都會坊餐廳 (已結業)

見到食評，約埋朋友決定來試一試。門面和餐廳內裝修都頗吸引。侍應招呼和速度都非常好。見到介紹買一送一牛扒餐，就叫了一份來試試。有忌廉湯和羅宋湯選擇，點了各樣一個，味道合格，還有牛角包跟，這個不錯。之後品嚐一下那塊西冷扒，真的很大份，還有薯條、飯、意粉選擇，鐵板也不夠放，叫了侍應幫我攞一隻碟，分開才能吃，味道不錯，有多款醬汁選擇，我點了黑椒汁，令一塊點了蒜蓉汁，都好好食。餐具在枱的櫃筒，還有紙巾，多款調味料，好方便進食。見到下午茶餐牌，都幾多款，都幾吸引，仲好大添。一於下次約多幾個朋友嚟食。可以推介給朋友，yeah!

今日又凍又落住雨，真係未試過痛得咁緊要，咁咪諗住落去買外賣返公司食，快快脆脆，下原來公司附近有間都會坊，見過餐牌有八款快餐，都好平下，有啲仲係焗飯焗意粉添，仲有兩個貴價啲嘅中式飯餐，加埋嘢飲都唔使$30 ，咁就同同事一人一個帶咗兩個外賣返公司食。都幾多人叫外賣，我哋去就已經有一對人喺度，當我哋走仲有一堆人等緊，但係我哋俾錢都攞到外賣只係5分鐘之內，仲包埋飲品。焗飯就正常size，另外帶咗個和風牛肉飯，都夠食嘅，最緊要係平靚正，我諗呢個禮拜都會日日落去試吓啲嘢食㗎喇。

一早趕住返工，去趕住食個早餐，沖忙中入了這間餐廳。點了一個沙嗲牛肉麵餐，速度很好，很快就出齊俾我，有餐飲、牛角包、火腿、蛋、當然主角是沙嗲牛肉麵，味道幾好，價值比連鎖店平。服務員都好快好醒目，有禮，整潔。

環境很好，很有氣氛！去吃了個下午茶，好多茶餐選擇，點左隻雞髀沙律。一陣野飲就到，一個字「快」，味道正常，隻玻璃杯幾靚，我幾鐘意。之後雞髀沙律到 ，o晒咀，超大隻，肯差雞拍馬都追唔上，見到勁開心，好雀躍！無野既，「大隻」贏曬啦！

今日下午和同事行過這餐聽，見外賣超級平價，堂食仲有排食，鬼死咁餓就入去食。叫左個龍利炸蝦鉄板，個侍應都幾有速度，落完單就即刻有湯飲，接住有餐飲。鉄板終於到，上菜時間慢左dd ，不過塊魚真係好大lor ，照食，太餓。最尾好滿足攬住個肚走，哈哈！

行過被他的門面吸引，裝飾好特別，再望下餐牌，好多款式，都唔知點選，價值又吸引，便入去試試。座位舒適、寬敞，幾好座。服務都好。點了三文魚扒，好大份，有湯，有法包，有飲品，食唔晒！

經過見到門面幾特別，很好情調，價錢不貴，款式都幾多，便入去試試。環境、氣氛很好，座位也舒適，好寬敞。食物質素幾好，好大份，食唔晒。有湯，有法包，有飲品。會再來吃！

岩岩同男朋友食晚飯 諗住搵間好坐d既餐廳据扒 點知咁就中曬伏 見佢做緊西冷$119第二份半價以為都算抵就入去食環境都算ok 好坐湯 蒜蓉包 沙律 嘢飲都算正常 點知塊牛扒一上就知中伏塊扒完全無牛味 得鬆肉粉la到爛曬既味 唔知食緊乜咁 咬落一pat野 又多筋 加埋個港式燒汁個味道類似係茶記牛扒碟頭飯塊扒既厚切版 埋單加埋都要$239 如果塊牛正常好食就還好但呢個質素我去快餐店食可能仲好味 完全唔值 食到一半食唔曬就走呢個價位去食神石燒個d好味過佢仲有得任食沙律同飯

之前經過都俾佢門外的介紹吸引到睇睇，見到價錢唔貴都唔會有好大期望，點知...環境還可以，店員都有禮貌，我地兩個人點了兩份石燒牛，加多$20連一杯飲品、湯同蒜蓉多士，再加多份帶子。個湯勁咸、蒜蓉多士又硬、D牛就如之前一D食評咁講冇牛味仲要係醃過的，份燒帶子係勁多蒜蓉但唔係新鮮蒜蓉，帶子仲要唔熱食之前都唔係好大期望，埋單都要$360，D食物質數似係大X樂咁嘅等級，塊牛會厚過大X樂囉，之後埋單唔覺意望到個廚房，大排檔可能仲乾淨D

真係從來都唔會打食評，但係呢間野絕對可以差到令我好有動力喺度講下佢…本來食扒就諗住評番扒，但佢個蒜蓉包真係唔講唔得，唔脆都算..仲要硬到好似咬紙皮咁🤧講番塊扒，叫左塊百幾蚊既安格斯西冷同牛肩，啲牛完全冇牛味，係普通茶記嗱過果種，仲要嗱完都係un既，啲汁又唔掂。價錢唔算係好貴，但真係是旦搵間扒房平過佢好食過佢既大有人在…最後碗白湯竟然係酸既，問個staff咩原因，佢話幫我問問完就冇左回事，完全冇回音。結論係，如果大家想去試伏就去依間啦，包你有驚無喜！！

旺角都有好睇好食既西餐，有氣氛之餘，野食都吾錯。碟扒都算大碟，蒜蓉包都還可以，湯就有啲淡，不過味道都可以。雖然有氣氛，但係略為暗左少少，如果光返10%左右就好喇。順帶一提，呢度有個ABC講英文，落單都要講英文架。

疫情期間都好耐冇同朋友相聚，經朋友提議下揀咗呢一間餐廳食嘢，當日唔使等位冇乜人、我哋坐樓上位置啲燈光同埋環境都好舒服、尤其是啲燈光佈置，藍紫色好靚呀，好啱拍拖夠情調，坐得舒服啲食物質素又唔差，價錢又抵食，呢度仲有啤酒飲，同朋友相聚傾下計食野，感覺好放鬆，呢間餐廳我會同朋友再嚟👍🏻👍🏻

這家位於油麻地的餐廳非常特別，它的裝修像一家高級餐廳，但裡面又充滿了人情味。餐廳你基本上都是卡座，氣氛十分地好！客人可以首先在餐牌上挑選自己喜歡吃的，挑選牛排的時候會看到不同種類的價錢。牛排的價錢會根據重量計算，跟員工說你想牛排要有多熟；再挑選伴菜和醬汁，每塊牛排可以選一款醬汁（黑椒、蒜蓉和洋蔥），而伴菜可選飯、意粉和薯角。餐湯有紅湯+白湯，個人覺得羅宋湯比忌廉湯好味，小辣超級開胃！但略嫌個蒜蓉包唔夠熱同唔夠脆。我們點了西冷配龍蝦，還有蒜蓉扇貝！西冷牛排點了五成熟，厚度很足，十分飽肚！龍蝦是切半的，聞起來有芝士香，還提供了鉗子吃龍蝦用。至於蒜蓉扇貝，完全就是全場最佳了！滿鼻子的蒜蓉香，好吃到不得了！飲料方面不過不失，叫了少甜確實是沒有外面餐廳甜，這個很讚！用餐完畢後，staff仲好貼心咁送上甜品，係乳酪來，幾好味。😋😋

最近行經旺角，路過呢間餐廳真係唔知講乜好門面佈置裝飾似好低級果種西餐，類似豉油西餐咁，但係睇睇佢又有熱石牛扒食，又有龍蝦等等，真係想像唔到最估你唔到係，外賣自取最平$22，＋$1有紙包VLT檸茶，＋$6可以其他飲品或紅白湯呢種癲價到底咩料？我都有擔心過，不過到依家我都冇事，證明冇問題$22 芝士焗蘑菇吞拿魚意粉睇樣唔錯，食落夠多汁，好多罐頭吞拿魚，而且唔Hea，有加燈籠椒比你，呢個價講咩？ $22 芝士焗肉醬意粉芝士足，肉多醬多，夠晒撈勻所有意粉面唔會乾，而且女士係有食剩，夠晒飽佢做到所見即所得，好嘢

又係食晏嘅時候，經過呢間餐廳見到佢大大個餐牌，個價錢平到我都唔敢相信無論如何都要試一試啦掛叫咗個芝士焗肉醬意粉，諗住都冇乜伏既食落都冇乜嘢正正常常，呢個價錢抵到喊喇！仲叫咗個黑椒腸仔雞髀飯，都係正正常常，呢個價錢都冇乜要求啦！呢間餐廳絕對係窮人恩物，糧尾首選