通達食店

營業中

休息中

以前讀書時來旺角肯定要食通達，食左20幾年，已經好耐無來食，今日路過肯定要來懷緬一下我已經逝去的青春😂招牌🐷油渣面HKD42: 上海麵配上豐富的配菜加埋豬肉渣香味，同以前一樣味道，好食🥰金牌碗仔翅HKD26: 我最愛必點，個人唔鐘意加魚肉怕腥😃走醋，麻油的香氣，熱辣辣超級好食😋咖喱魚蛋HKD11: 魚蛋好辣一般一般煎釀三寶HKD18: 好大件，鱼肉好香，好食。咸檸七HKD18: 咸檸檬🍋➕七喜真系絕配

油渣麵雖然好唔健康，但一直都係我嘅最愛食品之一😍充滿油香嘅豬油渣，配落麵食簡直一流油渣麵（$34）非常足料，有豬油渣、冬菇絲、辣菜甫、火腿絲，然後就上海麵底🍜油渣非常爽脆，辣菜譜夠辣勁，食完好滿足👍🏻

每次路過行過都唔會錯過，佢D粉菓、燒賣、同碗仔翅⋯粉菓真係好足料，皮好有咬口，好大滿足感，再加上辣椒豉油，真係冇得輸，好味道⋯燒賣一口一粒，又係不能錯失，辣椒豉油又點可以小得，yummy…不過今日個碗仔翅真係有D失望，平時明明好足料，但係今日真係有D淡如水⋯ 搵條肉絲都冇，到底搵乜⋯ 佢曾經係我致愛嘅街頭美食，但一去不復返了，真係冇下次⋯

招牌油渣麵 💲42🌟 推薦指數：★★★★★油渣麵食唔少，但呢間真係叫做重味，唔洗再另外加辣。［少少辣麵食唔到既朋友要留意😊］上枱賣相勁吸睛‼️配菜（菜譜、油渣、火腿、冬菇、蔥）滿滿鋪係上海麵上面，份量十足！即刻飲啖湯，瞬間開胃🤣😆😆😆 因為真係好多配料，撈嗰陣真係要慢慢撈😝 油渣同菜譜都好有口感， 菜譜更加係碗油渣麵嘅精髓，好味😋個人覺得呢間通達 係好味過另一間😝，因為味道真係好唔同！評價：9/10

🥞通達食店 (旺角)🥞-真心推介💕煎釀三寶同魚餅😂一份都會食飽左又抵食又足料！今次就坐入試下佢其他嘅食物😌-魚肉招牌油渣麵(💰49):上枱超級震撼😂😂我朋友話魚肉細細粒好似棉花糖😹油渣切到一條條細細條🤣重有油渣麵必要嘅辣菜譜！果然夠辣🥵食到岀曬汗😝-黐飯(💰22):秶飯大大嚿，會切唔開一半上，方便食同share🥰-辣咖喱魚蛋(💰10/6粒）:魚蛋好入味好辣，辣得過癮！我中意食辣就啱曬😍-煎釀三寶(💰18/3):千祈唔好因為價錢卻步！因為每一夠都好足料😭不過茄子炸到茄子皮有啲硬🥲但都係冇阻佢嘅好食😍🤣-(非專業,完全跟據個人口味☺)食物:8/10環境:8/10服務:8/10人均消費:$50———————————————▪店舖名稱: 通達食店 (旺角)▪店舖地址:🔸 旺角花園街172號地下-----------------------

今日經過旺角想篤串魚蛋食，越食越好食。跟住我就越叫越多來食，魚蛋燒賣腸粉，叫咗勁多花生醬，甜醬，豉油混合一齊嚟食🥜🍯好正生菜魚肉，魚肉非常之彈牙，應該都加咗唔少麵粉㗎喇，但係食落去真係好好食碗仔翅，我通常都好鍾意㗎好多麻油落碗仔翅度，越食越想食因為本人都非常之喜歡食街邊小食所以我都推薦呢一間小食店俾大家嘗試下

速食一餐6條腸粉+1串燒賣最正係D混醬！！叫左多🥜花生醬，燒賣幾煙韌，腸粉幾滑！加2蚊多2條😂，但一條友食6條真係太多🤣，下次叫返4條算。勁多人食油渣麵，下次試下有咩咁威先！

呢間係旺角同太子中間的小食店係開左好耐好多年歷史今日就試左佢2樣野食一野係辣魚蛋另一樣係油揸面先講辣魚蛋，魚蛋配上辣汁，辣味過癮而且魚蛋尚算爽口，喜愛街頭小吃的人必定會上一試另外設有唔辣不過就冇咁香。另外招牌菜式就是油渣麵，雖然價錢不算便宜但分量十足而且足料，一定要加上辣菜譜，食之前再將所有配料撈勻，咁就一百分。份量令我可以分成兩碗食其實佢仲有好多款街頭小食，例如碗仔翅，煎釀三寶，腸粉，粉果等等就算一班朋友去放題咁食都好爽

2021年6月26日 雨今日同男朋友過黎旺角睇戲，咩睇戲之前就食個午餐先啦男朋友好中意食佢ge 痴飯，之前都帶過我黎食有時食下呢d 做午餐簡簡單單又平平地都唔錯ga 痴飯 $22，大大件，入面有肉鬆炸菜同油炸鬼，飯偏乾身，兩個人share 食幾好，自己一個食感覺會好濟生菜魚肉碗仔翅 $32，佢d 魚肉係一粒粒，但我略嫌生菜唔夠多，同都係中意一條條ge 魚肉多d，口感大d燒賣 $11 同腸粉 $18， 正正常常，腸粉唔會好厚皮，都幾好食唔小心落錯左d 甜醬去燒賣... 😂😂😂豆漿 $9，正常豆漿一樽

我一個人去。當時係下午1點40分。唔需要等位。我坐響面壁嘅位。店員主要係姨姨。佢地有做足量體溫同埋請客人填紙仔留資料。我叫左一個韮菜餃子上海麵。46蚊。等左大約8分鐘就有。麵嘅軟硬度剛剛好。湯底有少少咸味。店舖有提供紅醋、辣醬、豉油、牙籤等等。碗麵仲有少量生菜。整體份量對我嚟講係夠飽嘅。想飲杯水可以問店員拎。

記得以前細細個成日食，想搵返啲童年回憶，所以就入咗去食油渣麵，以前啲油渣炸得好脆好香，但係而家啲油渣全部淋晒，一啲味都冇，完全食唔番以前嘅味道，啲麵又淋晒，好差嘅感覺😩😩酸辣粉，味道不過不失😢😢，都係同以前唔同晒，唔知係咪啲師傅轉過晒所以搞到以前嘅味道都冇晒，食唔出有咩特別，水準越嚟越差🥵🥵🥵韭菜餃，韭菜餃就一直保持到水準，揸得都幾香，咬落去都仲有啲肉汁爆出嚟，但係個皮略嫌炸得有啲過老😴😴😴

其實已經唔係第一次😡有次喺門口等位嘅時候啲阿姐已經粗聲粗氣😡同佢講咗五位!佢好似唔記得甘！係咁俾入去坐！等咗幾個字完全冇安排到五位嘅座位俾我哋！之後好嬲走咗😡從此冇再堂食過！服務態度差都算！而家疫情咁嚴重連一啲衛生常識都冇！諗住買個外賣！你對手套戴左成日又找錢又收錢！之後整外賣嘅時候你成隻手伸入個外賣碗入面！於是乎我行入去好聲好氣同佢講攞碗嘅時候應該攞出邊唔好掂到入邊！之後佢大大聲咁同我講佢啱！平時都係甘做😡點知收銀條八婆話間間都係咁！如果疫情唔係咁嚴重你污糟都算！如果中左會連累屋企人同埋其他人所以要小心D！其他舖頭好多時啲碗係發向下放！隻手攞起外賣碗時係掂唔到入邊！問題係點解你哋做錯野仲可以咁大聲咁理直氣壯咁😡😡

見到油渣麵係招牌菜就買黎試下 食咗幾啖就揼咗佢成碗面嘅味道只有辣菜脯嘅辣味 毫無口感可言 加埋d火腿絲，冬菇片，幾快大大嚿肥豬肉就賣42蚊 對比其他小食店又不算平建議改名成肥豬肉面

每一次想食油渣面既時侯，我最後都係會行左去通達，我自己都食過唔少既油渣面，相對黎講我覺得佢既油渣面比較好食，先講佢豬油渣整得好好，唔會太過乾身，食落去好有咬感,同埋唔會覺得佢好肥膩,仲有佢既火腿絲同埋辣菜莆係絕配，連埋個湯我覺得幾好飲，個上海麵個硬度係岩岩好😍😍😍仲有佢既煎釀三寶同埋個魚餅都唔錯，但本人係青椒迷，所以每次只係剩叫青椒😆。間餐廳長期都比較多人同埋比較逼，所以要有心理準備唔會坐得舒適，但我覺得食物質素可以，其他己經唔係問題

是日無飯開又0係旺角買完野就想買埋晚餐回家諗起花園街的油渣麵每次黎到必點的平時多數堂食今日想番屋企慢慢食就外賣了仲加左魚旦同燒賣各一份就咁一碗油渣麵怕唔夠飽一打開外賣盒有一陣好香麻油味材料都算足有火腿, 辣菜甫, 豬油渣, 冬菇絲可能有唔少辣菜甫既關係個麵都變到幾辣麵質就正常啦份量都叫OK唔會好細碗食完碗麵略嫌未夠滿足加埋燒賣就PERFECT了通達既燒賣唔會好粉質感係幾好的加埋佢D辣汁好惹味食完一份有少少唔夠喉(其實係飽的)只係好味又未落晒格呀魚旦就反而一般唔知係咪外賣左唔夠熱下次堂食再試多先