道頓堀御好燒專門店 (新城市廣場) (已結業)

疫情之下無得去日本食好野 唯有試下香港既日式餐廳——道頓堀御好燒專門店今日受到另一位小編推薦就去左沙田食呢間店既lunch set 😋p.s本身我都唔知原來香港有開😂間店既裝修都充滿左日式風格 有好多日式既燈籠仔同木台木櫈， 大致上同日本分都差無幾😚令到小編都想即刻飛日本旅行走番轉。首先我同我朋友就各叫左一個御好燒（1cm 厚切加拿大自然豬腩肉 $118）同文字燒（道頓堀豪華文字燒$108）價錢上就同main menu 差唔多 只係多左一杯野飲 本身以為實唔夠飽但食完都差唔多要突住個肚走😂講講個文字燒先佢同御好燒一樣都要自己落手拋落塊鐵板自己煮，咁講下個文字燒有咩啦，佢有少少似海鮮雜錦， 有蝦仔呀魷魚同豚肉 再加椰菜絲 ，總有個叫麵糊既汁 （其實我唔太清楚咩黎😂唔好笑我） 跟著自己就好似炒麵咁炒，可能小編既廚藝唔太精 整出黎既賣相就唔多討好 但食落都還可以，因為佢既特點係濕黏，所以食落去食到好多汁, d汁總帶出陣陣海鮮既鮮味🤤而d豚肉就無咩特別， 整體食落都ok可能有對比之下 我更鐘意食個御好燒 （小編特別推薦）所以覺得 文字燒一般般。 個御好燒真係唔錯 尤其係佢個1cm厚豬腩肉 又真

今日小編同男朋友去咗沙田行街，唔知大家會唔會都有一種想去旅行嘅感覺呢？小編同男朋友最鍾意就係日本，可惜今年疫情嚴重，睇怕都有一段長時間去唔到了。今日我哋就試咗道頓堀御好燒專門店，原來午餐時段有好多選擇，而且價錢十分之平易近人，但同晚餐單點嘅份量係一樣嘅。我哋已經好耐冇食過大阪燒之類嘅食物，於是我哋分別叫咗豪華御好燒，有得煎蛋之餘仲有拉麵。賣相十分之吸引，配料豐富，有一種幸福嘅感覺。成個過程都十分之容易操控，店員好細心咁指導我哋，亦都有比教學圖片我哋睇。成個過程大概15-20分鐘左右，主要都係反轉大阪燒。男朋友仲好細心咁煎咗個心形出嚟，係DIY嘅不二之選。醬汁係甜甜地嘅燒汁，亦都有沙律醬，紫菜同木魚碎可以任落，啱晒我依個紫菜控。大阪燒嘅味道十分之好，同我哋喺日本食嘅味道相近，而且只係$80 ，絕對係抵過晚餐好多。大阪燒亦幾大份，有好多配料，魷魚好惹味，同大阪燒十分之夾。總括而言，呢一間餐廳嘅午餐係十分之高質，而且亦都可以俾你同朋友DIY一齊整屬於自己嘅大阪燒，好玩得來味道又唔差。

今次去佐一間好特別既日式鐵板燒餐廳食晚飯，未食已經比呢間餐廳既賣點吸引住😍可以邊玩邊食😂親手自製大阪燒😍.打開Menu 有好多唔同款式既大板燒比你選擇，款款都好吸引😂睇到我眼花撩亂😂.最後我地選擇佐2人前既廣島燒套餐☺開頭D材料黎到真係唔知邊款打邊款，要問職員先知😅.🙈我地跟住個教學一步步咁整，就整到…都唔算難👍🏻味道都可以自己調教番，都幾好味，幾好玩，都算係一個幾好既體驗…可以試下

見到一間有好得自己整野食又有得玩的餐廳，被吸引左入去食啦~~~我們就點了二人分享套餐 HKD398 ，材料豐富，食到好飽。每張枱都有鐵板燒旁邊已經放好所以醬料，齊全，如果要加添就可以同服務員說就可以了。前菜是燒煙肉凱撒沙律。御好燒就有三選一，我就選擇左肉類雜綿。這是廣島燒。會附有教學，可以掃CODE直接上YOUTUBE睇影片教學，邊睇邊學，又可以自由創意，基本上好吃不好吃是自己決定。另外還有鐵板燒，有牛油帶子和上級牛肋肉，味道不錯的。最後還有雲呢拿單球雪糕甜品，簡直是吃到飽，有得玩又有食，幾新鮮，可以去試下。

成日都想試，咁岩有朋友生日就試下啦。四個人叫左幾個餐分享。道頓堀豪華7品 ($108)有蛋，豬，蝦，墨魚仲有幾款配料。厚切牛肋肉 ($88)兩大塊厚切牛肋，唔韌，質素唔錯既。牛舌（$75)有四大片咁，真係岩岩好一人一塊。但爽口好食既，係唔夠喉囉。雜錦廣島燒 ($118)仲叫左個廣島燒，個人覺得廣島燒係最好食，入面有炒麵加埋個汁，整體感覺係最好。呢度所有餐都係要自己燒，可以根據番你食啲咩睇返教學，什至係有埋youtube教學，睇住黎燒都唔會點出錯，相反成功感仲幾大。不過又會唸，想自己落手玩下都ok, 但比錢黎食飯，下下所有野都自己做曬，其實都係想佢煮埋比我食仲開心。

今日約左朋友去呢間食飯～遇到一位Jxxx女職員～令整個用餐過程十分不愉快～- 事源鐵板燒容易會濃底～我地示意可否幫我們鏟～而這位女同事行過來說道（其實繁忙時間我地係唔會幫客鏟）   What??? 平時坐爆就話姐，當時只有4-5張檯，有4位職員在埸，我想了解一下呢個係餐廳policy？？- 跟住佢見我地好容易燒濃，就叫我地落多啲油，咁用多左油就要fill架啦，佢竟然雙手禁住我張枱，叫我地拎支油俾佢，而家竟然仲有咁既服務態度？？基本禮貌一句吾該都冇！真係貼錢都吾會再食！ 

Dinner Set for 2, 7courses = $398✦廣島燒.✦流心芝士御好燒.✦煙肉凱撒沙律.✦牛油帶子.✦上級牛肋肉.✦汽水x2.✦柚子雪糕x2.-✧廣島燒：自己燒，步驟繁複，雞手鴨腳，顧得頭時顧唔到尾，攪到一鍋粥，超級極級難食，得左兩啖整件放棄.✧流心芝士御好燒：簡單易整，每邊燒5分鐘即成，中間夾左三舊芝士，燒完的確有些許流心，唔錯.✧煙肉凱撒沙律：煙肉要自己燒，無特別.✧牛油帶子，略淡，無牛油味，還好.✧上級牛肋肉：醃料幾香，可以.-❖呢個錢有得玩有得食，其實唔貴，但可能無食到個廣島燒，完全唔夠飽.❖個廣島燒要燒完麵糊，再燒佐料，反轉佐料繼續燒兩分鐘其實又要落醬汁炒好個麵，然後同時再燒好啲蛋，將麵糊、佐料、麵一齊放上燒好既蛋上面，唔知係我地整得難食定本身難食，我俾10個嘔🤢🤢🤢🤢🤢，放唔到入口，再見.❖服務態度好好，店員不斷主動協助我地，例如教我地點整靚啲個御好燒；見麵糊唔夠主動幫我地再添；見多煙，主動幫我地拉個抽風落黎.❖如果黎食，極度建議只點御好燒

突然想食大阪燒同燒肉，係openrice見到推出緊訂座優惠，滿300蚊免費送一份上級牛肋肉，決定同屋企人去試下呢間。(其實屋企人已經食過幾次，評價唔錯，但我就第一次試，果然無令我失望^^)我地係午市時間去食，所以價格算平同抵食，我地兩個人都叫左頗多嘢食，而且午市有套餐，包白飯🍚、飲品🥃同沙拉🥗！道頓堀豪華7品入面有豚肉、雞肉、蝦、八爪魚、帆立貝，及其他配料，雖然每樣都唔算多，但係整出黎都幾大個，好飽餐廳都有提供沙律醬同大阪燒醬，可以整好後濟係面，另外都有紫菜同柴魚碎灑係面，根據個人喜好添加。備註：對於唔知點整嘅食家，唔需要迷茫徬徨，因為餐廳會提供製作大阪燒等嘅方法俾大家，所以無難度，仲有計時器提供，好貼心。牛舌🐂係我食燒肉必點必叫嘅野食，一份有五片，相對比較大塊，唔錯。牛舌應沒有加入任何醬汁，所以可以食到原汁原味。厚切牛肋肉🥩厚切得黎都好大塊，唯一不足就係因為餐廳無剪刀，所以要用兩塊鏟切，相對上比較難，好有技巧先能夠順利切程細細舊。備註：附有醬汁可以根據自己喜好添加。鐵板泡菜魷魚🦑最後因為太飽，只係燒左魷魚同少量泡菜食，魷魚口感偏軟淋，唔係彈牙嘅口感。備註：附有醬汁可以根據自己喜好添加

一直都想試食依間，今日仲要無乜人等位，機會嚟啦！等位期間睇下門口示範短片先！餐廳內都有教學卡紙.原來餐廳有最低消費（成人$100）一位道頓堀豪華七品（$108）（大阪燒）有蝦、魷魚、原隻帆立貝、肉、蛋將所有材料撈衡，掉係鐵板上計時8分鐘.然後另一面同樣做法.最後加上醬汁、蛋黃醬、紫菜碎、柴魚碎就大功告成！份量都算幾大，足夠飽肚.道頓堀特選御好燒（$108）有麵、蝦、魷魚、肉、蛋做法大致一樣，但係第二輪另一面嘅等待時，需在旁邊將麵炒散加醬油，另一邊煎蛋加上炒麵加上大阪燒加埋醬汁蛋黃醬紫菜碎柴魚碎！食得！其實都好容易整！

今天是妹妹生日特別選了這家餐廳慶祝！ book枱時已經同佢講我會選佢哋的甜品， 佢話到時叫可以加名及生日快樂。因為唔想比呀妹知個甜品有佢個名， 我4時多到該店同reception 講先訂個甜品加名。 留晒資料訂枱及生日名， 甜品名稱。 到差不食好時候要求我們埋單， 我說之前落咗個甜品未上。個侍應查完話已經買晒， 跟住穿黑色衫及頭巾的男人應該是高級一點的人過來， 我跟他說如果沒有甜品我就唔黎。佢一臉不耐煩地說同事唔知道買晒， 唔好意思！ 轉個頭便離開⋯⋯今天是我妹妹正日生日就給這餐廳破壞！ 我當初訂位時也看過食評， 評分是差的， 但沒有埋會。 請大家看過我的經歷， 訂位前請三思！

三個女人生日一聚，由於有會員優惠，又一直有興趣試試自製御好燒，抱著一試無妨的心態，就嘗試了這一間餐廳～一walk-in 就有位，鐵板早已預熱，我和友人一坐下就努力研究製作方式，因為已有心理準備全程「自己嚟」，所以對於服務欠奉也沒什麼hard feeling. 自家製是有點輪盡，不過趣味的確滿分。（可能）加上狂加醬料、海苔粉、鰹魚粉，味道是比預期中好。因為會員優惠卷，結帳時位位8x元，抵！唯一不能接受是吃完後由頭到腳，以及手袋通通都有一陣很重的油味，建議店家可改善抽風系統，或提供籃子放置袋子外套。

和朋友來到新城市吃午飯，大家都想不到吃什麼，後來見到這間店，可以親手做大阪燒，便入去試試。餐廳裡環境同一般日本餐廳有點不同，因為每張枱上都會有一個鐵板供客人自行煮食。侍應遞過餐牌後，我們就開始點菜，看見有厚切牛肋肉午市套餐是新登場，就點了這個。當然還要點客御好燒啦！見有個特選御好燒，這個除了有普通御好燒的材料外，還有拉麵和多兩隻雞蛋，價錢只貴10元，心想，都化算便選了它。我和朋友都未曾試過整御好燒，所以對這個都有一份好奇心，後來侍應端上食材，我們才有種束手無策的感覺，因為不知怎樣燒才正確，後來見到一張教人如何烹調御好燒的咭紙。但圖中剛好沒有這款的製作方法，所以打算問一下侍應，誰知換來ㄧ句，將食材全部一齊放落去就可以了。我們還是覺得很 疑惑，再問另一位侍應，她講了一些程序給我們，才知要先炒拉麵再加入麵糊煎香兩面再加蛋才可的。如果我們不再問，還以為拉麵是用蛋炒熱來吃。御好燒麵糊裡面有椰菜，八爪魚，蛋，蝦，五花腩肉，蔥花等等。用料不算高質素，但味道總算可以，加上燒汁和沙律醬上面，都幾有風味。厚切牛肋肉，見到有ㄧ大堆芽菜和兩件牛肋肉，肉不算太厚。我們將肉放在鐡板上，煎到兩面七成熟後，想將它切開

呢間狸貓食店響好多商場都會見到，每次另一半見到都話好襯你...blahblah...我覺得實要搵一次食左佢先安樂🙄唔好意思今餐啲相我都無乜心機影，因為成餐飯都enjoy唔到。佢有2/4/6人餐，但prefer試下お好み焼き或者文字焼き以外嘅野。（套餐呢啲係主食）由帶位嗰位亞叔(黑衫應該高級啲)開始已經係黑口黑面，裡面啲server雖然全部係後生仔囡，但係全部同黑面叔一樣毫無活力，由落order嗰刻都係黑面兼無禮貌、一堆企埋傾計都唔應機⋯淨係叫你等⋯店鋪文化？🤗 咁唔該唔好做日本餐啦！坐低嗰陣已經九點幾，都無咩新枱walk in。但啲server全部都執枱，注意係2-3個人咁執一張枱。無人主動過黎介紹下，樣樣都要等，等佢終於傾完計得閒過黎order，order完又等，又話杯可樂係等埋其他一齊出，其實係漏左單仲諸多藉口etc 唔想做咪唔好接枱囉呢邊食緊飯，隔離枱就係咁做清潔鏟板嗰啲刺耳嘅聲音..完全唔會覺得唔好意思。服務伏—————————//講返食物質素。お好み焼き如果有人鐘意自己玩下野，我覺得黎試一次都無妨！不過成程無人教學，係渣住張menu自學，我就無乜好感。味道係普通麵漿味，無乜特

呢間舖真係好受歡迎，平日夜晚都好多人黎食，要拎飛等位，人均最低消費$100，入座時間90分鐘。約朋友黎食，煮下野食都幾得意。啲材料幾好，尤其係啲肉肥瘦均勻，只要跟住食譜整，不過食譜寫得唔算太詳盡，所以最重要係唔好炒燶，基本上都係幾好食既。不過真係好難整到menu上既樣入黎食野係要自己落手，想輕鬆食餐飯就唔建議黎啦～

今日落大雨，又唔想周圍去，所以就係新城市廣場搵嘢食。因為無咩頭緒，見到都幾多人食同埋未係香港食過大阪燒，所以就入左呢間伏野。一坐低拎起張menu 就好唔舒服，排版好亂，好多時都唔知邊個打邊燒，要Study好耐先知道點叫。睇左一大輪，最後我地叫左個有海鮮嘅御好燒，諗住試下先，再叫其他。點知一落單已經落錯左個炒面俾我地，前前後後都已經搞左十五至二十分鐘，但食用有限時九十分鐘，都無話會補返時間俾我地定點。好啦，啲料上齊就即刻睇下點整，但搵極都唔見有我地叫果款，問個職員，就求其指左個話跟住呢個整就得，咁我地咪好乖咁睇佢話岩果條片。點知睇睇發現片入面所用嘅醬汁我地係無嘅，再問另一個職員係咪未上晒啲醬汁，點知佢同我地講話其實根本唔係呢條片，又叫我地睇過第二條。唉，最後原來我地叫果個係根本無片教，姐係點？姐係可以完全自己9整。🤷🏻‍♀️真心，我見有成四、五個職員係度9fing fing無嘢做，仲俾我聽到個經理話今日最多人返工，但係多人返工，唔代表有人做嘢。完全唔會過離問你要唔幫下手，問佢可以點做，啲人自己本身都唔熟同唔清楚，個個都似係第一日返工咁😓。我知呢個係要自己整，但係毫無指示下，叫人可以點整？味