醉翁亭火鍋館 (已結業)

今晚去左呢間新開的火鍋店打邊爐，7點前去到唔駛等位，職員比左張卡位枱我地2個人，可以坐得好鬆動。新裝修所以樣樣野都覺得新簇簇，好乾淨企理。每位都有一份海鮮拼盤，一份刺身拼盤，一份極級牛頸脊 (2人份)，1隻至尊水餃皇，1隻蠔皇扣鮑魚，而任食配料選擇唔算好多，但係部份都係中價以上的食材。飲品係自助式，分左任飲飲品專櫃同付款飲品專櫃，任飲種類都算好多，有道地冬瓜茶、菊花茶、翡翠檸檬、百事可樂、七喜，仲有幾款紙包飲品等等...可惜可口可樂是要收費的，入座時無提供熱茶比我地，要自己叫，職員姐姐問我地想飲咩茶，有壽眉、普洱、鐵觀音、香片比我地揀。外面放有幾款小食及涼菜，除左蠔皇扣鮑魚之外，全部都係自助任食。首先送上海鮮拼盤及刺身拼盤，有海蝦、蟶子、青口、魷魚、膳片，刺身都有4款，仲要厚切，不過三文魚同北寄貝無咩味，反而希靈魚就幾好食﹗鍋底揀左重慶雞鍋，2人份量都幾多，雞肉好入味，所以覺得有啲偏鹹，反而唔太夠辣。之後叫職員幫忙加湯，開始打邊爐啦﹗送嗰碟牛頸脊 (2人份)好大份，4人食就差唔多，任食配料每次黎嘅份量都好多，平時啲火鍋店就算寫要6件，都只會比得好少，可能只黎一半份量，但係呢度比足有餘。