金水壽司 (已結業)

第一次食這間金水，因女朋友話下午茶六折，叫左壽司: 甜蝦，三文魚，赤貝，帆立貝，魷魚鬚甜蝦一般可接受，三文魚有筋咬唔開，赤貝又細又薄冇味，帆立貝腥，魷魚鬚冇事，但全部壽司飯都難食，賣壽司，連d飯都難食，點叫人食。只有叫左三文魚骨(正價)可以叫食得落……可憐。未飽都唔敢再叫，一次咁多。這亦都是我第一次寫食評。

百食不厭的燒三文魚頭，雖是魚頭但有很多肉，滑滑的，不老不"鞋"，好味道！這次海膽壽司不及蟹膏壽司美味，蟹膏有點肝醬味道，鍾意！炸雞軟骨稍為淡了些，要加七味粉，火炙蟹棒壽司唔加蛋黃醬更好味！

今次又黎食金水~不過就試旺角個間~我特別鐘意個極上火炙壽司盛~燒左之後又不失本來既味道~~!~!反而更增加個口感~蟹膏壽司鮮得黎唔會太過~!三文魚刺魚好過某D壽司鋪多多聲~幾新鮮丫~!有D特別D都唔記得左咩名~整體黎講我都係會再黎食架~

今日出街同女朋友仔拍拖...佢突然話想食壽司之前同另一個FD食過九龍城金水...今次就試下旺角果間因為晚市時間去...所以唔使等即刻有位!!上到去環境都唔錯...又有個大魚缸...啲樓面安排我地坐係窗口位開始叫野食...呢間有晚市特選,,見到有個『三文魚盛』$38幾平叫左個試下嚟左之後有刺身有壽司有火灸壽司有軍艦,,每樣兩件又唔同款都幾好呀啲三文魚都幾FRESH,,亦外叫左小小壽司...有天使蝦,,帶子,,油甘魚等等樣樣野OK,,盤壽司個師傅仲玩左啲小玩意...有啲煙久出嚟幾靚幾有心思!!我女人鍾意食軟殼蟹手卷,,,所以叫左一個,,蟹夠熱又多料,,都唔錯!!全程都只係食左壽司已經夠飽...無食其他野了!!不過覺得貴左少少,,不過應該係最低公資所以加價!!不過下次都可以再嚟食過

之前食開尖沙咀加連威果間分店,但有時落到旺角想吃一下平價日本菜 ,所以選了金水 , 蕃茄濃湯肥牛手打烏冬- 濃郁蕃茄湯底配旦花-肥牛多不過要快點食哂, 否則烏冬會變唸,呢個烏冬是沒有6折的, 但我覺得都抵食, 大大碗!

今次係我第一次黎金水食, 因為是日假期, 十點後就會有折我地九點四十五黎到, 已經有好多人拎左飛等緊啦等到十點左右, 開始叫飛入座我地點左蟹子沙律, 三文魚壽司, 火炙蟹棒壽司, 火炙三文魚壽司, 牛舌, 炸蝦...推介火炙蟹棒壽司, 火炙三文魚壽司, 炸蝦, 金水雀巢 火炙蟹棒壽司 & 火炙三文魚壽司推介!!! 非常新鮮蟹肉, 必食! 火炙系列很不錯!!!炸蝦新鮮炸起, 炸醬鬆化, 蝦又夠大隻, 不錯! 嫌沙律醬不夠!牛舌牛舌好厚, 好難咬開, 好韌!!!鵝肝壽司比起元氣而家推廣的鵝肝壽司更好味, 但不及板長大件, 不及板長好味! 有名女待應行黎行去, 百無聊賴, 感覺其他待應都怕左佢咁女待應著黑色長袖恤衫, 手袖鈕唔扣住, 手袖Fing黎Fing去做服務業, 衣著要整齊, 我唔明白點解要手袖Fing 黎Fing 去囉? 型咩? 我唔覺!佢黎幫我倒水, 我已經想話佢手袖之後佢送左碟壽司上枱, 佢手袖已經接觸到食物我就忍唔住話佢, 難道金水入面冇人覺得佢手袖有問題?!

今日有同事last day ,而大家都想食半價時度,首先我地係選擇左一壽司,其後因為太多人所以兵分兩路,去油麻地金水壽司等,起初公關姊姊話我地17個人一齊就可以立刻上去,當時我地未一齊就沒跟進,之後到2300我們17人都到齊後,再次詢問時候就話上面full在,要等一等,我地心唸等一等沒所謂,結果差唔多30分鐘開始唔對路,係我地後面d 2位 4位都上在去,但我地17位都沒有~再去問公關姊姊hold在一張比我地要再等,而問佢幾時有,佢就話上面唔走我沒法,好你沒辨法!!!!你地經理有啦,之後我地要求見經理,反而經理先生叫我地自己上去,心唸 咩態度叫個客自己上去見你估見工~當上去之後眼見有一張8人空台,心想有台都唔比~同經理理論,過程中經理態度令人極為不爽~~之後我地17人就分在台坐形成在T字,老實在等候期間公關姊姊沒問過介唔介意分開坐,而當我地人齊時候我地主動題出可分台坐~當叫野食,服務生態度好差地問你地想分單落定點(等位過程中點在好多壽司),有需要加茶時候叫在5 6次都沒人回應,其後比個熱水壺叫我地自己來tim,我個同事因為咁差d燙傷..............最後賣單首先比在張未折的單要

自從金水由半價改為6折後都好少去...今次同個FD行開呢頭,見下午茶時間就再去試下!!WAITER叫左我地去最偏僻ge卡位...次次都冇人理...-___-"然然開始點野食...以前食會覺得好好食..依家只係覺得普通...

我是金水壽司下午茶和宵夜時段的常客。因為有六折，食得爽快。經驗油麻地：下午茶大多時都不用排隊，即攞位上樓。 晚上平日應該不用等位，但六日便要拎票，然後等叫號碼。 不過都不是等太耐，可接受。ＴＷ：晚上的時候都是不用等好耐便可入座，而且金水大多都很快有野食;) 初時，都只是別些普通的壽司，如三文魚壽司，鰻魚壽司，軟殼蟹手卷，蟹子沙律，火炎帶子等。吃多了，想吃些吃的，便叫了一些奇怪壽司，即是一些$ 3X // $ 2X 價錢既壽司，抵食又好食，食完仲想食，兩個人去，一人一件都唔夠喉。不過，食三文魚的話，刺身的厚度就要睇下個日好唔好彩啦，一時厚一時.....

這天決定與男朋友吃壽司,一直都選擇不到去那一間吃才好最後決定到旺角的金水壽司食---我地大約係夜晚8點45分差不多上去,9點先落單首先價錢先不談,環境有點冷清!坐左之後,我地傾下食咩啦~~揀好左啦~男朋友飲左一啖茶,佢個樣有D異樣佢叫我飲啦~我飲左之後,真係O咀!!!杯茶竟然係凍嫁~~麥佢係用凍茶做飲品嫁?我未試過食壽司係飲凍左既茶揀壽司果時,我見到有一個一人晚餐既MENU,我諗住睇下有咩好食啦~但係我想問侍應拎,,,但係冇一個係見到我舉手落單果時又係,侍應唔係有個忙緊上菜,就有兩個企係收銀處傾計~完全見唔到有客人舉手,,,即係我知,,,全場得4台客,,但都唔洗個個走晒去做其他野唔理班客掛?好啦,,,,食物開始上菜,首先個烏東啦~,我覺得冇咩問題,但男朋友話個湯底鹹左少少之後壽司,三文魚...質素差,價錢唔值這個價玉子壽司,,係我食過其他公司既玉子壽司,依次食既最凍既一次喜靈魚冇咩特別,蝦也是但係我一心見到佢推介軟殼蟹手卷,而我個人又比較鍾意食,,咁叫左兩客啦~結果黎左既時候,兩件同一款既手卷竟然包法係差咁遠~一件係將材料包晒係入面,另一件係好似包好晒D飯~之後先放上蟹子同軟殼蟹一拎起

第一次到金水壽司食野，彌敦道銀座廣場果間，地方清潔，招呼普通，但食物就差勁！非常失望。紫薑任食，但睇落都唔新鮮，食落都係唔新鮮。芝麻八爪魚 $16一上桌，嘩！咩ｏ黎架？個樣好難睇，上面加左好大堆醬，重要係 2 條中型既，唔係細細隻一口一隻果種，唔好食，去超市買果Ｄ重平重靚啦！三文魚壽２份 $20魚唔新鮮，無魚味！辣味螺肉 $16唉！又係睇落去唔知咩樣！賣相嚇人，又係一堆醬係上面，無咩好食。三文魚手卷 $13 炸蝦手卷 $16辣味三文魚手卷 $16辣味螺肉手卷 $15所有手卷外既紫菜都係咬唔開，大家好努力咁一面食面扯開紫菜，有無搞錯呀！ 炸軟殼蟹天婦羅 $38蟹2 隻，普通，唔算好食雞軟骨串 2 份 $52普通，但已算係今餐最好食既，唉！雖然唔飽，但實在唔敢再叫野食，4 人共 $222我唔係一個食野太厭尖既人，但呢度ｄ野食........以後都唔再去幫趁襯呀！

食過「金水壽司」幾次其實只有下午茶時段或者宵夜時段抵食因為大部分野食都有六折第1次去油麻地依間明明個場好大 有好多台但系d侍應系都要迫你坐2人台個場又唔系爆 都唔肯比張4人台你坐食左個幾鐘 個場5成客都坐唔到服務完全系墨守成規 唔識變通講番野食先 其實依度d野食唔錯唔介紹太多啦 睇相啦^^必食推介: 火炙蟹棒壽司!!!!!埋單都系$160 十分抵食抵食!!!

二人午市套餐只收98元加一, 包括有 : 天婦羅一客, 三色刺身共6片, 麵豉湯兩碗,沙律螺絲粉兩小碗, 小辣蓮藕片兩小碗, 可選白飯或烏冬各人一碗, 洋蔥炒牛肉一碟, 加州卷兩件, 冷熱指定飲品兩杯. 本人覺得烏冬較白色抵食, 起碼多片日本魚蛋在內.最好味是當中炒牛肉的汁, 混合這細片的洋蔥, 味道和熱度剛好.而天婦羅有兩隻爽蝦, 其餘 : 蕃薯 青椒 茄子 南瓜 各一片, 全部都能保持食物中的新味.三種刺身中, 吞拿魚是無根厚切, 三文魚是新鮮肥美, 但這兩隻蝦刺身太軟身,就不新鮮, 所以我已問了待應下次選這種套餐能否改動其中的某款刺身, 回复是:套餐內同價格的刺身是可以改動了. 下次我來就不選那蝦刺身, 以防萬一.整體上, 食物環境價錢服務都ok, 只是冷氣很勁, 和要等待很久才將飲品奉上, 而遞上其他食物的時間都算超速, 不用怎樣等候.

呢度一直係我至喜歡的壽司店一個月嚟幾次.09年都係呢度寫過食評大贊不過好可惜呢次已經係我第3次幫襯覺得食品唔新鮮先彈.第1.2次當咁啱唔新鮮姐珍寶帆立貝無鮮味而且完全唔凍有微暖既温度真係好怕唔凍又唔係熱咁食會肚痛牡丹蝦刺身個蝦頭已變黑哂好明顯又係唔新鮮海胆壽司海胆有種好苦好難食既味最過份連紫菜都好似過咗期又唔脆又有油（憶）味點解宜家佢地Ｄ食品可以變成咁架,係咪分店多咗客量唔夠多.我見好幾間都唔使點等位係咪因為經營成本問題所以訂Ｄ質素低Ｄ既貨呢已經係我第3次幫襯都係咁難食我唸唔再係咁啱唔新鮮係訂既貨唔再新鮮就真曾經係我最喜歡現在唔會再幫襯啦

很久之前曾在這裡晚餐是不錯的.. 但今次在這裡下午茶的感覺便大不如前..這裡的環境沒有新開的分店闊(落).. 感覺有些(擠)迫..服務員更像似遊魂.. 看到你在叫他時.. 他也看當作看不到似的!可能環境氣氛的影響下.. 食物好像是麻麻.. 一般得很..各種壽司也可以.. 算是新鮮.. 只有蟹膏弄得不是太好.. 水份太多了.. 口感變得差一點..玉子沒有蛋的味道及乾身.. 珍寶帆立貝像是細少了一點!整體來說.. 真的差了