金不換泰國餐廳 (已結業)

一般柚子salad 都會落D 蕃茄/洋蔥/青檸，依個柚子salad 反而全部都係柚子，當水果食都得，味道仲加左D椰奶同蒜片做點綴同其他餸比較起嚟欖角炒飯係清淡D,不過都有D臘腸片同熟蒜，味道不錯，只係欖角可能切到好細，就唔多覺眼面層既菜都仲ok，食到落底層既菜就越黎越喊（真係好有層次）事關同鹹魚一齊炒，D 鹹魚仲要大大舊，連D蒜頭都變得好有味道店員好nice,從佢地口中得知鋪頭做到10號，真係可惜，希望仲可以喺其他分店見到佢地拉

荃灣西午餐之選¨荃灣西各商場平時午餐都唔平，基本上都$70以上，金不換算係比較平的商場餐廳。午市不收加一，凍飲不用加錢而且座位相對闊落，坐得幾舒服¨Hai Nam Chicken w. Ginger & Garlic Rice($60)⭐️6.5/10＊海南雞飯＊海南雞飯🐔原本配油飯，不過我自己個胃不太好轉左白飯個汁酸酸辣辣，好開胃飯量都幾多不過，偏硬身雞份量正常，已去⻣今次比雞胸位我，都未至於好鞋好乾，整體來講是唔錯的，個汁我幾鍾意👍🏻¨Iced Thai Milk Tea($0) ⭐️7/10＊泰國凍奶茶＊有泰式奶茶的香味，但甜度剛好好多舖頭的泰國奶茶甜到我不能接受不過佢既泰式奶茶味度剛剛好，沒有多餘的甜味，可以飲到茶香¨金不換泰國餐廳(荃灣)荃灣大壩街4-30號荃灣廣場地庫B111-113號舖‎٭ ‎٭ ‎٭ ‎٭ ‎٭✤環境 : 7/10✤服務 : 6.5/10✤價錢: 6/10✤回頭：平日午飯間中會去...#荃灣美食 #荃灣餐廳 #荃灣泰國菜 #金不換泰國餐廳

今天又來了金不換吃性價比高泰國菜午市套餐，午市套餐有大杯飲品附送，而且午餐時段不用加一，確實唔錯。👍考慮吃煎蠔餅配飯或冬蔭公湯金邊粉🤔，因前者是要吃一大碟飯太飽所以最終選擇了後者。呢碗🥣冬蔭公湯金邊粉個樣都算睇得下，淺橘紅色既湯底襯托著一隻橙紅色的開邊蝦🦐，看到湯底內充滿了冬蔭公湯必備的配料之一：開邊草菇🍄。當然先喝一口湯， 湯的味道相比起單點冬蔭公湯是較淡，缺少了香濃的椰漿，湯的酸味比辛辣味重，對於不能吃太辣的朋友來說是較易入口，香茅份量也很少。地道的冬蔭公湯是以蝦頭，蝦殼等做成高湯，再將香茅切片，與泰式檸檬葉、南薑、辣椒、草菇，以及冬蔭(Tom Yum)醬一同加入高湯中，煮至有香氣；有些泰國餐廳會加椰奶，也有些喜歡加花奶，另外還有一些人兩者都加，或者兩者都不加的清冬陰功湯。個人喜歡冬蔭公的味道但不太喜歡湯內太多的香茅片和太多切了粒的辣椒，因每喝一口湯都連帶著滿口香茅辣椒碎粒，每喝完一口湯都要把黏着口腔內的這些碎粒吐出，很不暢快。但這碗湯粉完全沒有這種感覺，因為湯料不足， 哈哈，好搞笑，其實係好定唔好呢🤔？另一個睇法係午餐只收$60，當然是一分錢 一分貨 。~冬蔭公湯金邊粉($60)

荃灣係美食天堂🥳🥳荃灣廣場呢間位置吾算就近不過荃灣西地鐵站落車行大概5分鐘到金不換一到中午就排晒隊蛋網海鮮炒金邊粉靚靚蛋網造型🥳份量吾小😂兩個人都食淨一半

乾咖喱蝦球，海蝦很大隻，咖哩汁也很出色，帶有微辣十分惹味，值得推介。海蝦刺身，蝦肉彈牙爽甜, 海蝦大大隻椰青燉翅，魚翅份量豐富，加了椰青很清甜。揶青大約有3飯碗份量。

今日中午去左荃灣廣場地庫既金不換泰國餐廳食lunch，分別點左💥海南雞飯、💥肉碎煎蠔仔飯，包一杯餐飲。💥海南雞飯$60食過最唔好食既海南雞飯！賣相不太吸引，雞肉不是鮮嫩的，感覺是浸泡左好耐，霉霉地既質感。雞飯份量超足，但煮到一舊舊，應該是放太多水煲所致。唯一好食的是沾雞既辣醬汁。整體令人失望👎🏻。💥肉碎煎蠔仔飯$62呢個係豬先生大推既😆 因為真係大大份，食落係熱辣辣剛煮好👍🏻 蠔仔份量亦好多，唔會只有蛋餅。白飯就正正常常，沒有雞飯既問題。味道唔錯❣️====================推介度：❤️3/5CP值：👍🏻3.5/5好味指數：👅3/5====================

依個係我第一個comment有乜驅使我註冊會員再留comment就係因為佢真係太！難！食！我係勁鍾意食泰菜，成日周圍食泰菜所以我對依間嘢食評分非常之低！佢啲味全部淡茂茂，點解香港仲有咁難食嘅嘢？鹹肉椰菜苗：勁淡，啲菜又老又硬，仲要唔知那來嘅渣青口煲：算係咁多個最入得口，不過都係好淡味蘆筍蝦球：啲蘆筍全部都有渣，啲蝦都算可以炒飯：林badbad唔知想點態度又差，啲侍應企喺側邊傾偈舉手佢都扮見唔到你我諗淨係讚到佢環境都可以，好闊落

行完街又唔想煮飯，決定食個early dinner ,但五點幾又唔係間間餐廳開左，見到金不換仲有開就入左去，人唔多所以我地兩人都有卡位坐梳化，叫左個炒椰菜苗，波羅炒飯，豬頸肉同埋黃咖哩雞，仲以為會食唔晒，不過份量唔算太多都食晒9 成 ，黃咖哩雞唔辣的，有少少椰香所唔錯，送飯一流，我食波羅炒飯都有加少少咖哩汁送飯，波羅炒飯都同平時一樣，中規中矩，椰菜苗有少少苦，本身我想叫雞串燒，但一叫要叫六串太多，先叫左豬頸肉，點知豬頸肉都好多都係食唔晒，

端午節 long weekend day one，睡飽飽！約中午12點才出門，跨區到荃灣廣場吃、逛、買！商場內人流暢旺，有點擠！不想排隊，選擇吃午餐的店，以不用排號為考量，walk in金不換泰國餐廳，節假日也供應午市套餐，比尖沙嘴店好！(海港城店沒有套餐！)點了以下的：#原個菠蘿炒飯：套餐價62元(單點價：148元)，非常足料，菠蘿以外，有蝦仁、魷魚、火腿、蟹柳、臘腸、豬肉鬆、雞肉、葡萄乾，味道挺好的！#龍眼茶：套餐包的飲料，熱飲只有泰式奶茶和龍眼茶，怕奶茶太甜，試了龍眼茶，滋潤！#香草豆角炒豆腐：想吃豆角，就點了這個，味道一般，單價88元/碟，和菠蘿炒飯套餐相比，完全不值！

原隻菠蘿海鮮炒飯🍍🍤🍍原隻菠蘿上枱，賣相精緻，配搭魷魚、蝦、蟹柳、肉鬆🤩 但魷魚同蝦淡而無味🤢，啲蝦唔新鮮肉質無彈性🤯其他配料各自有味，但無同炒飯融為一體，有種係煮好之後加上去既錯覺😔🍍食到底會劃到好多菠蘿肉，所以放心唔係重蝦用既菠蘿，除非下次有人同我講見到個底無左半邊肉既菠蘿🤫🤫好酸🤣係真🍍🦪🍳🍚煎蠔餅飯估唔到啲蠔仔幾飽滿👍，但要加埋個辣汁先帶到個鮮香味出黎，唔食得辣既都可以加少少提味😐整體偏淡，輸左係白飯底，如果用炒飯應該更出色🍋🍋青檸冰一定一定一定要嗌少甜！！因為唔記得左嗌，成杯又青檸酸又有糖漿甜😫😫，飲左一兩啖已經頂唔順，無再飲到🤢🤢

我成日會去荃灣，呢間喺商場入面嘅泰國菜，lunch manual 非常抵，星期六日都有，商場格局，衞生清潔正常。我喺一個鱔狂，每次我都會食煎蛋燒鱔飯，五六十元咁嘅價錢食到鱔，真係一流。今日我選擇肉碎煎蠔餅飯，煎得非常香口。真心有水準：我朋友叫泰式炒粉絲，粉絲正常味道，不太驚喜。上次食炒金邊粉，金邊粉比較有味道。凍飲唔加錢，真心唔錯，我推薦泰式奶茶，的而且確有泰式味道。整體我會比好高分⋯⋯所以我一個月都會去兩三次！！！

放工走去荃灣廣場搵食，但原來呢個商場冇乜選擇，餐廳種類好似比其他附近嘅商場少，但又唔想行出去漫無目的咁搵，最後決定留喺商場食泰菜。呢間餐廳喺商場地庫，一落扶手電梯就見到，都幾易搵。我哋大約七點去到，唔使等位，餐廳坐咗七成客左右。呢度嘅環境好有泰國resort渡假嘅感覺，以深木色系做主調，如果有埋resort嘅香味就好啦！打開餐牌，發覺呢度嘅價錢都算偏貴，不過環境同地理位置都好好，搶返分。我哋叫咗燒豬頸肉同埋青咖喱牛肉炒河粉。豬頸肉嘅份量都幾多，但食落冇乜特別，冇乜炭燒嘅味道，而且肉質比較乾身，冇乜肉質。而炒河粉表現正常，河粉都幾煙韌，牛肉片唔算老，唯獨是個咖喱汁唔夠青咖喱味，好似只係食緊一般咖喱咁。呢餐飯唔算特別好食，都唔算難食嘅。不過呢個價錢，會期望更加高質啲啲。下次都係食返啲特色小食店開心啲！

同同事食晏，入座無講過用餐時間45分鐘. 我地食到一半，侍應行過嚟話，粗聲粗氣講：「你地差唔多啦喎！」我地個刻先知有時限，無法，拿拿林食埋碟野飲埋杯野. 5分鐘後佢又行過嚟，收碟. 收還收，扯走埋客人張餐墊，放係上面既搓手液跌咗當無事發生. 只係一味聲大大重複：「呢啲唔要架啦嗎？」我地飲多啖野預備走，發現原來身後佢推左架執枱車「啤」住我地. 原來係咁嘅方式多謝光臨. 金不換荃灣店永遠Blacklist.

今天三人行來到荃灣廣場吃午餐，早前在尖沙咀海港城吃過貴價的金不換，今天決定來吃大碟夾抵食的金不換，同樣都是金不換價錢相差太遠了！三人都是叫了是日午餐:1. 炒金邊粉$60地道的炒金邊粉，有花生碎豆腐乾芽菜等，金邊粉帶一些甜味，呢個粉一般啦，唔太突出，但一個人食唔晒。2. 原個菠蘿海鮮炒飯$62係用一個細小小嘅菠蘿類似台灣鳳梨咁上下大細盛載住，小小嘅菠蘿装到一個山咁滿，有蝦、鲜魷、蟹柳、提子乾同肉鬆，當然最多既梗係切左粒既菠蘿，吃這個菠蘿炒飯真的很滿足。3. 肉碎煎蠔餅飯$62只看這個煎豪餅那麼大塊把所有米飯都蓋住，就知道是正貨，蠔仔不是太細份量也不少，蛋邊煎得很鬆脆點一些泰式魚露太有風味了。每一份午餐還包一杯熱飲或冷飲，冷飲是不需要再另外加錢的，而且不用加一。整個午餐份量我覺得非常足夠，所以午飯時間都坐無虛席，而且我們還有商場的coupon這個午餐勁抵食值得推介

係幾年前同屋企人食過呢間泰國菜係覺得好好食既 最有印象係原個菠蘿海鮮炒飯 事隔幾年 見咁耐冇食過泰國菜 今次又再約屋企人一齊去食 當日係假期紅日 晏晝3點前有lunch 4點後就開始係散點 咁我地就冇乜所謂 有冇set都唔緊要 岩食就可以了 當日大約晏晝4點去到 餐廳入面只有一枱 而我地係第二枱 後尾佢地都走埋 變左我地包左場 之後一路都冇客入過 可能係散叫 價錢都唔算平 冇乜人我地三個人叫左兩個主食 一個小食 一個甜品同一杯飲品 主食我地照舊叫左個原個菠蘿海鮮炒飯 佢係用原個菠蘿上 岩晒打卡 好令 入面係有一粒粒菠蘿 海鮮同埋炒飯 估唔到個份量都好大下 以為得好少 點知原來係好足料 海鮮有蟹柳 蝦 魷魚 菠蘿同海鮮炒飯呢個配搭好好 好夾好好味 另外仲有啲肉鬆同腰果分開上俾你自己撈埋落去食 另一個主食係蛋網海鮮炒金邊粉 呢個一上到枱已經覺得佢好令 岩晒打卡 係有成個蛋網包住海鮮同金邊粉 個份量又係好大份 好足料 海鮮又係蝦 蜆 魷魚 蟹柳 金邊粉食落酸酸甜甜 令人感覺幾開胃 側邊仲會有啲花生碎俾你自己加埋落去食 加埋落金邊粉度食會更加好食 更香口小食叫左個燒豬頸肉 睇圖都見好大碟 唔