金沙日西料理 (已結業)

WA~~~杯茶真係唔掂LAW~~~~飲左一淡後唔敢飲~~5個人叫左- 三文魚刺身- 餃子- 海鮮炒飯- 牛肉煱+烏冬- 刺身沙律除了三文魚刺身和餃子正常外, 其他都係唔得都知出事架喇, 成個沙田食肆都要等位, 連隔離的太興都要等, 唯獨lee間唔駛等........唉~~~

5個人夜晚去，叫左一個雜錦魚生，百五蚊有埋海膽，算係抵。叫左招牌菜沙拉天婦羅蝦&冬菇，好味道! 又叫左個38蚊叉燒拉面，有5塊叉燒!湯底味道唔差，又夠熱。又加左個燒餅，味道同墨魚小丸子，幾好味! 另外仲有魚生菜沙拉同海膽炒飯，都唔失望。餐牌上選擇唔多，但整體上樣樣都幾好!!

價錢不是便宜, 海膽sushi 要$38 一碟(兩件), 但係全部都係手握同埋即叫即做, 十分新鮮, 可惜款式不多^^

某平日到這裡食下午茶. 最平的拉麵套餐好似係$24, 貴少少的拉麵套餐大約$32-$38左右. 所有套餐有免費冷/熱飲, 不加一.... 價錢ok!d 魚生好大舊,幾好食..塊炸豬扖幾大塊, 好好食. 拉麵ok, 湯低幾重味我去果時大約4點左, 無咩人.. 態度ok. 不算特別好. 但不算差..

早前透過朋友的介紹,亦上過金沙的主網頁,食物大都很吸引,於是前晚帶同男友前去品嘗一番,服務態度不過不失,服務生很主動前來跟進每一個人客人的需要,態度友善,加荼的時間亦剛剛好,不會是見杯底才來加荼,值得一讚.大廚手藝不錯,沙拉天婦羅和軟殼蟹青瓜蟹柳卷配蟹子,甜品黑芝麻燉蛋超級好味道,i like is so much.整體上食物亦很不錯,亦值99分,無奈烏冬破壞了食物上的1分.>m< 希望有待跟進.

有次同同事去食lunch,d set lunch都幾ok ga,不過d服務就非常之bad,又唔笑,叫佢地埋單又耐,上野食又慢..下次有人請我都唔會去呀~~

星期六的沙田堆滿人潮，想找個地方吃午飯也要輪候好一段時間。走到金沙，不用等位，眼見餐牌上的套餐也挺吸引的，二話不說便拉著媽媽往內走。裝潢尚算不錯，坐位間隔不會過迫，午市食物雖以套餐歸類，但仍有十多款選擇，不錯。先來沙拉和燉蛋，沙拉罕有地加了合桃，並以醋代替沙拉醬，看起來感覺清新健康，可惜沙律菜混入苦的菜葉，主觀來說，我不愛吃。燉蛋開始戳下去，還以為是一般貨色，誰知越近碗底位置越發多料，包括瑤柱、草菇、蟹柳...不俗。前菜不錯, 主菜失望，壽司過腍沒有口感，燒鯖魚鮮味不足，只有鹽燒味道，不是珍珠米的白飯，還有糊口的烏冬，全不合格。當然, 一分錢一分貨，這裡的食物質素和價錢尚成正比, 呵!

今日下午,我連同十位同事去金沙食午飯,我地前後order左幾個set lunch.....點知,等左半個鍾都未黎齊,之後叫侍應去跟進.但食物都遲遲未到!!!上菜效率好慢.....如果d野食上得咁慢,就算d野食幾好食,我諗我都唔會再返黎羅......最後,要搞到我地搭的士返工.....激死人呀!!!!

o野食細細件,但係位就幾好坐,服務麻麻地.最差係果張老土o既墊桌紙,好「娘」.總括o黎講不過不失.

琴晚我同d朋友三個去食飯，我地問個waitress有乜推介，個waitress話”係晒本menu入面”，我地已經覺得咩服務態度!!! 算啦~~咁我地遺有唔理佢，自己叫野食，事實上d野係幾好食，雖然款式不多，但以佢咁既價錢有咁既水準都唔錯，剌身好新鮮同d蒸蛋一流。但係佢地上菜勁慢，但收野就好快，竟然我個碟仲有兩舊壽司，佢地都可以去收左我隻碟!!!!! 叫佢地埋單好似叫佢地去死咁!!! 佢地咁答囉︰“得啦，埋單呀嘛!!”，之後佢仲要同d同事大聲講"又埋單啦，快d啦，唔係又吹家啦"，我地聽到之後勁嬲囉，一蚊tips都冇比佢。我建議各位如果想去金沙食，要先考慮佢地d服務態度，否則食到一肚火。

尋晚一行四人到此食晚餐，以每人花了100蚊左右的價錢，食物方面一般，唯其服務態度卻令人不快。首先，侍應在客人面前嬉戲(互打patpat)已令人側目。問個侍應有關menu的事，如一客金菇牛肉卷有幾多舊，完全發緊夢，乜都話唔知。冇錯，之前有食評人讚呢間野經常有侍應加水，但我想講，我o個有四個杯，佢only加一杯水...(但當時我已拎埋其他杯俾佢...但佢視若無睹...)還有，埋單時，埋左十世都冇人理，叫多佢地兩次，得到的回覆是：「得喇，埋單丫嘛！」，還有「31號又埋單喇！」汗晒，敢問「丫嘛」「又埋單喇」，是一個侍應對客人應有的態度嗎？所以，在沙田有咁多間選擇，呢間價錢唔係平，服務態度更加冇謂提，我實在諗唔到有乜野理由會再去幫襯!!!

星期日睇完戲, 想係沙田食日本野, 朋友就話試下呢間. 8點幾去到, 唔駛等位即刻有得入, 換轉和民就可能有排等.order左2客sushi, 網燒西冷牛扖, 天婦羅蝦稻庭烏冬, 免治雞肉軟骨串, 明太子雞翼. sushi d 魚生斬幾新鮮, 不過就細件左d, 牛扖好味, 個天婦羅蝦都唔錯, 唔會食落好多炸粉, 不過d 烏冬就"痴"實晒, 好難食. 免治雞肉軟骨串剩係食到免治雞肉, 冇乜軟骨, 口感麻麻, 個明太子雞翼就覺得一般啦.服務不錯, 成日都加茶. 總括來說, 都可以試一次.

我地order左一個精選.一個燒魚,2個壽司set,仲有個咖哩套餐!係同一時間叫o既!佢地d野食係就足足等左成9個字先黎齊晒d野!勁不之所謂!我叫佢地d待應幫幫跟跟d野食~佢好衝忘咁應你一句‘等等’我足足吹左幾次先黎齊晒d野食!下次都唔會去!服務態度一個字‘差’。野食幾好都冇咩用!好心佢唔夠人就講多d人啦!我俾成幾十蚊食一個餐!咁ge服務態度點得嫁!

間餐廳價錢及環境都算ok,食物就一般,不過啲服務就非常差!我哋坐喺房,待應唔會主動倒茶,叫佢倒茶,唔應你架噃,叫幾次得一次應你"等等呀!"(非常侮氣)個經理自己落錯單,又話我哋叫錯,佢自己repeat order時無講錯架噃!總之就食到一肚氣,下次都唔會去!

下午茶都抵食架~我叫過幾次燒餅+2件3文魚壽司餐，燒餅等得有d耐，因為要即叫即整，但係好好味，勁多木魚加在上面！我覺得好味過和民~~ d 3文魚又新鮮又切得厚！正！好味！本人唔太鐘意食3文魚都覺得好味！set lunch都好正！我叫過牛肉定食，不過本人略嫌唔夠牛肉"" service方面d waiter, waitress都冇乜野…不過係唔知點解佢地成日去左邊？！好難先可以叫到野同埋單……overall 係ok ge！都保持到水準ge~食得過~