金不換泰國餐廳 (已結業)

年初三落樓食飯見到呢間唔多人就入嚟食，之前食過其他分店都冇咁伏！！🥵今晚叫咗個香草炒飯，青木瓜沙律，青咖喱牛，薑蔥羊肉，千層糕。按道理這些菜式難食都有個譜，冇諗過真係自己煮都好食過佢。香草炒飯完全冇香味，只有小小辣味，個飯仲要濕到不能再濕，加少少水可以變湯飯青木瓜沙律得個咸字，唔識形容。最好食應該剩係得個花生🥜青咖喱牛，水準同佢個價錢真係完全不符合。有超重嘅嘢奶味，超重的意思即係完全覆蓋左咖喱味道。好彩夠熱，如果唔係真係不能入口😶薑蔥羊肉算係最好，亦都好鹹，不過完全食唔出係羊。。剩係得洋蔥好食。千層糕就應該你喺惠康是但買黎整都好食過佢。仲要係新開嘅分店。裝修應該舊舖拆出黎？好殘舊。。早知過對面茶記吃😭佢哋仲要話係全泰國廚師 冇本地。唔講仲以為初三全部廚師放咗假。

今日見天氣有啲涷，又想食啲熱野。就去左#金不換泰國餐廳 叫左個冬陰公湯海鮮金邊粉暖下個胃。-喱個冬陰公一啲都唔辣，連 ·食家· 一食辣就流鼻涕嘅人都食到，就知佢真係唔重手喇。不過椰漿味都幾濃，整體黎講唔錯👍🏼食完全身暖哂～而椰汁冰甜度適中，好香濃椰子味，雖然天氣涷，但係都係會想飲～因為真係太好味了～

同好友慶生食飯，係其中一間荃灣廣場5洗點排隊，兩個人食夠哂飽既個份量。鳳爪不建議食，味覺好淡。個炒菜夠味道但火喉不足，金邊粉都幾特別，有一層蛋網做上面，個湯就不過不失，但無個種好想添飲既感覺。

剛去完泰國，對泰國食物念念不忘，唯有去食下本地開既泰國菜樣樣都想食，不知不覺點多左餸😅份量唔係太大，剛剛好食得晒除左咖哩蟹唔夠辣，咖哩甜左少少外，其他都好出色

星期二又係我返工既日子，又可以同同事出去食飯，今日去食泰菜，病左既我，唔好意思要人就我食清d，我叫左至愛既椰苗豆腐飯，佢餐牌注明係辣，但原來呢個飯可以走辣，呢間餐廳好細心，飲品我叫左龍眼茶，呢個真心推介，好好味

小朋友累了，在荃灣廣場決定光顧金不換。因為有bb椅，而且整體環境不錯，空間大。由於上次叫了辣肉碎煎蛋飯，然而味道非常一般。。。今次決定吃原蓋菠蘿海鮮炒飯。而朋友堅持就他們的海南雞飯（忘記拍照）。菠蘿炒飯有驚喜，至少上碟外觀不錯，味道因有菠蘿，吃下去酸酸甜甜的，海鮮份量不算太多，有2隻蝦，2條蝦柳以及魷魚片。而炒飯有少許飯焦味，炒得粒粒分明，好食！海南雞飯不錯喔～雞皮油脂不多，雞肉不老，配搭的醬汁夠香夠辣，雞肉沾上適量的酸辣醬汁，配上油飯，填滿了餓壞的肚子。

職員態度差， 按飛入座時沒有講明齊人先入座，亦無貼文寫一定人齊先可以，坐低等咗十至十五分鐘左右，職員走過嚟話你朋友未到出返去等，又話只可食九個字，總言之就諸多圍欄，態度勁惡劣，唔會再去。

基本上每年都會去金不換食一至兩次飯，所以我都算係金不換既忠實Fans，不過今次先係我第一次寫食評。一行6人去左荃灣廣場B/F 個間食，叫左泰式酸辣鳳爪、鐵板蠔仔、菠蘿炒飯、泰式雞肉串燒、咸魚炒椰菜苗、明爐烏頭、魚肚羹，當然唔少得冬蔭功湯。每一次黎食，我都必定order 咸魚炒椰菜苗同冬蔭功湯，椰菜苗係街較為少見，真係要食泰國菜先會有得食，另外佢個冬蔭功湯海鮮好足料，蝦又大隻，酸辣度仲岩岩好。我地最後仲叫左一個芒果燸米飯、椰汁西米糕share，再一人叫左一杯飲品，椰汁冰同龍眼冰係必選。

今日下午去荃灣開工，西鐵行出來先到荃灣廣場吃午餐。等埋同事一起去地庫吃金不換。10幾個選擇，不過最喜歡吃海南雞飯和菠蘿海鮮炒飯。海南雞飯本無味，但沾著醬汁，微酸辣的味道，帶出雞的鮮味。原隻菠蘿配炒飯，啖啖都有菠蘿香味。最後當然飲香濃的泰式奶茶，非常滿足。

星期日，我地4個人無訂枱，大約6:15到，仲有大把位，無需要等位即刻有得入座。佢地方闊落又多枱，環境亦不錯。一坐低待應都有問你要茶定要水，都幾細心，中途又不斷幫你加茶加水。不過用餐時間係1.5小時。我哋叫咗菠蘿海鮮炒飯、黃咖喱雜菜、明爐烏頭、小食拼盤（細）同埋生菜包。菠蘿海鮮炒飯（分量幾足，海鮮方面有蟹柳、魷魚🦑同蝦。食落有粒粒嘅蘿同埋提子乾，唔太咸唔會油。佢嘅腰果同埋肉鬆係另上嘅，方便客人自己選擇。）黃咖喱雜菜（一啲都唔辣，個汁小小稀身，入面有薯仔、椰菜花、西蘭花、紅蘿蔔片。）明爐烏頭魚（都大條，上面勁多蔥花，個湯汁酸酸地好開胃，一啲都唔辣。魚肉都幾滑）小食拼盤（我哋揀咗魚餅、香葉包雞同埋春卷。上菜時已經幫你全部cut開一半,細心。魚餅彈牙，香草味都幾濃。)生菜包（生菜有好多，豬肉碎好惹味，小小辣）

我同事推薦我嚟食嘅係間好食又價錢合理既泰國餐廳Lunch time都好多人係門口等位架！今日兩人食lunch,就比較快有位睇睇menu都好多野揀青咖哩雞肉炒飯望落個色唔係好青咖哩食落幾好味喎呢個青咖哩係少辣 好香好惹味有啲濕濕地 唔會話好乾加埋雞肉食就豐富返個炒飯冬陰公湯金邊粉一黎即刻試個湯先好好味既冬陰公湯 泰國菜呢個湯真係無得輸甜辣酸 好醒胃 但唔係好辣個隻可能鍾意食辣既朋友會厭唔夠喉但作為lunch佢啲料就少咗啲啦得啲菇同埋幾粒蝦 配金邊粉覺唔夠餸餐飲有得揀椰汁冰 青檸冰呢啲特飲仲唔洗加錢 好抵讚好多餐廳凍飲都要加錢架椰汁冰青檸冰唔洗加一又有特飲 嘢食味道幾好係荃灣值得推介既lunch餐廳之一👍🏻👍🏻

每次經過金不換都會話下次要黎試下.... 下次下次、今次終於可以😎平日12點幾黎到都幾滿場喎，我諗哩到應該都算係附近OL 既飯堂🤔，畢竟$60-$70一個午餐連特飲都算唔錯我地大約等左10分鐘到就入得啦，睇完餐牌之後就揀好要試下佢個原個菠蘿海鮮炒飯🍲，友人就揀左海南雞飯🐤.... 雖然菠蘿炒飯唔係原個上而係碟頭上，但都見到有蝦呀、魷魚粒🦑呀咁，都算合格。海南雞飯既油飯都幾香，雞肉就唔夠嫩滑。特飲就揀左龍眼冰同椰汁冰，夠味同唔會覺得係加左水咁... 唔錯唔錯...

呢間泰菜都屹立荃廣地庫好多年，但我偏偏一次都未去過。今日lunch終於有機會同同事一齊黎試下。一到步仲有2人枱，正我點了香草辣椒肉碎飯+煎蛋，無乜香草味，肉碎鞋口，蛋亦煎得好老凍龍眼冰，清甜！午餐免加一，凍飲也不需加錢。

系荃灣行街，近近地就去左呢間食地方大，坐得都舒服，服務生多數都係泰國人咁，有一個仲因為唔識聽中文幫唔到我地落單，叫左另一個識識地廣東話的泰國人來菠蘿海鮮炒飯必食！好味！原隻菠蘿上枱，仲附送杏仁肉鬆碎，正！我哋仲叫咗個羊雞翼，但係就覺得一般般，因為冇諗過佢裏面係冇晒雞肉，同埋炸得太勁，所以覺得麻麻地另外最想推介係西米糕！本身當日想揀芒果糯米飯，但係賣晒～西米露都好好食！一啲都冇令人失望～所以好中意！甜而不漏，非常好！

之前dinner來過覺得幾好食 今次過來lunch都一樣無失望午餐套餐好抵 菠蘿海鮮炒飯跟龍眼冰 仲要比單點餐牌上平超多 份量都唔少一個人足夠飽la燒鮫魚（半條） 燒的皮脆脆 點上甜甜既sauce 好好味 每次都會叫飛天通菜 微微辣 健康又好食good黃咖喱牛筋腩 唔好睇佢好細一碗其實都好足料 牛筋牛腩軟嫩份量又多 配埋咖喱汁撈飯一流