都會坊餐廳

營業中

休息中

黃店 💛 #旺角 #都會坊🟡 開放餐廳及提供免費礦泉水比有需要手足今晚約咗朋友去旺角行街，途經依間門口好似好多選擇嘅西餐廳，琳琅滿目，價錢又幾吸引，就決定入去試試啦！我同朋友都叫咗扒餐，分別係石板西冷拼虎蝦$158，同石板焗半隻龍蝦拼西冷$168，加$8跟餐有蒜蓉包同餐湯，再加$8有埋特色飲品，夜晚鋸扒嚟講價錢都算合理。講吓個扒先，西冷牛扒五成熟，上枱仲有少少血水滲出嚟，放喺熱辣辣嘅石板上面一陣間再熟返少少就啱啱好！牛扒都幾厚吓，除咗有少少筋位之外，其餘都係好腍嘅，配咗蒜蓉汁，仲有我最愛嘅生蒜！扒餐配意大利粉、薯菜，旁邊仲有唔同嘅蔬菜平衡吓，粟米、紅蘿蔔、西蘭花等等。想讚吓個蒜蓉包好脆、好蒜，同埋薯角都炸得好香脆！飲品叫咗鮮奶朱古力，味道濃郁；蜜桃綠茶就幾清新、消滯！

今日嚟油麻地，見到呢間餐廳門口，未入去已經聞到勁香😍雖然過哂Lunch hour, 但餐廳坐滿食客，好多人...食完終於明白點解咁旺，店員忙過不停，原來真係抵食又好食😋下午茶時間，叫咗個「邪惡雞脾薯角」薯角，估唔到有驚喜。雞脾超大隻，即炸熱辣辣，又唔會好油。三十幾蚊超抵食，論質數，比其他連鎖快餐更好味。熱熱地嘅天氣，飲咗杯檸檬柚子梳打，好多柚子好足料...正👍🏻見到隔離枱鋸扒好正好吸引，下次要嚟試下🥰

這天與朋友到旺角逛街，走著到了砵蘭街與登打士街交界的都會坊餐廳晚餐，我們先是被餐廳外的餐牌吸引，見到那些鐵板餐很吸引。原來餐廳有兩層，上層比樓下更多座位，晚餐時段也差不多滿座。餐廳以西式食品為主，我們點了石板比目魚扒配蒜蓉汁意粉、石板西冷拼虎蝦黑椒汁配薯角，還點了兩杯特飲。石燒套餐包餐湯及法式蒜蓉包，飯意粉薯菜3選一，5成熟的西冷鮮嫩多汁，配黑椒汁十分不錯，配上附上蒜蓉粒美味！燒虎蝦也十分惹味，薯菜除了薯角，還有粟米粒、紅蘿蔔、西蘭花及瓜片。朋友點了比目魚有兩大塊，充滿魚油，肉質非常香嫩入口即溶！我們點了兩杯特飲可説是透心涼！店員服務也好，食物速度快！

好耐無食過港式扒大食妹心血來潮, 收工同朋友仔去左位於旺角嘅都會坊食價廉物美嘅鐵板牛都會坊嘅通風系統做得好好, 餐廳座位比起其他食鐵板牛嘅地方更舒適<澳洲穀飼牛柳配法國鵝肝>大食妹當然嗌左期待已久嘅鐵板牛啦, 仲要奢侈一下叫份有鵝肝嘅添五成熟嘅鐵板牛柳好juicy, 而且唔會有血水牛柳仲要係超級厚切, 最啱大食妹呢啲食肉獸鵝肝都好大份, 入口即溶, 有啲高質配菜都好有誠意, 主食方面就可以揀飯、意粉或薯條<安格斯牛肩胛(200g)>朋友仔就嗌左份安格斯牛肩胛石燒牛扒比起彀飼牛, 安格斯牛肩胛油脂感會較低, 但牛肉味更為突出配上pink salt同燒汁, 好好食另外, 石燒板加$8仲可以配埋餐湯、餐飽仲可以免費跟檸茶以現時嘅物價黎講, 可以話係幾唔錯

朗豪坊附近發現呢間西餐廳，門口似茶記室內都有少少格調，座位有距離幾舒服睇吓餐牌，價錢都合理旺角嘅石燒牛扒唔少，呢間見之前OP啲人PO啲餐牌好似係茶記嚟但我見到主打係轉咗做西餐廳，主打石燒牛從點餐紙所見，石燒牛有6款+1款石燒羊架由100g至400g任揀，價錢就78蚊至338蚊我揀咗200g牛小扒，加咗20蚊有套餐餐湯/飯/意粉/沙律薯菜/餐飲可5選3當日餐湯係忌廉白湯，幾滑有少少杰身，質感略帶幾分creamy欣賞餡料加入火腿絲同粟米，帶有少少甜味同微微鹹味而椰菜絲沙律就清啲，好似欠咁啲芝麻醬蒜蓉包入口香脆，蒜香味好充足石燒牛小扒好吸睛，加上日式牛肉汁就更惹味薯角做配菜，入口外脆內軟塊熱石溫度夠，上枱熱辣辣，一段時間後仲出煙可鎖緊牛肉肉汁，好juicy牛小扒好有牛味，無牛柳咁軟嫩係幾有咬口，牛肉同脂肪分明，有幾分豐腴油香呢種牛小扒較少見，蘸牛肉汁香啲仲叫咗200g嘅美國極黑毛豬個人怕辣，所以由黑椒汁轉為蒜蓉汁簡單嚟講，豬肉比牛肉軟腍牛小扒較濃味，黑毛豬味道清啲，表面有少少香草味黑毛豬肉清清哋配上新鮮蒜蓉汁好夾蒜蓉汁入口好香濃，覺得似自己打醬汁有粒粒生熟蒜，勁香入口有熟蒜香味，有生蒜辣味攪

今日係旺角行完街搵地方食飯，去到砵蘭街見到間餐廳有我最愛既石燒，價錢都唔算貴，入去試試先，佢餐牌都有好多選擇喎，我叫左份牛小扒享受一下先，等左一陣就有得食石燒果然係我最愛呢間餐廳俾到驚喜我，第二度食唔到呢隻牛小扒，超正👍，佢個自家制牛肉汁絕配值得推介👍，喺石上面鎖住肉汁，牛肉味重肉質嫩滑，石頭溫度合適，配埋生蒜，口感一流，薯角亦都好香口，熱辣辣脆卜卜，飲埋杯凍咖啡，成個餐好滿足，值得推薦俾各位

與女兒出開旺角買東西，想起未帶過她去村爺爺食湯飯，便拖她過去，奈何門口已是人龍，鑑於旺角是敏感區域，還是不等，轉場去其他餐廳好了，行吓行吓見到這間餐廳，門面正常，反正咁耐冇食過扒，又試試吧！入到去坐低叫嘢食，聽到隔離檯對話，已深知不妙。我叫了波士頓龍蝦拼安格斯西冷牛扒(龍蝦好乾，牛扒好多筋又好韌，食一塊吐番差不多半塊出嚟，沒誇張，情況真的如此)，亞女叫了鵝肝拼牛柳(鵝肝雖然開始溶，我問亞女牛柳得唔得??佢話還可以，沒甚麼筋，比我果件好些的)，埋單$384，唔貴、但唔值。下次要食平價牛扒餐，走番入女人街果間老字號度食鵝肝牛柳(一百鬆D而已)，仲有即開生蠔食，兩人價錢都係差不多而已。呢間試一次，見識過就夠了，食飽速速跳上的士速速離開旺角。

同男朋友行完朗豪坊，喺附近見到間餐廳新開就去試試，雖然門口有啲似茶餐廳feel，不過其實入面都幾有格調，仲要播住耳熟能詳嘅英文歌🎶🎵，勁好feel。先叫左2個小食，馬拉雞肉串同避風塘炸燒賣。避風塘炒蟹就聽得多，避風塘炸燒賣就真係未試過，佢有啲似用氣炸鍋炸出嚟嘅感覺，外皮脆脆地好乾身，有大量蒜同辣椒🌶，香辣惹味。馬拉雞肉串同避風塘炸燒賣都係用點心籠裝住，賣相幾得意! 呢個馬拉雞肉串有6串，都幾抵食，上面加上芝麻好香。可能啱啱新開，啲套餐都好抵食，講緊芝士焗半隻波士頓龍蝦🦞拼石燒美國安格斯西冷牛扒🐂都只係$168 咋🤑，平時喺出面啲高級少少嘅西餐廳食都坐底要300幾蚊，而且質素同味道一啲都唔輸蝕，難怪差不多檯檯都叫一客啦。跟餐有法式蒜包、餐湯同奉送$23 嘅飲品，真係抵到喊!! 芝士焗半隻波士頓龍蝦雖然唔算太多肉，不過芝士焗到好香，淨係賣相已經流晒口水🤤🤤。石燒美國安格斯西冷牛扒好大塊，肉質鮮嫩。不得不介紹就係配菜薯角，炸到金黃香脆，絕對比好多高級西餐廳整得仲出色。另外叫左個石燒牛扒系列，佢其實有好多款式，不過我地就揀左個美國極上和牛，份量好足夠，油份豐盈，味濃甘香，佢先整到五成熟，客人可

作為一名健身教練，放假食下午茶都會食吓炸肶薯條既2點幾黎到油麻地，搵間老字號又坐得舒服既餐廳食下午茶先~ 都會坊餐廳細細個就成日行過，真正食既都食2~3次，今次黎到同之前好唔同，入店前先消毒雙手、量體溫，再帶上樓上雅座，整體黎講衛生多了，請放心食用。唔該一份炸肶薯角跟紅莓賓治、另一份要煙三文魚卷跟柚子特飲、再黎多份雪粒窩夫呢份要最後先上既唔該~唔洗16分鐘頭兩份都一整到哂，呢隻炸肶炸到 外脆內滑、唔會乾哂!煙三文魚卷配埋沙律醬，係呢個咁鬼悶焗既天氣食就最好不過，大家不仿試吓呢個兩杯特飲不過不失，柚子果杯原來係梳打特飲，呢d天氣飲又係啱哂!最後不得不提呢個窩夫! 窩夫既調味、制作時間剛剛好，脆口得黎唔好實的的! 又係下午茶精選!好喇今日放假唔做運動喇，食完去行吓街先~拜拜!

好正的門面😂係有特色嘅！裡面都好舒服呀！都有選擇，價錢都合宜。性價比幾高。餐湯餐包都好正，白湯夠香滑，蒜蓉包蒜香味濃。特別想介紹呢兩杯特飲，師傅好比心機調配，好正好吸引，淨係賣相都一百分，略略偏甜，但味道好香！終於到重頭戲，兩款肉類都相當好食，夠肉味，鎖到肉汁，肉質鮮嫩，甜美多汁，口腔中不斷散發陣陣牛香。大家絕對要試下。總結嚟講，餐廳服務相當理想，優越誠懇，係小店好值得欣賞之處。除咗服務態度好，食物質素都高，所以值得推介！

經過這店，見人少少，座位都可以，還有，下午茶去到6:30pm, 所以一試。看來看去，想不到食什麼，看看食評😨⋯⋯像是麻麻，既坐下，就試吧！點了下午茶餐，黑椒吉列豬扒飯，跟熱即磨咖啡。送來時，感覺這碟飯都算有心思，配菜不是一堆堆的。而是一小堆粟米，伴一大片青綠的生菜，上面再有兩片沙律菜及半粒蕃茄仔和一小件西蘭花。感覺整齊及特意擺設，一片炸得香脆適中的吉列豬扒。豬扒厚薄得宜，肉質不會過硬或鞋。黑椒汁帶點辣，不會太鹹，使人開胃。唯獨杯即磨咖啡，一送來，我忍不住問侍應，是否平時都咁少？我覺得像倒瀉或飲過似的，少咁多😅。侍應話是機沖，所以既定份量。知道是正常份量就暢心飲，不過味道一般，沒有香氣。埋單要加一，$42，好抵吖！

芝士焗肉醬意粉🍝$22 (外賣)今晚屋企無煮飯🙈好彩咁啱行過😎見到$22一盒，好抵食😂不過只限外賣😝結果就買咗頹飯一盒☺️而且仲送多包飲品𠻹😉然後就返屋企😄味道OK啦☺️都會坊 (旺角)旺角砵蘭街128號地下

以前曾去過一次，今次第二次食佢地宵夜套餐，野食唔錯，唔加湯同包就更好😂☝🏻今次order消夜套餐：鐵板黑椒牛肉炒意粉、芝士焗魚柳意粉、跟$5忌廉例湯蒜蓉白包、凍檸茶x2。Total:$117🛠餐廳設計用唔少藍紫色燈光，以酒吧燈光做設計既茶餐廳，Menu有多款菜式可以選擇，有鐵板類有鋸扒類有小菜類，豬牛羊雞任君選擇，4人位大至上舒適既2人坐位比較逼，宵夜時段都有幾枱捧場客系到，有部電視供客人撈電視汁食飯📺🤣餐廳落單同一般茶記程序一樣，服務質素一般，會系客人面前玩手機，但問關於食物上疑問佢都一一答到，例如order凍飲時會問加唔加5蚊跟湯跟餐包，問咩湯咩包都冇用唔耐煩感覺去答🙅🏻‍♀️🕹加$5餐湯同餐包就真系唔建議大家試，餐湯有羅宋湯同忌廉湯選擇，點左忌廉湯，湯都還可接受，內面加左洋蔥、煙肉、栗米，溫度夠熱都ok既，但餐包真系唔知放幾耐，一入口已經凍冰冰，同麵包開始已發硬到冇咁易咬❤️鐵板黑椒牛肉炒意：入口味道有好香黑蒜，加上半條紅辣椒🌶️增加少少黑蒜刺激既味道，牛肉亦大致上入味，炒既配菜有綠色燈籠椒生菜🥬等❤️芝士焗魚柳意粉：🤤😭好邪惡呀，芝士做到拉絲效果，相信面頭同底既芝士類型唔同，面頭既可焗

中評。以前曾去過一次，今次第二次食佢地宵夜套餐，野食唔錯，唔加湯同包就更好😂☝🏻今次order消夜套餐：鐵板黑椒牛肉炒意粉、芝士焗魚柳意粉、跟$5忌廉例湯蒜蓉白包、凍檸茶x2。Total:$117🛠餐廳設計用唔少藍紫色燈光，以酒吧燈光做設計既茶餐廳，Menu有多款菜式可以選擇，有鐵板類有鋸扒類有小菜類，豬牛羊雞任君選擇，4人位大至上舒適既2人坐位比較逼，宵夜時段都有幾枱捧場客系到，有部電視供客人撈電視汁食飯📺🤣餐廳落單同一般茶記程序一樣，服務質素一般，會系客人面前玩手機，但問關於食物上疑問佢都一一答到，例如order凍飲時會問加唔加5蚊跟湯跟餐包，問咩湯咩包都冇用唔耐煩感覺去答🙅🏻‍♀️🕹加$5餐湯同餐包就真系唔建議大家試，餐湯有羅宋湯同忌廉湯選擇，我點左忌廉湯，湯都還可接受，內面加左洋蔥、煙肉、栗米，溫度夠熱都ok既，但餐包真系唔知放幾耐，一入口已經凍冰冰，同麵包開始已發硬到冇咁易咬❤️鐵板黑椒牛肉炒意：入口味道有好香黑蒜，加上半條紅辣椒🌶️增加少少黑蒜刺激既味道，牛肉亦大致上入味，炒既配菜有綠色燈籠椒生菜🥬等❤️芝士焗魚柳意粉：🤤😭好邪惡呀，芝士做到拉絲效果，相信面頭同底既芝士類型唔同，面

以前間中會去下食扒餐，但每次去都一次一比次差，差既，並唔係食物質素，而係餐廳既服務！就今日情人節去食扒餐，入坐後打算睇餐牌，點心水扒餐，點知個（女部長）話今晚只得情人節餐點，沒有其他餐可點，咁算啦，照叫情人節餐試下啦，跟住見到一台因無其他餐點而走既客，之後再有三台客繼續入座，前後，我諗十分鐘左右既事，跟住佢地就可點其他既餐，心諗，有無搞錯呀~ 擺明局我食情人節餐啫，有點過分，見走了台客，之後入座既，就可點其他餐，差到一個點，以後都不會再去！