達摩元祖麵屋 (已結業)

今日行經尖沙咀寶勒巷見到一間餐廳放左個好大既達摩，吸引左入去食拉麵。有張紙可以自己選擇湯底、拉麵既麵質及配料。櫻花蝦拉麵 - 湯底濃而不膩，堆滿一角櫻花蝦， 溏心蛋咬一口稍稠的蛋黃有爆漿效果，豚角煮叉燒係一塊厚身叉燒，大大塊，而且肥瘦適中。北海道3.6牛乳湯拉麵 - 奶白色既湯底，飲落好順喉，令人飲完一口再一口。麵條我選了粗麵微曲，入口彈牙爽口。碗麵仲配埋兩大片既豚肩肉、半隻溏心蛋，上面放左d黑松露同蟹子，我重加左木耳，食完都幾飽肚下。餐廳有水提供，不過我地想飲有汽既飲品，叫左樽白桃碳酸梳打同密瓜碳酸梳打，個樽幾靚，飲落唔會過甜。

自從響日本食過黑蒜湯面之後，返到香港都心思思，好想再食過。之後就問班飲飲食食嘅朋友有乜好介紹，最後介紹達摩麵屋俾我。去到餐廳，搵個靚位坐低，打開個餐牌好似好吸引咁，除咗有我最想食嘅黑蒜油拉麵之外，仲有一款招牌菜叫3.6牛奶湯底拉麵。麵質和配料都是自選的，有幼拉麵和曲粗拉麵。配料有䐁腩叉燒，䐁肩叉燒，豬軟骨，豚角煮任君選擇。我們點了一個豚腩叉燒黑蒜油幼拉麵，一個豚肩叉燒3.6牛奶湯底曲粗拉麵。說重點：黑蒜油湯拉麵的黑蒜氣味濃郁，香醇甘厚。喝一口湯，一點油膩的感覺都沒有。3.6牛奶湯底，牛奶味香濃，入口香滑。有水準！粗麵和幼麵的口感各有特色，粗麵比較彈牙，幼麵比較滑身。

有冇試過唔知點解會好想食一樣嘢？唔知點解今晚好想食拉麵但又想試下啲未食過既餐廳Search 左一陣 Openrice 就搵到呢間達摩元祖麵屋諗住叫得元祖同麵屋既啲拉麵一定有返咁上下水準，就打算一試去到門口，店如其名，有一個好大既達摩喺出面二話不說就走入去坐低但聽清楚個格局同menu就發覺瀨嘢除左麵食之外佢地仲有好多串燒、燒物、小食供應係居酒屋既格局如果係其他日子去食可能會覺得正，但我今次真係只想食拉麵叫左佢地menu入面既櫻花蝦拉麵同牛肉烏東櫻花蝦拉麵都幾足料，聞到有櫻花蝦既香氣可惜既係湯底同麵食落似係超市買既質素牛肉烏東都係同樣問題—烏東似係喺超市買既，而且牛肉冇味如果想食拉麵既可能要調整一下期望或者佢其他既食物比較出色

今晚落好大雨，去食個快的晚餐，行左去寶勒巷，比門口大大隻達摩吸引，所以揀左達摩元祖麵屋，西鐵站P3出口行過黎數分鐘就到。餐廳拉麵選擇都好多，我揀左最貴的白河達摩-北海道3.6牛乳湯拉麵 ($88)，麵揀左粗曲麵，肉就揀左豚肩叉燒。仲有蛋同紫菜~好快有得食。先講牛乳湯底，好清，奶香味重，比較清淡唔油膩，仲有蟹籽同少少蒜吊一吊味，唔會食完好乾。麵的份量岩岩好，彈牙有口感。另一碗我們選了雞骨湯拉麵 ($78)，麵揀左粗曲麵，肉就揀左豚肩叉燒！湯底，好有雞湯味又不會太咸。豚肩肉質很軟淋，很有肉汁，又不會太肥，很好吃！

今天下午茶時段跟朋友到一間拉麵店，簡單點了兩款拉麵試試。玄端達摩-黑蒜油湯拉麵粗曲麵配豚腩叉燒，湯底味道濃郁，黑蒜油味道十足，配上香蔥及蒜蓉，很惹味，朋友最後把湯差不多飲完。另外麵身彈牙，配上豚腩叉燒，肥瘦層層相間的叉燒，肉質鬆軟，整體上不錯。白河達摩-北海道3.6牛乳湯拉麵同樣是彈牙粗曲麵，不過配豚肩叉燒，是比較少肥膏的瘦叉燒，適合女仔，可以吃少點肥，味道同樣好。另外，糖心蛋糖心效果佳，蛋黃香，是用上日本蛋來做的。我們還是第一次試這款湯底，湯底較清甜，帶奶味，香滑，加上蟹籽，吃來味道頗有特色。我們都不喝酒，點了兩款日式飲品，白桃梳打及招財貓梳打(蜜糖味），雖是細玻璃樽裝，但飲落頗飽肚，這可能跟本來十足份量的拉麵有關，不過印象中香港好像未見過。白桃梳打充滿白桃香甜味，不俗，下次可以再試其他味道。

白河達摩（北海道3.6牛乳湯拉麵）💲88松川達摩（豚骨醬油湯拉麵） 💲72無限追加拉麵配料 💲30餃子/雞翼 💲2（隻）*加湯底需另付💲25⚠️只限星期一至五堂食⚠️✅ 配料上得快又俾得足 淨係呢點已經令佢勝過同類型既餐廳🎊✅ 叉燒🐷 豬軟骨🐽 等肉類都可以任加➕➕➕ 豚角煮🐗 更加係超厚切 味道都唔錯✅ 粗麵麵質爽口彈牙😋 湯底夠味🍜💦 但唔會太濃令到人好容易濟❔ 餃子同雞翼要額外加錢🤔 不過價錢都係💲2 一隻 唔算貴 但兩者都偏炸🥟🐓👅Taste：3.5/5💰CP值：4/5🙋🏻‍♂Service：3.5/5👁‍🗨Stylishness：3.5/5

一早約定囡囡去尖沙咀行街，行到一半覺得有點肚餓，囡囡喜愛拉麵，她被門外有紅色大達摩公仔所吸引而進入一試。囡囡選了她至愛的櫻花蝦味噌湯拉麵（$78），我也揀了我喜愛的北海道3.6牛乳湯拉麵（$88），各取所需。麵質有粗幼兩款，义燒就分為四款，我揀了最普遍的豚腩义燒，囡囡因未嘗過豚角煮就決定揀這款。 其他配料如葱、筍和蒜蓉則任由你要或不要。這間店還有多款日本手工啤酒供應，今晚因同囡囡一起就放棄任何酒精飲品而選擇了梳打，為咗可以嘗試多一種口味，所以我們分別揀選了同店名一樣的元祖達摩梳打（檸檬味）和豐潤白桃梳打。囡囡的櫻花蝦拉麵只要蒜蓉，原來還有半隻蛋和兩塊紫菜。囡囡對拉麵讚不絕口說整碗拉麵都充滿櫻花蝦，溏心蛋又好味，麵有咬口，唯一是略嫌豚角煮肥瘦分佈比例不均勻，肥的偏多了點，吃完有點肥膩的感覺。我㨂的北海道3.6牛乳，湯底相對較為奶白色，豚腩义燒肥瘦適中，我也很喜歡那半個溏心蛋，紫菜就夠脆。至於飲品，梳打味道似波子汽水偏甜，兩枝相比，白桃梳打的味道較濃，一開便已聞到香桃味。吃完拉麵，我們就繼續我們的shopping去了！

拉麵都成日食，我太鐘意濃郁既湯底好rich ，自己住個邊唔算太多好食既拉麵店，放工近近地尖沙咀食飯，心郁郁又想食拉麵。Order 拉麵有張紙俾你自己圈，麵質、湯底、蔥蒜都有得揀，特別既係連叉燒都分左4 types。自己好重口味叫左個黑蒜油湯底配粗曲麵，而叉燒就揀左豚肩叉燒。黑蒜油湯味濃而不膩，蒜味突出，一口麵一口湯，好滿足😋 自己唔鐘意麵質太淋既拉麵，呢個就岩岩好。豚肩叉燒入味，嫩而唔會好多肥膏，揀呢款叉燒會light啲佢野飲亦係重點，除左出面好難搵既支裝蜜糖梳打之外，仲有即整既接骨木花梳打同蘋果青檸梳打。自己飲過elderflower 既Apple cider 覺得難以忘懷，都冇諗過就即刻揀左佢，入口有淡淡花香幾清新，唔會太甜，feel 到老細對飲品有研究，同食客好有interaction，氣氛唔錯。

今日係星期日，但都要返公司整一整啲手尾，搞到假期都要late lunch朋友揀左寶勒行一間拉麵店，肚餓的我當然沒有異議我二話不說就揀左「辛辣湯拉麵」，朋友就要左「黑蒜油湯拉麵」辛辣湯拉麵原來中辣都有一定既辣度食唔到好辣的，就建議食小辣湯既味道不錯，不會太咸，仲有啲炒香左既肉碎添豚肩叉燒，有四款叉燒選擇的，我就揀左無肥肉既豚肩叉燒岩哂我唔食肥肉，如果鐘意有少少油份的，就可以揀豚腩叉燒，而豚角煮就再肥美啲！豚肩叉燒雖然係肥肉，但肉質一啲都唔鞋架粗麵有口感我較鐘意食呢種口感黑蒜油湯拉麵黑蒜既份量一啲都不吝嗇，令整碗都增色不少特別香濃無花果梳打+荔枝梳打

第一次食呢間拉麵，佢嘅拉麵湯底選擇唔算多，叫咗佢啲辣嗰款同埋黑蒜油。辣嗰款叫咗中辣，佢個湯底同埋面質幾好食，但係中辣都真係幾辣，仲勁過譚仔三小辣。唔係太食得辣嘅人最好揀小辣，如果唔係就會食得好辛苦。黑蒜油就冇咩蒜味，淨係成碗野黑黑地同埋好油，唔識得試。叫咗幾款小食，最值得試係免治雞軟骨棒，而家唔係好多日本餐廳有得食，多數都係雞軟骨串。不過如果有埋燒汁就更加好食啦。仲叫咗個芝士年糕，不過就麻麻哋，不值一試。

星期一收工與友人相約一齊去Happy Hour，去之前我地決定食個拉麵，就選擇了位置尖沙咀 - 達摩元祖麵屋。餐廳離港鐵站大約五至十分鐘路程，十分便利，我們晚上七時十五分到達，當時可能未到晚飯時間，餐廳裡的客人不算多，我們坐得十分之舒適。餐廳的佈置簡潔得很，每檯都放有一瓶冷開水，與日本一般拉麵店沒有違和感。餐牌上的拉麵款式近十種當晚我們分別選擇了『姬 達摩(辛辣湯拉麵) $82』及『玄端達摩(黑蒜油湯拉麵)$82』。拉麵麵質客人可以挑選細麵及粗曲麵，叉燒方面亦有可以揀『豚腩叉燒』、『豚肩叉燒』、『豬軟骨』、『豚角煮』，蔥、筍、蒜蓉等配菜亦可以選擇要與不要，貼心得很。先講『姬 達摩(辛辣湯拉麵) 』，一上檯已經嗅到微微的辣味，讓人口水直流，食慾大增，拉麵上的木耳絲、蔥花、蒜為拉麵增色不少，兩塊紫菜及糖心蛋可以算是為拉麵錦上添花。而『玄端達摩(黑蒜油湯拉麵)』則充滿濃濃的蒜香感，愛食蒜的人必然不能錯過。飲品方面，當然是一試餐廳的特色梳打，『元祖達摩梳打(檸檬味)$28』及招財貓梳打(蜜糖味)$28』。梳打的玻璃樽圖案十分之吸睛，名呼其實的kawaii，飲落很順喉，不會一味死甜，值得一讚。兩

放完工同朋友約會行尖沙咀，之後就嚟咗呢間位於寶勒巷嘅日本拉麵店食嘢。呢一帶嘅餐廳選擇比較多，咁啱經過見到呢間，決定一試。拉麵店嘅環境幾寧靜，店員同我哋傾計交流，推介我哋各款拉麵同埋飲品，仲好熱情咁招呼我哋，真係幾難得。呢度嘅拉麵各有名堂，全部以乜乜達摩拉麵命名，其實係唔同味道嘅拉麵，餐牌上面都有寫。我揀左白河達摩，即係北海道牛乳湯拉麵，因為見牛乳湯拉麵比較罕有，較為特別。牛乳湯令到個拉麵特別滑身，食落香口。拉麵嘅份量ok，配有日本出產嘅雞蛋同埋紫菜，賣相唔錯。我嘅朋友點咗松川達摩（雞骨醬油湯拉麵）。我試咗少少，覺得雞骨同埋醬油呢個配搭幾特別，但個人口味都係喜歡北海道牛乳拉麵多啲。面質可以揀幼麵或者粗麵。叉燒有四款，可以揀豚肩叉燒、豚腩叉燒、豬軟骨，同埋豚角煮。至於蔥、荀同埋蒜蓉就可以選擇份量。食拉麵齋飲水真係唔夠爽，嗌埋杯冰涼嘅飲品就正啦。我地分別叫左青檸無花果梳打、青檸蘋果梳打。價錢方面，一碗拉麵加埋一杯嘢飲，大概一百蚊左右一個人，價錢合理。

老公中午想食拉麵，想起之前老友提过赫德道有間達摩元祖拉麵。去到一看才知達摩原來就是日本那個だるま公仔😄。湯底也有很多選擇，但我一揀就揀雞骨醬油湯底 老公就舉腳不定， 黑蒜有湯拉麵還是和我一樣😮。揀好湯底就揀麵的粗，幼，我選擇了幼麵，肉類有４款揀，其它葱·筍·蒜蓉，也可選擇要或不要。最近的拉麵店也像車仔麵那様，可以再追加其它食物，當然另外收費😄。湯底比較清淡，沒有豬骨湯或醬油那樣濃。因為是幼麵，所以比較軟。义燒因為是用豬腩肉，所以入口即溶😄。這裡除了拉麵也有其它小食，就像一間居酒屋似。

與男朋友到尖沙咀寶勒巷搵食，呢度一向食肆林立，但我就俾佢門口嗰隻巨型達摩吸引住，所以就入去試一試。室內裝修充滿日式居酒屋的風格，桌上有檸檬水、芝麻及七味粉供食客使用。我點了黑蒜油湯拉麵配豐潤白桃梳打，男朋友則點了北海道3.6牛乳湯拉麵配元祖達摩梳打（檸檬）。麵底可選擇幼麵或粗曲麵，另有四款肉類可供選擇，每碗湯亦配半隻糖心蛋。除此以外蒜蓉、蔥及筍均可以在落單時由食客決定是否需要。牛乳湯十分特別，有濃郁牛乳香味，但又絕不會覺得有違和感，而黑蒜油湯底則有濃郁黑蒜香味。糖心蛋十分好吃，咬下去香甜蛋汁流出，衝擊我的味蕾。特別喜歡白桃梳打，桃味香濃，就好像在吃一個新鮮桃一樣，配上拉麵簡直一絕😋

其實之前Lunch 經過好幾次麵屋元祖達摩拉麵店都無入去， 因為而家日本拉麵店一碗連加一好多時都要成一百蚊， Lunch 唔想食咁貴嘛。。。 但個日係好想食拉麵， 所以就入左去試下， 點知係好有驚喜， lunch 有3種set, 我叫左個煎餃子加櫻花蝦湯豚腩拉麵， 價錢只係$60, 真係好抵食呀！⭐️⭐️⭐️⭐️碗拉麵黎到 , 第一時間當然試啖湯啦， 好濃郁但唔會話好咸個種， 煎餃子都好食。我好少可會成碗麵食晒， 可能肚餓又啱我口味啦！ 最後老闆話有新特飲仲請我飲杯。