農民泰菜 (已結業)

嚟到沙田行旅行社，行到20:00咁上下就揾野食。星期五餐廳一係多人一係有1.5小時食飯限制。我地想傾下旅行社資料，就揾快餐，見到有泰菜快餐，就入嚟。大蝦冬陰公肥牛鍋配白飯 $128有粉絲、木耳、蕃茄、紅蘿蔔，好中式 元素，但又無乜遺和感。冬陰公偏酸，辣d會好d。肥牛大件，算少肥肉既好！白蘿蔔係吸酸後中和之選，食多件仲有香茅味在。大頭蝦係正，蝦頭勁多蝦膏，咬落去有蝦鮮味有口感，唔係流既！白飯超大碗，一男一女食！青咖喱豬頸肉配蒜蓉法包 $62茄子唔係泰國個隻，中式依隻易林同甜少少。紅椒、南瓜同香葉都係配合青咖喱既辣，堅辣辣地。點蒜蓉法包最好，佢都可以配白飯。但點咖哩係法包好！法包脆嫁，多蒜蓉，牛油浸哂落包無馬虎。馬拉盞炒通菜 $42出街食青菜來講比較平又足菜，多汁配飯好。辣度比青咖哩易入口，入門食辣野好。肥牛鍋就跟埋飲品，青咖喱嗰個就要加$5。熱檸水熱檸茶。

其實沙田冇咩性價比高嘅野食 仲要係泰菜 係好運中心尾 幾大間 飯 湯麵.. 咩都有都幾多選擇 我叫左個泰式咖哩牛肉飯 好彩唔spicy 我食到另外叫左個豬頸肉抄飯 一人叫杯特飲 同埋點到要叫下小食食 我最鍾意食 炸 蝦 餅朋友未到 叫左先 諗住廚師唔會咁快出到餐 點知 都出得幾快 咁多人都出到咁快 唔錯 啲送到齊 已經等唔切朋友 偷食左塊蝦餅先 哈哈好脆 蝦餅都夠味 厚肉 點埋個泰式辣醬一流另外我地終於happy fri 可以食飯啦我幾鍾意個咖哩 配飯 唔錯 岩哂我口味 牛肉量都幾多 唔會得一兩塊另外朋友個炒飯試左小小 都幾好味 不過我鍾意咖哩多啲 兩杯野飲都唔貴 有咁鹹零七飲 爽 杯珍多冰都唔錯 係甜左少少 食到飽飽 行左街都食唔到雪糕🤣見到格離枱食海南雞 同埋啲湯麵 🍜 好似賣相唔錯 下次先再叫

今晚行沙田新城市諗住去排隊買喜茶飲，點知人龍多到數不清，所以行左陣街就去食飯。行到好運中心兜了幾圈，見到呢間叫［農民泰菜］餐廳，食東南亞食物而且價錢好抵，餐廳場內坐位闊落，可容納六七十人，叧外更是自助買票拎食物。我叫左兩個小菜同同個主食：馬拉盏炒通菜$42 個通菜炒得好惹味同好香，菜上面鋪曬炸蒜，呢個小菜值得再叫。烏頭鱼配白饭$68 用鐵盤下有火承熱住，天氣甘凍，熱住食頗幾好，而且鍋裏有金菇，木耳，菜，粉絲同魚，魚肉多又滑。黄咖喱配雞$52 咖哩不太辣，而且雞都幾滑,配上惹味醬汁好餸飯，味道也不錯。燒豬頸肉$38 份量多價錢抵，豬頸肉一向也是爽口，燒到脆香的。總結：逛街後不同人逼之選，味道尚需改進。

今晚去開沙田行街買聖誕禮物，見到好運中心外有個易拉架，介紹好運中心內的一間農民泰菜，朋友話好耐冇食過泰菜，就揀這間醫肚啦去到餐廳門口，已經有大大個餐牌介紹有咩食，好清楚！餐廳形式同快餐店類型好似，都是在收銀櫃檯先選好食物，付款，取票，票上有號碼，等大型顯示牌顯示號碼再到取餐處取點好的食物！我哋點了半隻無骨海南雞，兩碗黃油飯！海南雞好嫰滑又大隻！碗黃油飯好大碗，份量1碗差不多等同其他店的兩碗呀！抵食馬拉盞炒通菜，炒得香口，惹味冬蔭功湯，大大隻蝦，有少許蔬菜配合，我覺得酸味較出，好醒胃泰式炸蝦餅，必吃小食，蝦肉剁得好彈牙，有𡁻口！飲品叫咗咸檸七梳打，個咸檸好夠味夠酸，正！熱羅漢果茶，夠滋潤！有一個調味架，有魚露，辣醬，辣椒粉供應！

今晚同朋友經過沙田好運中心， 見到呢間泰國餐廳都幾新淨，決定入去食個晚餐😊間餐廳的店員態度好nice👍👍同埋好好笑容我哋叫咗泰式雞肉炒金邊粉同埋菠蘿炒飯， 嘩估唔到一啲份量好多，好足料，$52一碟都好抵食😊 菠蘿炒飯配埋肉鬆好滋味， 好入味，仲加埋提子乾係裏面都幾特別😋雞肉炒金邊粉，d雞肉都幾好食😋 唔會太濃味，幾好👍我哋另外仲叫咗杯珍多冰同埋熱龍眼水， 我朋友話珍多冰好有椰香味， 龍眼水感覺都幾清甜滋潤😋 可能因為我本身鍾意食龍眼肉， 所以都幾鍾意飲😋😋除咗野食大碟抵食之外，我哋都幾鍾意呢間餐廳嘅環境， 燈光好光猛， 枱櫈油嘅顏色都好sharp😍同埋靜靜地，個環境岩晒我同朋友一路食飯一路傾下計，幾舒服😊

今晩是初次試好運中心內的一間賣泰菜的店子。因為時間已不早了，所以我們決定買回家中嘗。餐牌上所售的食物種類頗多，繼有小食、小菜、泰色車仔粉、各式飲品，還有「是日精選」。最後，我們選了一個飯和一個粉。泰式炒牛河是意料之外的好味道！牛河內有牛肉片、蛋、紅蘿蔔、椰菜和芥蘭，鹹甜味適中，黑醬油還替這炒河加了色彩！海南雞飯的黃油飯亦吸引，可惜飯盒內的雞不多，似乎是飯多餸少。跟來的沾雞醬油卻有點辣。整體而言，這個飯尚算合格。他日亦可試試其他食物！

係好運中心的角落頭有間泰菜，真係好難見到。唔係咁岩行過真係睇唔到。真係好貼地的價錢，中午應該好受學生👩🏻‍🎓番工一族歡迎👏🏼。黃咖哩雞配蒜蓉包 $52 (推薦指數😋😋😋😋)個黃咖哩🥘係香港人的口味，一定岩食！個蒜蓉包就比出面食的咸，但加埋咖哩就好好！我地點完蒜蓉包的咖哩用來配另外一個餐的白飯🍚，咁樣應該係最抵食。咖哩牛應該再好食d.香茅豬扒荷包蛋飯 $47 (推薦指數😋😋😋😋)香茅豬扒幾juicy，唔會好dry，香茅味都好重，加埋個泰汁，配合得好好。我地將d 飯就加埋入個咖哩度食。.自家製炸蝦🍤餅 $48 (推薦指數😋😋😋😋😋)呢個真係抵食，平時出面48蚊應該食唔到。lunch來講一定好抵。呢度竟然有好少見的咸檸梳打！唔洗諗，即叫！

住沙田朋友介紹，喺好運中心開咗間好似快餐店形式嘅泰菜，幾抵食，今日過嚟探佢嘅時候，一於就食呢間啦！餐牌選擇好多，海南雞飯、冬陰功湯粉、小食都有。如果跟餐的話，可以加12蚊轉特飲，全部都係五十多元左右，泰國菜來說真的不算貴。先在門口點餐買票，然後入廚房窗口交票。餐廳提供自助飲水機和杯，還有紙巾，看電子顯示屏，按自己票號去取餐。三個大人加一個小朋友，點兩個餐加小食，一齊share。泰式炒牛河$52河粉炒得好有鑊氣，好鍾意佢有椰菜、蘿蔔絲、芥蘭、蛋碎一齊炒，菜類爽口，增添口感，有蛋一齊炒，又更加香口，而且可粉好煙靭，唔會淋曬黐埋一舊，同埋份量都幾多。冬陰功湯海南雞金邊粉$58天氣涼涼地，食啲辣嘢暖胃。金邊粉吸收咗冬陰功湯嘅酸辣味，仍然煙韌爽滑，好開胃。湯又不會太辣，酸度適中，淨飲冬陰功湯，越飲越開心！海南雞都幾滑，有六塊。金邊粉雖然份量少啲，不過有炒牛河一齊食，三個人都覺得幾夠飽。其實最夠飽嘅係呢碟泰式豬手，$88咁大碟肉份量唔算少，有六塊， 炆得好淋好入味，如果滷水汁再多啲就更加好味！泰式蝦餅$48,覺得呢個最抵食，因為其他泰國餐廳都要七十元左右。一碟有六塊，點泰式酸辣醬一起吃，口感濕潤啲

今晚同一位泰菜控朋友食飯，佢話沙田好運開左間新泰菜餐廳，雖然無咩裝修果D，但係性價比幾高喎，重點係唔貴，咁就點都要試下啦 !大約7點左右黎到餐廳，都幾多人，不過原來佢呢間泰菜係有少少似快餐店咁既模式，先係門口既收銀部買野食，自行搵位及交飛比廚房，不過唔知都唔緊要既，其實都會有店員會大約協助下你既，唔洗擔心望望餐牌，都幾多選擇架，粉麵飯真係唔少得，另外重有D泰國特別菜式添，例如鹵水豬手 ! 所以今晚一定要試試佢第一樣先黎既食物有海南雞冬陰功湯底既粉麵$58，我就揀左配金邊粉，因為整體殷講比較特別，賣相都幾吸引添 ; 旁邊係一碟燒豬頸肉，佢唔係炭燒黎既，所以相對下無咁香口，不過味道都唔差，口感比較爽口，上面有燒汁調味，只係$38既佢，都幾抵食$58既佢其實已經係一個套餐黎，佢包括一杯餐杯，而我就另外加左$12飲龍眼冰，味道偏淡，如果可以濃d就prefect啦 ! 個麵都幾大份架，我同朋友share都夠食，香濃既冬陰湯，味道唔會偏酸 / 辣，所以都好容易入口 金邊粉夠曬軟熟，吸收曬湯底既味道，份量確實夠多 !  而海南雞更係出色，口感非常香滑，脂肪感唔多，所以唔會覺得好油膩 ! 我諗佢地個海

今日同個朋友去行沙田新城市廣場，逛完一輪之後，路經過沙田好運中心，見到一間新開的（農民泰菜）個名好特別，餐廳是以快餐店形式，要喺餐廳出邊買咗飛揾位坐，後就等叫號碼，到就自己取餐， 通常食泰國菜多數是坐喺到，由待應去招呼上菜等，但這間農民泰菜餐廳，就採用了方便及快捷的形式，像是大家樂等的，慳番好多時間，可以解決食飯繁忙時間等位的問題，又可食到泰國菜的美食，我覺得真是一舉兩得。鹵蛋豬手湯金邊粉$58， 豬手夠大件超軟腍，湯底仲好入味。黃咖哩牛肉配飯$52，有少少辣 牛肉好入味，用嚟送飯一流。 炸蝦餅$48跟餐加12蚊可加飲品，龍眼冰夠清甜，仲有好多龍眼，珍多冰好香椰汁味，夠凍。

在沙田好運中心的這間泰菜，營運採用快餐店的模式，先在前台付款點餐，後等叫號自取食物。泰式快餐店的模式，在香港不多，算是特別的一類。餐廳採取快餐店的營運模式，價錢亦很實惠。晚市雙拼泰式粉麵都是$28 起，飯餐$40多元有交易，加$5 可跟熱飲。雖然價錢便宜，但食物製作很用心，味道很好，值得推介！黃咖喱牛肉跟白飯黃咖喱可選配雞、牛或菜，可跟飯或蒜蓉包。黃咖喱味道很香，椰奶味道很出，味道出乎意料地出色。咖喱中除了有選定的牛肉外，還有薯仔、洋蔥和青椒等。滷蛋豬手湯金邊粉先讚的是湯粉的靈魂～湯底，味道很甜。豬手大大舊很抵食，豬手炆得超腍，肉又入味又軟，豬皮軟腍腍超正。兩個餐都加了$12 跟特飲。珍多冰貴為泰式的經典特飲，店家完全沒有埋沒它，椰汁味道得宜，讓人喜愛。鹹檸梳打清熱又解膩，加上梳打配合，飲落很爽！

豬扒魚片冬陰公金邊粉（$46）冬陰公湯比較適應香港人口味，小辣小酸，可能我又叫咗小辣嘅關係，味道如果可以濃D就更好！湯底冇乜配菜，如果可以加啲香料草菇應該會更有層次。金邊粉嘅量唔係好多，金邊粉質地都OK，唔會太淋！唔知係咪我大食嘅關係，食完好似唔係好夠飽，哈哈😆豬扒都OK，唔會好硬，而且都有肉味！魚片都算爽口。凍柚子茶（+$7）凍柚子茶，好夠凍，消暑一流，柚子醬攪勻之後，味道剛剛好！泰式車仔粉套餐加凍飲，合共$53。我諗我下次都係叫返炒粉麵，可能會飽肚一點！😂

星期日中心 食左個飯唔錯 野飲又ok價錢經濟實惠新開黎講唔錯多人時間 都有位 其他都爆哂其實難得 一大班人食都冇問題就腳方便野食真是唔錯 值得再試 推介情侶約會之選 真是唔錯 正

某天工作過後, 要到沙田區辨點事, 才回家, 路過這間餐廳, 發覺價錢唔貴, 相當抵食, 試試也沒大不了。店內環境只是一般, 但也乾淨企理, 先來個青檸梳打解渴, 清爽而冰涼可口，甜度剛剛好。再要了馬拉盞炒通菜, 一上檯已聞到香味四溢的, 通菜也算新鮮，通菜唔會炒得太老，味道辣辣的, 非常惹味。海南雞飯是其中一個熱賣項目, 食落啖啖肉,雞肉唔會太熟,肉質嫩滑, 雞皮好滑，雞味夠濃, 蘸上酸酸地又有少辣的醬汁, 吃起來更醒胃。油飯也有水準, 油飯香而飯粒極有咬口，同雞肉的味道非常夾。個人覺得這裡的泰國菜是經濟抵食。

星期日下午過來，見新開無耐無試過就人嚟試吓。坦白講，都唔知係餐廳或是快處。要自己攞餐即是偏向快餐喇…………我估。先比錢自己搵位等叫號數出去攞。等了二十至二十五分鐘至叫號數，其實我只是叫了下午茶餐，唔明點解攪咁耐，究竟定位是快餐或是餐廳呢？叫了下午茶豬頸肉包，啲包凍冰冰的，完全唔熱，炒米粉又唔好食，唔會有下次。