農民泰菜 (已結業)

星期五晚同朋友去開沙田行街，諗住平平哋食個晚飯，就去咗好運中心嗰邊有一間泰國餐廳，餐廳係自助形式，要自己去收銀處先俾錢，點餐後再自己拎嘢食同自己搵位我哋叫咗個新推出嘅咖喱二人餐，都算多嘢食叫咗個青咖喱雞，咖喱唔辣材料除咗雞之外仲有係掛南瓜等等用咖喱汁送飯唔錯套餐可以揀兩杯嘢飲或者兩個湯，因為我哋比較滋補，所以就揀咗紅棗黨參雞腳湯，要讚一讚湯好清潤，飲落去好鮮甜，好啱滋補嘅女士飲，雞腳仲可以話係平價嘅骨膠原，呢個湯值得一試另外有幾塊蒜蓉包最鍾意就係嗰碟燒豬頸肉，除咗份量好多之外，燒起上嚟都好香，點埋醬汁食一流仲有一碟馬拉盞炒通菜，因為有少少辣椒，所以食落幾惹味我哋揀咗油飯，飯嘅份量超級大，一定食得飽餐廳有好多街坊幫襯，價錢唔貴，有機會要同人搭枱呀，所以大家記得預早少少嚟搵位呀

咁岩喺沙田返工見到呢間餐廳，於是同朋友收工之後去咗試一試，結果係有驚喜地好食。蒜蓉包大大舊，幾香口，可惜唔夠熱，有少少林左。原本見到佢好似大家樂咁樣嘅營運模式，令到期望唔係太高，但係食咗豬頸肉一啖之後令我哋完全改觀因為佢嘅豬頸肉同坊間食到嘅好唔同，佢除咗有炭燒嘅味道之外，仲有少少甜甜地嘅味道，食起上嚟好惹味，而且肉質嫩口又唔太肥，非常適合香港人嘅口味。至於紅咖喱雞肉，味道比市面嘅咖喱淡少少，唔會令到食材嘅原味都比咖哩掩蓋晒。但份量較少，冇乜肉食。馬拉盞炒通菜就係呢三道菜入面最濃味嘅，亦都係非常之惹味。箇中涵養真係無與倫比，但係又唔會話太辣，令到眼水係咁標。整體其實都幾扺食，可以一次過食到幾碟唔同既泰菜！而且店舖都幾受依區住戶歡迎！可以再食！

又來到了沙田好運中心的農民泰菜吃東西，又點了我必吃的泰式炒牛河。我們二人另外又叫了一個炒飯。可惜今晚的食物水準好像比我上次吃的低了，有點兒失望。菠蘿炒飯 $55賣相不錯，有雞粒、少許菠蘿粒和蔬菜粒，但可惜沒什麼味道，而且飯異常淋。飯吃起來是一嚿嚿的而不是一粒粒的，頗為失望。幸好還有醒胃蕃茄片和清爽的青瓜片。泰式炒牛河 $55炒河比較好，味道保持，但今晚的牛肉片較韌，幸好芥蘭、揶菜、蛋和紅蘿蔔還是惹味和爽口。炒河粉的醬油份量和鹹甜味亦恰到好處。

農民泰菜係沙田新開既泰國菜,佢既方式係類似於快餐既,先係門口買左飛先,之後就自己搵位,然後就等佢叫飛,有電子牌會顯示叫到幾多號,所以可以返埋位一路坐一路等,水同埋紙巾都係要自己拎既,好處係可以自己想拎幾多就幾多,咁我就叫左個雞肉炒金邊粉,買果時佢已經預告左要等耐少少,到拎果時見到佢幾碟咁出就知道佢係即炒既,佢既份量都幾多,真係男人都夠飽,雞肉都幾多,而且個調味係好食既,我鍾意佢夠酸,好有泰式味道,佢炒得都幾濕,但反而我幾鍾意濕啲,而且佢濕得黎唔會一餅野,所以我食食下都食晒。另一位朋友叫左青咖哩雞飯,雞肉同雜菜都幾多,而青咖哩真係好好食,佢既椰汁味好香好濃,而咖喱味都突出,啲配菜同埋雞肉都入味,真係好好送飯,大家都一致覺得青咖哩最好食。另一位朋友叫左海南雞飯,但佢轉左做白飯,海南雞既雞肉都嫩滑既,但可以再多少少份量會更好。整體黎講呢間都幾抵食,而且味道都幾正宗。

今日要去沙田見客，順便約友人於沙田吃午餐。我們於好運中人很快地逛了一逛，見這間農民泰菜頗特別的，因為很好有快餐店形式的泰國菜。因為趕時間，所以便入座了。店內面積頗大的，幸好不過放飯時間去，否則肯定要等位吧~食物款式都有很多，就連牛鍋也有!! 只可以趕時間，否則一定點這一份，哈哈~不得不得的是這餐廳提供二人及四人餐，有肉有菜有飯和餐飲，而且性價比很高啊。因為不想多想太多，便很快地選擇了海南雞二人餐($208)。泰式鳳爪夠辣，很有泰式的味道，不錯。海南雞 (半隻)，兩人的份量算是很合適，而且雞很滑，讚!馬拉盞炒通菜的馬拉盞味頗重，夠味!初頭怕黃油飯會太油，所以點了一黃油一白飯。結果，黃油飯不會很油膩之餘，很香口，配上海南雞很讚!咸檸七(少冰)正常!龍眼冰 (少冰)甜度適中，龍眼肉的份量也有不少啊，是吃泰國餐的必點飲品之一!

和朋友好耐無見，於是相約係沙田行下街見個下面，行下行下，行到去好運中心3/F時，見到哩間新開的泰式快餐店，乾淨又寬落，攰攰地於是便入去坐低了。這裡的營運模式如同快餐店，要先係門口既收銀處揀選自己想食的心水食品，付款後到裡面自己揾位，然後留意顯示板上顯示的號碼，便可到出餐處度取餐，我點了招牌海南雞飯另加$12元有飲品，我選了熱咸檸水，朋友就點了滷蛋豬手湯金邊粉及熱羅漢果茶，我們還額外多點了份炸春卷品嚐，我們坐低後大概等了五至八分鐘左右，顯示板上便顯示我們的號碼了，速度非常之快。我的海南雞飯，雞是完全無骨的，脂肪層比例也不多，食落爽滑，而飯方面是金黄色的，食落有雞湯及黄薑的味道係當中。·炸春卷份量有4條，各切了一半方便客人進食，咬落非常脆口，至於朋友的滷蛋豬手湯金邊粉，豬手煮得非常之諗身，加上是無骨的，適合唔喜歡損骨頭的人，滷蛋一開二的份量加上金邊粉既份量都多，朋友食完都話好夠飽。整餐飯每人都只是90蚊，係沙田區黎講算比較經濟。

平日都好常去好運中心果頭食野，但平日都淨係見到海皇粥店、吉野家之類既食店，估唔到行入商場小小，就有間野食泰國菜，價錢好親民，選擇又幾多，仲要唔洗等位，就好快坐低左。餐廳格局都幾特別，有d似快餐店既形式，自己坐低，買飛之後就去出餐位拎食物。環境方面就真係幾光猛同埋闊落，唔洗好似其他快餐店咁咁逼，可以同朋友舒舒服服咁坐住食野傾計。雖然話係泰國菜啦，但都有唔少其他菜式選擇，港式炒飯麵、鹵蛋豬手、火鍋都有得揀，同朋友可以各自嗌想食既野。青咖哩豬頸肉飯，片片豬頸肉薄切得黎燒得幾到位，肉質幾瘦，青咖哩醬稀稀地，幾重椰奶味，撈埋飯食幾開胃。海南雞幾嫩滑同埋都足料。龍眼冰就淡淡地，但岩岩好可以中和同比較濃味既冬陰功同咖哩，龍眼肉亦夠多。

『農民泰菜』好似連鎖快餐店的銷售模式，menu及收銀都响門口，先點餐付款，就攞住張飛仔自取食物！内裏環境較茶餐廳寬敞的格局，地方乾淨企理。簡單點了泰式豬手二人餐：鹵水豬手去左骨，食落好林又入味，份量相當足夠。鳳爪份量亦好多，酸酸辣辣，好醒胃；馬拉盞炒通菜，唔辣，唔太咸，d菜都夠嫩，唔會炒完黑晒。碗白飯好巨型，食剩晒。鹹檸七，粒咸檸超大粒，督極都好出味😅珍多冰d綠色啫哩絲好長，用粗飲管都吸唔到，但椰汁味好香，夠冰凍二人餐好扺食，每人除返$100都唔洗👍🏻抵食又大碟😋

香港快餐吃得多，有這麼多泰菜的款式店鋪倒是第一次見。這種快餐形式很適合香港都市人，畢竟寫字樓才一小時吃飯時間，還真的是分秒必爭不能浪費。所以快還生簡單方便是很不錯。款式真的很多看得眼花撩亂，價位挺實在不會貴。先叫了個青木瓜沙律$52，挺酸香辣，開胃菜。叫了個滷蛋豬手湯金邊粉$58，加$5有杯熱奶茶。湯很重味適合愛重口味道的人。豬手肉煮得尚算香軟。雞腿魚腐冬蔭公湯金邊粉$57，加$12珍多冰。湯底一樣重濃味，雞腿煮得較好。珍多冰挺好喝不會過甜。

今晚全世界最好既男朋友帶左我黎左呢間🇹🇭農民泰菜🇹🇭食快飯😩趕到死又唔買早d既戲飛有d人🙄不過好彩黎到即刻有位‼環境簡潔乾淨，姐姐收枱速度神速不過佢唔方便露面🌝🌚猛男好快就出左去點餐放低兩杯野飲俾我解渴🤤柚子茶同青檸梳打🤤兩杯都好飲不過鐘意柚子茶多d🌝🌚再黎第一樣就係前菜🤤青木瓜沙律🤤喇‼清甜清新青色🌝🌚然後到主菜🤤泰式鹹魚炒飯🤤正喎估唔到‼因為本人幾鐘意食咸魚，但係好多時候其他地方咸魚唔夠咸...無癮🤦🏻但係呢到去到我愛既咸度🌝🌚到最後總括黎講呢間餐廳值得一試，好啱男仔性格既朋友💪🏽平時食泰國菜好少咁快有得食有得坐，最重要最後幫屋企人買埋外賣加埋我兩4人份量竟然唔係平時泰國菜既價錢🤧🤧底‼

年初三，老公去左馬場，我和女兒去左沙田新城市廣場行下，行到好運中心，見到一家食店農民泰菜，是以自己助形式經營的泰菜餐廳，買票後就等叫號碼，取餐後再找位用餐。海南雞飯：海南雞已去骨，肉質鮮嫩。油飯軟硬適中，又香又夠味！珍多冰：椰汁味香，甜度適中！滷水雞脾金邊粉拼滷水蛋配雞湯：如果食得辣，湯底可選冬蔭公湯，滷水雞脾和蛋都好入味，金邊粉幼滑，雞湯清甜。檸檬七喜：七喜加入檸檬，酸酸地好解渴。小食：自家製炸蝦餅：用新鮮蝦打成蝦膠，再炸至金黃色，外層酥脆，蝦膠口感彈牙又鮮味，點些泰式酸辣醬更添美味。

行到好攰，我都有兩個終於搵到呢間無咁多人嘅餐廳食晚飯，我叫冬陰公魚片雞翼金邊粉，泰式豬頸肉蛋包飯，沙嗲雞肉串。✌️✌️✌️冬陰公湯魚片雞翼金邊粉有點咸，但味道味道都叫OK，至於個沙嗲雞肉串，醬汁好食，有濃烈的花生味。😘😘😘至於個豬頸肉蛋包飯，豬頸肉汁好味，豬頸肉肉質入口唔好食，食得出有燒烤味道😃😃至於杯凍檸茶，甜中帶濃，用來解辣解咸一流✌️👍👍不過，要注意事先要買飛，然後搵位坐，最後等叫號取餐。

呢日同朋友來到沙田，行行吓街來到沙田中心，唔争在行埋好運中心，跟住就因為下面呢两個指示牌帶引我哋來到以下呢間泰式快餐店～農民泰菜。大大的招牌，好闊嘅通道，裡面很簡潔明亮的裝修，而非傳統泰式餐廳格局。心諗，新潮非傳統嘅裝修應該有D潮D嘅美食啩，見到以下呢個餐牌，心中有數啦，就係佢～滷水雞脾冬蔭湯金邊粉，個人喜好，我轉咗米粉，亦加咗魚腐。餐來到，賣相吸引，仲有青菜相伴，紅紅哋嘅冬蔭湯已令我食欲大增，再吃埋雞脾，哇，好淋，好入味，佢吸收埋D冬蔭湯，竟然好夾，沒有違背感。雖然吃之前有小小擔心，但抱住試新嘢嘅心態，試出一種好味道朋友點嘅餐係青咖喱豬頸肉飯將两者溝埋變成咁樣，超好味，唔太辣，椰奶恰到好處，咖喱味濃厚，差D諗住打包埋D汁另外叫嘅小食白雲鳳爪以及2杯特飲也很好味

去到沙田站，經新城市廣場，好快就黎到。先係收銀處揀野食同俾錢，拎左張單之後就等螢幕顯示單上既號碼。我地叫左雞脾生菜粉同埋紅咖哩豬頸肉。雞脾夠滑唔難咬，冬蔭功湯底酸酸地幾好飲。紅咖哩唔會辣，好重椰香味，送飯一流！

第一次見到有專做泰國菜嘅快餐形式餐廳，泰國菜本身中價位，可以以平民嘅價值嘆到泰國菜，真心想佢開係我屋企附近😂必定會成為每晚飯堂😬選擇都唔少架，仲可以揀餐同火鍋添😚位置都算多，自己點完餐再係櫃枱自取。 紅咖喱豬頸肉配蒜蓉法包❤️紅咖喱好惹味，唔會太辣，食唔到辣嘅朋友仔或小朋友都啱食。豬頸肉厚切啖啖肉，蔬菜配料亦唔少。法包有蒜香，熱辣辣，沾上咖喱一齊食，一定無得輸啦😛泰式生菜包❤️香茅味突出，味道幾正宗~桌上有幾款泰式醬料可任意加。我就加左酸辣汁，加埋生菜一齊食，酸酸辣辣之餘仲好juicy😋青檸梳打 x 柚子茶❤️大大杯，唔會太甜，清新解渴👍