金不換泰國餐廳 (已結業)

揀午餐，十五十六，瞄到隔離枱個原隻菠蘿炒飯，即時有決定。理智警告係咪用「環保菠蘿」，唔理咁多，呢一刻真係好想食。配料有蝦、鮮魷、魚肉蟹柳、提子乾、菠蘿、雜菜、臘腸粒，置頂的豬肉鬆份量唔多，但令個飯變得可愛，亦豐富咗味道。飯夠熱，飯粒分明，上色均勻，調味剛好。蝦腸已被剔走，讚！臘腸配菠蘿好夾，個飯食落清新多過油膩，自己食晒碟飯都冇肥咗幾磅的內疚。蝦、鮮魷呢兩種食材，同時出現喺濕炒海鮮河，另有甘筍、草菰、大量芥蘭、魚柳同超多汁，好彩個汁唔係好鹹。河粉唔係炒牛河咁一條條，反而係一舊舊咁墊底。粉，真係唔多，不過食埋啲餸係夠飽。餐飲泰式熱奶茶夠香濃，有泰式奶茶的特別回香，唔使自己落糖都夠甜。飯腳叫咗凍飲，店員送上飲品時，想將一支飲管放落枱，飯腳同店員講走飲管，店員回贈甜美笑容加句多謝，我哋即時心花放喔。

今晚朋友要搵地方慶祝生日諗左好耐。諗泥諗去。朋友建議不如食好耐冇食嘅泰國嘢食。一諗就諗到荃灣廣場嘅金不換。一如以往非常好食非常有風味。推薦大家一試。買單唔貴算係平民價錢

上星期同朋友去荃灣廣場，見到地庫有呢間泰國金不換餐廳，一於入去食個lunch😊我叫咗個冬陰功湯檬， 我好鍾意冬陰公湯嗰種少少酸酸辣辣嘅感覺😋😋😍😍 呢間餐廳嘅冬陰公湯底都幾好食， 令我好開胃，好有食慾😂😂 可能因為我本身都鍾意食泰國嘢， 所以都幾鍾意呢間餐廳， 我另外叫咗杯熱龍眼水， 甜咗啲， 不過都幾好飲既

老友相聚在一起離不開就是吃喝玩樂，老友是泰國華僑今晚話帶我去食泰國菜，非常好主意👍，我一向喜歡別人為我安排不用我思考，最怕問食咩好！這家泰國菜館在荃灣廣場地點都近我，餐廳佈置什有泰國風情，就連服務姐姐都是來自沙嘩地。👍💃🏻🕺🏻💃🏻🥢迷你拼盤 $158可選擇三款喜愛食物，我們點了蝦餅、魚餅同春卷，蝦餅爽口彈牙，魚餅口感軟彈，春卷香脆可口三款炸物都非常出色。🥢冬陰公海鮮湯 $128 （細）有大有細我們三人就先來個細先，湯料有鮮蝦、梅頭豬肉碎、秀珍菇、魷魚、魚肉材料非常豐富，湯底微酸不夠辣，如果酸辣多點會較合我口味。🥢燒豬頸肉 $108😋泰好味燒豬頸肉，肉質爽淋油潤，醮點秘製辣汁更惹味醒胃。🥢鹹魚炒芥蘭 $75鹹魚必然是惹味之作，鹹香適中配上爽口芥蘭有點想配碗白飯衝動。🤣菜譜今日正好是三八婦女節多謝男友人賜我豐富的泰國菜晚飯。🙏🏻飲杯🥂熱熱鬧鬧又一天。

金不換位於荃灣廣場地庫，都已經開左好耐，基本上一落電梯就會見到佢，地方都幾大，座位都好多，但星期五晚八時多黎到都幾乎坐滿，可能因為佢價錢唔貴，而且份量都大碟，我地兩個女仔叫左兩碟都食唔哂，仲記得之前黎食過都唔錯既，但今次食就一般。值得一讚既係上菜超級快，但可惜既係餸菜黎到唔算太熱。炒金邊粉—金邊粉炒得未算好乾身，但係味道都唔錯的，加埋大量的花生碎同青檸汁就更好飛天通菜— 通菜鮮甜，唔會炒得太油，味道都唔差的

週日夜晚好多人，但係撳咗飛行個圈就好快入得。。肉碎有少少辣，啲生菜唔會好老，肉碎都好友香葉味，幾夾，亦唔會太乾或太多汁烤豬頸肉不得不提嘅係個汁，酸酸辣辣好開胃。我個人鍾意吼豬頸肉烤得脆啲窿啲，但係呢個做法（烤得冇咁窿）就令到啲肉汁多好多，都唔錯。鹹肉炒椰菜苗所有嘢都好大舊菜好大棵，但係都唔會硬同老，咸肉好大嚿，如果碎啲上就好，整體OK。海鮮菠蘿炒飯真的不行。首先啲海鮮鋪晒喺面，又冇乜味，仲有啲硬。另外個飯唔夠乾身，唯一值得一讚係菠蘿份量多，但係海鮮菠蘿炒飯好似海鮮先係主角。啊！仲有左邊個肉鬆腰果都好好味。雞軟骨超好味，推薦！好脆，啲軟骨又唔會太硬，襯埋個泰式辣醬一流。芝麻香同埋意味成功令到個雞軟骨更加出色，墊底嘅香草都一樣係錦上添花。泰式金邊粉不過不失。蒜蓉包真係麻麻，比起好多泰國餐廳，呢個蒜蓉包上碟時唔夠熱，又唔係好脆，仲冇乜蒜蓉香味芒果糯米飯好好食呀，有黑糯米同白糯米，椰漿雖然好甜但係又唔會確喉。芒果好清甜，同糯米飯好夾呀！雖然每人食咗近$200 ，但係質素來講都唔錯，可以一試。

我很喜歡吃泰國食物，聽聞這間餐廳的泰國食品很出名，這天我跟朋友點了數款泰國餐。不能說它的味道不好，每款泰國菜都做得不錯，但是以這個價錢我就覺得偏貴了。例如這款菠蘿炒飯，我吃過$5-$60已經有這個質素，但這家餐廳卻要上百元。😑😑

由於今日係weekend, 周圍都好多人， 間間餐廳都排左好多人，見呢間人少少，又有d 口痕想食泰國野，所以決定排隊。果然唔洗一陣就到我地入去了，睇左陣menu, 基本上泰式既野食都有，咖哩，生蝦，椰汁冰 etc, 我地就決定叫三個菜。冬陰公湯落單時我特登叫左小辣，所以味道唔係太辣，酸酸地味道唔錯，size 只夠兩個人飲。菠蘿炒飯 好足料，不過稍嫌唔夠香口仲有最後呢個菜類 唔記得左叫咩名不過好淡 唔推薦大家order 呢個

早幾日見到人食泰國菜，自己見到又想食😂泰國菜我又係好鍾意食，朋友話呢間ok，又去試下，兩個人叫左四碟嘢，好飽😂幾樣都想食，想食就要叫，無計🤣食泰國嘢，泰式鳳爪係必食✌️@泰式鳳爪——夠辣夠味配料足😋@生菜玉碎包—-味道ok，但如果加左辣應該————————仲會好食D😋@炸🦐餅——-夠曬熱，大大碟，飽飽😋@🐠——脆卜卜，夠香口，最鐘意食🐟✌️服務一般，不過不失，無話特別差，又無話特別好，ok啦😂😂

泰國菜在荃灣廣場選擇不多而金不換一向也不錯所有我們今天也選了這裡我們只有三大一小小朋友比較不吃泰國菜所以點餐也主要是我們幾個大人的喜好但還是盡量沒有點太多辣的酸辣鳳爪是媽媽的最愛 不能不點鳳爪很辣 很好味 最好是無骨的 十分方便炸蝦餅十分彈牙我們吃了兩件才發覺忘記拍照咖哩蟹是爸爸的最愛沒想到小朋友也喜歡吃竟然吃了兩片蒜茸包而且連蝦餅也沾了這個汁還不停推介給我們原本很想點飛天通菜但怕小朋友真的吃不到所以只好選了粉絲雜菜煲起初以為是浸著湯的沒想到竟用炒的效果很不錯

好耐冇食泰國菜na，今晚一於食下先。咁啱行開荃灣廣場，又比我見呢間泰國菜環境唔錯，仲幾多人食，可能晚飯時間，要攞票排隊，不過兩個人食，等咗五分鐘就入得。今晚唔算太肚餓，只係點咗：明爐烏頭、燒鱔、椰青、一碗白飯同豆腐紫菜粉絲肉碎湯。泰國菜黎講，價錢有d 貴。埋單五百幾蚊。不過明爐烏頭係唔錯，一邊燒住熱辣辣咁食，口味配料都好有泰國既風味加上酸酸地，愈食愈食開胃。魚質亦算滑。而燒鱔是值得推介的，非常肥美可囗，加埋特配醬汁。一個字，正👍🏻👍🏻

星期六約左朋友食lunch同睇戲，本身打算去遠少少既café店慢慢食，但由於落大雨既關係，令我遲大到，結果只能係戲院個商場搵速食。睇完幾間餐廳既menu後，最後揀左泰國野。肉碎煎蠔餅飯 $56份量好大😮，一個人未必食得哂，飯量應該有一碗半，細食既朋友可以叫職員少飯，避免浪費。半煎炸既蠔餅，新鮮製作，非常熱氣，但即使係咁，我都依然不停食佢!! 😋蛋雖然唔滑但有蛋香、蠔餅雖然唔脆但好有鑊氣、蠔仔雖然唔多但大粒又無怪味，要挑剔既就係個汁唔好味，同埋個蠔餅偏d油膩，好快就滯，同友人分享比較好😁冬蔭功湯金邊粉 $55個湯酸酸地幾開胃，又唔會太辣，味道唔錯。湯配料除左草菇外，仲有兩隻開邊蝦，不過蝦肉較淋身同埋無乜蝦味。同個飯比，呢款粉味道較為普通餐飲 – 龍眼茶&椰汁冰兩杯都正常味，但龍眼茶對飲開無糖野既我黎講就甜得制😅

屋企人鐘意食泰國菜 所以今日去試荃灣廣場呢間金不換 食得泰國菜一定唔少得嘅係酸辣鳳爪 所以黎到阿爸就即刻叫左碟 雖然食落真係好辣 不過佢會令你食唔停口 酸酸辣辣幾開胃 但自己唔係好食得辣 所以食左一隻就投降 除左酸辣鳳爪 我仲覺得個泰式炒金邊粉幾正 好有鑊氣 面頭仲有好多花生碎 食落口感豐富 如果想再酸少少 仲可以落啲青檸汁添

昨天中午看完電影随便搵間餐廳醫吓肚，見佢唔駛等位便試一試，跟著就中伏。首先侍應態度麻麻地，好似唔想做生意咁。叫咗海南雞飯，唔知d伴菜定點雞嘅醬放入口前居然發現有隻小小強喺入面，即刻冇哂胃口。見佢肯換過碟飯就俾次機會佢，換過碟上黎，啲油飯一啲都唔香，好似隔夜飯，啲雞嚡到我以爲食緊湯渣，一啲味都冇，皮還皮、肉還肉，一堆垃圾咁，未試過食咁差嘅海南雞飯。d餐貝都不大亁淨，我都換咗幾隻先得，我飲完龍眼冰仲攪到我腸胃炎......以後都唔會去

今日同事話想試間泰國嘢，咁我都鍾情泰國菜所以一齊去食！聽講都多分店，本身諗住好食，可以去其他分店食下次，因為假日荃灣唔太方便我！我食泰國嘢都一定會試海南雞飯，因為雞煮得好唔好食一食就知！但so far我食咗幾舊都覺得一般，唔算話好好味，雞食落去有啲「鞋」，但勝在個汁搭救返，所以覺得味道一般！另外，要咗杯奶茶！唔算好種奶味，唔夠滑，如果同我都對奶茶高要求嘅可能就覺得麻麻🙈🙈so far食物同飲品都覺得一般🙈同埋lunch時間店員都好似想趕人走嘅感覺🙈🙈🙈