金不換泰國餐廳 (已結業)

是日午餐常吃雞，除了燒味外...想想，不如吃海南飯吧，路過荃灣廣場的泰國菜館，不用等位，而且價錢合理，就在這用膳吧。天氣涼涼的，傻仔敏點了一杯圓肉蜜，清清甜甜的，不錯~~豬頭人的椰汁冰就很解喝。海南雞飯上枱，很夠碟頭，但雞肉嚡口，又有雪味，超級冰鮮雞~~反而飯很香葉味，就多吃啖飯吧。泰式辣肉碎飯，傻仔敏個人鍾意煎太陽旦要有旦汁撈落飯中，但這兒的太熟了。肉碎合格，惹味香口，帶有洋蔥，配飯一流。

早前女人LT同WK約我食我o既生日飯,佢o地原本想約我21-9-2013(Sat)晚食,但由於同慶祝外婆生日撞期,於是改22-9-2013(Sun)晚食,但呢晚因超強颱風’天兔’迫近,會掛8號風球,我o地就改食晏.到晏晝,我見就算係3號風球都好,都幾大風,就打電話問佢須唔須要改期?因為怕佢會帶埋兩個女出o黎.但佢話唔帶,咁冇問題啦,唔使再改.我同WK先到荃灣廣場,諗諗食咩o野,佢提議金不換,我o地就落去先,然後又睇睇串,發覺我係o黎過,所以決定食金不換.我o地坐低後,LT到o黎,由於LT o岩o岩至飲完茶,所以佢好飽,我同WK點o左:3. $65.00 o既蝦膏炒通菜好香好惹味,鹹淡適中,口感亦o岩o岩好.味道: 5分2. $85.00o既肉碎生菜包走辣只係走辣啫,唔係走晒調味,雞肉碎冇乜味,但原來食到最後係有魚露.味道: 3分1. $108.00o既香茅蝦球沙律走辣估唔到呢個原本係辣,同埋,我又叫走辣啫,唔係走香茅,點解冇香茅味o架? 蝦球大大隻,幾爽口,食得出有好多其他調味料,有魚露,柚子同醋,都尚算惹味,不過冇香茅味就唔得啦.味道: 2分4. $90.00燒豬頸肉好彩啲汁冇淋上去

星期日一定會返娘家吃飯，今晚來到成日都吃的"金不換" 吃泰菜！晚上7點半已經要等幾張檯，好在老公醒目一早去拿飛，等20分鐘就有位。3條友，唔係太餓，唔想眼闊肚窄做大徙鬼，野食就住叫，唔夠再點。叫左"柚子沙律" ，柚子肉飽滿，面頭灑左少少細細粒的咸蝦乾提味，是每次必食之選。"蝦醬炒通菜" ，份量少左d，母親大人一見到碟菜猛叫"得4兩！！" ...通菜炒起會縮水，但今日真係細份左d。好在"海鮮菠蘿炒飯" 夠大份，3個人都夠食，炒得很香，飯夠乾身，有菠蘿香味。咖哩牛筋腩 好味，待應姐姐好貼心，見母親大人年紀有番咁上下就主動話︰"我叫廚房比d 淋d 野你"，抵讚！果然牛筋腩好淋，咖哩汁好味。4樣野食埋單都要HKD350 ，係貴左少少，不過坐得舒服，待應姐姐KEEP 住酙茶，服務不錯，是滿足的一餐。

見到open rice 食評不錯，於是打電話去book枱。一位自稱經理的中年男人接電話，我地話想book七點半, 佢話冇得揀，淨係可以六點或八點，我地問佢點解book位都淨係得兩個時間揀，你地自助餐黎架？佢話唔係，總之淨係六點或八點！你地自己諗下先啦！隨即收綫！！！我唔知呢間野有幾好食有幾巴閉！總之一定唔會去食！

我也不懂形容了我見到一間出名既餐廳，所以想試下啦!點知入到去又貴又5好食又細碟我最期待既千層糕居然係熱既仲要好軟綿綿，不會再食!!!!!!!...….....................我千萬呼籲大家5好嘗試，性命比較重要

跟久不見的妹妹吃飯, 來吃一個泰國菜~~~~未試過!! 不用等位, 招呼都幾好~~~~因為唔食牛, 所以叫了個青咖喱豬肉~~~~個咖喱味幾奶, 我唔大喜歡~~~~豬肉都有少少UN...加上裡面有幾粒不知名的香料, 吃了感覺佷奇怪, 所以呢個麻麻地...叫了個蒜蓉包來吃咖喱~~~~幾熱及香脆, 但包有點痴住同UN...一般而已...來一個炒飯~~~~雖然叫冬蔭公, 但不算很辣, 只是多了香料, 但飯炒得幾香, 味道都不錯~~~而且蝦幾新鮮, 海鮮料也不少, 幾好味!!!^^拼盤~~我喜歡那個蝦餅, 香口及彈牙!! 雞都尚算OK~~~~春卷就很脆...吃得很飽!!! 哈哈~~~算是不錯的一間, 但價錢來講算中上價, 但環境服務食物來說是不錯的, 加地方不少, 可以適合大伙人!!

兩條友仔食泰菜，點的東西不能多，所以叫了條魚加一碟炒河。明爐烏頭係我最愛的泰菜之一，興住黎食，酸酸地有青檸、肉碎、辣椒、苦瓜加上醬汁味道很好。炒河用了豬肉，夠辣夠火喉，但河粉始終較油，所以會好飽肚！如

其實依間"金不換泰國餐廳"~早年都幫襯過食晚餐食店環境夠寬敞..坐得好舒適~食物都ok唔錯既所以想試下lunch既水準..不過原來都隔左4年無去lu2人套餐有"炸蝦餅/炸春卷/酸辣鳳爪(3選1)"..揀左"炸蝦餅"蝦餅炸得好香脆~蝦膠肉好彈牙..味道好好"冬蔭功/豆腐紫菜肉碎湯(2選1)"..揀左"冬蔭功湯"味道好鹹+好酸..完全唔辣~蝦都唔新鮮(霉的)"海南雞/乾咖喱魚柳/茄子肉片(3選1)"..揀左"海南雞"雞肉唔算滑..食唔到有咩特別~但就去晒骨(除左雞腿外) "鹹魚炒芥蘭/飛天通菜/清炒椰菜苗(3選1)"..揀左"鹹魚炒芥蘭"炒得夠鑊氣~鹹魚味好突出..整體又唔會好鹹"白飯(x2)""甜品(x2)"材料有芋粒,去殼綠豆,鮮椰肉..伴上椰漿糖水既質感好糊..濃稠度調得好靚~入口好滑好香椰漿味..甜度接受到而且料好足~芋粒夠粉糯..好味整體食物除左個"冬蔭功湯"外~其他都好ok服務都好好..服務員做野好快手~添茶又夠密

與友人相約吃飯，她居然挑選了我最愛的金不換，但其實我亦不摖覺原來荃灣廣場亦有金不換，對於甚喜歡泰國菜的我來說真是一大喜訊，因為再不須要長途跋涉到銅鑼灣了。相約了晚上7時，步進店內只坐了3-5枱，很少人呢？非常不解？心想莫非這裡的水準很不濟？大約到8時就滿座了，一貫金不換的人流，放心哂！由於大家都不太餓，所以就叫了大蝦沙津，本來想叫柚子沙津，但由於次次都叫所以今次就轉左呢個，想不到辣辣哋的大蝦肉質依然好彈，沒有被辣椒搶去了鮮味，非常醒胃，真係一個很好的前菜；飛天通菜都係平常的味道 keep 得住水準；另外大家再點左個未試過的甜酸蜜桃鴨，這個就差差哋，鴨切得很大件亦很硬，反而啲蜜桃同青椒重好味。冬蔭公湯的材料就十足，辣度同酸度都很適宜，雖然係細 size 但大家都喝了兩碗，真係好正！最後最值得推介的就係甜品『椰汁木薯』，因為唔係好多地方有得食，而且木薯很有質感，將它切開一絲絲的浸在椰汁中才放入口中，甜度同椰汁味啱啱好，係每次都必食的推介！

「浪子回頭金不換，浪女用餐金不用」話說星期天媽子不下廚，舉家到荃灣廣場的「金不換泰國餐廳」午膳。當然有媽子找數，慳妹一個仙都唔駛出。YEAH約中午十二點幾去到，不算多人，不過寥寥無幾的卡位便坐滿了人。侍應帶我們到另一邊，這個四人方桌都算開揚，事實上整間餐廳都很開揚，沒有很多柱子阻礙視線。唯一要小心的是有部份座位是在一級高台上，小妹差點PK呀！點菜。發覺有鐵板蠔餅，看到Menu的相片似是份量頗多的，很吸引，知道不會經常來光顧，所以特別叫媽子一定要點...媽子最順我意的，所以蠔餅得逞！另外也點了其他慣常泰式菜餚：原隻菠蘿炒飯﹑鹹肉炒椰菜苗﹑泰式炒金邊粉﹑海鮮燴時蔬。先到的是椰菜苗和鐵板蠔餅。椰菜苗算是大大隻，而且未有老身，食落很有咬口爽﹔而鐵板蠔餅的份量果真夠大！而蠔和炒蛋則呈六和四之比，熱鐵板夠鑊氣…勁讚！值得一提的是，我發覺店內的員工似乎是同一個家族，或者都是同鄉之類，因為樣貌和他們的說話帶些泰國口音。

7月妹妹生日曾在此吃飯，價錢有點貴，不過食物和服務不錯。今次輪到我生日，再想這裏用膳，我其實不想這麼快就再去，不過最後也去了。幾個月質素大大下降，木瓜絲沙律太咸，沒有酸酸的木瓜味道，附多片生椰菜伴着吃，更難吃。乾咖哩羊肉太多汁，奶味重，不好吃。其他上次有點的，都差了。五個大人一個小孩，埋單800多元，又貴又不好吃，不知吃了什麼，不飽不滿足。太令人失望，早知隨便找家餐廳便算。

第一次黎食青胡椒蟹, 好好味 (當然好難同新加坡食既黑椒蟹比啦)今次黎食o加喱蟹, 我覺得普通, 可能一向唔鍾意食, 唔夠juicy, 唔夠香燒豬頸肉都ok啦, 燒得香飛天通菜好味, 但幾辣, 好香炒什菜普通啦, 好似白粭菜辣椒膏炒帶子珊瑚蚌都好味, 但又係幾辣的蒜蓉包點o加喱一齊食, 好味, 送飯一流芒果糯米飯好味呀, 叫左兩份蟹肉炒飯都正呀, 好多蟹肉, 好多蛋, 好乾身明爐烏頭, 我唔食魚ga, 但屋企人話幾好味呀埋單1000多, 幾ok呀

I've eaten here 3 times since moving to Tsuen Wan. It's always at least acceptable, sometimes quite good. And I've never had to wait, even when it was crowded.Last time we got: red curry w/ chicken, pork and mushroom stir-fried rice noodles, and an appetizer: deep-fried soft-shell crab with egg curry.Red curry: my wife loved it, I thought it was a little too rich. If you like your curries heavy on the coconut cream, it's a good choice. The chicken was tender. Although the curry is labeled 'spicy

一行四人去食泰菜，可能剛中秋節完畢d食肆大多唔洗等位，一去到大把位！點左幾個香港人成日叫個幾樣，冬陰公；豬肉生菜包；飛天通菜；迷你拼盤；菠蘿炒飯。因無咩人d菜好快就上啦，試淡冬陰公先，賣相唔錯，味道好港化，唔太酸唔太辣，太多配料碎影響口感。之後就到生菜包，生菜洗得好乾淨去左尾部，咁就唔會怕有泥，唔酸唔夠香料，但都好味的。接住就是飛天通菜，夠鑊氣，夾脆唔老，不過唔夠辣。之後就黎菠蘿炒飯，肉鬆同腰果分開上，炒飯夠乾身，一粒粒，味夠，加埋肉鬆更香口。最後到迷你拼盤，有蝦餅魚餅同香葉雞，蝦餅唔會炸得太乾又彈牙，香葉雞就乾左d感覺好熱氣。overall其實都幾好食，但滿足唔到食泰國菜既感覺，因係集團式經營，會切合香港人口味，好港式既味道，食物的香料同調味都好似減輕了。如果想食正宗既泰菜可能去九龍城會好d。不過都幾貴，咁細碗冬陰公已經要75蚊，但如果想坐得舒服呢到都係一個不錯既選擇。

同事生日又來一餐賀壽，壽星仔喜歡吃泰菜，就選址荃灣金不換，只因遷就住在荃灣的主角。金不換給人感覺較時尚，沒有神神佛佛，樓底又高，裝修簡約，牆上掛有泰國的工藝畫作，感覺舒服很多。整體食物都很多，無論沙律、小食拼盤、燒魷魚、炒菜都很有水準，個人覺得廚師推介的咖喱海鮮焗釀南瓜及海鮮蛋包飯很出色。焗釀南瓜，雖然外觀有些燶，但內裡瓜肉軟腍，泰式咖喱又帶有獨特香味，海鮮材料又豐富。而蛋包飯的海鮮料不及焗釀南瓜的多，但蛋內的炒飯也不懶，炒得飯粒分明又甘香，而且份量亦不少呢！