影片
電話號碼
91227292
營業時間
今日營業
18:00 - 01:00
星期一至日
18:00 - 01:00
以上資料只供參考, 請與餐廳確認詳情
雲腿魚肚雞煲七味炸豆腐鮮炆海魚雞煲啲雞新鮮夠曬滑炸豆腐夠曬火喉炆海魚夠曬味總括嚟講有93.34分老闆仲會教你點食個雞煲先最好食服務都算好好，下次去長洲都會再去食，希望呢啲小店做得住啦
繼續閱讀
是日假期，無野做就過來長洲飲飲食食。到了晚餐時間，近海旁的大排檔通常唔好食又揾笨，原本諗住食之前電視介紹的椰子雞煲，然後就來佐呢一間，一坐底老闆娘好好態度甘同我地講已經轉了手，原本有D想走啦，然後我老公話是但食D野算了，加上老闆娘建議我地試下佢地嘅雲腿魚肚雞煲，所以我地就order佐半隻雞份量嘅雲腿魚肚雞煲，還有一碟鮮燜海魚，唔識就真係走寶了，一飲就不得了，個湯非常足料，而且可以飲得出係無加味精的，選用嘅雞一食就食得出係靚雞，好結實同無脂肪，雞皮非常爽口，魚肚分量好多，味道簡直鮮到不得了，我諗呢煲雞煲可能四個人都夠。是日海魚係鮸魚，魚極度新鮮，當然了，身在長洲。肉質非常彈牙，魚味濃郁，而且鮸魚無乜骨，加上一位好廚師嘅手藝，味道就係正到不得了，簡簡單單一碟魚都令到我返到香港都回味無窮。非常值得一試。環境就係家庭式大排檔，老闆娘好親切。而且周圍食客都係本地人多，充滿住濃濃的人情味。
繼續閱讀
餐廳：醉雞煲 (長洲)地址：長洲北社七里3號地舖趁着假期入到去長洲，因為有當地居民介紹嘅關係，所以就去咗一間叫咗醉雞煲嘅餐廳食晚飯。晚上大概八點，餐廳幾乎爆棚，呢度尤其係建道神學院學生嘅聚餐地方，餐廳外五圍有兩圍已經係建道神學院嘅學生黎🤓我哋五個人一坐低，老闆娘就已經好好客咁介紹比較多人叫同埋餐廳嘅特色菜，而我地亦都決定試一試呢度出名嘅雞煲。雲腿魚肚雞煲(一隻)呢個雞煲無論係雲吞、魚肚、定係雞都係超級足料，我哋五個人叫一隻都有啲多，魚肚差唔多都有成30塊咁濟，爽口彈牙。湯底非常濃郁，老闆娘話係一大煲由好多隻雞烹調幾個鐘而成，精華中嘅精華都係哂入面🤤每一啖湯都鮮雞味，真係撈飯都可以食幾碗😎菠蘿咕嚕肉咕嚕肉無得頂，每一舊肉都係外脆內熱，汁唔會太多所以唔會有好膩嘅感覺。大概20舊嘅咕嚕肉令人食完一舊又一舊，話咁快就食哂😂蝦仁炒蛋炒蛋相對比較少蛋味，可能係比蝦仁嘅鮮味搶左，不過韭菜增加咗成碟炒蛋嘅口感，救返唔少分。啫啫通菜煲蝦醬汁唔會太濃太咸，個人認為醬汁嘅比例調較得岩岩好，通菜亦容易撕開，唔會過咗火候。食完飯同朋友坐咗一陣，見到老闆娘、員工同食客都坐係同一張枱有講有笑，可見長洲居民嘅關係有幾深厚☺️
繼續閱讀