在吃不到熱辣辣的即食麵, 於是點了一份燒賣, 一碗燉奶.印象中今次是第一次在這裡吃燒賣, 其實期望不大, 只是墳飽肚, 想不到又幾好食, 肉質彈牙, 醬汁好味, 一份有8粒之多.燉奶更加是香濃可口味美, 多年來一直保持著水準, 那份味道真的令人難以忘懷.在這農場享受美食之餘, 更可以在農場參觀, 以及買些飼料餵羊, 很好玩呢~

專程黎到無雷公咁遠既雷公田就係想一試呢間農場鮮奶呢間店舖位置離邨入口唔算遠講起牛奶，我唔係特別既愛好者我甚至係討厭牛奶既人但呢到既牛奶味道我係可以接受既所以我無直接飲鮮奶而係食左佢既熱燉奶可以試得出佢既牛奶香重而且好滑無加到過多既糖去調味食完之後口中會有陣牛奶香我尚算可以接受農場鮮奶同樣無添加好滑 味道比較淡不過係農場隔黎食另有一番風味因為隔黎可以有啲羊比小朋友大人一齊玩整體黎講比外面價錢貴而且味道普通不過勝在賣點係新鮮同收入都係用黎維持生計養活小動物支持!推介: /5 (滿分)

多謝朋友仔介紹的行山路缐(河背村至雷公田)真係好好行，樹陰又多雖然今日34度其實都唔係太差。行呢條路線其實都係為左食行到目的地雷公田有個農場，最想試佢嘅農場鮮奶，薑汁撞奶同芒果布甸正常鮮奶，飲落淡淡的肯定無溝奶粉一定要食薑汁撞奶，係我食過咁多間最好食的，真係好滑薑汁又夠辣朋友就食芒果布甸果肉夠多，佢表示好好味好滑呢度可以買草餵小羊 ，好啱親子活動總結: 發現呢度都幾多人喎，有行山客、單車友同埋專登揸車入嚟嘅人都有。行左呢條山路我相信會上癮因為沿路都平坦，仲有樹陰重點嘅係行到目的地可以食正野。超正的假日節目

星期日，我們選擇了親親大自然，就到了元朗這到個農場餐廳，過到個放鬆的假日，亦都準備迎接Blue Monday 的來臨。大概下午兩點多，我們在錦上路搭的士到石崗軍營附近下車，再行了差不多十至十五分鐘便到了農場餐廳。可能星期日的關係，人流非常多，很多一家大小駕車進來，可以親親大自然，餵一下羊和吃一下這邊的奶類製品。而我們進去便到了小食攤叫了餐肉蛋出前一丁、鮮奶和忌廉。餐肉蛋麵的餐肉出奇地好吃，外皮煎得非常甘脆，麵的軟硬度適中而不會太軟。而這兒出名的牛奶，的確是非常鮮甜，相比起平常我們一般在便利商店買到的截然不同，真的不枉我們千里迢迢過來朝勝！吃飽後，我們餐向老伯伯買了一紮$3的草，可以向農場的羊餵食，非常可愛呢！總括來說，我認為一家大細在假日可選擇到農場餐廳吃吃玩玩，讓一家大細可親親大自然，又可呼吸新鮮空氣呢！

每次和友人走畢甲龍林徑，總會來這農場鮮奶吃上美食，呷上一口這店自家新鮮榨取的人，品嘗著大自然的氣息。味道令我驚喜的是它的餐蛋麵，餐肉的香煎香味悠悠從廚房飄過來，我和友人惜唾延三尺。侍應小姐端上來後，果不其然，餐肉味道十分香脆，太陽蛋的蛋汁在我輕輕刺破鼓鼓的液體狀蛋黃，慢慢從筷子上流到麵條上。配上麵條，只能說平民價格吃到中上品質的食物，實屬難得。牛奶還是一如概往的新鮮。建議大家可以遠足順便來吃，充實自己健康的一天。

好友有次提及農場鮮奶，剛好今天有空便開車前來。如果沒有駕車，真的不太方便。午餐蛋出前一丁:其實同我屋企整嘅係一樣，不過醉翁之意不在此。我哋呢係為咗啲奶，面都淨係填肚姐，冇所謂啦。全脂鮮奶:都幾失望,比我平時飲開嘅Meji 淡，唔多好飲。雖然可以買草餵羊，依個親子活動加返分。不過應該都唔會有下次。

假日一家大細約了幾位老友輕鬆一下，去完川龍嘆茶後，驅車到甲龍行下山路。不過甲龍條路太窄，單程對頭車太多，根本好難泊位，唯一方法就係去農場鮮奶餐廳泊車，順便幫襯佢嘅新鮮牛奶製品。呢間農場鮮奶餐廳我從小已有來過，但今次係第一次帶埋囝仔來，對佢來說分外有新鮮感！佢既薑汁撞奶新鮮滑溜，薑味香濃！不過估唔到佢嘅魚蓉燒賣至係最好味，有魚味得來唔會有腥味，質感好煙銀！阿仔吃個不停！佢用鮮奶沖嘅咖啡都好香濃，一啲茶餐廳咖啡嘅酸味都冇！最正係嗰度係好大自然啲feel,牙仔仲可以買草草為小羊，娛樂美食兼備，真係好過去嗰啲乜乜乜農莊，慳返百幾蚊入場費！食完嘅我哋喺附近行咗一個鐘，隔離自然生態園好靚好舒服，確係假日一遊嘅好地方！

要搵呢間 "農場鮮奶有限公司" 並不容易, 就算係自行駕車, 也不可以單靠 google map 完成任務,因為我第一次去以為好輕鬆, 唔熟路最後找了幾圈都未找到入口(見到疑似入口又唔敢入)最後都係要停低車, 再搜尋其他 blogger 文章, 先可以準確前往,到入口後, 別放鬆, 因為是單程路來的, 即是隨時會有對頭車, 到時不要因為一時之氣互相頂住,只有互讓才會更快到達, 否則車愈積愈多就痛苦了成功到達後, 先找個位置泊好車, 再去小食店排隊買餐,咁艱辛來到, 當然要試 : "餐蛋麵" + "鮮牛奶"吧老實講, 餐蛋麵會唔好食到飛天的, 佢係比一般茶記好食, 咁樣已經好足夠了而牛奶, 又真係好鮮且味濃的, 必試食完仲可以帶小朋友睇羊群, 緊記唔好自行搵雜草去餵呀, 負責人說雜草可能含有除蟲劑, 有機會危害羊羊的健康

前幾日趁著假日大清早同朋友去呢度食早餐，唔知係咪因為好多人外遊，居然以往每次嚟排隊泊車嘅地方而家大把車位，仲有，以前次次都要排長龍先至買到嘢食，今朝竟然好少人嚟，但我喺好享受呢一刻嘅呢度，因為除左可以食佢餐蛋麵同埋招牌香滑牛奶之外，仲可以真真正正享受喺農場食嘢嗰種寧靜嘅大自然環境，當然啦，加埋佢呢度超滑嘅布丁做甜品，簡直就好似畫上一個完美嘅句號，講真，太好味啦，我前後食左兩個round呢度嘅布丁，非常回味。

續星期六去華嫂，老婆再提議晨早到元朗大帽山腳，目的係飲到新鮮牛奶，我卻期待著餐蛋麵全脂鮮奶 - 奶味濃郁，口感純厚餐蛋出前一丁 - 厚切餐肉加焦邊煎蛋配出前丁麻油味絕對係絕配，可惜膽固醇超標，如果唔係陪老婆嚟飲鮮奶而家都少有機會食到