金山海鮮酒家 (已結業)

晚上約1AM入座....不需要等位, 聖子皇... 味道普通..開邊蝦就整得好好味..... 比外面吃到的好味多了..同埋清得比較乾淨..扇貝就味道都只係正常.....380蚊一條2斤沙巴躉 , 味道麻麻, 可能條魚真係太平, 所以比較普通....揀左隻斤半重青龍.... 但唔知點解食落我地都覺得佢煮得麻麻地....

早一天打過來預約訂位怎知道說兩天前已一早滿座, 叫我們嘗試walk in 攞位吧. 當天因為工作關係, 我們分了兩批, 一批去酒店接外國過來香港觀光的女同事, 另一批便完成工作後直接過去金山. 3位香港人跟2位外國人.3位包括外國同事在18:50分已坐下金山2樓, 而我跟另一位則19:10才抵達.原來她們已order 第3支青島, 實在非常不好意思呢 ...同事說不如order 龍蝦更提議讓她親手選一隻吃. 她回來之後非常興奮, 還展示她拿著龍蝦鬚拍照的頑皮樣 我們order 了: 上湯龍蝦伊麵底 - 啖啖肉仲彈牙添, 伊麵底比較削無味清蒸鮑魚 - 大隻, 用刀叉食, 正炸大腸糖醋排骨 - 大腸好香, 同事問的味怪怪地, 緊係啦....大腸嘛...炸乳鴨 - 好味豉汁蟶子 - 肥嘟嘟好多汁, 上枱時已經切為細粒, 易入口乾淨粉絲蒸扇貝 - 粒貝好大粒清炒蔬菜 炸瀨尿蝦 - 蝦比較細隻不太香口白灼海生蝦 - 比一般酒家的白灼蝦大隻一倍, 肉鮮甜值得再叫 我們食到大約9時15分左右叫埋單, 但怎知道大家現金不足(其實係我唔記得左此間店只收現金), 當張單遞到我們面前時, 我便說現金不足,要

本想打電話去訂位, 但唔通, 所以去到等. 點知一等就好耐, 仲要係無飛? 佢就咁MARK底你幾多人就當係MARK左, 好無安全感. 係咁追要等幾耐, 仲有幾多張枱, 只係知我地前一張係咩人等緊… 等我地諗住放棄食其他野時, 佢終於話下一張到我地. 最後仲有張紙仔俾我地, 叫我地唔好上住, 叫先上~守得雲開見月明, 終於等到~上左兩層, 原來上面幾闊落, 四個人叫左雲英雞, 4隻椒鹽瀨尿蝦, 豉椒炒蟶子, 墨魚餅, 窩貼鮮蝦小棠菜.雞我覺得普通左D, 無話真係特別嫩, SOSO.必食椒鹽瀨尿蝦! 好味! 大隻就唔係好大隻, 但勝在肉多, 鮮甜, 加埋YIP得好, 唔太咸, 非常滋味, 係咁啜隻蝦~~墨魚餅好正, 用料十足, 加上爽口彈牙, 外皮又炸得唔太油, 好味!窩貼鮮蝦小棠菜, 本身以為係小棠菜上面有D蝦, 結果大錯特錯, 係窩貼咁既樣炸左裡面有蝦肉同小棠菜, 賣相出人以表, 炸得脆, 肉都彈, 但唔係好食得出蝦味.豉椒炒蟶子豉椒味普通, 但係彈牙.食左瀨尿蝦大家都覺得等係值回票價~ 可惜沒有糖水, 因為送完了.今餐推介必食: 椒鹽瀨尿蝦, 墨魚餅~ 

人多，大台少，等得耐。14人叫了9個餸，文昌雞，尿蝦都係招牌菜，有水準，尿蝦叫了兩食，清蒸和椒鹽各有特色，扇貝蒜蓉粉絲可以，但扇貝唔夠新鮮，豉汁聖子，再爽啲會更好，蒸魚清淡唔怕韌，介闌，炒藕片，沙拉骨都唔錯，最後3炸件，讓魚同炸九肚去得最快，甜品係海帶綠豆，稀咗啲。

又是吃團年飯的時間了，擇地於金山，一行十多人，真多浩浩蕩蕩。雖然早已預訂了座位，但還要讓S們等上半小時，還要在路旁，還真抱歉。最後終於等到了一張樓上的餐桌。整晚餸菜偏平實，就簡單介紹較好吃的吧。雲英雞：招牌之一，雞肉白滑而富有彈性，不算肥大的雞，但勝在沒有過多的皮下脂肪，很不錯。碟邊放上了不少雞腎，切成薄片，味道也不錯蝦多士： 其實也吃過好幾家所出品的蝦多士，金山的出品比一般的要大件，但一咬下後大量油分出，在油分控制方面要扣點分數，但整體也算是炸得金香好吃。消費: $150

上一次和十多個朋友來吃飯, 叫了好多餸, 蝦多士好香脆好好味, 雲英雞好滑, 其他餸都水準不俗, 埋單$130, 人人話好抵, 所以今次食過番尋味!和舊朋友歡聚, 人少少叫了三餸一湯 (左起: 金銀蛋豆苗, 炒蟶子王及老火湯)金銀蛋豆苗不過不失蟶子王都幾新鮮彈牙, 好入味! 湯好大碗, 好像飲極都飲唔完(我慣咗飲完湯先食飯, 但湯未飲完, d餸已經上晒枱,開始凍啦......) 琵琶豆腐最好吃, 仲有乾瑤柱打獻, 豆腐軟淋淋, 外脆內軟, 而且細細粒, 食完一粒好快想再夾第二粒!食物一上枱很快就涼了, 而且侍應常常想趕客, 餸都未食完就快快送上綠豆沙, 吃得不太自在.......埋單三百幾, 價錢都ok, 會再來試其他食物, 但唔好期望有優質的服務, 這是舊式傳統的港式飯店.

话要同整班好姐妹一起planning去香港旅游经已讲o左整整2年。。。但系次次都遇唔到时间大家可以一起出游！2011年11月尾，老公仔话要慰劳下班得力伙计喔，o甘我就安排o左一团港澳4D3N游咯。。。 点知一返到马来西亚就中嗮子弹，滴姐妹咋晒型 。。。 o甘唯有再安排去多次啦！要安排6人旅游，由办理预订机票；住宿同埋细碎事物一手包办o即真系一滴难道都无！事关依5年来，我同老公仔差不多每一年就会前往香港和澳门1-2次游。。。亲朋好友仲话，港澳已经系我外家喔！ 哈哈哈。。。好啦，讲开 金山海鮮酒家 。。。自从我认识OpenRice，每次前往香港前2个星期一定晚晚都褒住睇下有么好耶食. 尤其系要带埋依班好友姐妹，个个都嘴刁得很！ 睇见金山都有整90几个笑面o甘得（旧年3月份咯），就安排它在第一晚o既晚餐先啦！前往交通方面非常易，地铁一出行过两个街口就到。哈哈，真好彩。。仲未见条人龙喔，事关当日天气真的好冷。但系问道带位伯伯话都要等下先，因为要拾好位先得喔～ 等待时就见同样有家人一起等位，当中仲有老公公婆婆。。。 我哋整班都后生遥遥，o甘就先让位卑o左他哋咯。带位伯伯仲赞我哋家教好噢 o甘

原本計劃在佐敦一帶享用蛇羮與煲仔飯，可能天氣太冷了，煲仔飯外排著一條街長的人龍。改到蛇店，落單之際，竟破天方地蛇羮也給賣光了，老店主也說絕少有這種情況。天呀，怎算了？走到金山對面的街道，又再目睹金山慣常人山人海的景象，有些在輪候座位，有些在挑選海鮮。金山的海鮮頗有聲名，光顧者不乏日本人及其他遊客，即時衝動一來，就試試金山，看看金山為何那樣吸引。我們根據指示在門口如鴨仔一個跟個的等待，兩人的桌子尚好，差不多15分鐘便能分派到座位，比預期理想。座位就正正在茶水房的對面，所以經常有三、五夥計在前面兜兜轉轉，情境熱鬧非常，有時夥計溝通之間少不免三字經，不覺討厭，反而有一種老香港地道的寫照。金山的海鮮聞名，門前的招牌有魚、蝦、蟹三個圖像，老公問我有否聯想到什麼，我說是小時候農曆新年的賭具魚蝦蟹。而餐牌就放了一隻龍蝦，似乎升格了，但我倒覺門口的魚、蝦、蟹更有風格。花露水毛巾? 突然有股莫明的興奮，一嗅只是無味的普通毛巾，噢...失望！一週例湯詳細列明，星期五是竹蔗茅根海底椰雞腳煲螺頭，未嚐已感受得到其滋潤了，符合要求。以細煲 $40，例牌$60及中煲$80 三個份量區分，價錢相宜，但大煲有如何呢

記得在香港賣座電影「葉問」中有一個角色名叫金山找，由樊少皇飾演，與甄子丹飾演的葉問曾有兩場對打戲，頗為搶鏡，不過這一夜，我與太座兩人相約在佐敦附近撐枱腳，吃晚飯，卻不是金山找，而是找金山，找來這間在網上好評不少的「金山海鮮酒家」吃一頓中式晚餐。這間門面與一般海鮮菜館無異的「金山海鮮酒家」，除了地下的一層外，原來別有洞天，從店旁的樓梯上樓，原來還有兩層，地方雖然較為簡陋，客人卻多，要不是這次只有我倆夫妻到來，真是隨時要等位呢！而在事實上，這裡價廉物美的中菜館子，的確吸引了不少客人幫襯，到我倆吃完飯下樓的時候，店外等的客人比先前還要多，足有接近二十人在等位，可見這店子確是生意滔滔，十分旺場。叫來兩餸一湯做晚餐。這裡每晚都有不同的老火湯供應，價錢不貴，細的只售 $40而已，聽侍應說，已足夠兩人飲用。事實證明，他果然沒有說錯，這原煲奉上的細老火湯份量真的不少，我們兩人各自都可分到三碗之多。這晚是星期三，是日靚湯是「竹蔗茅根海底椰雞腳煲螺頭」，真材實料的湯水湯料甚多，雖然我看不見海底椰，螺頭、瘦肉與少許雞腳可還是見得到的。這湯湯味自然，味道適中，好喝。曾在網上得到不少好評的「芝麻蝦多士」其實在餐

又係一間平日都多人都爆o既餐廳。朋友訂左位，但黎到都係一樣要等，不過有好野食所以ok啦！其實我自己就唔係好食雞o既，但朋友猛話呢度d雞好滑好好味，所以我都有食左少少，都唔錯的！但我比較鍾意食附送o既腎片椒鹽賴尿蝦，椒鹽好香口沾滿曬隻賴尿蝦，連個殼都好野味！隻賴尿蝦都算大隻有肉的！排骨有咬口，同埋我自己好鐘意食沙拉骨的！個炸大腸好肥美啊，脆卜卜！正啊！又係炸野哈哈哈，但個多士真係好好味啊，是鬆化的，上面o既蝦膠亦好足料！我食左3件，但真係有少少肥膩 琵琶豆腐，因為我地4個人中，有1個唔食得海鮮，所以有叫左個琵琶豆腐！朋友話做琵琶豆腐工夫多，已經好少有食到咁好味咁喎。我就唔係好識啦，我只係識用好味同唔好味黎分，呢個係好味o既，下面d生菜索哂d汁仲有瑤柱碎，正！ 帶子西蘭花，覺得西蘭花有少少苦… 其實有叫左個湯的。不過唔記得左個名啦，個名鬼死咁長 但係一個清甜o既湯，不是味精湯今次食左勁多炸野，熱氣到爆了，不過好滿足！一餐半餐就算啦～

某夜九時多與友人行經此店，見店外人頭湧湧等位，心想如此旺場，相信必有吸引之處，有機會定要一試。想不到事隔半月就可一償心願。六時多到埗，已見店內食客如雲，在門外登記安排入座。因是晚友人有點事要做，所以不宜久候！ 正與友人商討另覓用餐場地時，服務員通知剛好有座位，即有失而復得的感覺。 窩貼鮮蝦小棠菜：餡料是將蝦和小棠菜切粒，再上薄脆槳炸。金黃香脆的外層包裹著爽口蝦粒同化解油膩的小棠菜碎，蝦鮮味與清甜小棠菜互相輝映。另一炸物黃金墨魚餅：十分鮮味！純粹是墨魚味道，沒有混和其他配料或麵粉。想是用墨魚肉打成膠再加入墨魚粒所做出來，吃起來十分彈牙。 薑汁炒芥蘭：菜，真要不時不食。是夜薑汁炒芥蘭唔覺有薑味！而且芥蘭疑似先用水灼熟再下鑊炒，欠缺了生炒芥蘭應有爽脆口感。 豉油皇炒麵：鑊氣十足，炒得剛好不油膩。麵身吸收惹味適中醬油，不太乾身。韮菜芽菜炒得剛好，爽口。如果可以加多點芝麻就非常好！ 送飯後甜品海帶綠荳糖水：火喉用料絕不馬虎。熱熱的，清而不太死甜，為是夜畫上完美句號！

為了替同事慶生，來一個飯局是跑不掉的，當事人沒甚麼心水食府，就由我們丟一些出來，最後選址佐敦的金山，當時就覺得有點耳熟，翻查一下果然是看過人家的食評，又在搵食名單中佔一席位，所以我是非常期待的。因食飯之前有點空檔，先約朋友清掉團購的雪糕券。所以去到金山時已經可以入座了，還好我沒遲到也不是最遲，不過點菜是沒我份的了。一開始先來一客湯，木瓜排骨雞腳湯原個瓦煲拿出來分贓，心理上先贏一仗，總不會是在另一個煲煮好再放入去死充那麼費時。而湯渣也預先撈起方便食用。此湯的味道夠清而不鹹，明顯不是用味精增味，也沒放過多的鹽，與茶餐廳例水是沒法相比的。在海鮮飯店沒有不點海鮮的道理，這碟豉椒炒大蜆調味適中不會太濃太鹹，微辣不過火，汁也很好的掛在蜆上。蜆的份量充足，不會得個殼，蜆肉每隻都新鮮飽滿的，而且都不帶沙，吃得安心。西汁煎焗鮮牛柳甫上菜就聞到牛肉香，色水橙紅與中式牛柳一樣，亦有洋蔥作伴，也許只是換一個名而已。牛柳的肉質淋中帶爽，可以肯定不是放大量鬆肉粉去醃至軟身，肉味亦一如預期般香濃，比起茶餐廳真的不同級數。沙拉醬燒骨可說是咕嚕肉的近親，味道一樣是酸酸甜甜的，骨頭有點大顯得不夠厚肉，肉質就正常排骨煙韌，

相約朋友來這裡吃海鮮，朋友夜了收工，不用等待已可入座，但枱子的位置不佳，但主動說很快可以替我們換枱。豉椒炒蟶子：蟶子大隻，炒得爽口彈牙，加入豉汁，味道不錯。鍋貼小棠菜：蝦膠，墨魚加上切碎小棠菜，外加脆漿炸好，配上冰凍啤酒，暑氣全消。椒䀋瀨尿蝦：原本想叫大隻的，但沽清了，中型的也不太細，加上椒䀋，不太乾身，也是啤酒的良伴。清蒸老虎班：新鮮海班，但蒸得過火少許，但加上蒸魚豉油，還是不錯的。涼瓜煮奄仔蟹：蟹身肥美肉鮮，惜涼瓜是飛水後加入炒勻，同牀異夢，不太入味，可惜。最後想叫蝦子柚皮，雞蛋焗魚腸和通菜，可惜一一沽清，唯有早點離去吃甜品！

朋友早了收工，一起來吃點東西才回家。椒鹽瀨尿蝦：走油適中，還保持蝦肉水份，椒鹽蒜味不太咸。清蒸海老虎班：火候一流，豉油調味剛好，不掩蓋了魚味和彈牙的肉質。涼瓜炆奄仔蟹：奄仔蟹肥美，配上豉汁涼瓜，可惜涼瓜早已飛水，不然味道更佳。蝦子柚皮：柚皮鬆化入味，可惜油份不足，不能與順德聯誼總會的比美。窩貼小棠菜：蝦膠加入切碎的小棠菜，再上脆槳炸，算是為一餐加點蔬菜。加上二支啤酒，酒醉肚飽，回家睡覺。💤💤💤

每當想吃海鮮又不想山長水遠入西貢流浮山,就會想起金山.每晚七時開始,金山門口就會擠满等候人群.門口的阿哥不用派飛仔,純粹記下姓氏就可以把輪候次序記得一清二楚,非常了不起.金山走的是大眾化路線,不能對它的裝修有甚麼要求,最理想當然是坐到堂座,但人多的時候多數都會被安排上閣樓,咁啲位就會逼啲,燈光又會昏暗啲.服務員全部都係阿叔級別,講嘢無尾音,顯得有點傲慢.但手腳很快,也沒有漏單,效率很好.食物方面,金山的碟頭不大,正好讓我們多試幾個菜,當晚我們四個人一共點了八餸一湯,再加個鼓油王炒麵,夠哂!雲英雞--雞做得很好,肉質嫩滑,雞皮爽脆,還付送腎片,不愧是招牌菜.霸王花煲瘦肉--是日例湯,味道屬中上.本來霸王花的份量很難掌握得好,稍多湯會酸,下得少又沒味道,這晚喝到的是又清又甜.湯料上碟後有幫忙下鼓油,吃起來挺方便.豉椒炒蟶子--筆者認為,可以點蟶子的話就別點蟶子王.後者大是大,但一來價錢貴,二來大隻的蟶子難上味,結果是要將蟶子王切件炒,味道是上得比較好,但為何不一開頭就用普通蟶子呢?椒鹽賴尿蝦--賴尿蝦跟蟶子相反,大隻的肉比較厚,吃起來亦較過癮.這晚侍應推介普通size的,味道竟然也不錯.主