那個ㄋㄚˋ ㄍㄜ˙ (埃華街) (已搬遷) 新店位置

夜晚無堂食 只可以晏就去一直好想去嘅那個~~ Lunchtime12半去都要排差唔多半個鐘，不過值得嘅！ 排隊嗰時諗左好耐食咩好，最後都係揀翻應該係最多人食嘅排骨同埋鹽酥雞😙兩個都好好食！ 排骨好大件，好滿足！ 鹽酥雞好香脆！ 便當都會配幾個是日配菜，好好食~~ 個份量大到超飽😆 正!!!!試咗個炸蝦卷小食，配埋啲椒鹽(?)之類嘅調味粉，好惹味☺️仲要一提，飲品可以揀是日湯，今次係蒜頭雞湯，本身見個名怕會怪怪的，但飲落唔會太重蒜頭味，反而個湯幾濃，有驚喜！總括來講，雖然要排隊，但係都好值得去一試!!!!!!

那個ㄋㄚㄍㄜ 近年疫情原故，就黎又有第五波，香港人冇得去旅行，令香港每逢節日都唔知做咩好。其中我最掛著嘅係台灣，當地嘅美食眾多，價錢又親民，又大大份，而呢間餐廳就專賣台式便當，仲要超熱門🔥。 那個(台灣拼音:ㄋㄚㄍㄜ)位於大角咀埃華街，由幾位年輕人創辦，曾經去過台灣學廚，19年開業，由細舖搬大舖，餐廳長時間大排長龍，假日嗰D就唔洗諗去食架啦🥲。 店內格局偏暗，以水泥風格為主，而枱櫈就用咗木料，裝修較為樸實。話明係台灣菜，但呢度唔買牛肉麵滷肉飯呢D大路野🤔，專做台式便當，有排骨雞腿炸魚等等，唔知佢好唔好食，但一定包飽到反艇。 那個滷排骨便當$66 講真，第一次見一塊排骨可以大到咁，同隻大碗嘅size 差唔多🤯🤯，好似唔洗錢咁🤣，前所未見。價錢唔洗講簡直抵到爛🤑。 排骨並非一般炸排骨，據說呢度要炸兩次再淋上秘製滷汁，所以外皮就唔會脆得去邊，而被D滷汁浸透，個人就麻麻呢隻淋咗嘅脆皮，始終都希望好似韓式炸雞咁浸咗醬汁之後仲keep到脆身😑 裏面嘅肉係厚切，已經幫你切開咗，食落鮮嫩多汁，肉味比想像中濃，旁邊有少少肥位，但又唔多，有少少油脂感😛 滷汁望落好黑，裏面有黑色嘅點點(好似黑蒜🤔)比較杰身

又係一間排隊店，幾時去出面都係有人等緊位😏所以應該唔會差得去邊😂咁就排排佢先🚶🏻‍♂️🚶🏻‍♂️🚶🏻‍♂️大概等左半但鐘左右，因為係食晏時間⏱所以人都比較多，不過啲食客都幾好食完就走👍🏻無坐係到吹水，唔係應該會等得重耐😕滷排骨便當🍱($66)整個排骨都幾多功夫，先醃好，再炸，之後再滷👍🏻食落甜甜地酥脆🤩個炸粉又唔厚，重點係肉質唔乾。而係排骨嘅下面除咗飯之外仲有一啲配菜，炒冬粉同玉子都好好食而且每個禮拜有唔同嘅配菜😋但係我亦都覺得又唔好嘅地方就係嗰塊排骨太大塊，個碗又比較細，個排骨佢又冇完全切開晒🙃其實食起上嚟都係幾狼狽😅推薦？🟡🟡🟡🟡⚪️好彩呢個排咗咁耐隊都冇令我失望，如果冇咁多人排隊絕對可以再去食😂

💛Bookmark咗呢間好耐 但因為驚排隊一直未試///終於有日day off 可以12:00前去到唔洗排🤣(我食完出嚟已經有隊lu🙈高質台式便當 全部都大大份 配料又多！推薦推薦✨✨✨-🐖【那個滷排骨便當】$66 lunch 佢哋嘅排骨係超 級 大 塊 ! 成塊面咁大🤩滷排骨幾入味 調味唔錯 唔會好鹹～肉近肥膏比較腍身 但某啲部位會乾咗少少🙈(Btw超大塊肉 咬到我咀嚼肌好攰😂除咗主角滷排骨 便當中有五款配菜! 個個星期唔同~今次：蔥酥大白菜+紅腐乳粉絲+宮保雞丁+玉子燒+涼菜個人最鍾意粉絲✨ 菇都正~ 玉子燒就甜咗啲🙈飯份量唔算多 不過有肉+配菜sssss 真係食到超級飽!淨係食餸都好夠飽🤣 - 【香酥魚菲力便當】$66✨推薦✨ 呢個超有驚喜!!!本身想叫期間限定豬軟骨 但去到嘅時候未準備好見menu呢個係新品 店員又推薦就決定試吓!個魚係超級無敵正呀! 有三大舊 外脆內嫩重要一咬落去啲汁流曬出嚟😍 趁熱食勁正!!!魚表面有啲香料 食落有啲似黃咖喱 係好味嘅👍🏼其他配料同排骨便當一樣~兩款便當個人鍾意呢個多啲!!! 真係好高質🤤-🧋【黑糖波霸奶茶】+$10茶底幾香 不過啲冰融左 會

👧🏻工作通頂後想食好啲，今次帶屋企人去食已encore幾次嘅那個ㄋㄚˋ ㄍㄜ˙🥰 每次都要排隊，今次平日2點去到都要排咗幾分鐘先入到去😩是日便當嘅配菜有焦糖玉子、炒冬粉、辣薯絲等食物。炒冬粉炒得非常乾身唔油膩，薯絲偏爽口，加上辣辣哋食得好過癮😛🌟滷排骨便當滷排骨絕對係店家嘅皇牌🔥排骨只有好薄嘅炸衣，先炸後沾上滷汁，滷汁以甜味為主，帶有輕輕醬油味+香料+糖嘅焦香味。排骨鋪滿成隻大碗，厚肉有骨啖啖肉，炸得又脆。餐廳仲預先切好排骨，可以好有儀態又方便咁食，Meatlover最愛😍🌟海苔香酥脆雞便當雞肉十分嫩滑又唔油膩，每件炸雞仲大過switch 手制，熱辣辣送上又夠Juicy，海苔粉係平時食開台灣夜市果種海苔粉，唔咸又可以沾滿每件炸雞。🌟玖香啤酒豬軟骨便當雖然啤酒味🍻烹煮時酒精已揮發，但留下濃濃麥香味，滲入透喺肉嘅纖維。豬軟骨炆到好腍身，食軟骨時就好似食緊牛筋。🌟熱黑糖波霸奶茶（烏龍）🧋冬天真係唔太想飲凍嘢，好彩有熱飲！叫左走甜後靠黑糖調味就岩岩好，茶底濃厚烏龍味，珍珠軟糯煙韌，奶茶同珍珠比例岩岩好，唔會話飲曬杯茶都仲有好多珍珠😗

大角咀台式黃店🤤💛📍那個ㄋㄚˋ ㄍㄜ˙ 大角咀埃華街116-118號地下8A號舖之前開張冇耐，條隊真係勁長😩聽日lunch hour真係少人好多Around 5分鐘就ok～🐔香酥脆雞便當🍱 $64（配凍烏龍茶🍵）炸雞好脆好香口！but太多皮 肉較少我揀咗海苔味🧂甜甜地配搭唔錯另外枱面都有好多粉俾你任加🤪💛配菜亦都好豐富，今日有五款個人最鍾意豆腐同埋粉絲🤤另外我都試咗香酥魚！同樣又係炸到脆&炸粉都好薄！不過略嫌兩款炸物都唔夠味 要靠啲粉嚟調味☹️不得不提係店員超級友善🥰我哋喺門口等嗰時 借咗把遮俾我哋怕曬親

晚上教完班組，就打電話叫外賣。真係要打定電話叫外賣，因為太多人，唔係就要等半個鐘。 夜晚6點9打定電話，叫左4個餐。7:30去拎。滷肉雞翼：唔係肉碎的肉，係腩肉。好味的係半肥瘦剛好，唔係太油膩，又唔係乾到變乾渣。雞翼就一半，不過有三隻，好肥美。滷排骨便當：個排骨係豬扒，超大塊。而且汁水好好味。香酥脆雞便當🍱：雞～ 好滑好juice ,又大塊，啖啖肉。古早味手工滷肉：同之前所講，入味又唔肥。重點：養生湯：凍的天氣下，真係飲啖湯暖下身。入面好多滑嘟嘟肉。配菜：最仲意係粉絲。！正！抱歉太肚餓，沒有影太多相。

那個ㄋㄚˋ ㄍㄜ˙地址:大角咀埃華街116-118號地下8A號舖每次經過 @nagetwfood  門口都見到好多人排隊，今晚放工就特意早啲行過去試下。那個滷排骨便當 🐷 $66排骨真係好大好大，但店員好貼心咁幫你切好一件件，方便入口。排骨外層炸到好脆好惹味，而且沾滿台式滷汁，甜甜鹹鹹，正。豬扒好厚，豬肉味重，肉質算幾腍，超級抵食。香脆酥雞便當 🐔 $64鹽酥雞外層炸到好脆好惹味，雞肉好嫩滑 ，唔會太油膩，不錯。#nicefoodie大角咀 

每次叫外賣都見到好多人排隊雖然60幾蚊一個便當對我黎講都算頗貴不過每逢假日食一次都唔係好過份😂😂一個完美既週末～依然都係好好味同家姐一人一個叫左限定供應嘅豬軟骨飯同魚菲力飯 海苔口味份量好足料，惹味👍🏼👍🏼👍🏼是配菜有粟米，粉絲，玉子有時候有茄子， 蓮藕😍😍粉絲常常有換新煮法👏🏻👏🏻飲品都好好飲，無伏😆😆

我食台灣菜很多時都是選擇吃牛肉麵，較少食台式便當，今次去了在大角咀的「那個」。一早已經聽聞這店是排隊店，平日午飯時間去到預了要排隊，不過排了一會，店員出來問我們是否介意坐在窗邊，因為日照會比較曬，如果ok可以立即入座，我們也覺得沒所謂啊便進去了。便當的選擇有八至九款，都算多了，而且每款便當都會連同六款配菜一起上，未見到實物都覺得好豐富。我點了滷排骨便當($78)，最終拿來時，看到的是一大塊滷排骨放在最上層，下面就鋪了茄子、粉絲等配菜，最底是白飯。滷排骨要先醃再炸，最後還要滷，吃上去甜味居多，因為台式的滷汁一般用上冰糖。這裡的味道也算是還原台灣味道了，排骨唔會好乾，所以還不錯的，而且真的很大塊！加上配菜和飯，真的吃得很飽，建議不太大胃口的朋友絕對要叫少飯！我另外叫了個「夜市雞皮捲」($25)，就是雞髀卷，外層包著雞皮，炸得脆脆的。我覺得這個很好吃，不過不知是店家自己包的，還是買現成回來再炸，如果是前者，那真是要花不少工夫呢。我是給這家店正評啦，不過我有食家朋友也吃過，他就覺得不值得回頭，哈哈，口味真的很個人，親身試過就知了～

那個🌟特色台式餐廳之前聽過呢間台灣餐廳好耐，甘岩早幾日有機會試，lunchtime 等位等左一陣，叫左個滷排骨便當，塊滷排骨超大塊，啲醬汁岩岩好，唔會整到塊排骨好淋，每個便當都有配菜(蓮藕、家常炒粉絲、本日涼菜、焦糖玉子)😋那個滷排骨便當$66 配高山茶

*KH foodie 食暈大角咀* 今日繼續遊逛大角咀成日行過都見到那個排哂長龍，一直都未有機會試。今日一個偷黎既平日late lunch可以黎試一試，都等左一枱招牌鹵排骨便當佢地既餐點係以台灣鐵路便當既形式present既，一款主食同有幾款配菜滷排骨即係帶骨既豬排，係超級巨大呀！佢有炸過然後用滷水煮。豬排已經切開左，我用匙羹都可以將肉分開，可見煮到幾軟最驚喜係d配菜呀個日有麻婆雞蛋豆腐，焦糖煮豆腐，粉絲，雜菌栗米男朋友叫左雙腸古早滷肉便當。D滷肉有一定程度既肥肉，入口即溶台灣腸有兩款味，黑椒同原味總括黎講呢間係其中一間香港出色既台灣食店會encore

知道一定好多人食，所以一早12點就去到，入左一陣就開始排隊啦😎香酥魚菲力便當 $66依個魚真係好酥脆，個炸皮係配合左柔軟既魚既質感，一咬就可以咬開，完全唔係好似表面硬硬地既炸皮，食落好好味👍每張枱都有鹽酥、海苔、香辣 3款調味粉，可以因應自己喜好灑上條魚，3款調味粉都好鍾意❤️都好有台灣既味道，重口味最鍾意鹽酥那個滷排骨便當 $66之前都試過2次，一次堂食，一次外賣，不過凍左真係會差好遠，所以一定要堂食啊！滷排骨一如以往高水準，食到中間依然依充滿滷汁味😍連表面炸皮都充滿滷汁味，超級惹味😋豬排好鬆化，好易咬開👍每次去食都必點

i dont wanna say anything, u can see with your eyes, soul, spirit and heart. and tell me what am i eating...................#food #hkfood #delicious #yummy #dirty #smelly #vomit #digestion #sick #ill #igfood #foodig #hkfoodpoet #閃電五連鞭

《那個》大角咀隔左幾個月無黎過，心癮又來了🤭💛12點左右黎到已經有人龍，不過唔算等好耐🤗因為我太喜歡佢地既配菜😋＜香酥鹽酥炸鷄便當＞$64主角炸雞係無可挑剔既，三件大大件皮脆肉嫩🤤配菜有五款，焦糖玉子、燒茄子、家常炒粉絲、味噌野菜，全部都好好食，好易就食哂成碗飯＜薑母鴨湯＞跟餐可選飲品/湯品重薑😂超濃呀～完全係一個補身湯推薦👍👍👍👍👍$64 蚊仲包埋飲品，無論食物質素同禮貌都係好好，水準相當穩定，真係會令人心思思成日想食