達哥牛腩粉麵 (已結業)

老友推介一於去試 又見網上有推介 但就真係麻麻地 叫左個牛3寶河 有牛腩 牛筋 牛肚 唔知係咪我唔好彩 牛腩就真係碎濕濕 用料唔靚 一般茶餐廳既牛腩咁上下 牛筋我覺得太腍 牛肚就正常 河粉都正常唔會碎濕濕 45蚊無野飲 話平唔平話貴唔貴 位置係街市入面有幾個位可以坐底食 街坊就應該外賣多

心血來潮想食達哥牛腩今次揀牛腩飯食食完真係一試難忘牛腩肥瘦適中唔會好瘦亦帶有少少肥香每舊牛腩都有好濃嘅味道連埋啲腩汁真係覺得超好食！牛腩大概十件八件蘿蔔就有三大舊舊舊都大件，唔係薄切👍👍美中不足嘅地方係蘿蔔鹹咗少少本人平時極少食牛腩飯經過今次應該會成日食

呢間良心小店，除咗價錢非常合理之外，每種食物都用心掣作。雖然環境係街市，但衛生環境相當唔錯。牛腩夠「林」夠入味之外，蘿蔔又係好「林」好入味同好甜！雲吞超好食，之後問吓老闆娘先知，原來係用大地魚做！要燒D大地魚再礳成粉，先用嚟包雲吞.......一啲都唔係「hea」做。 D咖哩又好好昧，夠香夠濃！除咗食物之外，杯奶茶非常有驚喜！茶味好香好濃，但仍然好滑。茶味同奶味balance啱啱好！總之每種食物都用❤️做！

之前食過達哥牛雜麵覺得似鹵水多過平時出街食嘅牛雜麵個人唔係好喜歡所以一直冇再食呢一日無啦啦口痕想食牛腩麵不過附近冇膽粗粗再試下牛腩麵先發覺原來佢做牛腩係好出色👍首先牛腩好有牛味牛腩分量多件件都厚切而且肥瘦啱啱好米粉份量都好多湯底就唔係清湯不過不失唔會飲曬個湯底有食開紅橋嗰邊有間牛腩麵其實呢間都可以媲美嗰間牛腩麵下次再encore！

喺我屋企附近有條新嘅屋村叫做欣田邨，欣田村入面有個欣田街市，街市入面有一檔牛腩粉麵就係達哥！係佢開張頭幾日我貪得意幫襯左第一碗牛腩麵之後就欲罷不能，首先佢價錢不貴$35一碗大大碗，有牛腩豬手豬腸雲吞等等，全部都好正😋😋😋而我最鍾意就係佢嘅牛腩，佢哋牛腩係一格肥一格瘦一格係根好似牛坑腩咁，但係我覺得仲好食過牛坑腩，我問達哥呢個係乜嘢部位，達哥話係近牛脾位置嘅腩，呢個位置嘅牛腩有彈性但係又夠林身，層次分明而且肉質鮮美，因為牛坑腩有時好瘦同埋柴，比較起來我覺得佢仲好食過牛坑腩好多，咁當然係因為大哥佢精心嘅烹調，咁先至可以令到佢嘅牛腩咁出色，我可以話係出面食過咁多間$35絕對食唔到，呢度嘅牛腩嘅質素出面閑閑地真係要食$50-60都未必有佢整得咁好。😝因為食到隱世高手嘅廚藝，我就多口同達哥傾多幾句，原來佢之前響九龍城坤記牛腩做過，坤記我都食過我覺得達哥嘅牛腩仲好食過坤記喎，而且坤記嘅價錢仲貴呢度一截，都係果句啦，如果朋友你唔嫌遠嘅話我十個推介去欣田街市入面食返碗達哥嘅牛腩粉，絕對物超所值。👍👍😋同埋得知達哥係退休人士，佢退而不休心中仲有果團火，佢想將最好食嘅粉面帶比大家，喺佢身上我見到咩係堅持✊

忍唔住.. 寫我第一個食評。簡單晚餐. 俾我行行吓入到欣田街市 見到全個街市食店都差唔多已經關門. 得返佢一間 《達哥牛腩》仲開梗. 就即管試試佢哋嘅招牌牛爽腩麵...見老闆好有心機排到啲牛腩好靚. 個麵一嚟到. 忍唔住相機食先. 🌟一咬落去D牛腩好爽口. 肥瘦適中. 食落去有油脂嘅香 但一啲都唔覺得肥膩. 同我以前食過嗰啲牛腩真係冇得比！😋再飲啖湯. 成個湯底滿滿係香濃牛味嘅清甜. 說真的. 我真係從來未試過可以食碗麵成碗湯飲晒. 👍🏻🌟朋友點左雲吞麵（唔記得影相😛）. 個雲吞大大粒好飽滿. 蝦肉新鮮又彈牙. 我都忍唔住偷食咗佢一粒 😂細問之下原來老闆已經有幾十年做粉麵檔經驗. 佢哋每日會將十幾斤牛骨去熬製粉麵個湯底. 一啲味精都冇加 （其實幾十蚊街坊價就食到咁嘅質素. 真係值回票價）而個雲吞係老闆娘每一日新鮮包. 所有用料都係揀最新鮮嘅比食客. 值得一讚👍🏻有感而發。。。其實我真係好佩服依類小店. 租金咁貴. 但佢哋都堅持要將最好嘅食物質素俾客人. 呢份誠意同人情味真係好難能可貴！ 👍🏻👍🏻可惜往往比啲大型連鎖餐廳壟斷. 而嗰啲味道只係copy and paste. 無半點特色.