都會坊餐廳

營業中

休息中

現在下午想好找個地方，食個好食午飯真係好慘，一唔係就人多到死一唔係就鬼影都冇好在係旺角行行下街見到一間，睇左一陣價錢還可以入去試吓味道不錯👌大家可以去下午茶☕️舒緩一下抗疫疲勞，餐廳環境同衛生都幾好

前幾日黎到呢間餐廳，打算食下呢度既牛扒，豬扒，食落真心呢度既牛扒，豬扒幾好食，呢度入面仲出左好多套餐，覺得好抵，牛扒落tabasco, 黑淑汁真係一流，跟著食下食下，d客人不斷入黎光顧，真心好食，牛扒一流，有機會會再黎食

上一次食完之後介紹左朋友去食，朋友食完返黎都話ok，吾錯，朋友比較鐘意食鐵板，所以叫左個雜扒餐黎試下，朋友話有驚喜，幾都扒都大件又吾un,職員服務態度又好好，見到其他枱既野食都好有水準，朋友話入面環境好乾淨企理又好靚好舒服，話我無介紹錯俾佢黎試，佢話雖然門囗望入去間野好細間無咩特別咁，但估吾到行入去會咁有驚喜，下一次再去食一定要叫埋我再叫多幾個人一齊去食，咁可以一次過試多幾味，講真依間野自己上一次食過真心吾差，都會再去

餐廳環境靚可以打卡，餐牌選擇好多，可以食烏冬，可以食扒餐，又可以食飯再吾係食石板燒都得，見到入面環境吾錯幾乾淨企理，果日行左入去試個限時福袋(極黑和牛牛魔王福袋)好抵食！598蚊，有好多塊吾同既牛俾你，每一塊都好多肉汁吾會好乾身，仲用優惠價78蚊追加左一隻波士頓龍蝦，真心吾錯，波士頓龍蝦算新鮮，比較鮮甜，如果仲有咁既福袋優惠，應該會再同朋友一齊去，平時得閒應該會再搵其他時間去試餐廳入面其他野食，應該都有水準既，值得我向朋友推介，最主要態度都吾錯

行過見到轉角依間餐廳，抱住試一試既心態走入去點左個西冷牛扒配焗龍蝦，上菜之後龍蝦焗完出黎一啲都吾趕身，依然好鮮甜，牛扒都吾會太硬，啱啱好重有啲肉汁，餐廳既環境都吾錯，可以打下卡，其實吾只得扒餐，佢重有炒飯，石板燒咁，好多選擇，今次試左西冷牛扒，下一次應該會再黎試一下石板燒，石板燒上面個餐牌都有好多選擇，可以逐一試下，難得搵到一間環境靚，食物質素好，價錢又吾錯，最主要係態度都吾差，值得推介俾其他朋友去試一下，見到佢有用foodpanda，未試過外賣有無吾同，總體黎講吾錯既，抵食

好耐冇出旺角,行行下見到呢間唔太起眼餐廳,又有我鐘意食牛扒,一於入去試下...果然冇失望... 落單職員都好有禮貌,,我叫左芝士焗波士頓龍蝦拼石燒美國西冷牛扒,等左十分鐘左右...黎到都算大份,本身我都鐘意食肉眼因為脂肪會較少,又唔太肥膩，我煎到5成,岩岩好,牛肉配龍蝦冇得頂!!!絕對唔un....會番轉頭..呢個價錢出邊未必食到..正!!!

2021年第一餐 緊係要試試新餐廳啦 行去朗豪坊途中，見到呢間轉角嘅餐廳，睇落唔太起眼，但食完之後覺得性價比極高呀！餐廳出面貼咗好多MEUN，見到一個芝士焗龍蝦配西冷牛扒，價錢都唔貴，決定一試！ 一入去覺得環境都唔錯，係一般西餐廳嘅氛圍，燈光昏暗，環境算闊落，坐落都唔算好逼，坐得都幾舒服嘅 等咗10分鐘度，熱辣辣嘅西冷扒貼焗龍蝦已經送到嚟我面前，西冷接近一吋厚，食落牛肉味極濃，亦都唔韌，口感嫩滑無渣。 芝士焗龍蝦芝士味夠濃，焗完一啲都唔乾，夠JUICY   呢個價錢真係好抵！會再ENCORE 

一個人的METIME。最近好少出街食飯，咁岩出旺角見到呢間餐廳氣氛幾好，所以入去試下，入到去見到好多卡位，係呢個時期去食都安心啲。MEUN好多選擇，仲有好多牛扒鐵板餐比我擇，但最後我都係比吉列牛吸引咗，因為太肚餓嘅關係，見列佢可以加20蚊擇多三樣配菜，我就簡咁椰菜沙津、餐湯同意粉。等咗一陣，椰菜沙津同餐湯一齊送到，椰菜沙津用咗我最鐘意嘅胡麻醬，好開胃，餐湯都係一般嘅忌廉湯，不過佢配料幾多，仲好岩要嚟配蒜蓉飽食。終於到吉列牛，見到吉列牛炸列七成熟，再配合埋燒爐將兩邊燒一燒，可以將肉汁鎖住，食嘅時候仲點埋WASABI醬，食落肉味香，有咬口唔韌 會再嚟！

餐廳環境好靚 食嘢仲可以打埋卡 入邊嘅意粉煮嘅時間啱啱好 反而最吸引我嘅係佢杯飲野 同出邊飲到嘅完全唔同 一黎夠甜二黎有樣睇 最啱手機食先 餐廳喺旺角 睇住google map好易揾到 上到去waiter都好熱情 服務都好周到 叫一樣野食會問清楚有冇特別需要 例如飲品甜度 牛肉要幾成熟 唔會馬虎落完單就走 野食上到黎温度好夠啦 牛肉要七成有七成 肉質好嫩好多汁 屋企人同呢間餐廳評價都唔錯 有機一定會再黎食過因為真係好食同有心 價錢方面都唔算好貴 服務都配得上呢個價錢 會再去過👍🏽👍🏽

呢間西餐廳都係食牛為主，喺朗豪坊附近，我食過都唔止一次。以前食牛小排，但呢期佢出咗新野，所以就試吓佢個新推出嘅吉列牛。佢覺得吉列牛套餐係$108，加多$20可以配三款東西，包括椰菜沙律、意粉、餐湯、飲品、薯菜，任擇其三。如果另外加$10就可以要多其中一款。我就揀咗椰菜沙律同埋意粉同埋飲品同埋餐湯。餐湯係忌廉湯，其實好多餐廳都一樣，稀啲嘅汁就係白汁或者忌廉汁，濃啲嘅，就會變成湯。所以佢個湯都幾濃。配埋蒜蓉包一齊食，鹹鹹的都幾唔錯。之後就到佢個主菜吉列牛套餐，一送上嚟嘅時候，都真係幾有日本嘅風味，有一個爐喺度燒緊，吉列牛外層有一層炸粉，佢會俾埋個夾你，可以逐塊逐塊放落個爐到，然後再點佢嘅Wasabi汁，似honey mustard，再放落口食，就幾唔錯。牛肉嘅質感幾嫩口。另外一題嘅就係椰菜沙律，椰菜沙律佢用胡麻醬去整，所以作為開胃前菜，又幾清新。最後飲品係佢嘅綠茶🍵，幾甜，但作為食濃味野後的飲品，反而我覺得幾適合。                                                                                         

好好味堂食熱力夠😃汁料夠結，no飯也ok😃意粉夠彈牙，好有西方風味😉使用歐陸風菜式設計，夠飽肚😋減肥女士也唔怕，另外，羊架不仇有太大羊味，好好味，另外店員建議配上意粉好細心，對於一些不懂西式食品的人，實在太好，而且，餐廳將羊架煎得好美，有很多肉汁。 再者我一定會再去吃，去打卡一流，另外坐得很舒適。另外，劣質的食品，絕不會在這出現，再者，食品錯單，店員馬上跟進，而且，重新對單，好細心，服務一流。

今日同老公係旺角附近行街行到攰，搵地方食飯發現咗有一間唔錯餐廳雖然門面唔係好大座位唔係好多。見到個餐牌有石版燒牛柳（+$20配飯同飲品仲有沙律)汁係自選有燒肉汁/紅酒汁我地揀咗紅酒汁而家好少地方有平民化嘅價錢食到石版燒，石版燒牛柳廚師好認真雖然唔算大份，我老公係牛魔王嚟嘅所以佢點左兩份另外我哋仲點左一份牛小排，肉質唔錯我哋點左一份300 g如果你哋都想有意外嘅驚喜可以去睇睇餐廳環境幾好服務員態度好認真😇

如果想中伏可以去試，伏到搞唔掂，普通茶記都好食過佢，佢啲野要整到好似好特別咁，但完全唔好食，冇味都算，啲人服務差到，食到我火到黎埋，價錢上仲要係平起一般既貴，完全唔掂，座位上兩個人去還可以，除左冷氣夠凍之外，真係諗唔到可以到咩到咩好評，好後悔去左呢間野食，食個個咁既和牛燒，仲話係和牛，啲肉好似過哂期咁既樣，翻到屋企仲要肚痛，真係貼錢買難受，痾左我兩日，以後一定唔會再去，另外友人叫左比目魚，唔難食亦唔好食，仲有雪味好差

搵食旺角攻略第2份牛扒半價,點可以唔試?石燒牛系列有好多款美國牛部份選擇包括牛小扒,吉列牛扒,西冷,牛肩胛等等可加20蚊配成套餐選飯意湯沙律,或飲品,5種選3種  落單後先上了餐湯同多士紅湯有驚喜,夠濃夠足料,開胃前菜一流仲配埋焗得好脆口既多士片配埋湯飲岩岩好!  大約10分鐘就上埋石燒牛扒出曬煙好夠熱力,襯熱就將牛扒切片煎燒到5成熟最好食,肉味又濃又唔會太乾身 肉汁又夠豐富,配埋醬汁食岩岩好   吉列牛扒份量好多,切埋上都有8件件件都厚切!!煎爐夠熱力,好猛火! 略嫌個吉列皮唔夠脆口,但牛肉味係唔錯既 整體上水準唔錯,最重要呢度食半價優惠  仲有唔同款式既台式特飲選擇  有時間真係值得試下喎!

早排小胖男友帶左我去旺角一間地道既港式平民扒房鋸扒諗住呢類型既餐廳都係不外乎西冷,肉眼同雜扒 但原來事實係好有新意 有石頭燒 又有早排勁興既鐵板吉列牛最估唔到係like 社交平台西冷扒仲有半價超抵食半價咁抵 梗要叫返個石燒西冷牛扒半價既石燒牛扒份量驚人 超厚肉 一個女仔絕對未必食得晒 建議一次過切開晒。逐件底面燒完再慢慢嘆相對西冷扒 吉列牛扒既份量就更適合女孩子食吉列外皮包住3成熟既牛扒 呢d功夫野平日閒閒地都收你百幾200蚊一個set 但呢間餐廳100蚊左右就有得食逐件放落鐵板燒 點埋個祕製wasabi醬 好食飲埋特飲 成餐飯連加一都唔駛$250 真係好抵食