金不換泰國餐廳 (已結業)

突然間好想食泰國菜, 係廣場見到介紹先記得有這間餐館. 點左冬陰功湯, 咖哩蟹, 細併盆, 蒜蓉包, 辣椒炒珊瑚蚌帶子. 紅毛丹冰 嘻嘻, 其實係叫多左, 因為得兩個人食, 係食唔晒. 最後要打包走. 好喇, 黎評一評.冬陰功湯 - 100個好味, 有好多料. 有得食又有得飲. 超正 !! 細併盆 (蝦餅,春卷,紙包雞) - 蝦餅同春卷都炸得剛剛好. 唔太乾. 蒜蓉包 - 一般, 略為硬了一些辣椒炒珊瑚蚌帶子 - 普通, 不過都幾多炒珊瑚蚌同帶子咖哩蟹 - 都可以.肉都算多. 可能d汁加左旦花, 所以都幾杰, 而且都好飽肚. 紅毛丹冰 - 幾好喎. 都有6-8粒紅毛丹

今天Lunch-Time又係全世界叫哂外賣午餐．好彩都有一位同事想出去食Lunch．我地兩個本身都好鐘意食好嘢，我們最終決定去荃灣廣場食嘢．原先諗住去和民食，不過一入到去見到間泰國嘢，就特然好想食．之後我們入去坐底，同事問有無食過泰式既生蝦，我話未，咁佢就話要試下啦．我們坐底叫左個兩人餐，再加多個生蝦．生蝦味道就一般，不過一定要點下佢D辣醬先會好食，就咁食會唔好食．豆腐湯油油地啦，D渣都Ok啦．唔算難飲囉．春卷油左少少，一般既春卷味，唔算特出．咖喱班腩咖喱味算可以了，班腩都整得唔錯，攞黎送飯都Ok架．油飯其實都幾油架，唔係每個人都可以接受架．我自己就覺得幾香架．埋單每位要一百蚊到，其唔叫個生蝦會平D，不過試下都無防呀．這餐算可以接受啦，唔算係好好食．午餐黎講係Over Budget啦．

試左 欖角粒炒飯 $53同豬頸肉金邊粉$62豬頸肉本身係唔錯，入味而且軟硬適中，但係d金邊粉有點過鹹 。而欖角粒炒飯都幾香亦唔係太油，可惜都係鹹左少少。分量方面就好夠，一定飽，環境非常乾淨，d位好舒服同埋空間大，但係就對住電梯同埋open design，所以有d嘈。特價特飲係較淡的菠羅椰汁冰 - $20個thai iced tea 就ok - $20以呢個價錢，o係荃灣算幾貴，而且真係幾鹹(之後飲左可樂+菊花茶+夏枯草+2杯水先至得)。應該都係試一次就算.

老豆不喜歡太迫太多人，所以咁多年既父親節都係提前搞，今年也不例外。妹妹提議到金不換吃泰國菜，我雖然不太鐘意食泰國，也沒有異議，咩都試下啦！預早訂了位，可以有梳化位坐，以為咨方安排妥善，起初還對這店有點期望，但原來這已是最好的了。食物方面，唉！黃咖喱豬，份量少得離譜，最多等於坊間咖喱店的一人份量。黃咖喱不香不辣，缺乏椰漿的香，豬肉是幾條肉絲，薯仔爽又唔係爽，粉也不是粉，打頭炮的很令人失望。蝦醬炒通菜，理應是很惹味的一個菜，但通菜得個硬字，毫不爽脆，又沒有蝦醬的咸香味，吃兩條可以收手。不過，這道菜並不是最差的，好戲還在後頭。菠蘿鴨胸真是極品，從未吃過如此差劣的鴨胸。賣相似京都骨，服務生端上檯時還以為是搞錯了。又硬又實的鴨胸，炸得不知所謂，除了難吃，也不懂怎樣形容，就連完全唔奄尖的老豆都大嘆一聲。明爐烏頭算是較對辦的了，但其實也不是好吃，只能說普通而已。魚上鋪滿蔥和中芹，卻一點不香，魚肉算是嫩口，不過冇甚鮮味，但之前的餸實在太差，大家都只有不斷在食魚。薄荷菠蘿椰汁特飲在做promote，廿蚊杯，要了三杯，媽媽就堅持飲椰青。喝不到薄荷香，但起碼有點菠蘿和椰汁味，杰杰的一杯，都可以接受。據報媽媽

好耐好耐都無黎食...從青胡椒到金不換...星期一至五...下午晚上都不是太多人, 只有星期六日是高朋滿座! 今天下午見無咩人, 又出了個午市套餐, $38 起, 兩公婆買了報紙坐卡位嘆下先!炒金邊粉 + 泰式奶茶, $38, 平時晚市都有叫開既炒粉, 套餐料及份量都稍為差點...但也算抵食吧, 泰式奶茶不太熱, 茶味帶點泰式香料味, 初飲下時有點不接受(可能飲慣港式奶茶吧), 如果改為泰式特飲, 感覺可能會好一點! 另叫了個久未露面的...燒三文魚頭, $65, 一個分開八件, 有點兒燒焦了...鹹了一點, 水撥位置較多肉, 較肥美!下次可再試試粉飯套餐!

Had a lunch with bf on Saturday afternoon. Surprisingly, there were only a few people. It is usually full house in dinner time at weekend. There are several rice/noodles set about $40. We had one fried rice with seafood in pineapple and one glass of longeye ice. It cost $48 only. The rice costs about $80 at night. We thought that it will be very small. However, it was quite large. There are total 4-5 bowls of rice. I don't know why it is a one-person set. The rice is fried very well and

繼上星期去左食意粉屋之後, 今日去左金不換食泰國菜之前一直冇留意荃灣廣場有金不換, 原來係呢埋左係地庫門口食住特價菜式有:海蝦刺身($68) 同埋 酸辣鳳爪($38)見個樣好似幾抵就入左去啦~~一入到時只係好少人我同阿媽2個人叫左5味餸 海蝦刺身($68) 上菜時有好多椰菜舖係底, D蝦都夠新鮮, 係個汁怪怪地, 唔係平時好多辣椒既個種紅色汁, 呢個汁係綠色既, 食落都幾辣, 不過就淨係得辣味, 有D普通如果原價$88的話都未必吸引到人食, 因為成碟得7隻蝶D蝦SIZE係普通,唔大唔細, 爽口只係一般酸辣鳳爪($38)呢個都幾抵食, $38算係幾大碟(原價要$58的)不過D鳳爪唔夠入味, 又冇切開, 即係大大舊成隻擺係度咁食落有D唔方便, 有好多生菜舖係個底, 所以吸唔到D汁, 好淡炸蝦餅($55)有4件幾大件, 炸得好熱, 可惜唔係幾食到蝦味, 配甜酸味OK好食飛天通菜($4X)好細碟, 得個辣字, D菜好老, 又冇鑊氣, 唔好味濕炒牛肉金邊粉($5X)原本想叫濕炒河, 但竟然話河粉賣晒唯有食金邊粉啦....點知好失望呀....D金邊粉痴埋一堆...個汁又太過漿.....D牛肉冇味.

因為朋友生日想食泰國菜,而係荃灣區環境舒適的泰國餐廳真係少之又少,所以試試位於荃灣廣場地庫的金不換餐廳,從外望進去,只有少量食客,而我地一行四人選擇了卡位,一打開meun.發覺係冇set dinner,只有散叫,不過望埋去價格而同區比較係較高,我地叫左菠蘿炒飯、炒通菜、青咖喱雞...普通菜式都要$70-80,其他海鮮類一定過$150,不過整體食物賣相及味道不錯,而最失敗係切餅費係段人頭計算每位$5~~~如果一大班朋友慶祝,人頭費可能仲貴過個蛋糕除價錢偏貴外,食物質素高,環境亦算寧靜~~~如果有set dinner應該會吸引到較多人

連續兩晚選了東南亞菜式, 對於我們選擇不多, 因多是辛辣餸, 為的是近屋企同埋食番個正常啲既 Pomelo Salad, $60, 面頭有少少脆炸既蒜片, 夾埋啲多汁既柚子 (唔當造, 唔太甜), 醒胃! 今次轉下口味唔叫金邊粉, 叫了個 Goby Sweet Sour, 酸甜荀殼魚, $138, 外皮炸得硬了一點點, 始終都係鍾意食蒸魚! 白飯兩個共 $18! 最後加多一碟千層糕, $33, 次次都知佢翻"叮", 因為聽到叮叮爐響, 熱辣辣, 煙煙韌韌, 如果少甜啲就完美啦!

以前到過黃埔分店食過, 覺得不俗, 於是一行七人來到荃灣呢間分店試下, 發覺好一般我地叫左一個大的泰式炸物併盤($130), 有炸魚餅, 炸素春卷, 炸蝦餅同香葉包雞各三件, 上檯時已經將佢地cut細左, 而且望落去都幾大碟, 絕無欺場, 全部都炸得香脆, 可以點酸辣醬食, 但味道一般, 沒甚特別, 食完每樣一舊都幾膩!!因為唔係個個食辣, 所以叫個細的冬蔭公($65), 有4-5隻半邊的泰式小河蝦, 湯的味道小辣同帶微酸, 有香茅同椰汁的香味, 係一個做得唔錯的冬蔭公!!另叫左一碟炭燒豬頸肉($68), 份量都幾多, 而且肉燒得唔錯, d邊香脆得來又唔會太燶, 加上個小辣的汁簡直係絕配, 個醬汁真係要讚佢地做得幾好, 因為出面好多泰國菜館都唔係一定做得好!!仲有飛天通菜一碟($45), 呢個就唔掂, 雖然佢有用麵醬, 辣椒同泰國蒜頭炒, 但係唔知點解都係無咩味道, 真係奇怪!!??另外點左蛋包海鮮炒飯量($75), 一來到見到好似無豉油的芙蓉蛋飯, 海鮮份量都算多, 但好似只係得墨魚同蝦??!! 唔知點解有好多紅蘿蔔同青豆粒, d飯又無咩味, 唔好食, 食完好似俾人欺騙咁!!最後仲有

昨晚和家人到荃灣金不換食晚飯, 為了預祝妹妹的生日. 我們點了以下食物:1. 燒豬頸肉($68): 好味呀, 點埋果d酸酸辣辣既汁, 真係好開胃2. 蒜子胡椒豬肉($60): 冇咩特別, 炸豬排咁3. 明爐烏頭($130): 好味, 又係點埋果d酸酸辣辣既汁好開胃4. 菠蘿海鮮炒飯($85): 普通左d5. 咸肉炒椰菜苗($55): 菜幾嫩,但咸肉即係燒肉.....6. 南瓜pudding($15@): 好味, 佢係一件南瓜, 中間係一d好似蛋白加南瓜茸既野我地對呢餐都好滿意, 會再黎!

昨晚與同事共6人到荃灣的金不換食晚飯, 我們約6點45分就到了. 雖然全晚的食物不錯, 尤其是豬頸肉, 蝦餅, 冬陰功湯, 明爐魚, 等食物水準OK, 而且份量也足夠。但服人員的態度很差, 由開始落單的服務人員在落單時已很不耐煩, 感覺到她很想你快啲食完走人。菜上得很快, 到食到中段(約8時), 就拿了MANUAL問我們要不要甜品, 我們就答未食完, 遲啲先, 隔了一陣又再走過黎問多次, 我地又再答"吾要住啦" 因為我地仲有好多野食未食完, 所以都吾需要食甜品。到約8:30時, 她已收拾好我們的枱面, 咁我地就埋左單先, 諗住坐多陣先走。點知一埋完單, 簽完名, 個侍應就拿住枱布講"你地走未, 因為出面有人等", 聽到我們火都黎呀!! ~~~第一, 出面都無人等位(因為我地的位置, 是可以望到出面的門口位, 一望就知有無人等位), ~~第二, 我地見到都有幾張吉枱, 都無人坐。我地都覺得個侍應好過份, 有咩理由咁樣趕人走架~~真係啱啱簽完單, 就開口叫人走~~~黎度吾係茶餐廳, 大排檔呀, 跟住我地就走左出去門口諗住搵個經理投訴~~~出到門人CASHER位, 有佪無着制服的中年男人企係

悶悶不樂, 老公選了這裡較舒適一點! 今次唔食包羅萬有, 改了炒金邊粉同雜菜粉絲煲, 前者同包羅萬有無乜分別, 只少了外在的一層蛋包著, 另外無海鮮配料, 又唔錯, 齋齋地又平啲! 我地以為粉絲煲係湯上, 原來係乾炒既, 不過, 唔油, 菜又多, 下次可以改口味啦!

4月30日夜晚, 3人到此食飯, 喺呢度食既原因, 係因為呢度靜得嚟, 嘢食都唔錯...細併盤 : 春卷, 魚餅同蝦餅, 好香口, 熱辣辣海鮮冬陰功 : 足料夠味, ok, 正!飛天通菜: 唔夠辣, 炒通菜一碟蛋網海鮮炒飯 : 足料, 炒得幾乾身, 但嫌味道唔夠, 加番少少魚露就ok啦服務員自動自覺斟水, 禮貌都唔錯, 但環璄遠少少, 啱d人坐低慢慢傾, 我就覺得味道同其他分店一樣, 一貫既好味!!!埋單總共$287個大洋

第一係去tst 都食, harbour city , 開年飯...感覺麻麻, 我當係可能叫唔o岩o野食啦. 咁o岩朋友叫我去此食, 好啦~ 一於食多次2人叫左:-小食拼盤(細) $5x --- 可以選係4款中擇3款,(蝦餅,魚餅,春卷,紙包雞),我地選了蝦餅,魚餅,紙包雞,每樣係有2件, 蝦餅係最好食, 熱辣辣又彈牙, 魚餅有香茅個d香料係裡面,就麻麻,食到d香料味, 紙包雞無特別,炸雞一件-椰汁雞湯---好唔得,好似好milk咁好奇怪…d雞肉又鞋…飲左2口完全放棄, 唔好試-釀雞翼($22一隻,2隻起)---比想像中大隻好多…不過裡面d同個春卷無分別-炒通菜(4x) ---普通, tst 好食d-海鮮炒金邊粉($7x) --- 不值咁貴…普通,不過個蛋網整得好靚服務態度差, 我以前食金邊粉有隻唔知係唔係魚露點, 我問佢有無, 佢答我金邊粉唔會點醬ga wor , 無o野可以俾你點….衛生麻麻, 有小飛飛total $ 3xx