醉串 (已結業)

早前在CWB做完脫毛之後，吃了拉麵做晚餐，又未夠飽，就去了醉串吃宵夜，醉串已經去過幾次了 ,對它有幾好的印象，一個人不能吃太多，只有點了4個,咖哩蜆湯味道出奇地幾好味 雞肉串燒味道又幾好,雞肉的口感不會太鞋,肉質幾新鮮，長腳蟹又OK,這裡旳服務又幾好 .送餐亦好快,20分鐘内送到我的枱上,環境夠大夠舒適，下次會再來

早前同阿女去了CWB行街，阿女話再去醉串,上次吃過幾好吃，醉串上次的服務又幾好,今次再決定去吃晚餐，今次叫了幾樣野 ，醉串的地方夠大,坐得十分舒服，只有2個人吃 ，所叫不是太多，我十分易飽，無胃叫太多浪費食物啦,燒粟米燒得味道幾好,日本番薯味道甜甜的又不錯，服務依然好好 ，店員好有禮貌，下次會再去

行鬼完書展，全身腳軟軟。手拖兩個喼，肚仔卻空空。行出大馬路，坐低醫下肚。入到去醉串，剛好有位坐，睇下個 menu, 款式選擇多，平日肉串燒，貴有海鮮燒；書展節扣多，可以食豪D。環境都不錯，侍應服務佳。先嚟雞豬串，香脆爽彈牙；煙肉荔枝卷，外脆香帶咸，內枝甜爽滑，口感甜中咸，合拍無得彈。再嚟雞軟骨，香濃爽滑彈，入味又香脆；餃子雞翼串，外脆內肉嫩，餃子香多汁，一口脆滑嫩，口感甚豐富。泰式豬頸肉，外香肉滑嫩，一口一片肉，好快就食曬。炭燒帆立貝，新鮮又香甜，炭香咪入肉，鮮中帶炭香，廚師好手藝，誰可以錯過？M8和牛串，肉味濃鮮美，肉質紋理佳，入口鮮嫩爽，肉汁口中溶，滋味倍感爽！再食碗烏冬，雞扒配泡菜，微棘增食慾，韓風式創新，烏冬爽又滑，食完舌感棘，叫番個飲品。一 jar 柚子冰，乳酪酸帶甜，中和口中棘，愈飲愈滋味，又再叫一 jar.埋單雖頗貴，美味有所值。色香味俱全，醉串皆做到。

年紀漸大,亦即代表我吃的年資漸增,所以對食的要求更深.亦可能因為這原因,令我這次醉串之行有太多挑剔醉串位於銅鑼灣一蘭旁邊,鋪租應該都是在全區頭幾位的,區內競爭激烈,因此食物的質素非常重要,否則客人離開了是絕不會回來我們4人叫了一個4人套餐,首先來的是燒餅乾棉花糖,只看名字是相當吸引,上台後發現原來是我們瑕想太多了.餅乾和棉花糖燒得完全是分開了,餅乾不夠脆,但棉花糖卻是半熔,絕對要改善美味指數: -串燒煙肉煙肉燒得剛剛好,不太燶,保留了肉味,配上店家自制醬汁十分不錯美味指數: B燒雞翼尖雞皮燒得非常香脆,口感一流.吃雞翼尖當然要感受一下咬骨的感覺,這兒的骨較軟身,咀嚼起有一種莫名的快感美味指數: B +芝士火鍋整個4人套餐最值得令人稱讚的是芝士火鍋,芝士味道相當香濃,不太膩,麵包本身已經非常脆口,加上芝士鍋後別有一留味道.龍蝦蝦肉鮮甜,加上芝士的味道後更覺特別,只可惜龍蝦太小了,份量看起來並不足夠4人享用,但A-評分的絕對是全屬於味道的其實4人套餐還有其他食物的,不過今次不一次討論了,留待其他朋友親身驗証吧這裡的食物普遍不錯,但有一個主要的通病是份量太小,4人餐但份量是足夠2人吃,我們同

在銅鑼灣一蘭的附近, 原來有一間不起眼的餐廳, 名叫醉串. 若不是好友給我手信, 約我吃午餐, 也不知道這店的位置. 星期六的下午, 天下著傍沱大雨, 偌大的餐廳內, 只有數枱食客.   看看餐牌, 見到有八款午市套餐可供選擇. 於是就與好友各點一個午餐, 再加飲品, 小食和串燒. 飲品點了乳酸梳打. 甜甜酸酸的凍飲, 永遠也是最開胃的.小食是和風泡菜餃子. 圓形的餃子, 炸得金黃色的, 擁有卜卜脆的外衣, 包裹著泡菜餡料. 咀嚼著微辣的泡菜與脆脆的餃子皮, 很爽!好友的主食, 吉列豬扒石鍋烏冬, 率先送來. 吉列豬扒是另上的. 先說豬扒, 外表是炸得超脆, 是故, 炸粉內的豬扒, 也弄得有點乾身了. 至於那個石鍋烏冬, 配了泡菜湯底之後, 辣得十分滋味, 令人一試愛上. 湯內的配料亦毫不單調, 計有泡菜之外, 還有溏心蛋, 粟米粒及木耳絲等等. 而烏冬呢, 既彈牙, 又煙韌, 很滿意.同樣以石鍋上桌的, 雜錦海鮮石鍋烏冬, 也沒有令我們失望. 魷魚, 蟹棒, 帆立貝及大蝦, 都出現在石鍋之內. 豬骨湯底不會過鹹, 就這樣浸著海鮮和烏冬來吃, 味道也很匹配. 最後來的三款串燒, 分別是

見咁多笑面諗住試下，點知好失望；首先，有好多野食都要最少落2串 (牛舌又係，日本蕃薯又係..仲有好多其他都係)，食串燒有時就想樣樣少少咩都試下，呢樣已經唔得；場係爆既，但侍應只有3位；要等到有人serve，係要有耐性....啤酒買一送一，但完全無問過就一次過上哂兩杯，大熱天時第二杯即係叫人唔使飲啦...門口唔係自動門，一有人唔記得關附近幾張枱就變焗爐，等侍應留意關返係唔可能因為佢地得3個太忙....環璄...勁嘈...唔好旨意可好友飯聚傾計....最後，最緊要既嘢...係唔好食!!全部重口味落多左兩倍鹹味，又點估到想食個清新胡麻牛蒡係會鹹到苦呢.....而且...貴而唔值!! 無下次!!

來到傳聞中近期大熱的串燒店,假日也沒有大排長龍,還以為是幸運的日子,誰不知原來是有原因的,原因當然是食物質素吧4位朋友一起來吃,吃他們所謂的4人餐,份量卻只是2人的份量,真是令人驚訝,價錢卻比街外的串燒店還貴而味道方面更是令人驚訝,串燒棉花糖餅乾完全不夠熱,味道自不用多說.串燒羊肉的羶味離奇強烈,証明食材的質素並不是上乘,吃起來令人有無盡的嘆息這樣的價錢絕對有更好的選擇

上個月來過這邊午餐，見晚市好像也不錯的，而且最近又對串燒愛不釋手的，所以就再來一次這家叫做「醉串」的日式餐廳晚膳，聞說這邊的晚餐都是串燒來的~哈哈，怎麼依然被這裡的酒瓶擺設所吸引著~XD芝士波 ($38/份)芝士波的賣相也並不遜色~芝士也蠻多的，外層也十分鬆脆的，要是外層的炸脆皮跟芝士波能融合在一起，不要分散，口感會更佳~~台灣腸 ($22/條)這腸腸的肉質並不特別，但最優勝的地方就是表皮帶點甜的，又十分香的，又夠咬口，勝在口感不錯~煙肉生蠔 ($48/串)初時以為煙肉會把生蠔的鮮味所蓋過，後來吃的時候發現兩者的味道比例洽到好處的~大蔥 ($18/串)這個大蔥燒得也蠻香的，外層脆脆的，內層就是氛香撲鼻的蔥味，加上鹹香的木魚絲在調味，整個口腔都充滿著這燒烤中帶點清爽的感覺~羊架 ($118/2件)羊架的羊味濃郁，肉質嫩滑稔身，是為食串燒之中的佳品~燒蠔 ($48/隻)邪惡的燒蠔上先鋪上豐厚的芝士在蠔上面，再一拼燒熟為止，芝士味滲入到蠔當中，但蠔又不失其應有的鮮味，叫人回味，但芝士之多叫人很易飽的...下次還是留待最後才食~=3=多春魚 ($50/份)多春魚燒得夠甘香，外層脆卜卜的，喜歡多

夏天一到，約朋友食飯到好難，個個都話要減肥，就算約到人，佢地都要我搵d輕食餐廳，但係我又唔中意食沙律當一餐，諗左好耐就決定同朋友Y去醉串，串下先。我地2個人只係叫左幾款野食，不過一路食一路飲野，一路吹水都幾好~~係一個唔錯既地方。我既至愛，煙肉荔枝卷($26) 同 燒鱔串($48)就係必食既，去每一間食串燒既地方我都會叫。呢到既煙肉荔枝卷，價錢唔算貴，仲要荔枝食落去juicy唔似係用罐頭荔枝，而且清新既荔枝中和左煙肉既油膩感。另外，燒鱔串既肉好肥美，一大塊既肉完全冇骨，可以好放心咁大啖大啖食，仲要個燒汁有小小甜，燒完之後令到個外層好香脆。除左叫我中意食既野，當然都要理下呀朋友仔，佢係一個海鮮怪，所以佢點既都係同海鮮有關。鹽燒原隻10寸深海魷魚($98)，魷魚燒完之後d肉唔會好乾，食落仲係好嫩好鮮味。燒黑松露牛油帆立貝($68) – 好大隻既帆立貝，食落好鮮甜，上面既黑松露好大堆，又香，食完之後個口仲有黑松露既香氣。煙肉海膽燒蠔($48) – 蠔肉好大隻，食落仲有小小海水味，而且有個中意食既海膽，不過帶咸香既煙肉搶味左小小。朋友Y好滿意我帶佢黎呢個地方，話坐得舒服，冷氣又夠，食物又正!!

午飯時間1點，唔洗排隊，仲有好多位。我地2個人一人叫左個午市烏冬，一個泡菜湯，一個豬骨湯。泡菜湯味道稍濃不過可以接受。豬骨湯底好似落多左幾包公仔麪味精粉咁(我諗佢唔係真係用豬骨)，鹹到食唔到，好後悔冇睇之前個個食評先入黎食。我唔想浪費，叫佢加D水俾我。點知佢成碗換俾我(多謝晒)。不過新個碗都係好鹹，好在佢放左好多豆芽同其他食物，都叫做有D野食下。我諗呢間野都係晚市食串燒為主，午市烏冬可以唔洗試。

肥髀考試放早，我又放假！接咗佢之後，等到呢間餐廳12點開門！去到店內係無客，黑媽媽，見店員來開門先知已經開店，裝修幾特別，水泥地配鐵板牆，加木桌金屬椅，行冷色調，感覺幾男性化！店內有個鐵架放滿了桌上遊戲，可以比食客玩！肥髀開心死，坐低店員比個午餐餐牌落餐紙我，揀好佢就去落單！食物好快到！頂級牛肉石鍋烏冬（$78）熱辣辣，醬油湯汁清甜，牛肉比石鍋一迫，比較硬，牛肉味重唔肥！其他配料都豐富，金菇木耳粟米粒炸粉糰！烏冬滑溜，唔黏底，味道好夾個湯！胡麻蟹肉冷烏冬（$58）冷食烏冬，材料唔多款式，勝在材料都配搭得清爽，烏冬比湯嘅彈牙，火箭菜及生菜爽口，蟹肉係真蟹肉，味道正常，我對麻醬一向麻麻，呢度唔會好膩，反而比想像中清爽！波子汽水（$8）都係為粒波子而叫！凍檸茶：茶底唔夠濃，好在唔會澀，自己落糖水！可以自己控制！店員好nice,有個遊戲我們唔識玩，肥髀問個女店員，佢好耐心咁教我們，而且我哋掛住玩遊戲，邊食邊玩，食得好慢，店員都笑笑口話慢慢食！所以好舒服!不過廁所比較殘，雖然乾淨，但三個水龍頭有兩個都出唔到水，而且入廁所條路放滿雜物，我都要側身過！唔係咁好！食物同服務唔錯！細緻位可以改善下就更好

其實呢家野都唔知幾時開不過個老闆應該都幾醒下開一蘭隔離，等D 人排一蘭排到唔想排就走過黎食我相信應該係靠呢個心態搵食 XD講返正題，話說係銅鑼灣同灣仔之間呢頭搵食呢頭好多都食過，所以入左呢到試下佢個午餐叫左兩個烏冬：炭燒雞扒石鍋烏冬同菜肉餃子石鍋鳥冬見佢有幾個湯底選，要左兩個唔同湯底一開始上左個菜肉餃子石鍋鳥冬配泡菜豬骨湯底一放上枱都知有返咁上下份量，同埋都幾熱下配料方面，烏冬本身跟粟米粒、半熟蛋、木耳絲相入面塊泡菜應該黎自湯底一開始都飲左淡湯底先，OK，少少辣ONLY應該係真係吊下味至於菜肉餃子就係分碟上，飲一飲碟底，唔見有油都算幾細心，有D 整完唔理，唔吸下油會就咁放上碟 入口烏冬都軟身，就咁湯底加烏冬都OK餃子有少少真係配碗烏冬之後食埋個炭燒雞扒石鍋烏冬配原味味噌湯底呢個入口會淡味少少不過雞扒本身有燒汁，加埋芝麻入口都OK雞扒處理得唔錯，唔會乾身基本上烏冬同湯底都OK，配菜可以有進步空間

早排同男朋友去試下呢間醉串~試完真係.....最串....最難食的串燒環境尚算ok的，中間一張長高枱，但油煙味極濃雖然預左食串燒點都會有味...果日我病左，問店員拎杯水，問左幾次先比左杯滾水我，杯水等到我地食完之後先終於入得口!我地都叫左唔小喜愛的串燒可惜....除了失望二字外沒有其他可說。啲串燒基本上係完全吃不出係有燒過的。而且份量我以為係比小朋友食的....個金菇我整仲好食過佢....佢完全係白烚果隻，冇味道，其他配料是後加。鰻魚串超級腥，食左一啖就食唔落了！唔知佢地太趕定我地太夜去，廚房想快啲收工定點，所有食物全無心思可言，服務態度亦不見得好.....激死我同男友!!

「暴雨天　我至少想講掛念你」每次下雨我時候我都總會想起這首歌，每次下雨都總會令我聯想起一些往事。遇上下雨天，心情總是悶悶不樂，唯有跟朋友去吃飯散散心。餐廳是長方形的，坐位也不少。醉串原來除了晚市主打串燒外，下午更有石鍋烏冬供應，而且在銅鑼灣中價格合理，下次有機會一定要品嚐。桌上這個檸檬造型很可愛。七味燒鴨下巴鴨下巴包括有鴨舌，外皮很嫩滑，而鴨舌肉爽脆入味，又保留原有的彈性，充滿醬油味道，送酒一流。煙肉茘枝串外層的煙肉鹹香美味，又不會過於油膩，清香的荔枝香甜清新，大大減低油膩感。牛肉粒串燒後仍然肉汁豐富的牛肉粒串，牛肉味濃又不會韌。雞腎爽脆的雞腎，水份沒有完全被抽乾，但韌了一點。蟹腳蟹腳肉厚鮮甜，外層帶有焦香，而且保留到鮮味，更有淡淡的海水味。芝士波外層炸至金黃的芝士波內層是軟綿綿的，口感像薯蓉，內藏芝士，口感軟糯。燒菠蘿長條型的菠蘿一串已切開數件，一口一件，非常方便，燒後仍然保留水份，非常鮮甜多汁。日本蕃薯燒得乾身的蕃薯香甜軟糯，一口一個，推介。這兒的串燒果然美味，下次有機會要再去品嚐。______________________________假如讓我說下去 楊千嬅暴雨天　我至少想講

近呢兩星期，天氣都痳痳地，原先約左朋友行山，但因為天氣關係，行山唔成就變行街啦。咁啱呢排銅鑼灣又有大減價，血併前當然要醫肚先，就去左附近謝斐道一間食烏冬嘅餐廳。餐廳地方寬敞，鬆動坐50-60人都唔係問題，而中間有一大張長臺，一大班人坐都可以。午市Menu 以烏冬為主，而所有烏冬都係用石鍋黎上，能夠保持溫度，唔怕食到一半凍晒，我就叫左個頂級牛肉石鍋烏冬。頂級牛肉石鍋烏冬用上頂級薄切肥牛，肥瘦比例適中，軟腍得來唔覺肥膩，連我平時食肥牛係會咬走晒d肥嘅唔食，今次竟然食清光﹗湯底方面我選左原味味噌湯底，湯味濃郁得來帶半點鮮甜，配起本身無味嘅牙烏冬味道也剛剛好，烏冬口感煙韌彈牙，值得推介﹗價錢比起之前食過另外兩間石鍋烏冬略貴些少，但都真係交足功課，配料應有盡有，起碼半熟蛋跟埋俾你，唔洗另外加錢。另外可以加$3 有汽水，或$6 加乳酸梳打/巨蜂梳打，upgrade 做餐。醉串銅鑼灣謝斐道440號駱克大廈B座C2地鋪