金枕頭泰國餐廳

營業中

休息中

約左娘親食lunch~~緊係唔去太遠~~金枕頭一直係我午餐首選~是日點了個豬肉濕炒河，味道不錯，但一見到果陣覺得太多汁~~蝦餅係我最喜歡小食之一~~好味道!!而娘親比較喜歡蝦春卷~~很脆~~+$4 order了椰汁紅豆冰~都幾好飲~overall都算抵食同維持水準~~

今日難得可以約翻一班中學同學出黎，近近地就去呢間金枕頭試下泰國菜。其實我自己平時因為少食辣，所以都好少去食泰國野，今日終於有機會試，仲要約埋成八個人一齊食，可以食餐勁既！首先，就一定要講呢盤虎蝦刺身！真係幾鮮幾正，仲要我膽粗粗試左佢中間盤辣汁，真係辣到'哇'一聲，但係中意食辣既應該覺得好正！然後，就講下佢既炸物！我地叫左炸蝦餅同炸蝦春卷，真係好正，因為我自己就最中意食炸，夠香夠脆，食唔停！另外，我地仲叫左南瓜咖喱海鮮，都唔錯既，不過佢隻咖喱反而唔太辣，有啲似葡汁既感覺，連飯一齊食都ok既。仲有菠蘿炒飯，真係估唔到佢真係會用個菠蘿裝住，都幾香既，一路食都食到啲海鮮，好似有魷魚，都唔錯。最後，仲有燒雞翼同串燒，都係好香好好食燒雞翼真係無得輸，不過就嫌串燒有少少乾。整體黎講，我自己就冇食開泰國野，不過都覺得幾好食幾滿意。

菠蘿炒飯。頂飽。味道都五錯。個糯米甜品好好味，兩種都好食！青咖喱更五使講，搞到我地每日一碗白飯都未夠候下次試下三個辣椒既咖喱！      師姐推介。的確五錯！魷魚好脆！一流！五推介拼盤。無咩特別又五抵有碟五知咩牛肉粉丝？五好食7人食左$500。都ok既但系环境太逼.同埋好吵

依間泰國餐廳起粉嶺區嚟講都算薄有名氣，每晚幫襯既人都會好多，特別係星期六日一定要等位。今次雖然係平日，但都唔少人等緊，所以就外賣個豬肉生菜包，加多隻咖哩蟹同蒜蓉包返屋企食好過豬肉生菜包叫佢加左辣，佢用既香料特別多加埋啲酸辣醬汁，好開胃加左辣之後，刺激非常，至於生菜都好新鮮到個主角咖哩蟹，個咖哩汁好香，唔太辣加埋有蛋花洋蔥啲配料起汁內，用嚟點蒜蓉包一流，蟹就係肉蟹嚟，都好大隻好多肉，下一次都會再叫嚟食

今天與朋友突然興起想食泰國菜，便係朋友家附近找到間泰國餐廳。由於我地星期日關係，外面都有一大批人等候。幸好大約等了20分鐘便到我地。一坐下，第一時間叫侍應比杯水先，太口乾了。食到中段再次口乾，我地都想加水，不過由於客人多關係，侍應都不太理會客人要求。只是每次叫攞水都說okokok,最後佢應該厭我地煩，成壺水攞比我地，不過這樣我仲開心有得自己加水。食完三樣菜，蜜糖燒雞翼都未到，足足再等了20分鐘。我地選了以下四樣菜式1. 蝦餅一碟4件，且size都適中。可是沒有一般蝦餅的味道，味道很淡，完全無蝦的鮮味。2. 金邊粉味道ok,但未至於好好食。金邊粉內的餸菜不太喜歡，泰國人很喜歡的乾豆腐。3. 飛天炒通菜我好喜歡，味道很濃，可是辣味不足，如果辣味更重，直頭完美的餸菜。4. 蜜糖燒雞翼一碟4隻，全翼。第一口感覺唔錯，甜甜的蜜糖味，可惜第二口開始淡下來，雞翼只是表皮帶有蜜糖才好味。肉質卻唔入味。

在北區想找好一點的泰國菜館，真是一隻手數曬，而當中最受歡迎的，大概是牽晴間的金枕頭，因為午間及宵夜時段都設特價，除了份量會較少之外，價錢是$20不到有碗河粉或粥，夠便宜了吧？所以每晚都會見到人龍。星期天的中午，懶得不想動，拉了太太去吃午飯。先來一碟炒雜菜，不單有紅蘿蔔、芥蘭、紫椰菜之類，更加入了雲耳、白菜，很豐富的配搭，很健康但有時調較味道會偏咸。炸蝦餅真的熱辣辣，不過一咬開便會發覺油份太重，幸好一碟只得兩件，剛剛好的份量，蝦味老實說真的不多，總之是彈牙有嚼口。海南雞飯有點令人泄氣，雞飯欠缺油份，乾巴巴的又不夠香口，雞皮泡浸至發白，味道同樣泡走了。服務方面，為了接多點客，座位間是針插不下，人手不足，有時連水都來不及送上，店主也太計算了。可以的話，認真一點好嗎？

突然心血來潮想吃泰國菜便想起這巴士站旁的金枕頭午市餐牌相當吸引小食款式十分多所以決定叫一個金邊粉與數碟小食分享最有驚喜的是熱辣辣串燒沙嗲醬比較油，但花生醬十分濃牛肉不錯，豬肉很好可媲美串燒店水準炒金邊粉夠乾身，味道也足蝦餅夠熱，味道普通純為一過蝦餅癮而試甜品椰汁ok，但食到西米時已經好滯總括來說菜式有板有眼，價錢合理，可以再試

啟用了Openrice戶口多年竟然有店舖令我鼓起意志去寫第一個食評其實一年前已經常常到這家"金枕頭泰國餐廳"食物水準在北區數一數二而泰國菜亦相當正宗每當假日都要等位很久可能是生意太好食物的水準以及員工的態度在近兩個月每況愈下上個月光顧的一次味道差了很多當中泰式炒雜菜最難令人接受份量比以前少了一半而且看似是菜頭菜尾不要的部分炒成一碟假日更要比平時加多一成服務費今晚宵夜時段再次光顧大約晚上9:00到達看到門口大大隻字寫住9:30開始宵夜再入內問店員甲確認一下都是9:30開始因為早到了便到商場逛逛再回去到9:30進入店內 自行找了座位見到店員忙過不停坐了五分鐘才拿到菜牌我們奇怪為何是正價的菜牌便問為什麼還未開始宵夜店員乙竟然說： 「傻啦我地無咁早開始宵夜架」我們再問什麼時候開始她說：「話唔定架播 可能九點九啦可能十點喇 可能十點半啦亦可能今晚無宵夜...」真的很憤怒竟然可以用這樣的態度回答顧客我們保持冷靜找回店員甲質問她為何剛才說9:30開始宵夜更氣憤的是 她否認說過是9:30還說我們「屈佢」...「今晚生意咁好做乜鬼宵夜」原來一間餐廳生意好員工就可以有這麼恐怖的態度...我們幾人不與她們理

搬來粉嶺後, 經常掛念屯門的泰國餐廳,但試過聯和墟幾間都不如理想,星期日"泰國菜懚"起,上open rice 查查粉嶺還有沒有其他泰國餐廳可以止癢,發現了金枕頭泰國餐廳 Golden Durian Thai Restaurant,看過食評及圖片都不錯,立即起程。乘小巴到粉嶺火車站,然後步行10分鐘便到達,7時左右門口已經有幾個人等位,我們等了5分鐘便可以入座,簡單裝修的餐廳裏面有4面佛像,但人滿的時候,環境有些嘈吵,座位略嫌有點迫。晚市繁忙,服務員都很忙碌,但都不會對你視若無睹,尚算合格。由於肚子已經打鼓,快快點了生蝦刺身、酸辣海鮮湯(小)、泰式拼盤(小)和菠蘿炒飯。生蝦刺身首先上枱,眼見蝦的大小適中,一碟共有7隻,立即試一隻,蝦肉結實彈牙,非常新鮮,配上生蝦汁、生蒜和辣椒,簡直天依無縫!好好吃。酸辣海鮮湯是沒有辣度選擇的,有香葉、魷魚丶青口和蝦,味道酸酸辣辣的,很清新醒胃。(小)泰式拼盤有2隻雞中翼、2串雞肉肉串燒、2塊蝦餅和2條春卷。雞中翼、蝦餅和春卷上枱時仍然熱騰騰的,咬下去還燙了我一口,相信是厨師剛炸起的。雞肉肉串燒冷冰冰的,大概是早早燒好備用,影響了質素。我推薦餐廳的蝦餅,剛

今日諗住同屋企人得閒去呢間餐廳食個午飯...點知...估唔到真係咁差.一共叫了兩個set lunch同埋一個青咖喱雞兩個set lunch都好唔掂.咖喱好淡,無味.牛肉又得兩嚿.咁諗住叫左個貴啲嘅青咖喱雞會好食啲啦掛....點知...雞嘅份量係滿意嘅,但肉質都幾'霉'下...咖喱剩係得個辣字,無咩香味,就算佢落左九層塔落去煮都唔覺有香到.連椰香味都唔覺有.而且食完都覺味精落得幾重手下,反屋企飯左三大杯水都仲係覺得好口渴.旺角有間煮得比佢好食好多.我諗呢間餐廳我係永不錄用...

今晚跟左丹尼哥去傾生意!!晚餐揀左食呢間泰國菜"金枕頭泰國餐廳" 門外有四面彿的!!!!對比係附近的餐廳，如:客家好廚、茶餐廳等，個日唔想食中菜亦係一個唔錯的選擇!!生蝦鮮甜肉厚，唔會覺得食完好似無食過咁!!! 丹尼哥都話想食多碟!!!!青檸梳打好味道，糖水可以自己落多少，甜d又得清d又得(不過唔記得影樽糖水)酸辣無骨鳳爪停唔到口情度，食剩得返兩隻先記得影相!!!特別之處係可以揀酸辣汁分開別上，怕辣但鐘意食鳳爪的朋友又可以多個選擇，同埋有拌埋生菜絲，口感清新，爽!!!酸辣椰汁雞湯(叫左小辣)好足香料夠椰味!!唔知係咪天氣凍凍地，湯都跟埋凍得快，如果可以keep住熱辣辣咁就好啦!!泰式釀雞翼炸得好脆，糯米夠煙韌，不錯，丹尼哥order的!!芒果椰汁黑糯米(我摰愛的...)有白糯米、黑糯米或鴛鴦揀，黑糯米有益d，當然揀黑!!芒果甜，椰汁多，食完好滿足!!!椰汁西米糕(認真推薦，必食)好味夠大件，西米煙韌，入口唔會散收收，仲有芋頭粒，如果唔係飽，好想食多件，哈哈!!P.S.餐紙仲有溫馨提示同泰菜知識，很細心喔!!!今次係第一次去，係山卡拉的北區入面算很不錯，值得再去試多d其他菜色，下次要試下

話說朋友收夜同佢去食宵夜, 10點後入座冇乜人, 諗住快食快走, 點知哩位應該係老闆娘既短髮女士見我地點既野太小, 落單時言語及態度都好明顯係歧視緊我地咁, 後尾想加單仲好串咁話"我地收工喇喎!"就唔理我地, 入黎食野竟然一路受你白眼, 真係不知所謂既服務態度, 你唔喜歡既就學茶餐廳收最低消費, 咁既態度真係有今生冇來世, 唔洗旨意會有回頭客!

工作已經好幾年，舊同學都已經結婚，大家都很忙碌。很難得有一次機會聚舊。這次我們選了泰國菜。其實我是不太吃辣的人，吃泰國菜給我的辣辣經驗，我當然不會忘記。不過，現在很多香港的泰國菜館都已經把味道改良，把好味的泰國菜帶給我這些辣不得的香港人。先點一個”微辣的冬蔭公湯”，廚房已經很習慣”微辣”這個詞語，冬蔭公完全不辣是沒有意思的，一點點的辣，辣度令我可以接受，而且味道相當醒胃，經理話原來他們用的香茅必須是飛機貨才夠新鮮，才能做出這種與別不同的味道，否則只會變成一碗辣蕃茄湯，這是很好的一個開始。我很喜歡吃魚，點了明爐烏頭 - 魚最忌有鯹味，所以選料一定要新鮮。這次不多吃魚的舊同學也相當捧場，無他的，魚的肉質結實，鹹酸度適中，上魚的時候，還另上一碗湯。原來是店長的細心，發現很多點了明爐魚的食客到中途魚未吃完湯已煲乾，所以另上一碗湯，令客人可以馬上加湯，不會令美味的魚燒乾浪費掉。炸蝦餅 - 炸得外脆內彈牙，蝦的鮮味和醬汁的酸甜味配合得很好。另外這個很有趣的咖喱海鮮南瓜，喜歡吃南瓜的人有福了，南瓜十分甜，盛載著咖喱海鮮，配合印度薄餅，我停不了口。蜜糖燒雞全翼 - 這個雞翼燒得剛剛好，蜜汁脆皮配合多汁

粉嶺呢個地方.好食的東西.聚集聯和墟.來到這裏找地方食飯也要花點心思.眼見呢間店門口有不少泰國裝飾.店內亦坐得舒適.午市價錢只是30多元至50元,一切都合理.也一試無妨.一客海南雞飯42元..加一杯椰汁6元......椰汁:好飲.至少無加水.夠味....冬瓜湯也足料..入口也清甜..合格...主角海南雞飯:如果正宗的係起骨,切得細細件,這裏只是白切雞,而且現場看皮黃得不自然,肉也不滑.不甜什差.飯只也說夠熱.也沒有特別,醬汁也無出色之處.幸好價錢合理...豬頸肉似燒完好耐.有客人時才叮熱,,雖則肉味仍有..但不夠熱...在呢個地方食泰國評分要鬆手一點,才有OK..................

炸蝦餅-唔彈牙，一咬落去散哂菠蘿焗飯-一般泰式炒金邊粉-咬落去一舊舊串燒-一般椰汁西米糕-自己整仲好食過佢服務態度-唔夠人就請人啦，等左十分鐘先有人同我落單，一個推一個，而家食緊係幾百蚊野食，要有D servise唔該 : (