影片
更多
2022-05-15
19 瀏覽
今日同朋友嚟到大角咀，先發現原來呢度別有洞天：原來呢度隱藏住咁多嘅食店。今次我哋揀咗呢一間酒燒弄，想過吓好耐冇食過嘅串燒癮。🍢我哋嗌咗：🍢精選10串套餐 $298真係強烈建議大家一定要試呢一個套餐，除咗抵食之外，我覺得佢嘅選擇都好大路，唔會有伏。裏面除咗有🐥雞翼、雞腎、🦴雞軟骨、👅牛舌心、茄子🍆、翠玉瓜呢啲比較常見嘅串燒以外，亦都有黑豚蘆筍卷🥓、芝士年糕🧀同雞頸肉呢啲比較少見嘅串燒。咁多串燒裏面我覺得最好食同埋最令人驚喜嘅就係牛舌心，咬落去非常之煙韌蛋牙、牛味好重，佢嘅牛脂同埋牛汁喺口中綻放，撈飯一流。🛢我覺得第二好食嘅就係翠玉瓜，因為佢上面表層燒到金黃色，唔使點落調味就咁沾上其他串燒嘅肉汁已經好好食。🥰🥰燒牛肉湯烏冬$85牛同埋烏冬係分開上嘅，牛肉方面佢哋七成熟，咬落去仍然好有肉汁，感覺都好香濃嘅油脂味。烏冬好彈牙，完全唔係平時識到嗰種廉價烏冬嘅感覺，湯底亦都係堅魚湯味，感覺好似真係去咗日本咁。🎌鹽燒牛舌心丼飯$93實不相瞞，我係食完串燒之後先再嗌啲碗飯，果然冇令我失望嘅就係佢嘅牛舌心依舊肉汁滿滿，佢嘅牛油脂肪流落去飯度，簡直一流，飯底會有啲調味，我覺得係再一級嘅昇華。😘我哋最後仲帶
今次我哋揀咗呢一間酒燒弄，想過吓好耐冇食過嘅串燒癮。🍢
我哋嗌咗：
🍢精選10串套餐 $298
真係強烈建議大家一定要試呢一個套餐，除咗抵食之外，我覺得佢嘅選擇都好大路，唔會有伏。裏面除咗有🐥雞翼、雞腎、🦴雞軟骨、👅牛舌心、茄子🍆、翠玉瓜呢啲比較常見嘅串燒以外，亦都有黑豚蘆筍卷🥓、芝士年糕🧀同雞頸肉呢啲比較少見嘅串燒。
咁多串燒裏面我覺得最好食同埋最令人驚喜嘅就係牛舌心，咬落去非常之煙韌蛋牙、牛味好重，佢嘅牛脂同埋牛汁喺口中綻放，撈飯一流。🛢
我覺得第二好食嘅就係翠玉瓜，因為佢上面表層燒到金黃色，唔使點落調味就咁沾上其他串燒嘅肉汁已經好好食。🥰🥰
燒牛肉湯烏冬$85
牛同埋烏冬係分開上嘅，牛肉方面佢哋七成熟，咬落去仍然好有肉汁，感覺都好香濃嘅油脂味。烏冬好彈牙，完全唔係平時識到嗰種廉價烏冬嘅感覺，湯底亦都係堅魚湯味，感覺好似真係去咗日本咁。🎌
鹽燒牛舌心丼飯$93
實不相瞞，我係食完串燒之後先再嗌啲碗飯，果然冇令我失望嘅就係佢嘅牛舌心依舊肉汁滿滿，佢嘅牛油脂肪流落去飯度，簡直一流，飯底會有啲調味，我覺得係再一級嘅昇華。😘
我哋最後仲帶咗水蜜桃茶同埋荔枝茶，兩杯嘢飲都係跟餐嘅，佢哋都唔會太甜，好啱夏日嘅時間去飲。🍹🍹
——————為食分界線——————
📍 酒燒弄 (大角咀)
大角咀大全街43號大滿樓地下1A號舖
推介指數 🤰🤰🤰🤰🤰(5/5)
好味指數 🤰🤰🤰🤰🤰(5/5)
抵食指數 🤰🤰🤰🤰🤰(5/5)
環境推介 🤰🤰🤰🤰🤰(5/5)
人均消費： $80
張貼
