酒泉日本料理 (已結業)

首先，我想講o既係，人地話元朗有咩好食又有咩好食，其實真係要去過先至知。o黎到酒泉，話呢間係最出名o既。咩出名呢？原來係大大件壽司。咩都係大大份o既，尤其是係湯碗麵 size o既蟹籽沙律。如果你對食無咩要求o既，你可以去食，但我強調酒泉入面d日本o野真係唔係日本o野。最多係港式日本o野。如果有個日本師傅黎到香港去o個度食，一定會爆血管。我只可以話，我食o左飯同生o既三文魚魚肉。

距離工作地點只有數步之遙，越親切的食店，越提不起勁去寫食評。又到逢星期一出去吃東西的日子，就近選了酒泉。最吸引我們的同事們，在於超抵的五元手卷。這些都是叫套餐加錢換的，對於食量少的J同事以及Z同事 ，三個SET加這些剛好。魚生還算新鮮，惟那塊包手卷的紫菜比較濕軟，咬也咬不開.....八爪魚和螺肉又多又平，爽。豬頸肉還OK，雖然擺明了只是豬肉，期望不大，失望也不大。我是個甚愛日式蒸蛋之人，但這個日式蒸蛋太硬身了，差差差！吸引我來還有這個水晶粉，餃子是即炸的，但於我不是重點；水晶粉滑溜有嚼勁，甚喜天婦羅不太油，可惜粉太厚。其實酒泉明顯的在退步中，當年叱吒元朗一時，今日已是江郎才盡，靠價錢便直攬客，退回平民式的柴娃娃日本菜。現在朋友入元朗都介紹西餐廳，但元朗的日本食肆一蹶不振，簡直是沒間像樣的；日本食店何日才在元朗東山再起？

實在係太耐冇黎酒泉食壽司, 記得之前我係好鍾意黎厘度, 因為又好食, 又大件, 沙律多又好味~ 可惜近期再黎, 已經同以前完全唔同, 退步得好厲害!!!! 可以用唔好食黎形容...... 究竟你地出左咩事??? 多客左就水準下降???? 明太子沙律壽司厘個係比較正常既一樣食物, 中規中矩, 冇乜大問題.... 不過我嫌佢唔夠凍, 但整體都OK~ 挪威三文魚壽司及劍魚腩壽司今次一黎, d三文魚真係薄左好多, 記得以前都有一定既厚度, 而家真係勁薄, 好似百佳$3.2一件自選壽司0個d咁薄, 只係長少少..... 可能薄既關係, 食唔到有魚味, 飯就大大舊.... 好失望.... 仲要餐牌有個叫紐西蘭有機三文魚壽司, 真係唔知同厘隻有乜分別... 見隔離枱0個碟個樣都係差不多....而個劍魚腩, 份量OK, 都夠厚, 但都係冇乜味, 又唔夠肥美, 只係覺得入口食左舊肉咁.... 完全唔會覺得自己食緊乜野魚.... 好失敗.......... 鰻魚炒烏冬嘩~ 厘個極品, 超級難食! 先說說那個鰻魚, 極之唔新鮮, 淋到癲!! 仲要係好腥~~!!! 之後個烏冬整體, 醬汁太多, 好似撈烏

因工作之便到元朗開餐~~每次食日本菜都會叫「海蝦天婦羅」，今次就d蝦係"林"既，d炸粉好多，究竟邊度有好食既蝦天婦羅呀~~~~~刺身拼盤: 係幾好，北寄貝新鮮、墨魚同蝦都爽脆好味。三文魚: 不過不失。帶子壽司: 就差少少，好似唔好新鮮咁。仲叫左個"地獄窩" (個人認為用魚鰭部份作食材，環保得來幾有創意)，辣辣地都幾好惹味，不過食完好口渴，應該味精較重。

味道很不錯 而且抵食 三文魚手卷 $7 蟹子手卷 $5 蟹子新鮮又多 忘記了這是什麼 軟殼蟹手卷 $7 不錯 咖哩雞扒飯 很普通

今日和女朋友去濕地公園玩完便搭車到元朗一帶食飯，見這間有不少好評，便來這間店試下。我們7點左右就到，等咗5-10分鐘左右就有位了。舖內環境都可以，啲侍應仲主動拿張椅俾我哋擺袋，服務都算唔錯。我們叫了以下食物：1) 自選迷你壽司一客(16件)$108$108有16件壽司，仲有60款選擇，係就係算平的。既然是以件計，我哋當然叫啲比較貴的，無理由仲叫三文魚，故就叫咗甜蝦，油甘魚，劍魚腩，章紅魚及希靈魚等。可是，啲壽司嚟到後就發覺啲飯比起一般壽司店大舊，食起上來真的很失望，啲飯完全唔好食，而且啲味比較怪。我從未食過啲壽司是咁既樣的，其他元朗壽司店如「金田長壽司｣或「麻布十番｣都無這問題。至於飯面啲甜蝦，油甘魚或劍魚腩之類亦不見得新鮮。2) 巨大挪威三文魚壽司$20 飯和自選壽司一樣唔好食。而且也不見得很巨大，飯就大見咗既，但三文魚只大件少少。3) 串燒雞軟骨$7 價錢都算平，但雞軟骨好硬，一啲都唔“軟”，可能炸過龍了。我仲見隔離枱叫咗成兜雞軟骨，唔知佢哋點食了。4) 鹽燒牛舌串$11 這個比起雞軟骨好得多，味道都可以。總括而言，價錢雖然較為便宜，但食物唔好食是最大的致命傷。以咁個食物質素，我應

每次食親日本野都要等位ga喇..已成習慣..今次等左半個鐘左右la~2人位算快ga喇!!今次入到元朗,晚餐決定去酒泉,等位的時候,已經俾佢出面的特價餐牌吸引住..都有唔少特價野抵食..今日我同男朋友兩個人叫的野食包括: 蟹子沙律(小)$28: 唔好俾個"小"字呃到,份量真係好多,我諗3-4人都可以share食..蟹子真係好多呀!!左口魚+甜蝦+魷魚刺身$38: 此為特價品,每樣有4-6片,真係抵食..同埋刺身除左唔新鮮之外,好難唔好食,但當然我覺得佢新鮮好味la!!唔錯^o^芝士焗元貝$28: 愛好芝士的人會嫌佢芝士味唔夠重,但我本身唔係勁好芝士的人,我覺得芝士味夠ga喇,再濃就會變得好漏同肥膩鹽燒牛舌$11: 係我專登叫的,貪佢夠香夠正,而且o岩o岩熟個香味同口感先至一流~good!!紐西蘭有機三文魚壽司$20(都唔明點解個名要咁長): 食落覺得都係普通三文魚,但每次食日本野都會叫同三文魚有關的東西,ok la!!日本帶子壽司$26: 已經冇叫特大都幾大下..別府地獄三文魚翅鍋$38: 全晚最抵食係lee鍋野,足料,入味,冇諗過咁大鍋,完全冇諗過會有4大塊魚翅+粉+xyz咁多野,食到

呢日同左個朋友去左呢間日本料理LUNCH,其實入去既原因係因為見到個牌好似好平咁,俾佢吸引左~點知原來都係一半半,叫一個餐,可以有優惠價買其他既,一個餐先得一個優惠.今日叫左一個餐($32),揀左個自選手卷($5起),叫左3件再叫左個8件加洲卷,TOTAL$78.都唔算貴,食得都幾飽,佢D手卷又真係幾大件既,味道都唔差,分數就合格多DD啦.環境方面,我同朋友兩個人,可以坐個人既位都好,唔駛搭枱,坐既櫈改造成沙發更佳

都有一段時間冇食過酒泉, 每一次行過都總係有人係到等位...今日打去問仲有冇7點前特價時段...原來仲有woo..所以一放工就九秒九極速入到去..可能仲早la..未有人係到等位..入面都仲有幾多位剩tim...6:45p到去侍應即刻攞d特價單比我通知我7點前落order..否則就要叫正價食物..我就拿拿林打比相公問佢食咩la...好....去片~~~ 三文魚刺身($48)原價$68 有八塊..其實我覺得薄左少少..可能特價關係la..但好新鮮 海膽壽司 lee個可以唔洗叫...好腥呀>< 芥辣八魚壽司..好爆好多料..仲好辣比平時出面食個d辣...正~~ 三文魚壽司 普通la..薄左好多又唔太新鮮..可能之前食左刺身所以比下去... 赤貝壽司 一舊壽司係有2塊赤貝ga..仲要唔係好細個d size..新鮮..正~ 北寄貝壽司 又係一舊壽司有2塊北寄貝...好鮮甜 原隻活赤貝壽司...超好呀><..真係爽到呢.....再食落去d鮮甜味走哂出黎...lee個真係一定要叫 牡丹蝦壽司 雖然唔係好大隻但好好食呀~~ 燒魚餅 非常之咁普通..街市貨色 雞腎...冇

平時這店子門口聚集一大堆人排隊，我是沒有興趣等位的。這一天下午特價時段來 tea，等5 分鐘有位。壽司秉承元朗大大件，我以價錢角度看的話，也不計較材料跟飯的比例了。魚生是新鮮的，但飯真的是太多了。飯始終是便宜的，難道老闆希望以大量白飯質飽客人而不去點更多的壽司？最後，我是把一半的飯都減掉。其實太多飯未必是好事，但做一個小動作就可以解決這問題了。值得一提的是我把菜單上的牛肉壽司都點了，有生熟肥牛，鹿兒島A4，佐賀A5。跟這順序食落去，一件比一件好食。最重要是最後一舊($23)，跟 ricky san 的和牛($35)是一摸一樣味的，所以竟然貨真價實是和牛。需然以這份量我沒有能力考究是不是真的是佐賀牛，但生的牛肉薄薄的竟然都能吃得到牛肉的甘香味。人家賣 $35，同一份量這裡是 $23，超 surprise。其他都試了幾款串燒，都幾好。需然不是很日式，但很喜歡他的羊肉串，有在大陸食羊肉串的質素與感覺。反而牛舌就痲痲，不是日式大概3mm厚而是中式整條利連利胎都比你食埋果種。在元朗，日本菜是賣平同大，不能要求什麽感動的藝術，我覺得酒泉係云云元朗日本菜中算是幾好食的一家。大家都是擠擁的店鋪，除了食

以前一個禮拜食一次.....貪佢又大件又平又新鮮!!!是次同家姓行元朗, 諗起daddy唔返黎食, 又唔想煮...就買返屋企食la!自從媽咪唔係元朗做野次後就冇黎過la!!!但係3個月無黎姐......做咩會差左咁多ga?野又貴左...又難食左!!三文魚就得返d 紐西蘭有機個d 叫左3文魚, 蟹子, 鰻魚, 加州反卷, 帶子,章紅魚三文魚好假...人地素個d仲真過佢蟹子冇lala加左d wasabi落去, 搞到我同家姐都食唔到鰻魚唔夠汁, 好dry...好似食樹皮咁加州反卷...個面得幾粒蟹子唔好再比少d帶子一般la..算係最好食ge一樣章紅魚勁薄....又唔新鮮由於係外賣...加上賣上唔討好, 冇心情影相睇黎都係時候要搵過第二間飯堂la

以前成日都會幫襯,因為佢地大件,價錢又較附近的抵,見咁耐冇去食,於是同三五知己去食啦.點知,可能真係太耐冇去食了,質素下降得咁厲害都意想不到,叫左d壽司係全餐最正常的...一行人已經決定唔會再幫襯......

今日去左經常幫襯既元朗酒泉買外賣,三文魚唔肥美,鮑片直頭好似用左另一隻貨唔爽,叫左日本花竹蝦壽司,蝦肉超un,鯛魚唔新鮮,連北寄貝也沒以前的那麼爽甜,大失所望,而且落外賣單個4眼呀姐態度超差,直頭幫佢老闆倒米,都唔知佢想點?

次次見到都覺得好多野想食.又唔貴.叫左好多又食唔曬!今次2個人去食.蟹子沙律(約$28):必叫!細既.但係都超大份!壽司(玉子.鰻魚.加州卷):抵食得黎飯唔會大大舊!炸蝦+野菜($5x ?!):都幾多.同"溜".但點左酸酸地既汁.好食!茄子:倘可.芝士焗年糕:1/2件就好味.食多少少就好"溜".*7點前壽司特價.而且唔使等位.*waiter服務很好!同埋常加水!

見到Open Rice酒泉排頭幾位,咁多好評,就一於試下~係門口等了大約十分鐘左右, 就有位了~但眼見二人位真係好狹窄......我坐的後面已經係出餐的地方了.........芝士焗年糕(4件): 面頭好似炸的一樣, 入面夾著芝士, 一咬之下, 芝士有少少流了出來,對於我咁鍾意食芝士, 真係幾正(70分)迷你自選壽司: 我就揀了北寄貝, 赤貝, 帶子, 吞拿魚, 鰻魚, 三文魚, 芥辣八爪魚, 鱆紅魚~都幾新鮮, 但比起散叫的, 就細小了一點啦(75分)牛肉湯烏冬: 牛肉有少少韌, 烏冬都ok, 湯底不會太鹹~兩個人一碗就剛剛好啦(70)不過,一路食我隻腳就一路痕........不知道是否檯底有跳蚤的關係......但當我放對腳出黎一陣,已經無乜痕的感覺....對這裡的印象有少少差了.....食物就普通啦~