道

營業中

休息中

終於的起心肝來這家小店吃一次每次路經都很多人排隊~ 今日見天色幾好就出發同友人去食呢間咁出色既小店~今日一早就黎到排隊~ 排頭12位真係要有心理準備早點到呢~準時11點30分派飛仔~ 坐了在門口等了30分鐘! 終於入席了~!!!  一坐下先來一杯啤酒給自己和友人消暑降溫~ 爽到不得了!!!這家小店採用 YEBISU PREMIUM DRAUGHT 生啤YEBISU這款生啤~ 麥芽味及泡沫綿密~ 真的日本生啤界其中一名皇者~ 堅正~ 接著就是前菜~// 龍蝦沙律配紫菜 / HK$48呢款龍蝦沙律是新推出的，龍蝦肉打得好綿密，咀嚼中還會吃到一點點的龍蝦肉所選用之沙律醬跟龍蝦肉的清甜相當配合，加入了這個應該是香葉碎(?)味道濃郁得黎很下酒!  加上紫菜中和這個濃口味道 ，我覺得非常不錯~!  第二款小吃就是  // 唐揚炸雞 (4件) / HK$48這個炸雞真的瘋了~  相比起拉麵~ 這個是超水準 ! 真的看得出用心製作! HK$48/4件真的真的真的 太 好 吃 了 吧 ! 外皮相當脆薄 ! 內裡的雞汁完美地鎖在雞件中炸漿做得相當入味，雞件亦有輕微調味，整件雞件對我來說都不用加什麼沙律醬已

屯門紅橋既道本身係做omakase既開關之後好似話係主廚離開左之後就轉型變成拉麵店用番過往裝修風格所以係比一般拉麵店望落高級既感覺呢個位就成日都要排隊以前排章魚燒又係要排勁耐而家又到要排拉麵我係上年10月果時去既果時餐廳夜晚六點開門我收工坐車去到都六點四左右見到第一輪已經滿左前面仲有四個排緊隊因為道煮麵速度比一般拉麵店慢流轉就無一般拉麵店咁快結果第一輪成九個字都未有人出番黎排左半個鐘先入得張凳好重好難移動不過下面有得擺袋算係坐得幾舒服唔會同格離手貼手餐廳都係bar檯設計12個位都感覺到以前omakase大概既樣入面有三個職員一個負責煮麵一個收錢一個上菜同介紹唔知而家有無變到餐牌成日會轉見上網有人話炸雞好好食但呢日係無既因為係輪住入所以都係輪住落單都無話會比後入既落左先好似話因為裝修唔同佢地煮麵既方式同一般拉麵店都唔同係一個大鍋逐個麵逐個麵咁煮我就唔知係好定壞不過就真係好花時間仲有人就話乾水會無咁好另外佢d碗係會一直用滾水熱住個碗食到最尾都仲係熱既由坐低到上麵又等左廿五分鐘即係連埋排隊都差唔多成個鐘因為白湯近年成日都食到所以想試下濃醬油清湯白湯係有用機器攪拌過先上而且有介紹但清湯就無既不

《醬油雞清湯拉麵》 附有雞叉燒 味玉 香蔥 大蔥 紫菜湯底用5款唔同既醬油 加上煲咗20個鐘嘅雞湯製成 味道偏向清淡 完全無落味精同埋好鮮甜 麵質比較硬身 而且夾雜住少少麥味 感覺都幾唔錯 有口感又好食店員建議食到一半可以落黑椒調味由於大鼠係比較重口味 所以覺得落咗黑椒之後更加好食咗有別於平時油脂feel重嘅叉燒 呢度用嘅係黎自熊本嘅雞肉叉燒 呢款叉燒好滑 口感唔錯 值得一試!.《唐揚炸雞》黎之前已經知道呢款炸雞係必食之選炸雞即叫即炸 粉醬一啲都唔厚 所以食落唔會成口粉同太滯外皮相當薄脆 雞汁完全鎖住喺塊雞件入邊 雞件本身都好嫩滑 每一啖落去都有好滑好Juicy嘅感覺雖然本身雞件已經有少少調味 但另外唧啲檸檬汁同埋點沙律醬會有額外風味.《總結》一到達舖頭 店員會先詢問乘客有冇到訪過餐廳 需唔需要為食客介紹餐牌亦會好耐心逐一介紹同解釋每款拉麵嘅分別上菜嘅時候都會再向食客提供建議嘅食法 埋單嘅時候都會細心聆聽每位食客嘅食評 睇得出真係好有心機有機會大鼠都會想二訪去試其他拉麵同埋再食多次份炸雞

平日午餐時段，等了25分鐘入座。下單後，等了15分鐘拉麵到。前後等了40分鐘，心裡充滿期待。我點了雞白湯拉麵，由於第一次食，店員簡介了拉麵特式：湯底無加味精、自己熬至白色、打至起泡增加口感，叉燒九洲來的，可加青葉消滯等。第一啖先試湯底，雞白湯好好味、濃郁，連續飲了幾啖。之後吃拉麵，偏硬，沒有拉麵那種煙韌。叉燒十分普通，沒有厚切那種口感，豬肉味亦不濃厚。總結，除了湯底，其他都十分普通，吃完覺得口渴。以$98一碗拉麵，於此地段，以及等了40分鐘來說，我覺得相當貴。

進餐當日遇上紅雨，但係排隊嘅人龍都冇減少，食完就明白點解！當日分別試咗雞白湯拉麵、塩雞清湯拉麵，同埋唐揚炸雞，兩個人食好夠飽😋😋😋雞白湯經過多個小時嘅熬製，整個湯都係奶白色，飲落好有奶香味，麵底都好有咬口。如果食到一半覺得有啲油膩，可以加翻啲柚子皮落去，唔單止中和到油膩嘅感覺，更加可以令到個湯變得更加有層次，令我想飲晒成碗湯😆😆😆塩雞清湯飲落好清甜，但係完全唔會有好腥嘅雞味，每一啖飲落口都好舒服。而個麵底同雞白湯係唔同，係比較滑身嘅一款，再加埋有啲煙熏味嘅雞肉叉燒，湯、麵、肉，三樣嘢食落去感覺好配合，推介！👍🏻另外值得一提嘅係，雖然師傅們都好忙，但係佢哋都會好用心咁同客人介紹佢哋推薦嘅食法，同埋烹煮嘅過程，亦會同客人傾計了解吓食客嘅感受，係一間好用心嘅小店！

本身見到佢有8月幾期間限定山椒鹽拉麵諗住試下，但好可惜到達之後發現應該完咗售賣期。不過真正俾差評的原因係源於排隊的問題。我到達後店內有同事主動出來俾等候飛，但之後到叫飛的時候發現遲來先上岸的情況，當時我地排頭5位嘅就呆咗，我向店員反映情況，店員入店後堅稱自己先俾飛後者，佢地只係走開了，仲反問我地有咩問題。聽到回答我們外面5個人都好震驚，我地5個人見住店員主動出來依到達次序派飛，「先入」的二位是最後到，但店員堅持是派了飛後他們再離開。食物味道良好！座位較逼。由於是開放式環境，一目了然，衛生環境也很好！但仍是劣評，主要係店家服務態度太差。

排隊排咁耐 又得2條友煮麵慢都正常🥲果日我有啲唔舒服聽人講呢間野湯底好清（係真係幾清）咁健康啲諗住食佢啦一去到我拎左啲藥出黎 佢又冇比水我喎咁我去自助果到裝水啦有熱水 咁緊係自己去裝暖水送藥跟住 條友同我講話我地冇熱水….問題係我已經裝左一杯😅我都知日本拉麵係要配冰水但呢到係香港呀！見到客人話要食藥都話冇熱水😤叫人飲冰水果下真係嬲到想出去！結果野食黎喇湯底係幾清但成個拉麵真係好一般……完全唔值排咁耐😅店員仲要轉唔到彎完全冇人情味 服務態度有待改善🙃

屯門。隱世拉麵🍜位於屯門小巷既隱世拉麵店，每次經過都會見到排隊既人龍，今日行過見到排隊人數較少，決定一試。餐廳環境小巧但裝修都精緻，座位大約有12個座位，主打雞湯底，分別有雞白湯拉麵、塩雞清湯拉麵、醬油雞清湯拉麵和濃醬油雞清湯拉麵。坐既位置都可以目睹師傅們製作拉麵既過程，大約15-20分鐘拉麵就端上我們的面前。—醬油清雞湯拉麵 $98店員介紹湯底係由自家調製醬油和經20個鐘烹調既雞清湯組合而成，醬油雞清湯頭味道不錯，最頂層會蓋著一層雞油，非常香，但個人比較怕看得見的油膩感，拉麵方面係小麥麵，食落會有小麥既味道，比起一般拉麵未算好掛汁，不過較有口感，較爽身，叉燒是雞叉燒，嫩口有焦香感，味玉做到流心。下次會想嘗試其他湯底。—螢光魷魚（季節限定）店員推薦，好食😋—唐揚炸雞 $48 / 4件炸雞大大塊，外皮非常薄而香脆，即叫即炸，熱辣辣，脆卜卜，雞肉有經調味亦非常滑嫩，好食😋。

先說缺點，祇有一個灶兩個鍋，一個鍋煮湯一個鍋煮麵，所以煮的非常慢，每次衹能煮一碗，雖然煮的時間不是很長，但是一個一個煮，耗時就很長。但是的確是好吃，先說說炸雞，皮薄，外脆里嫩，咬開裡面還有汁；然後說說拉麵，我點的是濃醬油清雞湯拉麵，我原本以為他是像濃豬骨湯一樣，奶白色很濃稠很油膩的那種，結果不是，它是清湯底，然後表面有一層鷄油在上面，所以雞的味道非常濃郁，但湯濃而不膩，喝上去就像喝燉雞湯的感覺，雞蛋也是糖心的，叉燒據說是自己卷自己醃製，所以非常嫩，在這樣的配搭底下，面就顯得有些普通了。最後說說裝修，雖然也是木檯，但整體是新派風格，放的歌也是英文歌，所以這一間更像是西餐廳，不是拉麵館。

雞白湯拉麵 $9️⃣8️⃣雞湯用左8️⃣小時去熬製👍🏼湯相當濃厚🍜飲落好重雞湯香味😋麵就用上麥麵🌾每條都會見到有唔少小麥粒🌾食落口感更有質感❤️雞叉燒真係大癲🤤🤤👦🏻食過最好味嘅拉麵叉燒(包括🇯🇵)有訪問講過雞叉燒用咗法式雞卷做法去改良質感厚實👍🏼味道微鹹😌個人覺得好好味😋唐揚炸雞 $2️⃣8️⃣ 2️⃣件又要大讚🤣1️⃣因為麵製作需時，佢唔會太早到，好怕食完份雞個麵都未到😂😂2️⃣炸衣薄身 火候適中 零油膱味3️⃣炸雞外脆內嫩 雞肉質感👍🏼4️⃣配上山葵蛋黃醬 提升層次感😋味道永遠滿足唔曬全部人🇭🇰要咁認真去製作一碗麵真係唔容易希望香港人繼續支持更多小店💪🏼💪🏼

自從在日本旅行後，我很少在香港吃日本料理。因為用在日本的價錢，永遠都買不到在日本的質素，更買不到在日本的服務。但最近，在同事的推薦下，我到訪了屯門的一家拉麵小店——道，認為都值得大家一試，所以想推介給你。這家拉麵店並不在市中心，即使在輕鐵站下車也要走一小段路才能到達。那時是星期六，我剛去到餐廳，便看到門外有7-8人在等候。通常這種情況我也不會等，但因為懂吃的同事介紹，下午又沒有行程，所以我便坐在門外的膠椅等候。幸好餐廳的翻桌率高，我等了十多分鐘就有位子。我關掉耳機中的音樂，準備與拉麵來一場深入對談。餐廳面積不大，所有東西一目了然。12個位子，4個員工，木質系的裝修。桌上有一壺冰水、一個鐵杯以及一個餐具盒，廚師就在你面前料理。雖然它和我在日本時去的拉麵小店格局相近，但看來它也要面對香港租金壓力，所以整間店空間較細，用餐空間也明顯地較侷促。這一點體型較大的朋友可能要特別注意。另一個我認為有點美中不足的地方，是它所播放的音樂。在日系的質樸小店，卻播放着快節奏的嘻哈音樂，總覺得有點違和。但這當然不是重點。看着菜單上四款拉麵以及兩款小食，我選擇了雞白湯拉麵以及兩件同事推薦的炸雞，另加上一枝薑啤。

📍屯門人氣拉麵小店‼️· 濃厚creamy雞白湯🤩 — 道🍜·#pigfoodiexhk_屯門#pigfoodiexhk_日本菜 ==============================Boomark呢間位於屯門嘅小店好耐！前排放假終於的起心肝過嚟食🥰餐廳唔太近地鐵站，要搭兩個輕鐵站。當日下午兩點幾嚟到都坐到差唔多full house，可見人氣十足😍（聽聞peak hour要排長龍！）—————————————————————-⭐️雞白湯拉麵 $98雞白湯非常rich!味道creamy綿密，雞香味好出！食到中段仲可以加柚子碎解膩～拉麵幾煙韌同幾掛湯，雞叉燒用咗煙燻製成，肉質鮮嫩🥰唔洗排大隊嘅話絕對值得試試😋—————————————————————賣相：3.8/5味道：4.5/5性價比：3.3/5推介度：3.7/5—————————————————————📍道 @michi_no_ramen 屯門青菱徑7號華興大廈地下H號舖

呢間拉麵舖真係長期都好多人排隊🥹起碼都要排一個鐘先食到 不過真係好好食🥹🐽濃醬油雞清湯拉麵 $118本身好鍾意食醬油湯底 今次見到有個濃醬油版緊係要試下佢😚店員都好詳細咁介紹佢地碗拉麵🥹用左5種唔同既醬油配合自家製熬既雞湯而成 自己個人就覺得有啲鹹🤣我都係適合食返普通版多啲🙊麵條偏幼身 口感好有咬口😋叉燒整得好嫩口 微微煙燻味🤤溏心蛋都好出色 好流心✨蛋黃好橙🫣🐽塩雞清湯拉麵 $98另外試左碗塩雞清湯拉麵😋湯底清得黎又好有雞味😚係真係會成個湯不知不覺飲曬🫣麵條一樣都係偏硬 但整體黎講都係好好食🥹🐽螢光魷魚 $48佢地定時都會有期間限定既小食 嗰時就有螢光魷魚🥰仲要好好彩得返一份🫣真係好好食 唔似平時食嗰啲死鹹 好鮮甜🥺

原來紅橋有間主打雞白湯拉麵店，位置都有點隱蔽。晚市六點開始，店內座位只有12個，亦只有一個師傅煮麵，錯過了頭圍用膳，就要等一個鐘。▪️雞白湯拉麵 $98（附雞叉燒 、味玉、紫洋蔥、青蔥及香葉碎）頭湯味道濃厚，但無預期中綿密。店員建議中後段加入香葉令味道清新，但分別不大。麵條得一款，不能選擇軟硬度，口感偏硬，掛汁力亦一般。▫️ 濃醬油雞清湯拉麵 $118（附雞叉燒、味玉、紫菜、大蔥及青蔥）湯底以5款秘製醬油，包括日本手工製醬油調製，濃郁醬油麻香味而不太油膩。店員推介可加入黑椒粒提升層次，但味道有點蓋過雞湯。慢煮煙燻過的雞叉燒，不算乾柴但又未算嫩滑，普普通通；味玉有點過熟但勝在夠入味。▪️唐揚炸雞 $28即叫即炸，粉醬不多，調味剛好，口感細嫩多汁。拉麵店裝修較為現代風有別於傳統店，席前料理讓客人能夠觀摩整個煮麵經過。區內有特色的拉麵店不多，雞白湯也是；如果對拉麵要求不高，可以一試。

景峰算係屯門一個美食點，週圍有很多不錯的小店，而這間算是偶然發現的驚喜 ～由斜路行落嚟，見到有人响度排隊，八卦走過嚟望下先知呢度有間拉麵店。見人唔算多就排下隊試下。這裡選擇不算多，只有幾款拉麵和小食。我和朋友就揀咗兩碗拉麵（塩鷄清湯拉麵和濃醬油鷄清湯拉麵）和一份唐揚炸雞。兩碗湯底也很湯清，不像現在很多濃到起漿的湯底，我個人較喜歡塩鷄清湯拉麵，因為濃醬油有少少太重醬油味，有少少澀。叉燒用了鷄叉燒，不會太鞋，但有點太薄。炸鷄也蠻不錯，不會太油，夠多汁。呢度嘅服務亦相當不錯，除咗有禮貌，侍應在每次拉上桌時，也會介紹一下他們的拉麵，相當貼心。