那個ㄋㄚˋ ㄍㄜ˙ (埃華街) (已搬遷) 新店位置

黃雨+雷暴警告都無阻我去食「那個」😂今次就特登想試下之前睇過好吸引既滷雞球便當，又加咗一條台灣香腸，飲熱黑蕎茶😋返屋企打開見到四個大大件雞球真係幸福感飆升😍因為係滷雞球唔係香酥系列所以唔會因為一個鐘車程有好大影響，都好似滷排骨咁先炸過再滷入味，炸衣有微微甜味，雞肉夠嫩仲有少少juicy，combine埋一起好好味，啖啖肉食唔停口😋小菜就同之前一樣仲有我既最愛紅燒茄子🍆，炒粉絲同金平蓮藕亦都好好食，不過總體好似鹹咗少少🤏用黑蕎茶平衡返🙈呢度既台灣香腸係第一次食，差唔多手指長，一節手指寬，可以食到肉粒同蒜香，另外有少少甜香加焦香，我好少係出邊食台灣腸所以冇乜比較，不過都唔錯，唔會話好甜果啲～黑蕎茶就正正常常啦，雖然我都好想飲奶茶乜乜但為健康要忍😂濃淡適中有麥香，打包都好仔細唔會倒漏或滲出黎👍滷雞球便當 8.0/9台灣香腸 7.0/9黑蕎茶 7.0/9OVERALL 8.0/9雖然滷雞球便當係個menu排最末，唔留意可能會覺得麻麻？不過質素其實相當唔錯，真心建議大家除咗招牌可以試下呢款呀💛

前排先知原來大角咀都有好多嘢食今次去咗呢間「排骨大過塊面」嘅台灣店～平日12:30等咗40分鐘左右先入到 T.T所以有心去食嘅話真係要早啲去排隊呀👻每一款便當都會搭配5款配菜，重點係定期會轉換款式～ 嚟多幾次都唔怕悶啦！當日有黃金炒椰菜、爆蒜燒冬粉、麻辣炒薯絲、焦糖玉子同涼菜。其實每款都好好食不過最鍾意係冬粉😆，乾身得嚟又夠惹味，送飯一流！🍱 那個滷排骨便當 $66 小店嘅招牌菜，一嚟到真係嚇親🙈第一次見咁大塊嘅排骨！未食已經見到塊肉好juicy～而店員都貼心地將排骨切好，方便用餐據說排骨會炸兩次（炸完一次後淋上秘製肉汁再炸）外皮仍然保留到少少脆度肉質嫩滑多汁，肥瘦適中，有油脂感配埋個醬汁真係幾夾😋但食得多會有啲膩，建議share嚟食！整體嚟講大份夾抵食，超級推介😚🍗 香酥脆雞便當 $64 脆雞有三款口味（鹽酥/海苔/香辣）海苔味好有夜市風味～ 雞肉外脆內軟，肉汁豐富😛食完都唔會覺得好膩！ 比起排骨飯份量偏小，但女仔食就啱啱好！唔想食咁heavy嘅話就揀呢個啦～全部便當都會贈送一杯飲品，特飲再加錢🍵 花壇茉莉綠茶（跟餐）正常一杯茉莉綠茶，普普通通唔太鍾意苦澀味嘅話建議唔好走冰！🧋 黑糖

經過見到好多人排隊，就叫外賣返屋企食啦！返到屋企都有成20分鐘，竟然仲好香口！個便當份量真係好大，完全食唔哂！蝦券感覺冇豬排咁滯連side dish都好好味，尤其個矮瓜！

懲罰祭當然少不了來幫襯我最喜歡的「那個」台灣料理啦💛今天就帶夠了現金可以買上次沒買成的玖香啤酒豬軟骨便當了🤣還是雷打不動地配熱南投炭焙烏龍，又加了一份香酥台南蝦捲～懲罰祭期間mee會員有全單九折還可以+10配冬瓜茶🙌雖然店員說要預20分鐘不過其實從落單開始到拿到都沒超過15分鐘👍回家打開看到滿滿半個飯盒的豬軟骨差點哭出來？這什麼良心量啊喂！每塊都夠入味又軟腍，軟骨的部分幾乎入口即化不用牙！連醬汁配飯一起每口都好滿足🤤果然還是我人生的豬軟骨desu！今次的配菜除了金平蓮藕，家常粉絲，焦糖玉子，是日涼菜之外還有我最愛的紅燒茄子！感覺今天真是來對了呀😍好久沒吃過台南蝦捲，雖然因為一個鐘車程不可避免地變淋😅不過一路上我都聞到一陣陣調味粉附著在蝦捲上飄出來的香氣，真是讓人歸心似箭？蝦捲就正常size不過口感緊實彈牙，吃起來不油膩，兩條不過癮🙈「期間限定」玖香啤酒豬軟骨便當 8.0/9台南蝦捲 7.5/9OVERALL 8.0/9店員還是好nice，我拎完走出去幾分鐘忽然想起來儲印卡忘記蓋印，又返回去麻煩店員幫我補蓋🙈

紅日假期想去大角咀hea吓～第一時間諗起呢間台灣餐廳之前見到網上嘅post，望住啲相都已經流曬口水今日終於可以試吓～Lunch時段，過到去12點半未到，果然超似預期。。。❗️排長龍🌝🍂🍂預咗，唯有等～～～等呀等～就咁過咗一粒鐘，終於有位啦呼～～必食《滷排骨便當》好大塊～一個人真係食唔晒🤡 一人一個餐真係飽到上心口呢個係滷排骨，唔會炸到乾爭爭，而且豬扒都好厚身黑嚕嚕嘅醬汁～少少甜味、咬一大啖肉真係好滿足而且佢哋嘅配菜真係好好好好食蓮藕片好脆口～茄子入曬味，淨係食配菜都足夠另一款都好出色《鹽酥雞扒便當》平時食雞扒好怕會有一粒粒乾爭爭嘅炸粉～但呢個雞扒炸得好出色！炸粉可以用香脆來形容、完全食唔出硬粒狀又係大大件～又要講返佢嘅配菜點解可以炒得咁香口～完全唔係配菜～難怪會有另一個便當係《配菜便當》～配角便是主角主角便是配菜下次要食個配菜便當跟餐仲有幾款飲品下次再那個吧～支持黃店～何況咁高水準P.S. 活動期間，今日有9折

第一次入大角咀，原來嗰度好多嘢食㗎！今次就試一試呢間經常要排隊嘅台灣菜，位置都幾遠😂食完出尼已經有人龍，同好多人等外賣呀。入座scan QR code落單，疫情下大家唔使接觸都幾衛生😷1. 那個滷排骨便當 ($66)佢地主打鐵路便當，lunch set包一杯飲品，另外可以加錢轉台式特色飲品。排骨超超超大塊，有兩個手掌咁大，仲有五款配菜，超級足料，嗌左少飯都食唔晒！另外枱面有三款調味料可以自行加🧂2. 香酥臺南蝦卷便當($58)一共有三條蝦卷，蝦卷有少少似平時打邊爐嘅魚肉蝦卷😂比預期中冇咁有驚喜，但外皮少少脆，幾香口，overall都Ok la🫣3. 黑糖波霸奶茶（烏龍 ）Lunch set本身包一杯嘢飲，亦可以加$12轉特色飲品。呢杯波霸奶茶黑糖味唔係好夠，但茶味算出，可以止一止旅行癮🤭大角咀咁多嘢食下次試埋其他先😍

假期中午12:30分到達，店內坐無虛席，在門外排了半小時左右入席，當時條人龍已經轉彎，睇人龍就知入面有美食無誤🤩排隊其間獲得menu，可以睇定食乜，把握時間👍🏻今次叫左2個套餐加2個小食，2人共消費200蚊有找兼勁飽🤰🏻💁🏻‍♀️那個滷排骨便當 $69一上枱『嘩』左聲，滷排骨好大塊（其實應該係豬扒？！）大過我塊面🙀配菜有炒粉絲，炒野菌，燒豆腐，玉子，本日涼菜同白飯，超級無敵豐富👍🏻👍🏻👍🏻滷排骨咸咸甜甜，外層粉漿香脆可口，肉厚度適中，肉質軟淋，近骨邊有脂肪的肉特別好吃😋我自己就好中意食炒粉絲，因為似韓式炒粉絲，甜甜地推薦度4.5/5香酥脆雞便當 $64三件香脆雞塊，肉質嫩滑，外層炸得好真「香、酥、脆」，今次揀左海苔味雞塊，味道似shake shake 粉，但淡味d，配菜同白飯係一樣推薦度4/5枱面提供3款味道（海苔，鹽酥，麻辣）調味粉自行加味雞皮卷 $25外皮香脆，內裡肉質juice 嫩滑，不錯不錯推薦度4/5黃金流沙魚蛋 $25/4粒有驚喜，香香的咸蛋黃流心，彈牙魚蛋，好食推薦度4/5蜂蜜麻薯白玉奶茶「套餐加$12」白玉口感軟糯，蜂蜜味突出，幾特別推薦度4/5南投炭焙烏龍茶 （套餐包飲

想不到吃什麼的時候我就會去大角咀，因為「那個」我最喜歡的台灣料理在那裡💛說來慚愧，本來想買限定豬軟骨便當的，但是突然發現現金不夠😂就改買了便宜少少的招牌滷排骨便當，配紅茶，加香酥魷魚足😋午餐時間店員說外賣可能需要等30-40分鐘，可以留一下電話如果早出方便聯絡取餐，不過其實我在門口等了大概20分鐘就有的拎啦🙌拿回家打開看到滷排骨果然還是King size😍各款小菜也在餐盒裡排列得整整齊齊，排骨依然是印象中的口感和味道，厚但不乾不柴又夠入味，還是我人生的滷排骨呀～各款小菜也都咸淡剛好夠下飯，如果可以再稍微少一點點油我個人覺得就更完美😋本來以為香酥魷魚足因為一個鐘車程可能會淋，但是沒想到竟然基本沒太影響到酥脆度欸欸欸～在路上就不時聞到混著調味粉香氣的炸魷魚香已經讓人把持不住？魷魚胖胖QQ，口感和調味都不錯，炸皮不厚，不過可能因為放涼了一點吃起來稍微有一點韌，很適合下酒呀喂🤣滷排骨便當 8.0/9香酥魷魚足 7.0/9OVERALL 8.0/9等餐的時候看到門口也開始有排隊等堂食的客人，店員跟我說外賣可能要等30分鐘以上我不僅沒有不開心甚至還有點高興？要等得久說明生意好呀，看到我喜歡的店能好

想食咗超耐嘅「那個」，終於來到朝聖了，果然無令我失望，超好食的！香酥排骨便當(海苔) $64排骨蓋住整個便當，有厚度，邊位部分咬落幾juicy，中間位都唔會柴。有得揀鹽酥/海苔/香辣3款口味，我就揀咗最想試嘅綠綠海苔味，啲海苔粉甜甜咸咸好加分，超特別！下面除咗有飯仲配有5款配菜，我特別鍾意酸菜粒，配埋飯食開胃之餘配埋肉一齊食仲無咁膩。香酥脆雞便當(鹽酥) $66脆雞都推介，有3大件外脆內嫩一咬噴汁。份量真心大，小鳥胃就要嗌少飯啦！小確幸：當日12:00去到排咗一陣就入得，食緊個陣人龍已經轉咗彎⋯

那個ㄋㄚˋ ㄍㄜ˙ @nagetwfood 📍：大角咀埃華街116-118號地下8A號舖🚗：奧運地鐵B1出口 步行6分鐘📞：+852 2791-1077💲：~HKD110/head for dinnerFood quality✔️：那個滷排骨便當、那個秘製麻辣鴨血👌🏼：蒲燒人條野鰻魚便當、芋泥地瓜丸、夜市雞皮卷、飲品❌：臺南蝦捲便當(海苔)、鹽酥甜不辣總結：😋大角咀台式便當🍱 人龍黃店 閒日晚上排咗15分鐘左右就有位 喺排隊期間就可以係menu板上揀食物 所以埋位後嘢食好快上枱😋滷排骨便當果然係招牌 成塊豬仲大過我塊臉咁舖滿成個碗 利申我大臉🥲 表皮超燶搞到我以為要食炭 點知食落去先知佢係滷得剛剛好 表皮嗰塊唔係炸燶 而係用滷水浸到咁黑 炸粉厚豬扒都好厚 食落去啖咪肉好滿足 性價平超高 必食👍🏼😋鴨血嘅秘製麻辣味真係做到台式風味 嗰麻辣麻同辣都好平衡 但又唔會死麻死辣同時又食到鴨血種半軟半硬質感 推薦🤣😋佢所有便當都會配五樣配料 每週都會轉 我哋當日食就有大白菜、腐乳粉絲、宮保素丁、玉子及時菜 份量好慷慨 男士食一碗實飽到有突 所以女士食最好幾個人share咁就唔會浪費食物😋真正嘅台灣菜

那個 朋友一直都話想去呢間大熱台灣店 🤭終於抽到時間去試下！1. 台南蝦卷便當 （海苔）- 果然是大熱超人氣推介🥰- 便當的配料有很多 有玉子 茄子 蓮藕 粉絲 冬菇 十分豐富呀！- 蝦卷真係好味😋 外面脆脆的 夠哂彈牙 甜甜地！2. 竽泥地瓜丸- 地瓜好綿好厚 - 炸得好脆 - 不過食左一舊就有啲膩 最好同多啲朋友share 其實最想試佢個滷排骨便當 但當日唔可以食太熱氣既野🥲 下次再約時間再試😆！味道：🌟🌟🌟🌟/5衛生：🌟🌟🌟🌟/5回頭率：🌟🌟🌟🌟/5

12:30pm黎到餐廳門口，以為一定唔洗等位就入得座，我地真係太天真兼低估左餐廳嘅知名度😨。我地等左10分鐘入得，仲有好幾個等緊外賣嘅客人企喺門口。入到去即刻落單，見到$70左右價錢就食到一個便當連伴菜同飲品，覺得都好抵食！👍🏻因為我唔係好餓，嗌左冇咁heavy嘅古早味手工滷肉便當😆呢個飯好有驚喜，份量超十足，滷肉唔會太肥兼且啲滷肉汁沾滿每粒飯，絕對冇揸流攤㗎🤣。每樣伴菜都好match個飯，個人覺得蓮藕片同炒粉絲都好入味，蓮藕片好薄好爽口，絕對為個飯當加添左更多好味😛！男友嗌嘅香酥排骨便當 (海苔)等左陣都黎喇，一上枱見到成塊排骨鋪滿個飯碗，真係嘩左出聲🤩就算切左細細塊都仲係好大塊，啖啖肉啊！值得一讚嘅係佢真係真材實料，出面嘅脆皮夠薄，唔會食到成層粉咁。不過男友表示嗌鹽酥味可能會更加好食。飲品我地嗌左唔洗加錢嘅凍茉莉綠茶，最有驚喜嘅係佢只帶有清甜，感覺上冇落咩糖水，完全冇平時喺出面飲台式飲品嗰種甜到震嘅感覺。食完比較肥膩嘅便當飲呢個綠茶清清味蕾同腸胃都唔錯😙。總括而言，呢間餐廳係值得咁多人排隊同等外賣嘅，有機會經過大角咀一定會再試！🥰🥰🥰

那個ㄋㄚˋ ㄍㄜ˙ ｜大角咀由佢仲係細舖嗰陣已經bookmark咗📌搬咗大舖都係勁旺場，星期日18:00去到都等咗一個鐘，職員排緊隊嘅時候就會比定menu你，可以落定order先，入到去就好快有得食💕那個滷排骨便當 $66 跟高山茶果然冇失望嘅滷排骨便當😍滷排骨大大件，炸得非常酥脆，再搽上甜甜地嘅醬汁，非常適合送飯，仲有附上糖心蛋、炒粉絲、粟米、麻婆豆腐等五款配菜，成個便當好豐富，叫咗小飯都好飽😂香酥魚菲力便當(海苔) $66 跟高山茶同樣非常大份🤤有四五件炸魚柳，魚肉唔係普通鯰魚柳，肉質比較結實，食到一絲絲魚肉🐟不過海苔味唔係好出，落多少少海苔粉會更好南投炭焙烏龍厚奶茶 補差價+$5Menu上面有好多款台式飲品，睇到選擇困難😂厚奶茶有驚喜，飲落好香烏龍茶，叫咗少甜甜度啱啱好🍵桂花冬瓜露 補差價+$4面頭好多桂花🌼飲落都好香桂花味，可惜蓋過咗冬瓜茶嘅味道，同埋可能冬瓜茶本身固定咗甜度，所以飲落有少少太甜🍯

𝕋𝕒𝕚 𝕂𝕠𝕜 𝕋𝕤𝕦𝕚 • 那個ㄋㄚˋ ㄍㄜ🍱📍大角咀埃華街𝟙𝟙𝟞-𝟙𝟙𝟠號地下𝟠𝔸號舖::::::::::::::::::::::::::::::大角咀的人氣臺灣便當，由19年開業的小店直到搬址擴充，每次去都依然對大過手掌的滷肉有種期待♡´･ᴗ･`♡🐖 那個滷排骨便當 $66🍗 香酥脆雞便當 $64🧋 那個黑糖波霸奶茶 +$15🥤 冬瓜牛奶 ＋$12招牌滷排骨先炸後滷，肉質軟腍，配上焦香鹹甜的醬汁；脆雞分別有鹽酥/海苔/香辣3款口味，雞球外酥內軟，而每份便當皆有五款當日配菜，像是玉子燒、粟米、炒粉絲及雜菜，樣樣也不馬虎！整個便當豐富滿足，飽到可以捧住個肚走，是滿滿的台式滋味～🇹🇼

第一次嚟到大角咀，聽講呢度有間好出名排哂長龍嘅人氣小店，而且仲係我地好鍾意食嘅台灣野，一於去試吓，店名幾特別，不過唔識讀🙈 鋪頭唔大，座位與座位之間嘅通道有少少逼，店內環境同擺設頗有台灣嘅感覺主打嘅台式便當有約十款選擇，各附上五款配料，每個星期都會定期轉，咁就唔會咁容易厭！當日配菜有黃金炒野菜、爆蒜燒冬粉、麻辣炒薯絲、焦糖玉子同本日涼菜。個人最鍾意冬粉，整得夠入味又有咬口，麻辣炒薯絲都真係幾辣下，辣到流鼻涕，玉子燒就嫌太甜(中意食玉子嘅肌肉熊表示幾好食，仲拎埋我個舊👻)每個便當包一杯高山茶，亦可以加錢升級飲品。另外枱面仲有三種調味粉比客人任落，分別係海苔、鹽酥同香辣。整體份量都幾多，味道價錢都合理，食到好飽好滿足，略嫌便當入面嘅野食唔夠熱，似常溫_➤那個滷排骨便當🐷🍱$66呢個係招牌菜，塊排骨超大塊，目測差唔多一個手掌✋🏻咁大，舖滿成個碗，賣相好吸引，排骨厚身而且骨嘅部分唔多，得一條可以啖啖肉，炸粉薄薄一層。味道方面幾入味，帶少少甜又唔會太鹹。肉質鬆軟唔乾，好易咬開，不過本身就咁望以為係酥脆，但可能因為淋左滷汁，食落質感似淋咗嘅脆皮。另外一大舊原塊直接上冇完全切開，嵌住晒下面啲餸同飯，