金枕頭泰國餐廳

營業中

休息中

今天去了一間位於粉嶺的泰國餐廳吃飯，好驚喜，發現有一系列以南瓜為主題的菜式，原來老闆是食素的，所以對素菜很有研究。她不是泰國人，但十分喜愛泰國菜，親自走到泰國挑選廚師，對餐廳的要求一絲不苟。前菜先點了一個金玉柚子生菜包，低脂、高織維、維他命C豐富，營養滿分。串燒牛肉/雞肉好好味，火喉十足，如果想食得較健康，可以走沙爹醬，減少油分和鹽分攝取。南瓜海鮮焗飯不錯，南瓜煮得很入味，而且煮得不油膩，值得一試。南瓜營養話您知:屬根莖類植物，含豐富澱粉質和膳食織維，給身體提供熱量，促進腸道健康，又可曾加飽肚感。 蘊含豐富抗氧化劑 - 胡蘿蔔素和葉黃素，有助保護眼睛、促進視力，亦可預防老年性黃斑部病變。 健康食泰國菜tips:吃雞肉時要去皮，以減少飽和脂肪攝取。 盡量避免醬汁，如沙爹醬和咖喱汁，以減少脂肪和熱量攝取。 盡量減少吃炒粉麵飯，落單時亦可以要求「少油」，建議改吃湯粉和白飯。 飲品要「少甜」。 甜品盡量「走椰汁」。 健康推介:金玉柚子生菜包,蕉葉燒銀雪魚, 泰燒大蝦, 燒鮮魷魚串, 燒雞軟骨, 串燒煙鴨胸, 各式沙律, 紫菜粉絲肉碎, 粉絲海鮮湯, 木耳粉絲肉碎湯, 泰式明爐生魚, 干煎倉魚,

平日都有去這間餐廳食,覺得都唔錯,所以今次朋友來粉嶺就介紹她們一起去試下點知超級失望...........我們叫左四人套餐($388),有咖啡炒蟹,炸墨魚餅,波羅炒飯,炒雜菜,串燒四串咖啡炒蟹-----好咸,而且凍凍地,蟹好細個,一d都唔值$150炒雜菜----好咸,不好吃炸墨魚餅,波羅炒飯,串燒--------還可以平日去都系散叫,金不換炒青口,炒飯等,都可以,如果下次大家千祈唔好叫套餐

我哋要嚟粉嶺，尊登早少少嚟呢度食lunch，我哋等咗一陣就有位。D枱比較迫，其實waitress已經好快手，但人手唔夠，我哋都要等好久才落到order。 我哋 order 咗 炒金邊粉($28)和火車炒飯($25)炒金邊粉 - 有花生、芽菜、蛋絲、豆乾、菜普和肉丁，少少酸，味道OK，但濕咗D。火車炒飯 - 有番茄粒、芥蘭和豬肉，炒飯不算乾身，但也算合格，豬肉很淋，味道OK啦。加$3有飲品，奶茶很濃但有苦味，紅豆不錯，紅豆很淋，椰汁味香濃。

差唔多1年冇黎, 今次同成班朋友黎食.咖喱大蝦 $98 咖喱好正!炸蝦餅 $38 好食燒豬頸肉$60 新鮮燒出黎, 一定好食, 個汁好正!!冬蔭功$48 嚴佢唔夠辣, 早知加辣.明爐生魚$98 好食, 湯有得refill. 不錯生菜肉碎包 $48 份量好大...........辣辣地, 岩我馬拉盞炒什菜$38 咸左少少蝦醬炒飯$50 泰式蛋包飯, 好得意. d 飯好好食地方ok, 唔算太靚, 但整齊. 出菜快, 食唔切張枱唔夠位....注意:藍帶 $6 抵飲甜品好食要等一陣位D伙計好忙, 最好一次過落單

想食泰國菜又唔想出九龍新界都有ｄ選擇，試左幾間味道唔同既泰國野，ｌｅｅ間有ｄ都幾好味出菜次序：１．酸竦鳳爪＄３２２．三文魚頭豆腐湯＄４８３．馬拉盞通菜＄３８４．菠蘿炒飯＄５５５．串燒雞肉＄３２６．蜜糖燒雞翼＄４４個鳳爪ｏｋ，三文魚頭湯清甜，炒菜夠香口，串燒個汁唔錯，菠蘿飯份量唔少，賣相一般，味道好，又幾配合用料，幾好味蜜糖燒雞翼等左好耐，不過都值得等既！要Highlight 既係lee到既味道同埋出菜速度

食過呢度d lunch set 好多次...而家個lunch menu update左...average d野貴左又細份左...d湯粉勁咸, 咸到食完成日個口都有陣味...d炒粉面就好油...炒飯我好少食....不過上次聽到隔離order o個陣都要專登request 唔要咁咸....可想而知唔係淨係我一個人咁覺得啦....而且太少waiter....想order野都要等好耐...可謂冇services同埋次次去親都好多小朋友o係入面....唔係喊就係大叫...想靜靜地食野都係唔好去呢度了..

7:00pm 已入座, 7:10pm 左右寫單 (寫單果位仁兄好像是老闆), 叫了"芒果思樂冰, 墨魚餅, 肉鬆生菜包, 魷魚串燒, 泰式炒河粉, 炒飯", 等了20 分鐘, 其他客都有菜上檯, 我們連飲品都未有, 小朋友已經開始肚餓, 即刻搵寫單果位仁兄問, 數分鐘後, 芒果思樂冰到了, 再等15 分鐘, 乜都未有, 在我們前面剛入來的兩人, 叫了套餐後 5 分鐘已經有菜上檯 (看見其他客好像都是食一樣的菜 --- 套餐), "火都黎埋", 即刻搵人問, 只說現在去睇睇, 15 分鐘左右上晒菜除了炒飯, 最後要再追多一次先黎齊餸菜, 寫單果位仁兄話厨房 Jam 單, 同一張檯 Jam 二次單???1. "蝦餅" 當 "墨魚餅" 又唔出聲, 問佢先話賣晒, (如果個客對蝦有敏感, 唔知係蝦餅食左就慘)2. "魷魚串燒" 又乾, 又濃, 又無味3. "炒飯" 太咸P.S. 以前 D 食物都幾好味, 而家就差晒, 唔知係唔係換左老闆, 可能人手唔夠, 7:00pm 都未到繁忙時間就出錯, 如果係繁忙時間就無眼睇, 以後咪攪我!!!

有個大陸朋友來玩,要搵特別野食,但係唔想出九龍,就睇下openrice附近有咩好食原來有間泰國菜係粉嶺,評價ok就去試試叫了冬蔭公 – 落足料,唔算特別但幾好飲咖哩蟹 – 呢個蟹個汁真係掂,我哋食左三碗飯!燒烤拼盤 – 雞翼同串燒好食,其他一般飛天通菜 – 個名搞鬼,其實普通炒菜,通菜幾脆可能人多,起菜等左約廿分鐘,仲係一齊黎,好彩個朋友多野講,唔會悶佢好欣賞個咖哩,話我好識食,第日再黎玩都要我幫佢搵地方喎於是今餐佢請客

e間泰國餐廳既午餐我已經食過好多次佢個餐牌由a~z,我都差唔到食過一半我最鐘意食佢個個係豬頸肉炒飯,好好味,又香抵食$30蚊都唔駛,加埋d小食都好好味咖哩豬扒飯都唔錯,椰汁多令到咖哩都好香但係人手方面好似唔係好足夠,我見到d待應都好鬼忙老闆可以考慮一下增加人手

星期四，太陽毫不吝嗇其熱力。繼早一晚食完泰國菜之後，是日晏晝同事提議試一間抵食泰菜館嘅午市套餐，一試也無妨。這裡嘅午市套餐款式數目驚人，由A至Z，除咗跳了三、兩個英文字母，都有超過廿款選擇。價錢由廿五蚊至三十二蚊不等。再加三蚊仲可以飲椰汁紅豆冰，三十蚊有找，十分吸引。由於早一晚食咗泰菜，是日對泰菜嘅興緻略減，沒有pad thai或泰式炒河，點了簡單的咖哩牛腩飯。咖哩呈黃色，但唔似泰國嘅黃咖哩，又唔似用咖哩胆開成。有點微辣，椰汁比例比較多，故食起來特別香口惹味；牛腩炆得腍，但保持肉質結構，冇被梳打粉洗禮嘅痕跡，十分美味可口；紅豆冰對筆者嚟講太甜，但紅豆大大粒有咬口，也不錯。同事話這裡嘅夜市小菜更出色，有機會要試一試。奈何筆者家在北角，一南一北，如果不是工作需要，真是大纜都扯唔埋。如果住响附近嘅話，必定會幫襯夜市。

呢間係我屋企人 gei 飯堂，成日都會去食，但家人都只會點 2 人餐... 但我同 2 號都細食，所以唔叫餐，想試新o野... 芒果思樂冰︰必叫之試，呢度 d 沙冰真係正，仲要係好有芒果味同好滑 ga!!! 夏天首選~~~ (不過我冬天都照飲 ga~~~ wahaha)鐵板蠔餅︰中式蠔餅就食得多，泰式就真係第一次。呢個係鐵板上的，熱辣辣，好脆口 ar~~~ 同中式 gei 都幾唔同下，中式蛋漿 gei 感覺會重 d ，呢個會脆口少少，不過呢個蠔 gei 分量又比較少 dd... 仲有泰式 gei 係點泰式辣醬 ga~~~ 出奇地夾~~~ 不過呢，唔建議 2 人叫呢個，2 個人食會食到很膩同埋超熱氣... 香辣豬肉碎炒河︰呢間 d 炒河勁有鑊氣，香辣肉碎功香口，正~~~我o地雖然叫 2 樣... 但都食唔晒 lol... @@ 好飽~~~ 滿足~~~

尋晚大約6點到,所以唔覺多人,當晚我地4個人叫左1客沙嗲串燒, d 肉幾新鮮彈牙1碟牛油雞翼1客蝦餅, 一般size1個冬陰公, 個冬陰公我朋友一個人就攪掂左(佢話好正)1個菠蘿炒飯, 份量唔少1個2人餐再加, 有個炒飯, 炒菜, 同咖哩2杯野飲(個餐包埋既)4個人飽晒, 冇加一仲有人頭大菜糕突然令我有d掛住泰國

有friend 叫我去呢度試試, 於是fu我同一屋人是星期六試試.wai 個真係一定要叫, 好香, 蟹大隻, 咖哩汁唔辣但好好好濃咖哩香. 十個正炸蝦餅就普通d, 吾夠彈but 有蝦味. 冬蔭公湯, 好食gor kowloon city 個d la.串燒雞牛豬+雞翼 吾錯仲香gor自己bbq 椒絲腐乳tong菜, 辣辣地 開胃醒神.真係估唔到個無介紹錯, 粉嶺都有好野食. 吾差得過kowloon city 個d名店.但是坐食吾舒服, d位有d細. anyway 食得happy, 好味. 都要推推巨.

我本身住係粉嶺，由於費是去咁遠食飯，所以就選擇左呢度我地一行四人叫左一個四人套餐有:咖喱炒蟹串燒四串炸哈餅炒菜蒜蓉多士波蘿炒飯飲品四杯(我地選左芒果思樂冰&南瓜沙冰)兩個甜品(椰汁黑白粿米&椰汁糕)咖喱炒蟹不太辣，個汁唔錯，用來點蒜蓉多士幾好由於我唔鐘意食蟹，所以評論唔到d 蟹好唔好食，不過我d fds 食哂成碟，應該都唔錯ge我自己就比較鐘意炸哈餅&波蘿炒飯我飲ge芒果思樂冰係真係新鮮芒果整出來，有d 似菲律賓飲ge mango shake，真係幾好味呢間金枕頭整體黎講都ok，不過又不至於好好食呢度野食ge 份量比較少，我地四個女仔食都係食淨少少可能有d 人會唔夠食

有朋友介紹這餐廳，於是星期日同屋企人品賞，雖然要等位，都不用很久，點了酸辣鳳爪，蝦醬通菜，炸蝦餅，燒豬頸肉，冬蔭公湯，南瓜咖哩，看見別?燒雞翼也好像好吸引那鳳爪汁好味令我停不了口，又點了椰青解辣炸蝦餅也很有水準，豬頸肉份量多但醬汁不可點太多因為辣味慢慢濃烈地散出，反而冬蔭公沒有很辣，南瓜咖哩原個?算是有點特色味道是很不錯，沒有大驚喜，想吃泰菜也會再來