農家好廚

營業中

休息中

恕我無相片提供。飲早茶係我媽媽其中一個選擇嘅地方，野食唔貴，街坊生意，味道唔錯。晚飯幫襯過幾次，本來都覺得啲野大大碟，鑊氣夠，味道好，有時仲有甜品紅豆沙食。要幫襯，要早去先有位。但係伙計態度十分差！！！本人確係唔記太識分咕嚕肉同生炒骨，邊樣有骨/無骨，所以問下，但我同任何伙計都毫無過節，嗰個伙計第一句就指住我向我屋企人講：佢平時都幾麻煩喎！我之前係無同個伙計講過任何一句說話。但無得罪你，你點解要咁話人！？最後一次食羊腩煲，二百幾蚊，份量係十塊都無。如果我浄係去一間食肆，你說法我係唔會懷疑，但係大快活平一半都同你份量一樣。咁我選擇唔食，仲要話度度都係一樣架啦！

喝廣式早茶中茶，香港人一定不陌生，有時候喝茶不一定要找間華麗，點心精美，高檔的，最重要是跟三五知己一起聊聊天，吹吹水，享受下假期的寧靜，這便是最棒的呢。而且這家酒樓不用收加一服務費，算是一大賣點了😂今天叫了韭黃鮮蝦腸🦐蝦腸好像是特價點心，8元一碟，跟朋友一人叫了一碟😆爽再叫了魚鬆炆米，南乳豬手，牛肉球，雞扎，這些點心也正正常常，不會特別好吃，又不會不好吃，住附近的朋友們偶爾來喝也是一個不錯的選擇呢😛😛農家好廚屯門石排頭路5號偉昌工業中心5號地下B舖

今日同男朋友一齊黎左屯門, 去到夜晚既時候, 可能因為唔係市中心區域, 附近好多食肆都已經關左門, 行行下見到呢間餐廳仍然開門之餘, 仲幾旺場, 所以揀左呢間餐廳食晚餐。餐廳入面無華麗的裝修, 佢係一種好舊式的港式茶樓的感覺, 牆身貼左好多菜式名, 座位都係大圓枱同少少方枱, 好簡單樸實。一入去坐低, 待應就會問你飲咩茶, 幫你鋪枱布同埋放低餐具, 然後客人就自己洗餐具。睇睇餐牌, 發現原來呢度茶芥都幾貴, 每人$10茶錢 (假日+$2), 白飯都一樣係 $10一碗 (假日+$2), 不過就唔洗加一服務費。我地點左2個煲, 1碗白飯, 最後埋單$176, 唔算特別便宜。魚香茄子煲 ($70)海鮮雜菜煲 ($70)上菜速度適中, 唔算等左好耐就有得食。兩個煲的味道都唔錯, 先講魚香茄子煲。我覺得茄子好入味, 而且每一塊茄子🍆都煮到好淋, 係我中意的口感, 送飯一流。不過魚香味稍遜, 同埋完全無辣味會令到個煲唔夠惹味。而海鮮雜菜煲方面, 見到廚房加左魷魚🦑, 蝦米🦐, 生菜🥬, 芥蘭, 西蘭花🥦同埋粉絲。個湯汁好清, 飲落去蝦米的味道好出, 但就搶左其他海鮮的味道。整括黎講, 個煲唔係唔好

今日佛誕假期得我同亞仔兩個食飯就梗喺唔想煮啦，近近地就去附近呢間試吓，因為時間早所以唔使等位，叫咗兩個餸每碟份量都好大碟。金銀蛋浸時疏賣相唔差，非常足料，配時令嘅莧菜非常嫩滑，還加埋草菇提鮮使湯底非常甜美，唯美中不足喺咸蛋黃唔靚，唔喺漏油的蛋黃魚香茄子煲茄子夠嫩無渣，加入唐芹和草菇令到肉碎更加鮮味，可惜名不符實沒有魚香味，若果加入咸魚就令成個煲仔餸生色不少啦陳皮紅豆沙雖然要收茶錢，但飯後每位都會送返碗糖水，不過送完就無，紅豆煲得好綿，甜度剛好，陳皮味唔太濃但好香，唔差

今日親戚黎左做客所以晚上決定出去食飯梅菜扣肉五花腩肉層肥層瘦賣相唔錯但係明顯冇炸過唔似傳統整法咁所以食落有啲油膩；梅菜唔老食落好腍但相反小棠菜就好老欖菜肉鬆四季豆欖菜肉鬆四季豆有茨汁冇哂鑊氣係敗筆；肉碎太肥食落啖啖肥油；未食過有草菇炒埋喺入面好搞笑沙嗲金菇肥牛煲雖然沙嗲同唐芹好香但真係好辣啊救命；肥牛唔會太厚所以食落唔韌；菠蘿甜甜酸酸浸埋啲湯入哂味陳皮紅豆沙雖然要比茶芥但係最後每人都有碗糖水；不過陳皮味唔夠濃而且似乎加左茨汁

農家呢間飯店位於屯門大興，今次一家人嚟呢度試下菜，睇下好唔好食先。味道：唔錯，好有水準，好過酒樓級數，因此好多人嚟。有時要等位啊！收費：每人要收$10蚊位茶，有點貴呢！不過，不收加一，嚟度接受到啦。茶葉冲出來都幾濃，幾有茶味。食物：魚，通常佢哋等兩種，得烏頭同桂花。不過，今次有條石班仔，$108蚊，我哋就試咗呢條。清蒸出來，好好味，好鮮甜😍😍😍雞，有幾種口味，今次叫咗香妃雞，＄85蚊，好快到，好好味。例湯，一盅，夠6-8人飲。天天唔同＄88蚊。今次係蓮藕煲雞腳，湯味好濃，好好飲。時間，正常每碟餸要等大約半小時，因此，要有先頭部隊去攞位及叫餸，否則就要等好耐了。

大人對其菜單中的豆角豆醬魚腩很有興趣,某晚決定再來這家農家菜館一試,誰知遇上更換菜單, 想吃的已沒有供應,結果點了其他菜式。三菇炆釀豆腐卜,三菇不是吳君如,而是秀珍菇、鮮冬菇及日本鈕扣菇,份量以後者最少,應該是來貨價格問題吧。秀珍菇朵朵如小花, 質感一貫爽脆帶著獨特菇香; 鮮冬菇入口軟滑,菇香當然不及乾貨,鈕扣菇如小珍珠般躲藏在四週,很不容易才到一顆,顯得格外珍貴! 鯪魚肉釀豆腐卜,魚肉軟淋欠缺彈牙感覺, 相信廚師沒有將魚肉用力撻得起膠之故, 魚肉鮮味一般但也沒腥味,釀入豆腐卜煎成,頗為健康的配搭。這味菜炒得很有鑊氣,傳菜阿姐一打開蓋子,香味已撲鼻而來,非常提升食慾。開業初期試過其古法咕嚕肉相當美味, 今次卻大為失色, 雖然外表依舊對辦, 甜酸汁醋味也十足,但所用豬肉卻薄了不少, 薄身豬肉炸得有點過火因而有點硬身而不是脆, 粉漿也調得不太佳,不夠香脆,水準比初開業時下降不少。唯一好處是用上不少酸蕎頭, 比用菠蘿更為醒胃爽脆。蒜蓉炒芥蘭滿佈炸蒜頭上桌, 蒜香十足但不是心目中用上雪白蒜泥炒成, 反而有點泰國菜影子。芥蘭選得幼嫩,翠綠外表非常對眼,只是用上食用梘水先灼後炒, 失卻生炒的脆身,

一向以來我家要是斬料加餸通常光顧不遠處的佳餚廚房, 自從幾個月前結業後也好一段時間沒吃過叉燒、燒鴨了,近日叉燒癮起,不如試試光顧這家同有燒味供應的農家好廚。經過一輪篩選,選了抵食的燒鴨孖寶,內容包括半隻燒鴨和半斤叉燒或鹵水雜。半隻燒鴨相當厚肉, 就算背部本來應該少肉的地方也有點肉可吃, 何況厚肉的胸部更甚,雖然肉厚但仍很入味,不會沒甚味道的淡出鳥來! 外皮看來只是稍為軟化,還有一點脆脆,雖不是熱辣辣新鮮出爐的脆皮燒鴨,不過也可收貨了,鴨肉肉質不粗糙也不韌,還可以的水準,只是師傅沒給我鴨頭和鴨頸, 想用來炒菜也不行。請師傅挑了半肥瘦叉燒, 果然做得到! 2件瘦肉中間有著一串肥肉連繫著,對辦! 叉燒肉質鬆化又不會過乾,加上那串肥肉更形甘香, 叉燒味道來自那稠稠甜汁, 這蜜汁甜味比咸味低, 雖未符合蜜汁叉燒之名,但味道仍算可以,自從吃過新鮮出爐外脆內軟的蜜汁叉燒後, 對叉燒的要求也增多了不少,這裡的可算是合格水準。太爺雞還以為是有煙薰味的雞,原來就是普通的豉油雞,只換了較華貴的名字出現而已。撇開名字問題, 太爺雞味道尚可, 豉油味道咸味稍高, 不是甜味較重的甜甜版本, 雞肉浸得頗為滑溜,就算

2009/3/13午餐總結大興工廠區地下的某幾間鋪都有同一個’怪現象’：一年半載就會轉手，不過點兜兜轉轉都好，都是做食市生意的。這個鋪位上星期還在裝修中，星期一中午經過，話咁快就開張大吉了，門口貼有幾張碟頭飯的餐紙，但那天並未有幫襯，眼尾立立見到裡頭好似有幾位推車仔的點心阿姐﹖才推斷到這間原來是酒樓來，噢!在附近的寫字樓打工打了八年多，是第一次有酒樓開在這邊呢!另，昨天看完食家snoopy的一文，更推動了今日去這裡吃個究竟~下午1點10分到場，高朋滿座，插針都難，因為大檯數目很多，兩人的我們也等了一陣，為的是可以舒舒服服坐在貼牆邊的二人檯。有即叫即蒸點心﹑燒味飯﹑碟頭飯﹑蒸飯﹑炒粉麵飯，在這裡點心可以話倫為配角，因為所有飯類﹑粉麵都是最受全場歡迎的!雖然價錢陪迴$30-40左右，好似好貴，但原來碟碟份量都很巨!!!看人家吃，一碟足以分到六個飯碗，厲害厲害!連跟飯送的例湯都是一大湯碗上，如果一人前來吃碟巨飯飲幾壺茶已足矣。我們則專攻點心吃，也是剔紙仔並沒有我前幾日看錯的推車仔的。星期一至六開店到下午兩點鐘，小點$8﹑中點$11﹑大點$13…特點$20，茶錢$3。對比下下午茶就非常值，大中

石排頭路又有新食肆開張, 今次並不是一般飯堂,而是一家農家菜館,我跟大人在開業第二天便來嘗試一下。經過門外重重的恭賀花牌,進入這間用了不少華麗水晶燈點綴的中菜館,在這條石排頭路來計,氣勢應算首屈一指了! 餐牌印製得相當精美,只是款式不多,不過還算特別! 侍應們會介紹客人吃當天的鮮魚,而所有鮮魚會放在餐廳一角任君選擇,情況很像國內那些餐館哩!!老農污糟雞以大銅盤上桌,盤子真的不少但雞肉相對就較少了!也許轉用較小的盤子會較合適!這個銅盤造型的確吸引目光,起碼鄰桌的太太們也被這味菜吸引了。雞肉斬得較細小,調味不重雞肉也算滑溜,只是所配的炸菜超咸,輕輕一口可送大啖白飯!! 有點喧賓奪主感覺。表面的杞子粒只是裝飾而已,沒大幫助。船家蝦干小炒皇用上蝦乾、西芹、菜甫和腰果炒成。小炒皇鑊氣頗足,上桌時香氣四溢,表面看來相當對辦。西芹翠綠爽口無筋是可收貨的;菜甫青椒都是加重餸菜香氣,2者吃來皆爽口,同是ok; 腰果份量頗多,咸咸香香的脆脆腰果真的好吃! 蝦乾看來像大蝦米般,我家大人買的蝦乾比這裡的還要大和鮮味,所以這方面被比下去了。古法即炸咕嚕肉是看到鄰桌叔叔那碟點的! 只是同一款菜,為什麼我們這碟比叔