達人烤肉 (已結業)

近排阿媽好迷好迷韓劇，就連出街食飯都話要食韓國菜，咁我就梗係陪佢去喇 呢晚我就揀咗達人烤肉 入到去就叫咗呢款新推出既火燒五花腩同其他小菜，而最有印象都係呢度火燒五花腩，皆因侍應係放低碟肉後就會淋上燒酒再點火燃燒，其間酒香四溢，呢個時候就梗係影相喇 之後侍應就會將充滿酒香既五花腩剪成小片放在烤爐上燒，一陣之後四周就充斥著陣陣肉香 燒熟後既五花腩外脆內嫩，食在口中完全唔覺得油膩，反而食到肉質好新鮮，同時入面仲好juice，以生菜包裹進食就倍添風味，阿媽都話勁好食，我都好有同感 不過燒好後就要快d食，唔理佢就會好快燒到乾晒，會變左好似腳皮咁硬，所以一係食快d，一係就夾起先，唔係就會浪費晒，之後再燒埋高級牛仔骨同豬皮後就食到飽晒，今餐好滿足呀~~~~ 

其實我都好鍾意食韓燒，所以好多時都會周圍搵韓燒食，今晚就去左尖沙咀既達人烤肉食食食~~一坐低店員就已經將配菜放到全枱都滿，同時仲加入蛋漿、粟米粒同洋蔥在爐邊位置眾多配菜中，生菜就係最重要，呢度d生菜勁新鮮，不過就唔係任食，每加一次就會收取$20，唔算太貴另外更有我好鍾意食既沙律配菜，係未開始燒前就已經被我食晒，呢款係可以任添的向來酷愛牛肉的我就點選了特牛肋骨肉，其實就係高級牛仔骨，成件肉中就只有一嚿骨，燒時店員會成塊燒，然後再剪開，肉質香嫩唔在講，而且更鮮味十足，食得出肉質好新鮮，同時脂肪又唔多，以生菜包裹下點上特製漿汁尤是鮮味無窮，正！豬皮我食得多，但燒豬皮又真係未試過，所以係好奇心下就叫左烤豬皮，豬皮燒完後會縮小很多，口感好膠，有少少黏牙，味道就較清淡，沾上少許花生粉食，就好似食緊和果子咁，同埋每食一口都覺得好多骨膠原，好養顏，對女性而言真係好正，因此我不停係咁食~哈！食到咁上下有少少口乾，於是就叫左新出既棉花糖西柚蘇打，黎到時個樣好靚，呢個時間當然相機食先~飲落味道好清新潤喉，棉花糖又好好味，完全可以滿足到爆鍾意食甜品既我就係咁食下食下就過左一個開心晚上，開心~~~~

天氣轉冷最好就係食肉進補, 一於約埋好姊妹去烤肉補一下呢間烤肉在韓國街尾, oppa 介紹下點左”火五花腩”, “護心肉”和”特牛肋肉”. 韓國型仔先 serve 個火五花腩, 一點火好似玩魔術咁, 又香又好睇! 好快燒好馬上試試, 豬肉香味再帶d酒香,咬落又有d油又d汁好正. 而且燒一燒 迫左d肥膏出黎, 可以多食唔怕滯護心肉要自己慢慢燒, 冇五花腩咁香但肉味濃d, 用生菜和配菜包住食好配合輪到主菜牛肋肉, 好野梗係要找型仔幫手燒. 佢三兩下手勢已搞掂食得 (自己燒過火就0徒料了) .未入口已聞到牛的香味, 肉質好嫩好淋幾乎唔使咬, 而且醃肉的味唔會蓋過牛肉, 必食夜市好旺場全滿, 記住要訂位,因為訂位有9折

尖沙咀真係可以稱得上係韓風既集中地，一條街真係隨時可以有幾十間韓國人開既食肆！「達人烤肉」為於尖沙咀柯士甸路，由佐敦港鐵站行過去都只係約十分鐘左右，唔算難搵。雖然只不過係閒日既夜晚，但七點半去到已經坐無虛席，真係旺場到不得了！！蜜瓜雞尾酒 ($55)：喺雞尾酒裹面放左蜜瓜味雪條呢個idea真係玩味十足！好處係唔會好似平時落左冰既酒飲到尾段既時候淡得濟，但相反因為酒越黎越少所以飲到尾既時候會超級甜！棉花糖青檸檬蘇打 ($55)：好似嘉年華成日食到既棉花糖放喺lime soda上面既構思真係非常有特色，絕對啱晒D鍾意「相機食先」既朋友。不過，由於烤爐既熱力會溶晒D棉花糖，所以要注意唔好留到最尾先食呀！特牛肋骨肉 ($200)：牛肉質地非常鮮嫰，紋地同埋肥瘦比例非常之「到位」，放喺個爐上面係咁易燒一燒已經OK，做到表面熟透之餘又能鎖住裹面既肉汁，絕對係必食既推介。火五花腩肉 ($120)：見到咁粗既肥肉個心不其然諗起亞姐果句「嚇死人咩，個心離一離」既經典對白，真係做多多gym都補唔返！不過抱住一貫「食左先算」既態度既我都唔理得咁多喇！Anyway，五花腩香口而且非常易入口，如果配埋碗白飯真係

一向都喜歡食韓燒既我地，今日趁住舊同學聚會一行5人黎到「達人烤肉」一齊食晚餐。呢到地方都幾大，環境都算舒適。餐廳大部分職員都係韓國人，只可以用簡單既英文同佢地溝通。夜晚7點半左右到，餐廳都幾乎滿座，下次真係要早少少BOOK 檯至得。同好多韓國餐廳一樣，坐低無耐未點菜時已經會有前菜送上，我地今日既前菜有好幾款: 醃洋蔥絲，泡菜，生菜沙律等等，全部都係可以免費refill架。而係呢個時候，侍應們都開始為我地預備配菜，就係爐邊既蛋同埋芝士粟米啦。芝士粟米既芝士味唔太濃，最適合我地呢班唔多好芝士既朋友。至於爐邊蛋，雖然要煮成20分鐘，但係食落好香好滑，等都係值得既。用黎放我地ORDER左既食物既餐車，咁樣既話我地張檯就唔會唔夠位放其他食物啦。生五花腩肉: 一大件五花腩肉放係烤板上燒，咁大件肉就梗係要慢慢燒架啦，係燒到一半既時候侍應仲過黎幫我地剪開一片片，方便我地繼續燒落去，燒好左既五花腩肉質相當鬆軟，有彈性而滲出油香，入味得黎又唔會太鹹，脂肪和瘦肉很均勻。達人護心肉: 呢碟肉一樣要搵侍應幫忙，旨因護心肉切成長條狀，自己烤一定有難度。護心肉肉質紥實充滿嚼勁，食落好咬口同有彈性，醃得都幾入味，脂肪

朋友聚舊, 友人甲極力提議吃韓燒, 因為他未曾吃過非自助餐式的正宗韓燒 .... 友人乙選擇了口碑甚佳的 達人烤肉 ~時間是下午六時, 我們三人是第一檯客 ~韓燒的前菜、蔬菜, 通通送上 .... 侍應生馬上幫我們開爐煮蛋, 不一會泡菜蛋便完成 ~當然還有 芝士粟米, 這個配搭 ~火五花腩肉 $120/150g侍應生在五花腩肉上點火 .... 火光熊熊 .... 然後放在烤板上, 烤 ....要慢慢地烤, 不覺急進的 ~烤得四、五成熟, 侍應生便會把五花腩肉剪成一片片, 繼續烤 ....Done!! 終於烤好, 可以吃了!! 五花腩肉, 有焦香脆口又略帶酒香, 肉質軟腍, 惹味 ~特級牛肋骨肉 $200牛肉肉質鮮嫩, 快速的在烤架上燒熟, 肉汁仍是保留著的, 不焦不老, 肉味濃郁味道帶甜 ~棉花糖藍色檸檬蘇打 $55賣相得意有趣, 味道甜酸, 是偏甜的 .... 本篇完 ~

達人烤肉 #尖沙咀位於韓國街的達人烤肉都幾容易揾入面既燒烤爐裝修同bbq7080同新蒲麻的差不多！三間餐廳都有長筒型的抽氣筒！每台的椅子都可以放袋和衫，除了方便，也不用擔心掛住談天說地比人偷錢😁！同行者指餐廳有4Gwifi?! 不過我無證實，非常方便大家一邊玩手機一邊燒烤。----------------------六點半準時到達，人流不算多，餐廳既燒肉味吾太強烈！所以當晚食定韓燒，番到屋企件衫都無味😁勸大家早小小去食，雖然我食個日係星期二既六點半，但食七點幾就開始好多人。店內位同位之間有d密，吾方便大大聲聲講秘密，不過就適合大家八卦寸隔離台叫左咩菜式，再自己叫黎食下！哈哈哈--------------------達人烤肉的免費前菜方面：附近所有餐廳都係食韓國野既 一坐底每人：一碟甜甜地的洋蔥絲二人share：一碟辣泡菜和蒜頭 及 一碟甜芽菜👈可refill一碗生菜👈不可refill一次的芝士粟米👍👍👍👍不可refill一次的烤蛋👍👍👍不可refill----------------------------達人烤肉的非肉類方面：爐邊芝士粟米👍👍👍👍 (5分滿分)爐邊烤蛋👍👍👍 (5分滿

晚飯成日唔知要食咩，都會睇下openrice呢期大家都食咩 見尖沙咀間達人包車好似幾吸引，就黎試下7點黎到已經開始有人排隊等位，我地大概都等左5分鐘就入座整個環境有點偏暗，每張烤爐圓檯都有抽氣筒，吸走D油煙，我就覺得作用唔係好大，不過好過無。服務員好多韓國人，識講英文同普通話 很喜歡這裡的烤肉，脂肪含量少，肉質紥實充滿嚼勁。肉味細膩濃郁集中，並沒有油膩溢口。 有叫烤肉的服務員都會幫人烤同剪到一塊塊，很熱心  除左烤肉夠厚又大塊之外，醬汁都好緊要，餐廳提供3种味道的醬汁比大家，不同醬汁都好有特色。爐邊的蛋漿也是我很喜歡吃的，很嫩滑，入口即溶

有晚睇後突然好想食烤肉，同阿囡傾傾下，就話試下依間，報稱有人食過ok。過左2日終於有得食星期六緊係訂位啦，所以去到好快就有位（仲早啲少少添）唔叫餐，散叫左幾樣1. 豬腩肉 - 真係好一般 <-唔知依啲叫唔叫驚喜2. 護心肉 - 接受範圍內3. 牛胃 - 幾得意，不過有啲“趙“口，可能整得耐左掛4. 牛肋骨 - 終於食番樣似樣嘅嘢，包埋生菜仲好食儲左咁耐嘅gus，好似仲淨番啲，就再試多兩樣5. 生牛肉 - 啲肉尚可，不過成$200，唔值6. 牛腸？ - 食到最後啲fd有啲full, 反而依個最香，個尾扳回少少飲品A. 蜜瓜cocktails - 去7仔買雪條丫唔該B. Corolla - 未好鬼鐘意將啲甜啤酒倒豎蔥咁插入隻杯道，好靚咁嘅。不過依道創新啲，搵個薄身窄口嘅高腳紅酒杯，照樣倒插，連個穩定個架都無，真係危險指數爆燈。C. 檸樂 - 因為我真係諗唔到有咩好飲，所以叫左杯最穩陣嘅，而嗰兩薄片檸檬亦盡顯水吧都係要有刀工！環境 - 一般烤肉店，空間ok衛生 - 大排檔執枱法，將執到尾啲垃圾掃落地下，達到收工嘅效果。服務 - 基本上韓燒都有會有staff主動幫手，不過依間好似無，叫

朋友介紹所以黎試下, 可惜失望而回抽油煙系統麻麻地,有d 焗野食一般,牛肋骨同牛腸OK,五花腩又細份又唔好食叫左杯Maxican buldog, 用個白酒杯倒插一支CORONA,可能係力學上計係無問題0既,不過我堅係驚打爛佢隻杯服務一般,呢個價錢可以有更好0既選擇

睇韓劇總會有一幕係食韓燒既，一直都好想試下正宗既漢燒。所以對香港每間韓燒餐廳都特別有興趣。今次特登同幾個朋友一齊黎試下，這間位於韓國街的達人烤肉，入面既燒烤爐都有長筒型的抽氣筒！同埋有個細心位每張台既椅子都可以放袋。前菜方面：洋蔥絲、辣泡菜、蒜頭、甜芽菜、生菜、芝士粟米、烤蛋雖然前菜係配定的，但食落又幾新鮮，不會覺得食放很久的。芝士粟米不會很膩！烤蛋不要烤太久，見表面開始凝結就可以吃了，口感會更美味。食物方面：蝦雖然份量不多，但好在夠新鮮同埋色澤剔透。口感是爽口帶有鮮甜，不是不新鮮的那種。另外燒豬皮, 餐廳很細心上菜前已經剪好一條條, 我們直接放上爐燒就可以。如果覺得一條條不夠分的話，可以燒好后自己再剪小塊分享。豬皮值得推薦是它有豐富的骨膠原，愛美的女仔首選。味道好特別！重點推介餐牌-特牛肋骨肉，好大一塊。自己無從入手既話，唔洗驚！有韓仔侍應生會主動走黎幫你燒。特牛肋骨肉唔洗燒好耐，燒一陣外面那面已經是脆的了，加上牛肉本身醃過，食下去是鬆化中帶嫩，味道完全覆蓋滿口，令人回味！服務方面：一開始還怕會溝通不了，這裡的侍應多數都是韓國人，但其實他們是懂得說普通話。他們都很nice.會主動幫你

今晚我們去咗達人烤肉The Pan食韓國燒烤！我們叫咗秘製特級牛仔骨、LA牛仔骨肉、竹筒五花腩肉、烤大蝦、水冷麵同兩款特色棉花糖梳打特飲「黑加侖子」味同「檸檬」味！秘製特級牛仔骨有秘製嘅調味，令到牛肉嘅香味非常濃郁，肉質亦相當嫩滑，唔駛點任何醬汁都已經好好味！LA牛仔骨肉嘅肉質好鮮嫩多汁！竹筒五花腩肉一層層嘅脂肪喺燒過之後，將啲油逼晒出嚟，令到肉質更加香口彈牙，用生菜包著五花腩同洋蔥泡菜一齊嚟食，除咗可以令到口感更加豐富之外，仲完全無油膩嘅感覺，所以我們再加多一碟！烤大蝦嘅尺寸真係好大隻，蝦肉嘅肉質非常爽口彈牙，味道非常鮮甜！水冷麵嘅麵質都幾煙韌彈牙，味道比較清！而喺爐邊嘅蛋漿相當嫩滑，而粟米芝士亦唔會太濃同太膩！特色棉花糖梳打特飲「黑加侖子」味同「檸檬」味又可以飲又有棉花糖食，真係非常特色同創意十足！

幸好早到6點半就到左，大約7點半就Full house la!食物黎齊後，員工會先加D油係豬肉上，再用火槍燒豬肉，跟住即刻著火，好似張相咁！牛肋骨 왕갈비 ($200)烤生豬皮 생돼지껍데기($100)好滿足既晚餐，五花腩肉一啲都五肥膩，豬皮既質感好似jelly咁彈牙，牛肉配上燒汁鮮味好出，再加上其他配料例如芽菜，洋蔥包埋晒係生菜食，真係好正!其次，侍應會將食物剪成細舊，再幫我地燒埋，我完全唔洗落手，哈哈，大部分員工都係韓國人，部分會識講英文，服務幾好！

放工三五成群，當然去公司附近間韓燒食同吹水，環境開揚，抽氣一流，冇大陣燒肉油味，坐都舒服d!盤上既蛋同芝土粟米一流，香噴噴，好似有特別配方，個個都爭住食。個人最鍾意小食類別既牛大腸，特別新鮮惹味，燒上黎已經好香濃牛味，入口爽，個人建議燒耐小小，外皮更脆，內裡溶化，配上米酒一流，encall 再encall。燒到甘上下，個pant 有焦，店員會主動幫你換，食物都會幫你剪，方便大家分，service 一流。各位想食記住避開放工時間，吾糸就撞到我衣d上左癮既打工仔女。

燒烤爐邊有蒸蛋同芝士粟米😋👍👍配料多 kimchi 醬料OK 👌烤肉點了牛肋骨 護心肉 兩款都好好味😁👍醃得剛剛好 不會過濃或只用鹽餣✨ 雞肉石頭煱飯 味道可以 不過雞肉太少 吃不到😪冷麵 配料太少 只有餣蘿白 如果改用冰凍雪莉 會更好總結：諗起又想食哪！😋😋