金不換泰國餐廳 (已結業)

今晚又來金不換泰國餐廳食dinner,好彩有訂位，不過都要第一陣先有位，咁多人等位就知好食啦😋😋😋，大約等左20分鐘先有位，都算快👍🏻👍🏻，今日三個朋友食飯都叫左五樣嘢，有柚子沙律、小食拼盤、蒜子胡椒鮮魷、海鮮炒雜菜、胡椒炒蜆，飲埋芒果沙冰就一流。我覺得柚子沙律就應該跟返個汁好啲，真係純柚子，乜配菜都無，但好好食，我地問佢攞個鳳爪汁，佢都好樂意比🥂👍🏻👍🏻，鮮魷我覺得油左油左啲，炒蜆係幾正，但細隻左啲yummy

係荃灣想食泰國野，係荃灣廣場揾到呢間，座位環境都好舒適。而且員工服務都好好，留意返呢間係無得book位，只接受walk-in呢。菜式味道正常，不過每碟份量都好多，賣相唔錯，岩曬幾個人gathering食🔸蛋網海鮮炒金邊粉 (HK$168)蛋網煎煮得十分整齊，賣相好靚。金邊份唔會過於油膩，酸酸甜甜，仲有大量花生增添口味。海鮮配料就有蝦、蜆、蟹柳等。🔸燒豬頸肉 (HK$158)豬頸肉薄切脆身， 仲有辣汁可以更惹味醒胃🔸海蝦刺身 (HK$120)海蝦size適中，咬落彈牙新鮮🔸青咖哩炒飯 (HK$110)可選雞/豬/牛，青咖哩味略淡，飯粒偏腍身，重口味的朋友可能不會太滿足。【推介指數-5⭐滿分】環境：⭐ ⭐ ⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐⭐回頭率：⭐ ⭐ ⭐

金不換午餐選擇頗多，叫人難作出決定。 它的菠蘿炒飯是原個菠蘿上，連特飲，不用加一，只收$59，超值。我今日叫香葉辣椒肉碎飯，熱龍眼茶。 肉碎微辣，份量很多，伴飯一流。龍眼茶味濃，潤喉。

喺荃灣好想試吓泰國菜，但係今晚唔記得咗book枱， 所以就只好睇吓有啲乜嘢餐廳唔使等位就諗住試吓，行吓商場就見到呢一間餐廳，入面都坐足九成，所以都諗住入嚟試吓。環境🐱🐱🐱🐱呢一度嘅環境係有設計嘅，雖然未講到話好友泰式嘅感覺，但係坐上去其實都幾舒服嘅！食物🐱🐱🐱今次叫咗一個軟殼蟹咖喱，同埋濕炒金邊粉，本身係打算咖喱配薄餅，但係原來呢度冇薄餅剩係得蒜蓉包，所以就只好叫一款蒜蓉包再搭配軟殻蟹咖喱一齊食。軟殼蟹揸得啱啱好，入面亦都留有肉汁，食上去唔會好乾，但係咖喱略嫌太傑身，而且咖喱味唔夠香濃。至於濕炒金邊粉，有少少強差人意，炒上去嘅感覺就好似平時食大排檔嘅菜遠炒河，個汁亦都係略嫌太杰，而且就只有蠔油味，得個咸字亦冇乜特別嘅味道，要配料亦都真係好一般。整體來講未必會再試第二次。

本打算到另一餐廳午餐，但午飯時間人太多又唔想等，所以轉去附近食同類菜式的金不換。三人行，每人叫一個午市套餐(兩飯一粉)配飲品。分別係煎蛋燒鱔飯、海南雞飯同蝦炒金邊粉。埋單$180，無加一(可能係平日午市啩！)。飯並沒有平時在家吃的有米香(有啲失望泰國餐廳啲米竟然係咁)，而且飯係一舊舊，未間鬆就上碟；燒鱔上枱時只是微暖；海南雞比較乾。各人都叫了推介的飲品龍眼茶，夠熱，龍眼都有十粒八粒，好飲。總括嚟講，只可以歸類為返工飯。

今日去咗荃灣廣場，老公話想食泰國嘢，就試吓呢間金不換嘅泰國餐廳。佢嘅裝修都幾泰國，去唔到旅行，都叫做自己F F下啦！🤣見到餐牌嘅價錢都合理，大概$60都有一個午餐，就決定試一試。我叫咗一個冬陰功金邊粉，老公就叫咗一個菠蘿海鮮炒飯。我個人認為我個冬陰功湯底好足料，好夠辣，好惹味，係啲金邊粉唔知點解唔係好夾，但都唔差嘅！老公就覺得個海鮮炒飯都幾足料，味道都幾好，特別係啲堤子乾，好似令個炒飯好味多咗。最後佢大讚特讚杯泰式凍奶茶，話佢好少飲到咁香咁滑咁有茶味嘅奶茶！我試咗幾啖，都真心覺得正！以每人60幾蚊，坐得舒服又食得唔錯，都叫做好抵食啦，有機會都可以嚟試吓！

之前距好似係荃灣路德圍轉角位？ 宜家搬左黎荃灣廣場 好耐沒食了收工同阿媽撐台腳 費事霖食咩 又想食泰國野 果斷揀左金不換裝修幾喜慶 母上大人喜歡到不停要我幫距影相點餐呢母上大人：一個蝦炒金邊粉➕椰汁冰本人：一個香草辣椒肉碎飯➕龍眼冰以前試過菠蘿海鮮炒飯 麻麻地所以今次試左新野肉碎飯都幾ok 過癮辣辣地 重口味哈哈有用心聽要求比熟蛋我 加分～餐前會問你係咪要碗 都幾細心試左下阿媽個金邊粉 有d似食炒齋菜噶味🤣有下次系列哈哈～Ps：現在疫情期間免加一 ！！

呢間泰菜係我讀緊中學已經開係荃灣廣場☺️都有10年時間🙀屋企人突然間想食泰菜 就帶佢地試下 啲野食都幾大碟 性比價都算高🤘🏻.👉🏻原個菠蘿海鮮炒飯大大個菠蘿裝住啲飯餸 好吸引👅配菜好豐富 有蟹柳、蝦、魷魚同菠蘿魷魚口感爽口 菠蘿都有好多粒仲有另上腰果同肉鬆🤘🏻.👉🏻海南雞海南雞份量好多 肉質頗嫩滑雞調味唔夠 但點酸辣醬就加番分！.👉🏻明爐烏頭魚肉質地適中 偏多肉如果有少少檸檬汁係條魚到會更好～—————————金不換泰國餐廳Sweet Basil Thai Cuisine荃灣大壩街4-30號荃灣廣場地庫B111-113號舖

客人約咗我今晚喺呢度食晚飯，因為要將親手包的印尼端午糭子送俾我，不過佢對點菜好堅持，我唯有俾佢揸fit，由我請客，話晒佢喺銅鑼灣蒲左咁耐，我冇理由唔信佢㗎👇1. 泰式柚子沙律$118 - 味道可以。2. 泰式鳳爪$108 - 所用的所有蔬菜材料非常之新鮮脆口，鳳爪的味道及口感都很新鮮，但係咁大份兩個人食好容易食肥晒！3. 泰式燒豬頸肉$148 - 今晚最正嘅菜式! 未到除咗好之餘，將豬頸肉打斜片薄食落去會稔啲。蘸汁跟其他餐廳做法不一樣，味道也很夾。4. 泰式炒金邊粉$128，比起我一向喺唔同嘅出名泰國餐廳食的Pad Thai很唔同，顏色偏向淺色，冇乜酸子汁味，如果從來未食過呢個菜式的人會覺得OK。5. 甜品椰汁木薯$60，味道ok。這裏每碟菜式的份量都很大，特別適合有三個人起一齊去食。今晚呢度嘅入座率係有八成，我留意到每台的消費也是高消費的，相信這間泰國餐廳一定有佢嘅名菜，只不過係我哋唔知啫！呢度服務很好！聞說員工全部工作超過20年，但係睇落去樣貌很年青！每位消費$309

很久沒吃泰國菜，今次來到荃灣這間金不換泰國餐廳，位置好闊落，價錢不算便宜，食物份量蠻大份，但味道真的不怎樣，不明白為什麼有那麼多人推介🤷🏻‍♀️.蟹肉魚肚羹：全晚最好吃，魚肚很多份量好足，質感不錯，味道蠻特別本人十分喜歡，是日唯一推介😋.蛋網海鮮炒金邊粉: 打卡必點，因為造型100分，可惜味道一般，金邊粉太腍也較濕，香味不夠。有很多海鮮蠻足料的，整個分量偏大🙈.春卷：以為炸物一定好吃的話，那少年你真的太年輕了，它很香脆，料也很足，但合起來就是不夠好吃，水準不及外面的泰國菜😪.酥炸雞軟骨：普通炸雞軟骨的質素，就是分量超大，多幾個朋友一起share也可.菠蘿海鮮炒飯：配料腰果和肉鬆分開上，海鮮有蟹柳、魷魚🦑和蝦，配合酸甜的菠蘿還不錯吃。.金不換泰國餐廳 .📍荃灣大壩街4-30號荃灣廣場地庫B111-113號舖

午市之選同事成日去呢間金不換，午餐被上班族抖氣之外，最仲要醫飽肚仔，快靚正，快為主要。我地成日去貪其方便快捷之外，其次係味道不錯同埋價錢合理。入面地方算大，夠寬敞。Lunch set有8款套餐，其實已經夠選擇，太多跟本唔會浪費時間諗。我最愛＜炒金邊粉＞，不過肉太少，但係其他野搭夠，同埋酸酸甜甜一定唔會難食。另一個最愛係＜炒粉絲＞呢個比較香辣呢個蝦炒金邊粉，有多幾隻蝦，非常不錯同事叫＜肉碎煎蛋飯＞份量頗多。套餐跟飲品，可以試下泰式飲品，唔係淨係咖啡，奶茶，檸檬茶。價錢維持60以內，跟餐飲，商場餐廳價格算合理，不過日日食對我呢D小薯嚟講太貴。月中唯有去返茶記。

以往光顧過尖沙咀和红磡的金不換泰國餐廳，無論餐廳裝修，食具和服務，都是比較高檔次的，但今次到荃灣這間，價錢非常平民化，午市套餐只是$60~70，包飲品，也沒有收加一服務費，但味道真的一般，今天叫了菠蘿炒飯，但真的有點失望，水準跟家庭式泰國菜館沒有分別，以往的菠蘿炒飯，配料是有臘腸，腰果和豬肉鬆，從但這裡的菠蘿炒飯，配料只是用一些平價火腿，魷魚和沒有口感的菠蘿; 另外也叫了一個泰式炒金邊粉，除了吃得出是用茄汁調味外，其他所有食材都是沒有味道的，不過如果只求填飽個肚，又或只是想搵地方歇歇腳，也是不錯的選擇。

荃灣都食過幾間唔同既泰菜，但我最中意都係呢一間泰菜，一黎坐得比較舒服，位置好闊，食物份量都算大份，最好食都係咖喱軟殼蟹，味道好鮮味，唯一不滿係咖喱太少，叫左蒜蓉包唔夠點，但味道好好。第二最愛係蝦醬炒通菜，味道好好，通菜都好靚另外係菠蘿海鮮炒飯，最中意係腰頭同埋肉鬆係分開，你中意食幾多就落幾多！今日唔想飲芒果沙冰咁濕熱，叫左椰汁冰，椰奶好濃，不過有啲漏以價錢黎講，佢同其他荃灣區既泰菜比，算係貴，但以環境黎講，佢係坐得最舒服既，重要係正商場，等位都有冷氣，下次都會繼續幫襯！

金不換泰國餐廳 #荃灣❗️賣相誇張不過食物質素就🤭❗️荃灣廣場地庫其實都有唔少餐廳，但有好多人都唔知，包括呢間泰國菜🇨🇷泰國餐廳來講佢嘅裝修都算幾靚，見到都有幾多嘢食揀就入咗去！呢度嘅菜式全部賣相都好靚🤩值得一讚嘅係服務態度超好💕店員見我唔想移動下啲餸菜位置就即刻主動嚟幫手，而且仲提醒左我鞋污糟咗衫袖。不過味道就冇望落去咁好啦🙈。焗南瓜海鮮咖喱🥘$218呢個超澎湃嘅焗南瓜海鮮咖喱真係好誇張🤯可惜味道真係麻麻🙈咖喱望落好濃郁，但真係冇乜味。好彩入面都好多料，有大量魷魚🦑魚🐟蝦🦐青口🐚，加上個南瓜都好大，亦焗到好淋，食埋入面啲南瓜肉真係飽到上心口😵建議大家如果真係想試，一定要事先將啲南瓜蓉撈埋落啲咖喱度，南瓜嘅香甜味會區返咖喱嘅香氣出嚟，會好味翻啲。味道: 3/5性價比: 3.5/5蛋網海鮮炒金邊粉🍳$158靚到爆嘅蛋網😍仲連個底都有，做得超有心機。而且的確有大量嘅海鮮😵包括蝦🦐蜆🐚蟹柳🦀等等，今年亦都係平時食開嘅1.5倍，分量來講的確幾足❗️味道方面酸酸甜甜，配上花生都幾香口，但略嫌爭左啲鑊氣，金邊粉有少少濕，唔夠香🙈。味道: 3.5/5性價比: 3.8/5蠔仔煎蛋🍳$138呢個係咁多道菜入面

相約朋友係荃灣廣場見面，又想經濟啲座得舒適啲，知道這裡有泰國餐廳而且假日都有午餐，而且選擇也很多呀！我們就點了肉碎煎蠔餅飯、咖喱牛肉飯，味道也還可以，而且午餐仲配飲品，假日來講也是一個不錯的選擇👍🏻