金城茶餐廳

營業中

休息中

今次嚟到大圍金城茶餐廳，咁其實有好多人都講過佢個巨型肉餅飯，但係今日我又想試下佢個椒鹽豬扒飯，椒鹽豬扒飯好多間餐廳都有但係呢就各有特色嘅。咁金城個椒鹽豬扒飯一打開個飯盒，就好似一貫金城其他飯盒咁個份量都係好大嘅，甚至可以餵飽兩個人。咁叫得金城d飯盒就梗係好要加多d佢哋嘅招牌菜甫啦佢啲菜甫辣辣地咁都幾好食嘅佢啲飯呢就一貫都係咁好咁高水準嘅啦，米同水嘅比例啱啱好又夠熱，啲飯一粒粒咁樣唔會一pat pat。啲豬扒就好香，咬落去好多汁唔會好似有啲餐廳咁樣炸到乾晒，同埋佢個飯呢都有特製嘅汁唔會又好似其他餐廳嘅椒鹽豬扒飯咁樣乾爭爭。

我話有冇芝士焗肉醬意粉⋯阿姐話焗肉醬意粉係冇芝士的⋯循環幾次之後忽然又話你要芝士就$80！我話咁焗肉醬意粉幾錢？$75！加芝士加$5⋯咁ok啦⋯打開外賣盒⋯⋯有冇人話我知呢碟乜野黎？！

有個朋友，最近搬到大圍，言談間知道，大圍站附近一帶有不少的餐廳食肆，而食物質素是高的。這個朋友的心水推介是金城茶餐廳，招牌菜有肉餅飯和椒鹽豬扒飯，於是趁星期六中午入大圍試一試。午市時間人雖然多，但未致於要等位，下單後五分鐘，飯已經製作完全，肉餅飯的肉餅大得驚人，size差不多覆蓋整隻碟，厚度目測起碼有1.5cm，分量認真誇張，味道方面調得很好又煎得香口，估計一碟飯足以夠兩位女士享用。至於椒鹽豬扒飯，突意叫炒底，令它的味道增加一個層次和口感，豬扒炸得香口，不會太辣，適合大部分人的口味。

大圍有一間幾出名嘅茶餐廳，附近嘅居民會嚟食之餘，都聽過有唔少朋友會專登走過去呢間茶餐廳度食。究竟茶餐廳有咩咁把炮呢？答案就係呢度嘅椒鹽豬扒飯。冇諗過呢度嘅椒鹽豬扒飯原來係咁出名，入到茶餐廳之後見到幾乎每一台都有叫一份。豬扒飯嘅肉汁都幾多，豬扒幾稔，而且醬汁酸酸甜甜，非常之開胃，仲有少少微辣添！

初頭見到呢間茶餐廳都應該係普通茶餐廳所賣既野，無乜特色。但我留意餐版有一項係金城金牌，我就膽粗粗嗌左個生煎肉餅飯加太陽蛋，由於我無時間坐係餐廳食我就叫左外賣，翻去一打開飯盒個肉餅大過你塊面。個肉餅外面煎得好香口，好趣，入面肉質吾會話好硬，真係外趣內軟呀從未食過咁好食既肉餅

住大圍嘅朋友，就一定識得金城茶餐廳。雖然我本身唔係住大圍，但身邊都好多朋友推介，所以心郁郁都想試吓佢嘅招牌——椒鹽豬扒飯。之前我都仲諗，只係一個椒鹽豬扒飯，到底有咩特別？估唔到，呢份椒鹽豬扒咬落非常juicy, 好軟身，基本上唔使切都咬得開。豬肉吸收左椒鹽同醬汁嘅香味，味道仲帶少許酸甜，十分特別。

講到蜜桃小丸子最愛吃嘅菜式，肉餅飯必然係其中之一！今次就拜會了位於大圍嘅街坊名店-金城茶餐廳，相信住係大圍嘅街坊都一定試過佢嘅招牌煎肉餅飯仲有椒鹽豬扒飯一見到碟肉餅飯，第一個反應係「好大呀！」只見肉餅而不見飯，十分夠氣勢！一塊煎得好焦香嘅肉餅，應該都有一吋厚，將啲飯同幾條菜完全遮蓋咗，可見係好足料的。食落口，更見真材實料，每一啖都係肉，口感都幾實正，最正係個面煎到少少脆，而啲肉質係好有嚼勁，彈彈的，無乜筋，亦唔會覺得有好多肥豬肉，真係好美味嘅comfort food啲飯煮得剛剛好，一粒粒的，淋上了自家製豉油，唔會太咸，仲可以加埋自家製辣菜莆一齊食，簡直係一大享受，吃美食的快樂原來可以咁簡單。除咗肉餅飯，腩腩仲叫咗蜜椒豬扒飯。同樣地，啲豬扒好足料，遮哂成碟飯。豬扒煎得好香好爽脆，亦帶有陣陣的蜜糖甜味，好開胃，加埋啲洋蔥一齊食，層次感又提高了。下次一定會再嚟食！

今天我來到大圍金城茶餐廳食最出名嘅生煎肉餅飯，肉餅飯送到我面前真是十分大塊，這間餐廳的食客多數都是點這個飯，肉餅的表面金黃色煎的時間剛剛好，這間餐廳還有另一樣出名的就是香辣菜莆，如果食得辣就一定要加這個非常好食，一啖飯一啖肉餅加菜莆，真是很美味，菜莆香辣得來又爽口，而肉餅一口咬落去表面是脆的，喜歡食肉和辣嘅朋友，走開大圍真是要來嘗一嘗

我要同大家講個大秘密！！！呢度個肉餅飯真係冇得頂！好香煎得好香～雖然知道呢個肉餅其實好肥，🤣因為佢係將啲肥豬肉撈埋落去一齊煎～😢所以先有好甘香嘅效果☺️但我完全唔介意呀！！！😈💪🏻因為中國菜要色香味俱全就一定要犧牲體型🤣🤣哇哈哈哈......不過豉油千祈唔好貪心要佢落多啲，因為已經好夠鹹🤨我聽到有客人外賣直接叫佢走豉油，其實都唔怪得佢🤷🏻‍♀️因為真係已經好夠味，不過豉油都係精粹一份子～因爲...佢！都！好！香！㗎！😍😍😍所以如果大家經過大圍火車站可以去試吓囉，因為不吃你會後悔喔😘。（唯一注意嘅就係佢好早就關門）

之前都幫襯過呢間餐廳幾次，都見過貌似太子爺同好似老闆嘅阿伯對啲客呼呼喝喝嘅情景，無諗過今次係自己！一入門口已被太子爺呼喝我入去，明明大把吉位，我2個人要我坐埋一邊無所謂，大家合作，不過一定唔係用呼喝，同好似我殺咗你全家咁嘅態度。以後都唔會再幫襯，因為未好食到受氣我都要坐低食，仲要畀錢佢哋賺。終於明白之前嘅食評，話佢地自以為好食就可以不可一世，對客人態度惡劣，睇嘅時候都會半信半疑，而家真心明白。😡

香煎肉餅飯 一直聞說金城必食的香煎肉餅飯 果然名不虛傳 好大塊！肉餅煎到香口 不油膩外脆內軟 加上甜豉油 好吸引好好味呀值得值得推介！**一定一定要加菜脯**椒鹽豬扒飯見同枱搭枱街坊通通都叫椒鹽豬扒飯 一於跟風試埋同我腦海一直想像嘅椒鹽豬扒好不一樣以為純粹係椒鹽+豬扒原來仲有蔥、辣椒、蒜炒埋一齊 聞落去係香嘅 豬扒係入味嘅份量係好大嘅 不過⋯味道有啲咸又有啲酸有啲甜只能說⋯唔係我喜歡嘅味道鐘意嘅人應該好鐘意**呢個就係每枱都有嘅辣菜脯用泥撈飯去個肉餅飯超級超級正！好想打包啲菜脯返屋企！

工作關係，今天經過大圍，一處我成長的地方。一條條熟悉的街道，一段段值得懷念的人和事，都在這一刻湧上心頭。雖然今天落著滂沱大雨，天色黑漆漆，走在大圍的街道上，燃點起心中往日的情懷。走過窄巷小路，經過金門餐廳，令我突然想起它的煎肉餅飯和火鴨絲湯米。眾所周知，前者煎肉餅飯，其特色在於件肉餅上，看似一碟家常的碟頭飯，咀嚼之下，肉餅的煎香夾雜著蔥花，不油不膩，肥瘦適中，咬落去其鬆軟度恰到好處。這麽多年來，其份量毫不減少，細食者，可二人分享，食量較大的，則可以完全飽肚。另外，我亦十分喜歡它的火鴨絲湯米，火鴨絲份量十足，每一啖每一口都可食到火鴨絲。它的配料中，有青紅椒和芽菜，米粉亦爽口彈牙。以上兩個鎮店食品，加上店鋪自家製的菜普，醒胃提神，更為食物錦上添花。雖然店鋪不大，家族生意，在此工作的人都很友善好客，說說笑笑，與客人打成一片，感覺好似回家吃飯一樣。

自從上次誤打誤撞食過椒鹽豬扒飯後，就念念不忘想再食。今次係第二次到金城茶餐廳，當然再食佢個椒鹽豬扒，亦叫左出名既生煎肉餅飯。椒鹽豬扒飯好大碟，有好多件豬扒！豬扒好淋好入味，配埋蔥、辣椒同蒜蓉，好好食，就算比多幾件都可以食得晒！肉餅就食得多，但煎肉餅就唔係度度都有得食。個肉餅成隻碟咁大，外脆內軟又有肉汁，好好食。除左椒鹽豬扒飯同生煎肉餅飯外，仲有一樣野都出名，就係佢既辣菜脯。試左少少都幾辣下，唔食得辣既朋友建議試要小心。

果然名不虛傳，聽聞大圍有間煎肉餅飯係好出名嘅，但一直以嚟無好上心特登去食，但今日有機會行過這舖頭，即刻入去試吓，佢哋晚上7點就關門，好彩趕得切關門前叫到嘢，佢哋話最正係肉餅飯，當然要試吓佢先啦。碟飯一上枱，就俾塊煎肉餅吸引住，相當大塊，食落香口不油膩，而且佢啲豉油非常好食，真係直得推介。

今日朝早落大雨，入去食野，把遮濕當然入去會放佢擺設既位置點知食完走遮都俾人偷埋，店內不負責任，落大雨搞到我遮都沒埋，淋住雨行去地鐵站以後大家進店就算幾濕都好唔好放起出面