金山海鮮酒家 (已結業)

買左飛去電影中心睇(最愛), 呢間個位置剛剛好, 又唔會太遠, 而且之前又食過, 唔怕出事~因為得兩個人, 所以叫得好少野~魚香茄子煲, 濃味野食, 送飯最好~/5分銀山焗蠔, 必叫之選~/5分肉根通菜, 叫左咁多肉, 叫返個菜, 點知裡面都係有肉, ok, 係油左d~/5分唔應該兩個人黎食, 想食嘅太多, 奈何眼闊肚窄~

今天又是兩口子到金山吃晚飯，我以前一樣，質素高，食物美味。我們點了三菜一湯：1. 半斤白灼蝦蝦好新鮮，雖然是白灼，但味道很好，鮮甜，配上那辣辣的甜豉油，是非常好的第一道菜。2. 豉椒炒蟶子皇這個有點貴，4隻蟶子要80大元，不過味道也好，只是蟶子皇略為大，所以肉質有點韌。值得一讚是豉椒汁不是太醎，和外面的不一樣。3. 西蘭花牛肉帶子這個不是這樣的皇牌菜式，但一樣不俗。因為我們只有兩個人，點這道菜有多點東西吃，牛肉夠鬆化，只要西蘭花可以熟一點，軟身些會更好吃。4. 是日例湯：粉葛豬展這裏飲湯最好，一小鍋不過40元，但質素高，感覺像住家湯，非常夠火候，而且整鍋可以勺出5-6碗，平靚正。

各位, LONG TIME NO SEE 終於放下工作展開悠長假期, 係時候將堆積已久的美食同大家分享一下~剛從大馬回港, 吃過不少海鮮類同海南雞. 令我想重溫一下上月同家人到金山食飯的一晚:雲英雞: 雞皮富彈性, 肉質鮮嫩細滑 ! 難怪成為爸爸的心頭好~缽酒焗蠔: 個人至愛! 酒香味濃, 蠔肉飽滿, 絕對是佐飯佳品~ 招牌豉油王炒麵: 一向少吃油膩麵類, 在爸爸極力推介之下一試, 單看色澤已知夠晒鑊氣~ 豉油, 香蔥, 芝麻等配料即叫即炒, 是必食之選~!窩貼小棠菜: 以蝦膠及切碎小棠菜混合炸成, 香口無比,又一佐酒一流呀~清蒸花蟹: 花蟹最美味的製法, 乃是清蒸!! 這裡的花蟹又大隻又新鮮, 花雕的酒香滲入一絲絲蟹肉中, 實在乓令人回味無窮~啫啫醬爆芥蘭: 離遠10呎都聞到其香味有多吸引~ 上枱時仍是炸炸聲的~而且可見條條脆綠的芥蘭, 沾上蝦醬及配料, 爽脆惹味~亦是推介之一! 各位,就算是平日光顧, 都一定一定要訂位呀~~

喜歡中式食物的我, 在OPENRICE找到了金山的名字一入到去最深刻係好多紋身的彪形大漢在晚飯, 江湖味什重, 不過大家都沒有粗言穢語, 氣氛都唔差, 最Unexpected, 係侍應哥哥們的服務係幾好的食後感如下:雲英雞雞煮得好好, 無血水, 即係完全唔會生, 你知啦, 而家食雞都係小心D好, 肉又唔會UN, 即係又唔會熟過頭, 雖然比O左碟薑茸我, 但係無用到, 因為雞本身已經有咸味, 而且arm arm 好, 果然食家們無介紹錯椒監瀨尿蝦兩隻又一好味之選, 首先要讚, 係椒鹽蝦通常好多油, 食時總會一嘴都係, 而且油很多時都會益益地, 但金山的]椒監瀨尿蝦就做得好好, 無油膩之感, 油仲好新鮮, 其實椒鹽菜色, 油係好緊要的, 但好多店都因為要慳的關係, 隔幾日都唔換油蝦肉好甜, 隻隻蝦都好生猛, 價錢都好公道啫啫通菜煲通菜啫得好好味, 熱辣辣的, 一開蓋就成陣蝦醬味撲埋黎, 最抵讚又係少油豉椒炒蜆因為其他食家都推介, 所以都叫碟食, 此炒蜆唔會一味得個甜字, 蜆肉很結實, 而且無開蓋的情況係零, 即係蜆好新鮮, 雖然隻數唔算好多, 但貴精不貴多, 好食就得除了價錢之外, 地方都

在這區吃小菜總會想起金山.同類型選擇不是沒有但出品水準最穩定的除了已結業的新兜記外必定是這裡.雲英雞半隻----現在大部份人已不知什麽是是雞項!不明白自已上網搜尋一下吧.這裡的雞浸得入味,皮層富彈性肉質嫩滑.唯一缺點不是即叫即斬,而是早已斬定排在碟上,而為求賣相美觀看起來色澤亮麗會在上檯前再掃一層油.這做法大部份食肆也會做,但師傳太重手所以吃起來會較油膩.例湯款式天天不同,今天的是海底椰瘦肉煲雞腳.材料十足喝起來夠熱,一小煲數十元足兩人份.豉椒炒蜆----豉椒汁味道濃香,芡埋得薄剛好每隻蜆有汁之餘不會吃到一碟水,肉質鮮甜乾淨無沙,不會肉還肉殼還殼像差人查牌般男左女右一人一邊.(試試去對面街的大牌檔叫一碟看看!殼多肉少還有1/3碟未開口)沙拉骨----肉質鬆化的排骨本身酸甜味已足,沙律醬的作用只是點啜一下.早年在這裡吃到的剛好是相反,就是沙律醬包裹著每一件排骨而酸甜味較輕.老伙記手脚明快,更換骨碟加茶追單全自動.比現在的酒樓侍應效率還要好.人少來的話點數個小菜加例湯已很豐富.總好過買餸回家煮得一頭煙.

其實我個日book左7點半..但係我好衰咁遲左到, 7點9先到..但係又好唔好彩, 屋企人全部都未到..!所以我又要係到等位/____\由7點9開始, 等左半個鐘先有..!!!終於佢地都到齊-___-叫左..1.豉椒炒聖子王, 唔記得左影. 唔好意思-V-個聖子王佢冇成條上, 切開左, 但係佢好甜, 好好味..!2.好肥幾好食3.唔錯, 但係我覺得冇咩特別..!4.幾甜..!唔錯5.普通野LOR....6.原來雲英雞係指未生過蛋既雞..!佢真係好有雞味, 好味..!但係油左少少~overall唔錯..!佢地D staff 唔錯呀對我地..!但係個環境唔太好, 但都算係乾淨..!4個人, total 好似 5XX, 唔係好記得啦..!但係都係抵既!

說到金山，我想起的必定是舊金山；除了舊金山，就是在荃灣附近的金山郊野公園。今天，幾名麻甩吃飯，地點當然不用去高餐廳，這類懷舊地點，吃著花生，喝杯啤酒，和朋友去吹吹水，正是人到中年的一大快事。不過，今天的花生卻有點腍。其實自己已經很多次路過金山，但總是過門而不入，朋友說今天來這裡，我才意識到，原來這裡如此好評。早已訂位，來到時下層已經滿座，問一下侍應，侍應著我到樓上，上了一層，侍應說是二樓，我才知道，原來這間金山，規模一點也不小。友人已經在這裡吃過幾次，我是第一次來，點菜還是交給他們吧，但從他們點菜心得，看得出這裡，是以海鮮聞名。先來半隻雲英雞，雲英雞是指未下過蛋的母雞，這裡是否真的用這類雞我不得而知，但這隻雞很有雞味，肉很嫩滑，而且很多肉，不會皮包骨，而且還有雞腎，雖不是雞雜，但已經很好了，怪不得是招牌之一。之後到海鮮陸續上場，油鹽水煮蜆和平時吃的不太同，因為這裡加入了不少調味如金不換、椒絲等，要說是油鹽水，不如說是輕量版冬陰功會更貼切。蜆肉鮮甜，隻隻飽滿，連汁吃很不錯，但要提示一下的是不太夠熱呢。椒鹽白飯魚為當晚最愛，也謝謝其一食友千叮萬囑要order。白飯魚很大條，炸得香口爽脆乾身

同朋友聚會, 他們建議黎金山試下. 金山屬老牌食肆, 如果要求高服務質素或優質環璄, 這裡久奉, 但如喜愛食海鮮, 則可以一試. 當日叫左 馳名窩貼蝦小棠菜, 聖子, 瀨屎蝦, 焗蠔同乳鴿. 先講窩貼蝦小棠菜外脆內彈牙, 味道適中, 讚.聖子夠大隻, 但當中有些沙, 減分 瀨屎蝦一樣夠大隻, 尚算抵食, 可以一試乳鴿略嫌外皮不夠脆, 略為失色焗蠔味道一般, 未算突出當晚每人消費150蚊

幾位麻甩飯腳即慶之聚,就算選晚飯地點,也一樣要"麻甩"過人,因為有人未去過,而又想去在佐敦吳松街的"金山",於是,另一位朋友便立刻致電訂位.否則便望門輕嘆,很多人也知道,每一晚在金山門外等候的食客,是非常之多,雖然已開分店,但不減人氣.我們安排坐上二樓的房內,說到我與金山,相識剛好二十年,當年還是跟家人來,原因是家人的老闆請食飯.上一次來是與友人來宵夜,今次五位麻甩佬,一坐下便喝著紅酒,吃著花生,不過花生油澀味頗重.作為一間以海鮮為主打的菜館,不一定全部也是海鮮,其他菜式做得好,一樣受人歡迎.金山有好幾味是一定要叫,雲英雞是其中之一,雞皮有彈性,皮下肉嫩滑,更有雞味,難怪是金山其中一道受歡迎菜式.沒有花甲,來個油鹽水煮蜆,上一次與友人C小姐來,此一味吃到他的老外男友"直豎拇指".說我為何還要去吃竹虫,和味龍?金山的油鹽水與其他地方不同,就是滲進了金不換,榨菜等元素,令到味覺上層次感更豐.這夜用上的蜆,肉質鮮嫩沒有沙.椒鹽白飯魚香口爽脆,最佳當然是佐以冰凍啤酒.聖子皇以豉椒炒,味道比蒜茸粉絲蒸來得惹味,聖子的肉質爽勁彈牙,不過在個人口味而言,還是喜愛蒜茸粉絲蒸, 才更盡情吃到聖子的鮮味.

本人不是第一次去此店了今次只得 3 個人 跟上次去不同上次有 11 人點了"墨魚餅" 這個是保持水準.茄子煲.都好味,不過份量太少了聖子皇其實真是有點不明.因為是廚房一齊出 5,6, 碟,所以完全分唔平均.我們這點只得一點點紅滿焗筒蠔. 算 ok了總括人家是有名食店我們快快食完走人.費事阻住地球轉\.不過他們上菜時間跟下一碟差不九隔了 10 min 這樣是很無 mood . 這裡是適合 8,9 份人土去吃的,一來可以試多點美食,二來唔會等咁耐

踏入六月，又係時候為好兄弟阿龍慶生，我們一把年紀，沒需要再送玩具火車或震動豬公仔作賀禮了，但求一班人齊齊整整食餐飯，那份情義，才最珍貴！這年選擇了位於吳松街的金山海鮮酒家，吃點小炒海鮮，訂了八點半檯，來到時仍需稍等一會，但一邊等位一邊落柯打，甫入座即有得食，相當有效率！打頭陣的雲英雞，是這裡的招牌，雞肉切件連肝腎上檯，份量十足，入口皮滑肉嫩，半點不韌而且富有油香，味道則略帶點鹹，相當出色，第一道菜已令人吃不停口。由於這晚沒有花蛤供應，唯有要油鹽水浸蜆，油鹽水乍看有點像泰式冬蔭公，橙橙黃黃的，加入大頭菜、金不換、豉椒等配料，味道半點不辣，而且鹹鮮得很，跟無沙蜆肉十分搭配。要了一煲霸皇花琵琶蜜棗煲豬肺，老火湯分成十二大碗，湯入口清潤順喉，豬肺肉質嫩中帶彈性，十分抵飲。一人一只砵酒焗生蠔，肥美生蠔先拉油再以錫紙包著焗，是花功夫的菜式，蠔入口略帶砵酒香，肉質軟腍，只略嫌鮮味稍欠。接著的是芝麻蝦餅，前者融合了窩貼大明蝦和芝麻蝦兩道菜式，蝦膠打得爽彈，加上香口的多士底，本來沒有難吃的道理，但既然叫得做「芝麻」蝦餅，何解芝麻下得那麼少？來貨成本上升了嗎？賣相徹底的貨不對辨！另一炸物窩貼蝦小棠菜跟蝦餅

同朋友行完街之後去JODRAN同屋佐人食飯7個人叫了5個餸京都骨正，如果多D當然更好豬扒好大塊D汁幾醒胃鶏成200蚊一隻不過都OK係咸佐DD茄子煲呢個最正食飯一流呀金銀蛋菜同出面既差唔多D伯伯超NICE食完仲會問你要唔要糖水可惜無得揀得綠豆沙太涼所以無吃但我丫公話幾好食又夠熱

以前經常都頭痛究竟市區那裡有好吃的海鮮, 不過自從在Openrice找到這間酒家後, 這個問題已經解決了. 前後來了金山吃飯兩次, 巧合的都是來慶祝生日, 一次是老媽, 一次是自己, 兩次的印象也深刻. 第一次來的是平日晚上, 一早訂了枱, 但因為平日關係, 人客不太多, 吃得坐得都舒服; 第二次是在星期五晚上, 全場滿座, 不但不能訂枱, 還要在門口等位, 不過幸好友人早到, 只是等了廿分鐘便有枱, 但坐得很擠迫. 每次來之前, 都是先看過其他食家的食評, 挑了幾個合心水, 又較多食家讚許的食物來試.雲英雞 - 雞皮滑溜, 皮薄不算肥. 雞肉只是僅熟, 所以肉質嫩滑, 但雞味較淡, 不知用的是鮮雞還是冰鮮雞, 也沒有其他食家說的雞內臟一同奉客. 如果與泉章居的鹽焗雞相比, 個人還是覺泉章居的比較好一點, 因為雞味較濃 (雖然泉章居的水準正在下滑中).窩貼鮮蝦小棠菜 - 賣相有點意想不到, 因為看上去一點小棠菜也看不見! 炸得外表金黃, 看來的確有點像窩貼. 吃起來很香口, 但卻較油膩, 鮮蝦及小棠菜都切成小塊, 但蝦的味道卻一點也不突出, 可能與蝦的量少有關, 是賣相比食味好的一個菜

朋友生日, 想食中菜, 見食評好, 就黎試下呢間啦~一開始先黎一個例牌SIZE例湯, 海底椰螺頭雞腳, 都OK呀, 唔會話淡, 可能係落左雞, 所以油左少少~再黎一個蔬菜健康少少, 金銀蛋小白菜, OK~落呢個菜嘅時候同行友人好擔心係淨水煮, 冇其他調味, 原來佢會落紅椒, 都幾開胃~豉椒蟶子, 例牌, 爽口鮮甜, 好食~小棠菜鍋貼, 所有人一致贊成最好食~砵酒焗蠔, 佢應該係先炸左再去焗, 好好食, 好喜歡呢味呀~椒盬鮮魷, 香口野, 食唔停~最後送個紅豆沙, 有落果皮, 蓮子同鮮百合, 以免費黎講已經好好啦~食完未到8點, 再去唱K, 開心的一晚~

一行六人的預定, 雖說訂了枱其實是作用不大,始終要人到才開始等候安排入座,所以即使當日8點準時到達現場但還是要等了1小時有多才被安排入座,真的是....但兩名友人因為工作關係要遲到, 所以先行入座同時醫醫肚, 先來兩味小食:紅燒乳鴿$38- 這個醃得過龍比較上偏咸, 疑似番炸不太OK沙薑雞腳$38- 6隻,沙薑汁沒有太杰身反而稀身少少似湯那樣會令味道不太重,剛剛好啊沙拉骨$50- 份量一般, 味甜多過酸易入口嘅糖衣裝, 但唧沙拉醬嗰位就真係好是旦, 影響賣相,扣分椒塩鮮魷- 炸漿剛好一層好簿嘅衣,難得椒塩味剛好吃多了也不覺太喝,GOOD雲英雞半隻- 原本是叫”南乳吊燒雞”但賣光了,唯有轉這浸雞, OK啦是日例湯(菜乾豬肺湯)- 可能係例湯的關係,外觀就不提了, 味道還可以的, 湯渣較少有豬肺, 大多是菜乾南乳粗斎煲$50- 一致認為”當日最差之選”南乳色極之怪-橙色,選用的雜菜亦是普通的菜頭菜尾, 上菜亦沒有用煲上, 鍋貼小棠菜$58- 這個甚得食友”黃百万”的賞識, 吃得忘形之餘黃老太以和藹可親的笑容凝視黃老, 實則係看他那副”為食樣”不好意思在眾人前喝停”黃老”, 因為”黃老”太愛