道頓堀御好燒專門店 (朗豪坊) (已結業)

自製大阪燒！好耐冇黎朗豪坊食嘢啦。一直都想食大阪燒，喺屋企做整唔到出街食大阪燒嘅感覺，難得出開嚟旺角，於是食翻個大阪燒set lunch。宜家有promote百幾蚊任食，不過費事因為任食而食得過量，都係食set lunch算。道頓堀雜錦御好燒$98- 有教學教食客點做，所以跟住步驟整，就可以整到好靚又好食嘅大阪燒啦。Set lunch有胡麻沙律同飲品，可以減少油膩感。大阪燒煎得香脆可口，裏面仲有軟熟嘅感覺，加上燒汁同沙律醬，再灑上木魚粉同紫菜，視覺同味覺都有好大嘅享受。道頓堀特選御好燒$108- 今次想推介嘅係特選御好燒，佢比雜錦材料更加豐富好味道，更加要求食客煮嘢食嘅手勢。炒麵、煎蛋再加上大阪燒，有多重嘅享受，有流心蛋黃汁撈埋燒汁一齊食，正！不過餐廳抽風系統感覺麻麻地，比較多油煙，希望可以改善一下。

鐵板燒DIY炎炎夏日嘅8月1號，我地去咗朗豪坊行街。行到攰攰地就去咗呢間鐵板燒啦。我哋今次就揀咗廣島燒同埋文字燒。首先我哋睇吓原材料啦，我哋會自己整架。右邊呢就係廣島燒。入面嘅材料有面、菜、雞蛋、我哋仲加咗海鮮八爪魚添。左邊呢就係文字燒，佢就冇面嘅。文字燒嘅煮法呢系要炒香啲肉同蔬菜，然後圍住一個圓圈，再將麵糊到喺中間咁樣煮。同埋文字燒係源自於東京㗎。廣島燒因為有面，所以口感同埋層次方面呢，系比文字燒更加豐富㗎。鐵板燒自己DIY, 其實商店比顧客自己落手落腳做，會令到顧客可以體驗下廚嘅樂趣。至於好唔好食路喎，就要睇吓你嘅廚藝有幾好啦。不過我覺得材料呢就可以豐富啲。今餐就每人$100到啦。

成日見到好多人排隊，所以慕名嚟試食。試咗午市38品放題，d肉都還可以，因為就咁擺上去燒，唔駛技巧。但係御好燒同文字燒完全唔得。 可能因為我地唔識整，覺得成餐飯食咗好多粉團，又飽肚又冇味

之前已經bookmark左好耐要同朋友一齊去試呢間餐廳，因為有特色得黎又好味，仲飽到要捧住個肚走！佢係放題既形式咁點餐，但當然都唔好見到咁樣就亂咁嗌，因為其實啲御好燒同大阪燒唔好睇佢好似份量好少但都幾飽肚架～呢間餐廳最特別之處就係有得食之餘仲要係自己整，唔使驚自己唔知點整，因為嗰度會有指示教你，同埋嗰度嘅職員都會好樂於教你點整，同埋點先可以整好啲，所以人人都可以係大廚！絕對係大人同細路都會玩得又食得開心既地方～

3/5雖然屋企都整到，但出街有得玩，有得食，有人善後都好呀。沙律太多醬汁了。燒肉類，腩片，雞肉，五花腩都唔錯，不過鐵板燒嘅調味都係比較一式一樣。最後當然係做日式燒餅，再慢慢享受。(Google translate)Although the houses and enterprises are all organized, it is good to have fun and food when you go out. The salad is too much sauce. Roasted meat, pork belly, chicken, and pork belly are all right, but the seasoning of teppanyaki is relatively the same. Finally, of course, make okonomiyaki and enjoy it slowly.#queenbeoly_middine #foodblogger #foodporn #food #foodie #foodphotography #insta

咁岩有張$50現金卷 稔住過期前用埋佢 所以就試呢一間 化悲憤為食量 一個人的午餐 啲海鮮好正 帶子好大粒 食落唔係爽口個啲雪藏野 無雪味 蝦頭有膏好甜好濃蝦味 整體有90分 👍👍👍

今次黎到朗豪坊哩間餐廳食大阪燒放題每檯都有鐵板 客人可以化身師傅試下自製大阪燒平時去日本見啲師傅三兩下手勢 鏟幾下就整好一件熱辣辣嘅大阪燒估唔到自己整都幾考功夫好彩我同友人雖然雞手鴨腳但最後嘅成品都見得下人🙈.至於食物方面 餐廳供應文字燒 御好燒 廣島燒另外仲有啲小食 海鮮 同埋肉類 種類都幾多樣化因為材料係一份份上檯所以就算整得失敗左 味道都唔會太差（燒燶咗另計😂）只係賣相會冇咁靚所以自問係地獄廚神嘅人都可以去挑戰下😂不過可能配方唔同 味道同日本本土嘅都係有啲分別可能迎合左香港人口味掛🙈.晚市放題有3個價位選擇$198 （38種食物）$258（57種食物）$328（75種食物）個人覺得$258嘅價位已經好夠食基本上每款口味嘅大阪燒都係大同小異🙈另外有個私心推介—麻糬芝士御好燒煙煙韌韌咁真係好好味㗎😝

本身自己好鍾意食日式燒餅 最近見到閒日餐廳做緊$98放題promotion就忍不住同朋友一齊嚟試下啦～大阪燒就食得多 自己整都係第一次 餐廳內啲餐牌上面有教你不同種類燒餅嘅做法 簡單易明 連我呢啲手殘都可以一次就整到似樣的燒餅 每張枱仲有個timer放喺度等你可以精確地計算煎餅的時間 適合一家大細一齊玩住食😋

對旺角分店相當失望，首先地方細且狹窄，較為逼夾，相比之下，荃灣分店好座得多。第二，啲調味料油笠笠，感覺不衛生，吸油煙機又唔work嘅。第三亦係最失望嘅點，而家隔離令明明限八人，我地一行四人食食下，突然隔離入座六個人，張枱係痴埋嘅，而且並無隔版作阻隔，一枱十個人痴痴埋埋座埋一枱真係好無奈。.講番野食，因為有會員卷（滿$300減$150），所以冇揀到放題。😃👍其中最推介係芝士四重奏大板燒，芝士味真係極之濃郁，又有拉絲感，芝士同大板燒真係夾到唔夾，呢個必點！必點！！而且製作簡易😝😃👍廣島燒，係大胃王之選，麵粉底，椰菜，數塊煙肉，魷魚乾，有雙蛋又有炒麵，大大份好滿足。😃👍炒魷魚🦑都唔錯，加埋大板燒醬汁同木魚絲一齊炒，日式味道又惹味👍

今晚尼食大阪燒放題，揀左中間嘅57品套餐每人$258，四人同行一人免費好抵。開胃先要左個燒煙肉凱撒沙律同粟米沙律，菜好新鮮都好大份，仲有個芥末章魚都好夠味，幾好食廣島燒、文字燒同御好燒都試過哂，最中意御好燒，因為易整 😂😂 其實三種食落都差不多，文字燒以菜為主輕盈啲，但唔知係咪我地唔識整，試左兩次都係一pat野咁。。。第二次係芝士四重奏所以啲菜相對似返塊餅多啲鐵板燒嘅肉都唔錯，推介牛舌同豬頸肉，魷魚同帶子食落冇乜味。送嘅柚子雪糕都好味，有柚子皮，清新解膩

香港能夠DIY日式燒餅的地方不多，因此算是不錯的體驗。以前在尖沙咀分店吃過，挑戰廣島燒失敗了，因此今天有機會再來嘗試。由於網上預訂而且較早用餐的關係，不用等候就能進內，而且主菜單全單七折。假如是一大班人前來而且胃口較大，可以嘗試放題，由二百多元到三百多元不等，分別提供三十多至七十多種食物。而我們只是兩個人，胃口也不算大，因此點主菜單的食物比較化算。我們今天的主力是燒餅，點了一個雜錦壽喜燒和廣島燒，外加一個芝士飯團和兩杯飲料。壽喜燒做法比較簡單，廣島燒則複雜得多，建議先記熟桌廳提供的圖示和影片，不然一定手忙腳亂。第二次嘗試，覺得食物沒尖沙咀的好吃，不知是全線整體質素下滑還是分店的問題。看見鄰桌都是選擇放題的食客，他們的肉香伴隨滋滋的聲音傅了過來，好不吸引，或許下回可以試一試放題，不過吃過兩個燒餅後，肚子已飽了。

依家做緊優惠平日星期一至五午市放題$98（11-3點任食），我地簡左最平個個choice都38款食物簡。冇漏單，上菜快五花肉同豬頸肉都推薦叫多幾次文字燒個人就麻麻地，主要都係菜御好燒芝士系列都好好食，可以額外叫兩舊年糕一齊燒，增加口感 配料醬料任加，encore左3次！炒麵中規中矩，同平時食嗰啲冇乜分別，想飽肚可以叫一個兩個人share!! 上面會有個吸油煙機，食完件衫唔會好大浸味～ 側邊會有拍示牌教你點樣整，仲有計時器俾你，跟住佢個教學一定唔會燒燶，仲整得幾好食最後食到差唔多3:00，店員就主動送一球雪糕比我地

本身諗住同朋友去威炸雞放題，點知中途見到呢間吃類似大坂燒既鋪頭做特價，比佢吸引左去食。原來佢呢一排平日既放題都有特價，最平果種就98蚊加一，我地食貴一級既，埋單一個人180幾，都幾抵下，香港比較少呢類型既鋪，我地都係大坂食過一次而已。呢間都係自己弄，吾明可以去搵店員幫忙。之前係大坂食果間，我動了那個大坂燒反而被店員責怪了一下(？)anyway佢整法都係容易既，就係張混和好粉底跟材料，然後放上鐵板，每個面大概5分鐘，佢檯面有計時器比你用，但我們費時佢吵到其他人，還是用自己手機計時。佢檯面有齊醬料，我最愛的蛋黃醬，ps 蛋黃醬掉在鐵板上都化成油了，但是我還是喜歡他如果店員可以講一下佢上既菜是什麼比較好，我們有時煮好了才確定是什麼我們叫貴一個價位的菜單感覺選擇更多，兩面煎的香香脆脆才好吃呢～牛油粟米都好食，但是吾好好像我們甘傻放個匙羹係鐵板附近~御好燒們都蠻好吃的，叫芝士燒的話就是芝士跟粉底，整完粉底再放芝士係面溶化他。我猜是這樣做的，因為佢檯上既教學只有幾種。唯一一個比較複雜的廣島燒，我們失敗了，沒弄好，也沒弄好吃其他都幾好食，希望佢可以係近點的地方再開過，本來家附近有預告話會開，但是最後

於網上見到道頓堀御有4人同行一人免費優惠，立即跟朋友來試下。咁我係在openrice訂枱的，本來openrice訂枱也可以用每位減$30，於入座前服務員也有詢問我是否會用每位減$30，其後我查詢四人同行一人免費優惠時，服務員也有幫我們計算那一個比較優惠（當然是四人一人免費的）。時晚我和朋友一行六人點了258的餐，當中都有4-5款沙律選擇，例如有粟米沙律，大根沙律賣相不錯的說。然後我又點了個芝士醬燒飯團，對我本人來說，也是第一次吃大阪燒，能像這樣燒，滿新鮮的。不懂得怎樣燒也不打緊的，因為枱的旁邊會有一頁餐牌是教你如何燒，不過都是教你怎燒文字燒，廣東燒 等等的，而這個飯團我們又不懂怎燒，於是就向服務員查問，他很耐性地教我們怎燒，感覺受到尊重，值得一讚。然後我跟朋友燒了很多食物後，嘗試用剷剷走那些焦時，其中一個友人就用了剷食物的，沒有分開食物用和剷焦用的，服務員也有留意到也隨即拿了兩個新的供我們用，我覺得服務員的服務真的不錯，真的值得嘉許。整體來說，食物味道都ok，因為都係自己燒，又無得話好唔好食，唔好食既話只可以話係自己亂咁燒但整體黎講，食材係新鮮的。而我跟友人也升級$35，生啤，飲品無限

見到呢間成日排晒隊 特登揾日收早 6點左右嚟到 唔洗等位入得😁呢度可以比你自己整大阪燒 我都係貪得意嚟試吓 材料有煙肉 蛋 炒麵同一啲配菜 燒好之後再加燒汁同美乃滋。開頭以為好易整 原來唔係 尤其是到翻轉嗰下有啲難😂不過有需要嘅話 職員會過嚟幫你👍🏻