酒泉日本料理 (已結業)

是日放學時間正值下午茶，和老婆不約而同都想起酒泉的巨大壽司酒泉一直是我們的下午茶壽司之選，無他，貪佢大件夾抵食~刺身大部份都很新鮮!平日下午茶時段很清靜，入座後馬上拿起巨大壽司紙，要了平常都吃的巨大壽司，另外叫了2個特價食物~青芥辣八爪魚壽司這個好難唔好食GE~佢又夠多芥辣~又夠多八爪魚~紫菜又脆脆的，正!銀魚壽司是平常的白飯魚的樣子，有點腥，難吃京蔥三文魚卷角切的三文魚粒好鮮味，加上我最愛的京蔥，正!日本帆立貝壽司一個字，肥。兩個字，肥美!鰻魚壽司一貫的又長又肥，可惜凍了點，汁不夠多三文魚奇趣卷8件反卷只售19大元，抵!可惜一分錢一分貨，沒用新鮮的三文魚；而是用炸三文魚，完全吃不到魚味，只有脆脆的口感。加分的是外層沾了我最愛的木魚~還有芥末醬~口感不錯!七味燒三文魚翅特價只售12大元，抵!肥美的三文魚翅配上惹味的七味燒，雖然略為油膩，但自麻醉是魚油，就拚了吧香、滑、肥美!!結帳只100元走人，不愧為平、靚、正的下午茶飯堂!

元朗好多日本壽司店，見十一點幾無咩人排隊又係優惠時段就去試下。點左唔係好多野食，平價壽司大件夾抵食，串燒帆立貝OK，但係海蝦就燒到無咩...叫左特價蔥吞拿魚腩邊海膽八爪魚軍鑑魚生碎軍鑑串燒海老蝦串燒帆立貝碎魚生沙律

見到酒泉係openrice 的好評頗多，就去試下，發現所謂的"大件夾抵食", 係大係件飯到...........兩個人可以試到的款式于多不過，那個酒泉牛肉飯挺好吃的，可以試試

好耐無係元朗食壽司, 以前酒泉D人話好, 咪試下囉...點知...............呢間野,話既巨大壽司都只係巨大"飯"壽司,勁唔新鮮用料,價錢又貴,所謂既抵真係唔抵,食蟹膏壽司, 果一"滴" 只有壽司長度1/5, 當然呢個時候件壽司仲係比較細其他三文魚,劍魚, ETC, 舊飯比成隻中隻湯匙仲大, 料係就係長, 但薄過張紙,,都未見過D魚肉可以一夾就散, 薄既程度可想而知, 又真係佩服師傅刀功, 用料真係唔掂, D魚好似加左色素咁 好假, D WASABE仲係螢光綠色,死死氣食百佳都無咁火其他料理都係即開即食類, 同係屋企打邊爐無分別, 尤其D烏冬, 一食就知係叮噹牌惠康貨,上台時D烏冬仲係一餅野, 總之呢餐5條友食左我六百幾, 都唔知食左D乜! 以呢種價錢係元朗仲有大把更好既選擇,點揀都唔會去酒泉

一向有入元朗食壽司, 大件夾抵食 由於係下午茶時間, 有特價叫左好多壽司: 帶子, 三文魚, 鰻魚, 牡丹蝦, 芥辣八爪魚, 黃金魷魚, 劍魚, 赤貝, 蛋及腐皮等又叫左炸雞軟骨, 燒牛舌, 串燒蠔, 珍寶帶子拼盆D壽司大件夾新鮮, 燒物都大碟而味道OK而珍寶帶子好鮮甜下次一定再食

同朋友慶祝生日，6:45pm 拎飛等位，等左5分鐘就入得，好彩趕到7點前有優惠，點左以下食物:魚生碎壽司($5) x2：魚生唔太新鮮蟹子壽司($5) x1：冇咩特別三文魚壽司($7) x6：冇食到，望落色澤都不太新鮮帆立貝壽司($9) x6：普普通通，但吃不出有鮮味鰻魚壽司($9) x6：保持水準，肉厚，好味炸軟殼蟹壽司($28) 6件：飯多餡少，no good三文魚刺身($28)：ok，新鮮過壽司豬軟骨串燒($5) x4：粉漿太多，似炸多過燒芝士焗青口($28) 4隻：ok，芝士味夠香平時都幾中意黎呢道食，貪佢d 鰻魚壽司夠好味，其他壽司就麻麻地喇！今次叫得多野得滯，眼闊肚窄，要打包回家友人有折，total 食左$253~

今日男友終於有假放1早已經講左下午茶要去酒泉食其實午餐已經食得好飽但男友難得放假唔比佢食實在忍心不下所以就去左酒泉喇今次叫左3文魚壽司5件其實我自己去食壽司都係最鐘意食3文魚所以叫多左食左2舊都幾有魚味不過真係超想舊飯細舊ddd奈何待應話冇得cut細舊ddd另外仲叫左鰻魚壽司熱辣辣岩岩燒好好香味道很不錯另外見到大蝦天婦羅有特價38蚊有5舊叫左1客天婦羅既炸粉確實有D厚但整開D炸粉入面隻蝦真係熱到辣嘴超正另外仲試左新野叫做蟹籽吞拿魚沙律反卷本來抱住1試既心態點知食落感覺好FRESH好凍好明顯咁食到吞拿魚沙律既味道非常好味道下次再有特價都要再叫也其他既壽司都比較COMMON食1餐酒泉既下午茶真係令到我連晚餐都唔洗食-V-

中午和女朋友在「自家烏冬」吃過午餐後繼續逛街（詳情請參閱食評-《偷工減料》），原本說好晚上回家煮飯，結果到了晚上，女朋友卻第一個問到哪裡吃晚飯，可能逛街逛的累了，我也很能理解，不過一時間也想不到吃飯的好去處。女朋友想起自己未吃過「酒泉日本料理」，很有興趣去試一試。我自己也很久沒到過「酒泉」，以往同事對酒泉趨之若騖，我也有點不明所以，坦白說，我自己就不太感冒，因此我提醒女朋友不要抱太大期望就是了。時近八點抵達「酒泉」，有幾位客人正在等候，我和女朋友拿了籌，坐在店門外等候，女朋友順便拿過一張點菜紙看看點些什麼。等了約二十分鐘就有位了。侍應安排我們坐了一張二人枱，我們在等候時已想好吃些什麼，因此可以即時落單。我們叫了三文魚壽司、劍魚腩壽司、甜蝦壽司及一碟鮮蟹膏炒飯。壽司沒等多久就一次過送來了，女朋友見狀，面有難色，可能賣相有點出乎女朋友的意料之外。賣相再差，食味也要吃過才知道的。三文魚壽司三文魚壽司賣相非常一般，魚生色澤暗淡，不甚肥美；三文魚是一貫元朗壽司風格，魚肉特長，不過較以往的薄了很多。食味方面，三文魚吃起來不算太新鮮，亦不見肥美。壽司飯同樣維持元朗壽司風格，個頭很大，搓得死實，食味不

早兩日同男友提早去食我地既2人團年飯因為我同男友都好鍾意食日本野又系openrice見到酒泉系元朗區好勁,咁就決定一試去到要等位,但唔係等好耐同埋佢有order紙放系門外, 可以剔定食咩一入到去坐低已經可以落orderD野食一黎到, 我同我男友O晒咀因為D壽司好大件, 雖然order紙係寫明巨大(無普通size供選擇)但我諗都諗唔到係一般size既雙倍咁大件我件件都要將佢分兩份黎食如果唔係一放入口,個口跟本郁唔到但萬一食芥辣八爪魚壽司同螺肉壽司用唔到筷子分開,搞到無從入手唯有用口咬開佢地,搞到舊壽司散晒變左好似爬飯咁雖然又平又大件,真係超級抵食但食得好唔方便,令人食相變差坦白講食壽司其間,我真係有因為D壽司太大件而食到煩躁不過刺身真係好厚好新鮮,起碼真係食到魚味而唔係得雪味先燒物又好食, 服務態度都好好, 坐位有少少迫, 不過唔會好唔舒服但建議酒泉可以將一份兩件巨大壽司,改成一份3或4件既普通size壽司咁食客應該會食得方便D, 唔洗咁辛苦丫嗎

自己做開日本料理，尤其主壽司吧工作，而且對壽司的興趣也不少，故我對壽司有一定要求，網上看到評分蠻高，便膽粗粗來這裡和女友慶祝生日，結果……結論就是：再次體會很多香港人是不懂吃日本料理的。甫一坐下，發現餐具的擺位很不整齊，這樣沒要求已讓印象打折扣。尤其小弟在比這大而忙幾倍的店做過樓面，比他們的節奏快百倍之餘更是樣樣要整齊快速。嗅過鼓油，是一般大陸製，沒有味琳，也罷，只是普通的壽司店嘛。首先是迷你壽司，點了8件，三文魚、帆立貝、玻璃蝦、玉子、海膽、三文魚子、油甘魚和赤貝，叫的都是香港壽司店最基本的款式，正好試出這家店的實力。尤其玉子，玉子蛋煎得好不好更是代表著一家店的實力，在日本學燒玉子可是要幾年至十年的。好，壽司來了，第一眼看到的芥辣顏色古怪，明顯是即開即用貨色，扣分。再看壽司，哇靠，簡直是離譜。首先所謂的「迷你」，一手拿起，竟感覺有約21g的飯，比正宗的比例多了幾g，比例不好，扣分。然後是形狀，須知道日本料理的精髓在於食物的「形狀」，尤其壽司，要捏成扇形的原因是讓飯能以最適合的形狀入口，讓口感極佳之餘也使飯能入口即溶，日本的師傅要以幾十年時間修煉的原因正是如此。這裡的手勢不好，入口感受

今日呢好想食壽司等酒泉特價我地就去左食喇同平時1樣叫左壽司本身諗住叫多個鰻魚卷的不過食唔哂所以冇叫今次諗住問佢飯可唔可以整細舊DDDD但佢超尷尬咁講唔得我都超唔好意思咁講唔該今日既飯比平時凍1貫既好味幾件壽司又餵飽左我暫時對壽司的渴望-V-

One day, I arranged a dinner gathering with my friends who they like to eat Japanese food. In Yuen Long, I gave been known this shop by my another friends. they said there has good comment and the ranking is No.1. Therefore I have decided to give it a try!!! But i needed to wait for over 30 minutes before i have come to book table in advance. however, l like there were so many choices of food to choose. The sushi are very fresh and yummy that we only focus on the cold dishes. We really had a won

我同女朋友, 去到元朗玩, 見OPENRICE 有成100 個 GOOD GOOD 的, 我5點9 入到去, 點知唔需要等位, (有人說6 點去要等3 個字), 抱住開心的心情, 點了京蔥三文魚腩刺生, 差差差到不得了, 細蟹子沙律, 好大碗, 但 蟹柳少, 醬太多, OK北寄貝刺生, 可以三文魚壽司~帶子壽司 (重未見過D 三文魚可以那麼的薄, D 飯超級大件, 但唔好食) 差差差, 覺得唔新鮮..... ><牡丹蝦, 好細隻唔講以為是一般的蝦刺生常溫, 覺得唔新鮮, 比左170 元去食 `飯`

因為我鐘意食壽司刺身, 男朋友就係呢度search, 比佢search到洒泉雖然我地係九龍人, 但只要有好野食, 去遠d都在所不計!! 我地已經幫襯過三至四次....6pm到達, 見到門口都有人排緊隊, 好彩等兩張枱就有位lu!!等左唔洗十分鐘~每次既指定動作, 一定係叫魚生飯 事關佢既魚生唔係碎上, 係一片片既刺身!!新鮮好味....除左似劍魚既刺身我地唔鍾意食(因為味道怪怪地), 全部都係我至愛, 三文魚, 魷魚, 北寄貝, 甜蝦等等!!另外, 我地每次都會留意黑板上既推介, 今次叫左珍寶帶子+京蔥三文魚腩+北寄貝 $58, 價錢抵食, 其實我主力係想食珍寶帶子, 厚肉無腥味蟹子沙律同天婦羅南瓜+蕃薯, 大大份!!而天婦羅蝦壽司, 男朋友每次都叫....平時佢食晒, 因為佢鍾意食.....今次我都有試, 唔錯喎!!

其實成日都幫襯由其是黎2年最鐘意食佢特價時段雖然話平幾蚊都好過冇啦XD每次成幾舊過下癮小食多滋味嘛我就最鐘意食3文魚有時碰岩佢刺身做特價勁平呢抵食超多-V-但唔知點解每次食佢既天婦羅食2舊已經覺得好"利"食唔到落去所以黎個我覺得就有待改善同埋飯既SIZE真係可以改細小小-口-