酒泉日本料理 (已結業)

來到元朗, 對我這港島人來說 真是大鄉里出城好在男朋友上了openrice, 知道這裡好抵食 剛剛好五點幾來到, 平價時段, 那就喪食三文魚壽司, 的確長; 帶子和帆立貝十分好吃刺身雖然平, 但是略為少了些, 雞軟骨也稍為遜色平價時段後都好多人等位啊!!! **坐位頗逼

下午有特價時段，主力推介的是巨大壽司，所以同男友點了很多壽司分別點了鰻魚壽司，三文魚壽司，京蔥三文魚碎壽司，甜蝦壽司，日本帶子壽司，牡丹蝦壽司全部都是巨大尺寸的壽司，很新鮮鮮甜，再想想剛好是特價時段食就感覺很抵了！*比較意外的是日本帶子是原隻一開二放上壽司飯上，十分鮮味！其他都很滿意！蟹子沙律（細）：雖然是點了細份量但一點都不少，一個大湯碗的份量，搞拌後卻覺得沙律醬不夠多，如果再多些更好！天婦羅：份量很多，一碟有六七件，本身天婦羅已很飽肚，我們差點食不完！炸餃子：一碟六隻，份量剛好，而且剛炸好熱騰騰的很美味！雖然是第二次來，但同樣是特價時段來食，所以推介那個時段來食！星期一至五　2:00pm-7:00pm星期六日 11:30am-1:00 / 4:00-6:00

今日入元朗，就先去ｏｐ睇下有咩好食，見到酒泉係元朗係排第二位，又知佢有優惠時間就決定去試下。今日食左：香酥雞軟骨：全日最好既食物，炸得夠香口，香酥味唔會太重，剛剛好，雖然＄１５（特價時段），但都幾大碟，抵食又好食三文魚壽司：三文魚長就夠長，可惜唔夠鮮，而且切得幾薄下，可以透光咁濟．．．帶子（日本）壽司：唔錯，ｓｉｚｅ夠大，而且都幾鮮甜帶子（澳洲）壽司：貴過日本個隻，雖然帶子味重ｄ，但係冇日本個隻咁甜鰻魚壽司：呢個唔錯，唔單止條鰻魚夠長，佢亦都燒得幾好味海膽壽司：同下面所講既一樣，海膽一ｄ都唔鮮，又唔甜，食左一ｄ唔知咩落口蟹肉壽司：好普通，蟹肉係多，但唔夠味文甲壽司：文甲係日本墨魚，文甲幾爽口，又夠鮮，可以一試味付螺肉壽司：個味調得唔錯，少少辣，幾開胃帶子裙邊壽司：帶子裙邊過咸，但份量多，＄５件算抵食芒果壽司：呢個配搭幾特別，芒果既甜味同壽司既配搭原來有一個唔錯既效果甜蝦壽司：呢間鋪既蝦係唔夠鮮同甜玻璃蝦壽司：同上三文魚沙律壽司：沙律醬唔夠，酸又唔夠酸，咸又唔夠咸，總括而言，優惠時段算抵食，但如果唔係優惠時段，我唔會再去，因為以佢既正價，可以食好ｄ

同朋友慶祝生日 所以黎左lee度一試6點30去到 等左陣位呀 蝕左 其實佢依家有個咩暑期優惠 逢星期一至五唔知幾點到6:30有特價逢星期六日唔知幾點到6:00有特價我地等完位之後已經過左鐘 所以冇特價eg 鰻魚反卷 特價時段係$19~過左6:30係$38 食左以下既野1. 蟹子salad -- 嗌左個細既~但到好大..食唔晒..我個人麻麻地salad 所以冇咩好評2.甜蝦 -- 蝦好似梅梅地~唔夠新鮮3.軟殼蟹反卷-- 我只食到炸野一舊~不過都ok既4.大蝦野菜天婦羅-- 都唔錯既~層皮唔似得有d地方炸到勁厚~lee個薄薄地~ok ga~不過佢個汁唔夠味..點完好似冇點咁..好淡5. 迷你壽司--不過不失啦~鰻魚幾好味呀~但三文魚我覺得麻麻地6.饅魚炒飯--ok既整體黎講 d野食唔係話好出色 不過見佢價錢唔貴 都可以一試既^v^

星期日中午去到酒泉, 叫了一個什錦魚生飯, 以為好穩陣啦, 點知出事魚生飯其實都好豐富的, 有三文魚, 甜蝦, 蛋, 櫻花尤魚, 帶子等但, 三文魚擺明就係隔夜貨, 尤魚唔新鮮, 帶子和甜蝦ok而最大的敗筆就係d飯係熱的, 點配魚生食呢, 好怪好怪之後, 唔甘心叫了, 三文魚壽司, 呢個的三文魚又好味喎所以, 以後都係唔好貪便宜叫定食了

同媽媽&家姐 3個女人去 叫左三文魚+鰻魚+雪蟹肉大舊壽司各一客三文魚刺身一客炸軟殼蟹反卷一客吉列豬排卷一客豬頸肉炒烏冬一客TOTAL$224全部野都OK~D壽司D紫茶夠脆上面D料好大份三文魚我唔係好識欣賞所以唔多講但我家姐食得好滋味個鰻魚壽司好好味塊鰻魚熱辣辣可能係D醬~食落好有食燒八爪魚丸feel而個豬排卷雖然佢包左D青瓜o係入面但食落都係有D油味而已D豬排好薄唔係好覺食到D豬排....講返個烏冬唔知係咪比之前個鰻魚搶左D味食落好似冇乜味咁不過食食下都OK總括黎講o係元朗食壽司o既話佢都係數一數二

當日六點幾去到無乜人，可以即刻搵到位。之後隔左唔夠一個鐘，已經見到出面好多人排隊，好彩來得早啫！食物方面，整體都滿意。必定要試呢度既特長壽司，三文魚壽司真係長長一條。其他如炸餃子、雞軟骨都唔差。不過店內坐位其實唔係太舒服，改善下可能會好d。

食物水準越嚟越差, 三文魚同劍魚腩有筋, 咬唔斷, 壽司飯太乾太硬, 牛排好"鞋".好在龍蝦沙律, 螺同帶子剌身都幾好味 !!

日前收工後，找了在這區工作的朋友來一起試，因為之前經過，見門外排了「膠櫈陣」，幾多人等位。七時許抵達，門外得十人不夠，以為會很快有位啦，誰知次次叫入去的，都是四人（桌）... 兩個人，要等半小時。不清楚食物份量的情況下，得閒就取來放在店外的menu紙圈圈圈... 可能之前試的料理，每碟食物份量都較少，所以不覺劃多了... 被招呼入去後，見坐位及枱都幾淺窄，而且冷氣分佈不均，而旁邊的枱子，有幾對食客坐下不久就要求換位，原來是頭頂被風口吹個正著，太凍... 後悔沒有看看鄰桌點了甚麼、點了多少便匆匆交「功課紙」…不久就發覺問題來了： 叫得太多，兩個人根本吃不完！ 芒果鮮蝦蟹籽沙律 ($48)：好大份，好新鮮，好清新... 因為有三份二都係青瓜絲做底； 黃金芝士焗元貝 (兩隻$28)：望落幾好，不過食落就... 似白汁海鮮飯的味道，好怪； 軟殼蟹手卷 (兩件$28)：飯太多…軟殼蟹唔太脆，但都合格啦！ 香草燒羊扒 (紐西蘭, $48)：幾好，有羊味，又唔太"蘇"； 腐皮蟹籽沙律壽司：令人想起挪亞方舟... 因為好似隻船咁大！ 甜蝦壽司：好鮮好甜，但... 點解個頭咁大，搣去時還有黑色的水漏出來

之前一直好想試酒泉 因為openrice話好正 有好多終於去咗食 等位就預咗 但無諗過咁難食 夀司唔新鮮都算 最難頂係個海膽蟹子炒飯少少少少海膽+000000蟹子+雜豆炒飯 = $58之後問個侍應 佢話漏咗落蟹子立即取消埋單走.............

本來同BB一齊去元朗另一間食壽司不過見酒泉咁多哈哈笑就諗住試下三文魚刺身夠冰凍,唔錯其他壽司都一般,不過D飯又熱又散最值得一提:海膽壽司最初嗅到有臭味係出自BB既口到,原來佢食緊海膽架到我食個陣,臭到一啖食哂落肚再狂飲水我未食過咁難食咁臭既海膽一定唔會再去酒泉都唔明白點解人地話好食呢??

本來端午節約了一行人去東平州, 但天氣唔容許, 改左去坪州-->愉景灣-->東涌去完東涌, 有人提議去元朗食日本菜, 黎左呢度.等左10分鐘已經有位, 叫左三文魚壽司, 三文魚刺身, 吞拿魚壽司, 鍋物餃子烏冬, 和風雜錦炒飯, 龍蝦沙律壽司, 等等.......三文魚好肥美, 同上次去富豪機場酒店食自助餐有得揮, 加上呢度賣點特大件壽司, 食得好飽下, 其他野普通, 個鍋物餃子烏冬比較咸......為左其他野, 我會再去的.

尋日本來想去三上食ｔｅａ．點知去到０岩０岩落場結果轉左去酒泉食．聽就聽人講得多．結果第一次去食平日７點前有ｄ特價野食入到去一睇．又唔係想像中咁平三文魚壽司＄６件．點左兩件．塊三文魚係就係長．但味道麻麻．唔夠新鮮蟹子壽司＄５件．點左兩件．真係好多蟹子．我男朋友勁鍾意食蟹子．結果ｅｎｃｏｒｅ多三件北寄貝壽司＄５．男朋友食．佢無講好定唔好食Ａ５和牛壽司＄２２件．點左一件．塊牛的確幾香口．不過入口唔溶囉．＄２２不過不失啦沙追魚壽司好似＄７件．點左一件．塊魚咩味都無．唔知想點雪蟹壽司＄１１．係一絲絲蟹肉．男朋友話好香蟹味除左壽司．仲有ｄ串燒小食都有特價我叫左一客鹽燒牛舌＄９．可惜燒得過熟．有ｄ鞋香酥雞軟骨＄１５．呢個真係幾抵．平時食親到廿幾三十蚊．好入味．好脆．好有衝動返兜．成餐我覺得最好味係呢個老實講．價錢一般啦．勝在唔駛加一埋單＄１０６

上個星期日去到超爆場,係我老婆仔女話食我先等...4位都要等成9個字,已經好早打黎又話full左booking見到有4人抬起身...以為有抬..........點知叫左兩個兩個入去激死我入到去個場好細,企門口個人指我入去又冇人理我地...好無耐...我哋要咗個細刺身併盤($98),蟹子沙律($28)鰻魚壽司($22/2件)軟殼蟹手卷($28/2件)$98有25件刺身真係好平,但唔知點形容就好似唔新鮮蟹子沙律真係幾大但係就好多青瓜,最好食就軟殼蟹手卷,不過要快食因會好快"林"其實都唔算難食只係今次同上次黎服務差左,之前黎過兩次,有兩個都幾好待應都唔係度又可能係放假,不過今次d侍應講野太大聲,有時仲掛住傾計,我舉好耐手都冇人理....所以其實真係唔係想像中咁好

今日LUNCH 冇咩食, 經過酒泉見到佢D紐西蘭生蠔$68半打, 所以買外賣泥食吓喇....佢仲俾咗個九折我...因為我係街坊...^^真係幾新鮮, 雖然唔算好大隻, 但係食落去有D層次感, 有海水味, 但唔太咸...唔錯唔錯...