農民泰菜 (已結業)

Happy Friday 兩口子外出撐檯腳，見到>>>農民泰菜<<<的易拉架宣傳，心想既然未有試過，也就一試噢。 餐廳非常光猛，裝修簡潔；形式近似快餐廳，先付款取票，再等叫號碼取餐。 餐廳名為農民泰菜，顧名思義，以泰式食品為賣點。晚市選擇很多，粉麵、飯及小食等等，一應俱全。 侍應大力推介單雙拼雞湯金邊粉，類似車仔麵形式，食客先揀粉麵(金邊粉/米粉/河粉)，再揀餸菜；若想多於雙拼，可以另外加錢。 這個組合是金邊粉配扎肉和滷水雞翼(HKD31)。雞翼很入味，肉質嫩滑；扎肉厚切彈牙；金邊粉煮得恰到好處，不太軟或太硬。下午茶時段會奉送熱飲；其他時段，只需補數塊錢即有飲品。這晚只需另加HKD5，即可品嚐熱檸茶。 據侍應介紹，全部炒飯均不辣，怕辣的話可以安心選擇炒飯。這款是火車頭炒飯(HKD52)，配料是豬頸肉、芥蘭及蕃茄，色澤及營養豐富，豬頸肉大大片有口感，芥蘭及蕃茄也炒得好稔。炒飯的味道非常特別，雖然看似是以豉油炒起，但味道的層次不只是單調的鹹，相當有特色。由於即叫即製，需要稍候片刻。 咸檸七單買HKD22，跟餐只需HKD12，更加抵飲。

原來最近在好運中心開了一間泰國菜館《農民泰菜》，即前身759車仔麵的位置。見到新野，我和朋友仔Lunch梗係去試吓啦！餐廳門口放了大餐牌，方便客人選擇食物。餐廳選用自助快餐方式營運，先選定食物，付款，才進餐廳🍴午市餐牌見到有泰式快餐，可以選擇其中一款主食，即送細冰茶一杯。原來加$3仲可以轉大杯。我地叫咗一個香葉肉碎荷包蛋飯套餐$47），泰式炒牛河（$52），泰式鳳爪（$38）和追加左一杯龍眼冰（$12）。餐廳內坐位不少，而且整潔舒服😌光充足。雖然餐廳沒有送餐服務，不過有樣窩心❤️嘅地方，就係取食物嘅地方都設有食物保溫燈🔥咁就唔怕食物會凍哂囉！除咗食物保溫燈之外，窩心服務❤️仲有自助熱水，牙籤、紙巾、砂糖、飲管⋯⋯一應俱全！隨自己需要，可以自由添加。泰式香葉肉碎荷包蛋飯（$47）肉碎雖然份量唔算多，不過不過肉碎惹味，香草🌿辣椒🌶️味道，不用加魚露，已經好夠晒味！味道好惹味，夠晒辣，送飯一流！肉碎裏面仲有四季豆，一來健康啲，二來顏色更加吸引，口感更勝一籌。當然唔少得上面有隻荷包蛋🍳～泰式炒牛河（$52）泰式炒牛河炒得夠乾身，唔會好多油，好有鑊氣！𥚃面好多不同的餸，每一啖食落都夾到唔同嘅餸，真係好

平時食泰菜都好似要一大堆人先會揀黎食，同時又會叫到一枱都係野最後又食得飽得滯，今次呢間泰菜可以好似快餐咁食，一兩個人黎都可以食得好滿足。餐廳既佈置都唔會好似平時既泰國菜館咁多泰式神像，成間鋪好光猛主調用左黃色同白色，泰式得黎又好和諧。話明快餐，點餐都係響門口點左先，再睇號碼自行取餐。野食揀左👇🏻👇🏻海南雞 $88 配黃油飯一碗 $15其實餐牌有得揀海南雞飯，不過想食多啲雞，就分開左點，另不想要黃油飯的也有白飯選擇，想再食多啲雞又可以揀整隻雞。雞是無骨，不是雞肶位既肉都算滑，雞飯配左一款醬，另也可以用每張枱上都有既泰式醬汁。冬蔭雜菜煲 $50沒有正式的辣，為香港人普遍能吃的辣度做了調整。菜是滿滿的，用湯拌飯吃也是很下飯的選擇。炸蝦餅 $48最愛泰式小吃，3整件切開的6半件上碟，配上酸辣醬，平日在泰國餐廳很貴的小吃在這裡顯得很抵食。龍眼冰 $12 珍多冰 $12特飲的質素，不錯。

沙田可以食既野都幾乎已經食過都冇幾多間特別想話再翻啅見好運新開左間快餐店，竟然係賣泰國野咁得意就一於試下地方都算闊落同埋坐位都幾舒服唔似大家樂呢D一般快餐店==============================選擇唔算少但係食野就貴精不貴多同埋價錢都適中值得一提既係呢到每張台都會放有呢Ｄ香料同醬汁呢Ｄ全部都唔係頹野黎而係全部都係好有東南亞風味香料同醬汁黎各位一定要一試泰式牛肉飯牛肉肉質都幾好，好嫩好易入口同埋炒得好香因為有好香既香料味食得出真係落足料另外飯量真係好夠呢到我諗夠兩個唔係太大食既人都夠食菠蘿炒飯炒得幾香，果然泰國野就係要食香料而佢就交足貨錦上添花既係上面類似肉鬆既配料佢既咸香令成個味道同口感都多左種層次呢到強烈建議各位放呢個上面提到既香料呢個辣粉非常之香，亦都最估唔到既係真係都幾辣下加落呢個炒飯係超夾必定要一試馬拉盞炒通菜果然食泰國野真係唔可以冇馬拉盞炒通菜蒜頭同蝦米味都好香加上有少少辣辣地但又唔會太辣，勁開胃用黎撈飯簡直一流青檸梳打、鹹檸梳打飲品就試下佢Ｄ特飲兩個都係我至愛青檸係用新鮮青檸而唔係用青檸汁，值得一讚而鹹檸梳打粒鹹檸就大大粒，食完飯用黎妹下妹下幾過癮==

唔會再食....岩岩開都已經錦.......失望..............................

星期六去沙田行街，四周圍都係人，想揾食極有難度。行逛之下中，見到新食肆，見人唔多，價錢唔貴，即管入去一試。食店的食物種類不少，見其中推介 -- 大大幅相的荷包蛋飯及金邊粉，於是決定一試。選了豬頸肉荷包蛋飯、肥牛及豬頸肉金邊粉，兩個餐都非常抵食，飯餐的飯量好多，男人都夠飽，$47仲要包冰茶，不錯﹗飯旁有特色的汁，酸味味，好醒胃，而飯底原來有鹵水汁，都好好餸飯。至於金邊粉用自家特製湯底，唔太咸，金邊粉比較幼，好索味﹗兩個餸只要$28，喺沙田市中心，十分超值﹗人多食飯，所以仲叫左炸蝦餅、沙爹雞串燒兩款小食。一樣係價錢唔貴，脆脆地、暖暖地，加上傳統泰式醬汁，冇得輸。而沙爹串燒，味道不會過度濃烈，食完唔會好口渴。最後，仲叫左個青咖喱雞配蒜蓉包，青咖喱味算濃，奶味重，有青咖喱香，配少少脆的蒜蓉包，絶對適合細食的我。整體來講，價錢實惠，味道不錯，在沙田食野又多一個選擇。

晚飯時間，到到都係人排隊等食見到呢間新開泰菜想試下，不過都滿座好彩有張四人枱岩岩走，即刻走去坐底餐廳以快餐形式為主，搵位，去收銀落單俾錢等叫號碼拎食物雖然好似快餐店咁，但係味一啲都唔快餐餐單選擇好多，真係諗左好耐食咩好。最後同老公見到個快餐平靚正，仲送埋嘢飲，只係40幾蚊，晚餐都算係好抵食啦！值得一讚嘅係雖然餐廳唔係話太大，竟然有BB櫈供應，好多大餐廳都未必做得到，真係要讚！最後叫咗兩個餐再加個小食，再加多杯嘢飲都只係100多啲， 一家三口已經夠晒食。海南雞飯， 好多雞肉飯都好多，老公一個人都食唔晒，個飯好香，個汁到好惹味，絕對物超所值！燒豬頸肉荷包蛋飯，知道我有帶小朋友所以粒蛋轉咗做熟蛋好細心。因為我心急比仔仔食，連張完整嘅相都唔記得影😆豬頸肉有驚喜，食落炭烤味🤤蛋加豬頸肉加雞肉，仔仔好鐘意食，好快食完一碗👍🏻👍🏻👍🏻飲品份量都夠，唔多冰又唔會太甜👍🏻沙嗲雞肉串燒，大大份，啲汁都好味😆整體黎講，食物有水準，老公同仔仔都話好食😄

在沙田，冇咩地方食泰國菜，見到市中心有一間，即刻去試下。原先在對著沙田中央公園的路上見到，原來前身係759車仔麵。快餐式設計，要自己買票、攞餐，不過就係因為咁，所以價錢比較平。叫左兩個小食，炸蝦餅仲暖暖地、脆脆地，點泰式辣醬，不錯。另外叫了沙爹雞串，沙爹汁不太濃，適合口味冇咁重既人。雙拼雞湯金邊粉，雞湯味幾重，有好多餸任揀，揀左豬頸肉同肥牛。$28有兩款餸，超抵食；加飲品最平係$5，超抵食。青咖喱好香，奶奶比較重，配蒜蓉包，脆脆地，適合胃口細既人，咖喱汁幾多，所以食完蒜蓉包後，加落蛋包飯度食😅豬頸肉蛋包飯，份量好大，適合大胃王，實食得飽。豬仔肉跟一個特色醬汁，酸酸味味，好醒胃。其實本身個飯都有滷水汁的，所以味道不錯。泰式炒牛河，既可滿足食牛河既慾望，又冇中式咁油、咁咸，所以適合較健康人士。各式飲品都比其他地方冇咁甜👍🏻

最近好運中心有間泰國菜新開張，於是放工約埋同事試吓。餐廳裝修不算豪華，但光線充足挺開揚，座位排列整齊，感覺舒服。門口放著大大嘅餐牌，方便食客點餐。餐廳以快餐形式運作，先在收銀處點餐。取票後，自行揾個靚位，直至聽到/見到屏幕顯示自己嘅號碼牌，即可取餐。等餐中，見到食物選擇也不少：每日精選、小菜、泰式車仔粉、小食及冷熱飲品等。牆壁上掛著多幅美食圖畫，除了裝飾外，應該是推介吧。等左一陣，可以取餐啦!今晚點左👇兩個餐、兩杯飲品加一個小食。自家製炸春卷炸春卷係泰菜必食之物，剛炸起嘅春卷，外面香脆，內裡熱辣辣，點了甜酸醬更好味。菠蘿炒飯加入菠蘿粒、青豆、粟米粒、雞肉粒、甘筍粒、椰果、臘腸等多種配料用黃咖哩炒成，上面放上肉鬆，味道清新。泰式雞肉炒金邊粉金邊粉炒得乾身，裏面有雞肉、芽菜同韮菜等做配料，再放上花生碎，最特別係仲有櫻花蝦，整體帶點甜味。桌上還放有四種調味料，任君選擇。咸檸梳打(凍)&龍眼冰(凍)梳打有咸檸檬味，龍眼水不算甜。整體來說，餐嘅份量大，價錢大眾化，又多一個地方開餐啦。

自從開多咗幾間海南雞餐廳，香港好似有一鼓食海南雞熱潮。 今日經過農民泰菜，個名好有九龍城泰國餐廳，感覺好似好正宗咁。 門口掛著一大牌餐牌，有好多套餐選擇。餐廳內有好多座位，而且執得幾乾淨。 不過餐廳唔收八達通，只收支付寶及現金，有點不方便。 付款後可以先坐下來，等餐點號碼出現才去取食物。 枱上也放了幾樽泰式調味料海南雞飯(雞去骨的吃起來十分方便，但肉質不滑有點過熟。 飯就吃得出用雞湯煮，味道幾香。）凍青檸茶(初時以為係即沖飲料，竟然也有茶香味。）

本身中意食泰國菜，見到呢間新開張，就黎試下啦。星期日中午近1點，都只係半滿，是因為位置偏僻嗎？！叫完野食，等左10-15分鐘，才叫我哋個號碼。叫左：1. 黃咖哩豬肉配飯： 黃咖哩香，味道正常，但豬肉份量一般2. 馬拉盞炒通菜：味道辣過黃咖喱，但菜有d老3. 沙嗲雞串：有點乾，醬汁香4. 蝦餅：比較乾，點完醬都係一般5. 龍眼冰：其他店舖的都好甜，呢間就算叫左少冰，都唔太甜，合我意2人食左$179，呢個價錢呢個質素，有d貴

最近到沙田好運中心商場一遊，發覺商場幾間食肆都有變動，換了新店鋪，今次午餐在前身759車仔麵，現在是農民泰菜。相同的都是自助式，先選餐，再付錢。可以加錢，追加飲品，我們沒有要飲品。安座後，等候自己餐號報幕，這是取餐處。今午人客不算多我的泰式豬炒米粉頗好，不油膩膩，有芹菜絲、紅蘿蔔粗絲、芽菜、蛋，味道、份量適中。朋友的海南雞飯，啖啖無骨雞上脾肉也挺不錯，我試過一件雞和一口飯，也喜歡這款海南雞飯。前身759車仔麵有員工亞姐送餐，現在的農民泰菜連送餐亞姐都慳番。