金泰屋

營業中

休息中

上星期朋友話去食泰式午餐，天氣咁熱，有頗多露天枱的金泰屋，有點怕怕。但原來夏日炎炎，大家都走上一樓冷氣雅座，咁又唔同！由東涌地鐵站，經過消防局，沿途有街蔭，不算辛苦。我們三人點了泰式海南雞飯、泰式豬手飯、星洲炒河，包一杯飲品，午餐供應星期一至五1200-1500。還送上一碗餐前蕃茄薯仔湯，非常貼心。炆雞翼飯，香茅豬扒飯、泰式生牛肉湯河及泰式叻沙海鮮湯河是我下次的目標。午餐坐無虛席，原來這裡晚餐仲熱鬧，要企街等位的

今日有要事到東涌工作，預計晚上會食埋晚飯，當然識食 ge 我，要揾下有乜嘢食先......泰式肉碎生菜包(豬肉)，豬肉好味不在話下，生菜夠爽甜大蝦柚子沙律，上枱時柚子還有微微的冷，配上酸酸的汁及腰果一起吃，令我得開胃泰式豬手(半隻)，有酸菜伴碟，豬手很淋，豬皮嫩滑，伴上辣汁一齊食很惹味鹽燒盲曹，很有肉汁及嫩滑，燒到恰到好處咖哩軟殼蟹農夫包，有三大隻軟殼蟹在內，很滿足，好大個包呀食泰菜點可以無泰啤，啤啤佢先呢餐泰國菜大家都食到好滿足，食物質素今晚被安排到户外座，店舖亦很細心在每張枱的下方放置蚊香，唔怕俾蚊蚊針針

今日有啲閒情，搭車入東涌行下outlet，朋友推介去呢間食泰菜，夜晚都幾旺喎，我地揀左坐樓上冷氣位。店員送上清水同餐牌，杯水有少少味，唔會淡。炒通菜$58: 幾有鑊氣，幾惹味，份量都好多，調味適中。泰式椰汁雞湯 細$78: 有人想叫大份，好彩我制止，兩個人點會要大份的？其實細份都飲唔晒，雞湯味道酸中帶鹹，個人覺得幾鹹，所以飲得唔多，湯內有好多雞肉，都算滑但唔太濃味。泰式豬手半份$68: 朋友極力推的菜式，果然豬手煮到好淋，豬皮又軟又有膠質，肉鬆化，比泰國食到更好食，啲鹹酸菜就太鹹啦，青瓜同蕃茄就好新鮮。蠔仔蛋餅$78: 雞幾滑，蠔仔都多，唔腥，幾好食，但底下嘅芽菜就無咩味啦！

由北大嶼山醫院行出來，就見到呢間餐廳，就入去試下！今晚都唔算好熱，坐户外都有大風扇，所以唔太辛苦，但係會有蚊咬，我一坐底就咬左粒我地2個人，叫左馬拉盞炒通菜，大蝦柚子沙律，泰式炒金邊粉，芒果糯米飯同一杯龍眼冰。馬拉盞通菜:好香馬拉盞，夠味又唔會太咸！大蝦柚子沙律:好多好好味既柚子肉，個汁酸酸甜甜，好開胃。泰式炒金邊粉:面有好多生芽菜，本人怕生，所以無食，但個粉幾好食！芒果糯米飯:熱辣辣，椰漿味道岩岩好，可惜芒果酸左啲！每碟分量都夠大碟，味道都算唔錯，價錢唔算貴，係東涌終於發現多一間好味既餐廳！！

早前在新加坡吃過了叻沙，結果51蚊港紙還連熱飲就可以回味一下，基本上係東涌已經無得投訴。而呢碗 泰式叻沙海鮮金邊粉 ，店家應該係幾用心良苦地煮出來，續碗續碗地上枱。碗裡有蝦，魷魚，蟹柳，半邊烚蛋，芽菜，生菜，豆卜，蘿蔔，真的豐富。金邊粉上枱時椰香噗鼻，嘗湯一口，湯頭夠滑，金邊粉與芽菜比例剛好。叻沙，本應為星馬美食，還以爲會加上泰式口感，奈何發現口感極差！湯不夠鮮亦不夠濃，豆卜得一件是絶對地少，還有叻沙重中之重的「蚶」 ，一碗出色的叻沙一定有蚶！總結此叻沙以多餸取勝，但又比一個咖沙即食麵差。

食lunch食到去東涌真係第一次，朋友介紹來呢間金泰屋，去到見到lunch價錢＄47左右一個餐真係好抵，而家好少有40幾蚊嘅lunch。串燒即叫即燒， 熱辣辣。仲有個薄餅， 好正，唔算油膩。環境舒服唔迫，服務又好，應該係正宗泰國人開的，又唔洗等位，下次黎開東涌必食之選。

依間泰國餐廳有outdoor坐幾有feel呀，而且係泰國人開的，去開東涌都會順便入去食下泰國菜😁😁食泰國野頭盆點可以唔叫生蝦？依間泰國餐廳d生蝦好大隻好厚肉又夠凍😍😍😍咬落蝦肉爽身鮮甜，點埋個醬汁酸酸地好開胃👍🏻👍🏻而蝦頭炸到蘇脆，仲要有蝦膏食落好香口😋😋😋點解炒個菜都可以咁好味😳😳好多時d泰國餐廳個椰菜苗都炒到好硬身，但係依碟有咬口得黎又唔會太硬，入味得黎又唔會太咸，簡單d黎講就係好好味😂😂 碟菜一上枱9秒9清晒😋👍🏻唔講唔知依個椰青成個頭咁大🙈🙈🙊望下入面d椰汁滿到就黎瀉😳 一飲就知個椰青勁新鮮，完全一d酸味都冇，勁清甜👍🏻👍🏻 而且雪到凍一凍好消暑解渴呀☺️☺️ 連d椰肉都好好味😋依隻蟹勁鮮甜呀！咖哩偏甜又不太辣，啱哂我依d唔太食得辣既人👍🏻 食咖哩蟹一定要叫埋蒜 蓉包或薄餅，依度兩樣都有！個薄餅有少少脆，蒜蓉包勁香蒜蓉味，點咖哩汁食一流呀😋😋

據聞此店冬蔭功炒公仔麵味道不錯，作為炒公仔麵愛好者的我當然不能錯過。此公仔麵的配料十分豐富，有很多豬頸肉﹑鴨胸﹑青紅椒等，而冬蔭功的味道也很突出，炒得很入味，麵條煮得剛好，整體上非常不錯。唯一要挑剔的是，麵條的用料較差劣，美中不足。但整體而言，這一頓還是非常不錯，令我維持對此店一貫的良好印象。

Iced Thai Chai Don't have much expectation as I thou it might be ordinary local milk tea, but it turned out quite Thai not too milky nor too sweet even I didn't ask for sugar-reduction. Tong Yam Kung SoupRight sourness but it's not spicy at all, but it's s good starter! Crab Fried Cake As mentioned in another review that crab cake is like factory-made, it tastes equally the same. Chicken and Pork SkewersIt doesn't taste like grilled but the flavour is a nice one, still tender. Green CurryNot a t

今日同事同我FAREWELL，去左公司附近既泰國餐廳食晚飯。好耐無試過係露天茶座食嘢，好好FEEL，仲有流行曲播放。睇到飲品有龍眼冰(熱/凍)，由於貪玩，就叫左一杯熱既黎飲，仲問職員點解我杯龍眼冰無冰。可能飲慣凍，熱飲好似糖水，同埋好細杯。其他叫左泰啤，買三送一。前菜叫左炸蝦餅、豬頸肉同蒜蓉包，炸餅熱騰騰，好正，內軟外脆；豬頸肉正常啦；蒜蓉包好足料，好好味主菜叫左個雞肉青咖喱、馬拉盞通菜同海鮮金邊粉，青咖喱好香濃，馬拉盞通菜就辣左少少，金邊粉就不覺不失。最後，我地叫左一個芒果糯米飯，估唔到係心型都幾靚，呢個甜品都幾好食。

  每次去到東涌都唔發現有一間咁特色既餐廳..服務..食品品質..環境方面都一流  (服務)上一次去可能係星期五比較多人..等位較耐..外婆比較長氣..不停問有台味..問到我都覺得唔好思..          但服務生都好有禮貌..然後因為我地想要影一張全家福叫左服務生幫我地影..佢地都好樂意..  (食品品質)個次去係一家大約有7人左右去..所以叫左頗多菜..                串燒及燒雞..由真正正宗泰國人燒..因為燒烤部分係外露冇廚房..菜到後係新鮮熱辣辣..配上泰式甜醬完全MATCH哂PERFECT                菠蘿炒飯...係新鮮完隻菠蘿呈上甜甜地既炒飯正啊                冬陰功湯...通常人地泰國餐廳係一大碗上但佢好有特色係以一個煲下面介有火助熱D湯,湯入面D配料樣樣都好大件無論蝦定姑類                其實仲有好多野食但係件件品質都唔差..以上係我最欣賞亦最中意既食品..雖然有小小遠但我真係覺得值待一試 

來到東涌, 睇下有冇好味的食物先！Openrice一看, 這間店的網評都不錯, 不坊一試喔~ 距離東涌地鐵站約10分鐘路程, 遠處都已經聞到香噴噴的燒烤味了~ 本都以為只是清水一杯, 當飲時, 一陣陣的椰青清香味滲入了我的味蕾, 老板真的很細心~ 東蔭功湯(小) - 有兩隻新鮮蝦開邊、秀珍菇、車厘茄等等、當然不少得加入了泰國的香料如香茅和南薑等等, 口感是偏酸帶點微辣, 湯較清淡~ 牛和雞串燒 – 也許這是必食之選, 參不多大部份的客人都會選擇, 值得一讚是一般配料是用已打好的香茅粉, 但他們是把新鮮的香茅打得很細, 一方面有香茅味, 同時帶出肉的鮮味, 金香外殼, 內裏仍滿載肉汁, 好味! 但醬汁就好唔得囉~ 鲜蝦柚子沙律 – 失望! 蝦無蝦味, 但柚子和配料都很新鮮, 只是個汁實在太鹹了, 食到底時已無法進食了! 芒果糯米飯 – 忘了相機先食tim! 整體來說都不錯, 但個汁就比較甜~ 為什麼名為「椰味飄香」, 是因為每道菜都加入了淡淡的椰子成份在當中呢!

香港的泰國菜館, 只要有泰國人廚師坐陣, 食物都在水平以上。但令人難忘的只得少數, 打開Come Thai House的menu, 在平凡菜色的基調上加一點特色, 是她們驚喜搶分之處!  咸蛋都可以做沙律?? 都咪話唔得, 味道很跳脫 (就是我喜歡囉)溫馨提示: 試這款沙律, 其他菜式可選味道較清淡的~清趣可口的椰菜苗, 就是選錯了燒肉炒, 跟咸蛋沙律搶味>~<魚蓉炸得外酥內軟~~~嘩~好多蝦呀! 好耐冇食過特別好食o既串燒, 這個有7/10分朋友頭號推薦的*勁多蒜蓉*包3檸!! 我好酸一定要試, 但配搭重口味菜式, 都覺得頂唔順呢>p<入坐室外都唔熱, 幾部冷風機侍候食客!

同同學去東涌踩完單車後, 聞到附近餐廳香氣, 反正沒有目標, 決定睇睇呢間餐廳試下。因為同行得2個人, 所以較易有位, 聽到附近入座既人都係預先訂左位。坐低叫餸, 分別叫左炒通菜, 泰式生蝦同埋海南雞半隻。期間服務生提供左暖水俾我地, 飲既時候發現有暖暖既椰子味, 挺特別。頭盤出現既係生蝦, 點既醬酸酸地好開胃, 食完蝦見仲有炸蝦頭食, 蝦頭可以伴飯。之後上既係海南雞飯, 雞肉唔凍冇雪味, 但雞皮味道一般, 而如果師傅可以將雞肉切薄一點, 入口將更佳。泰式炒通菜不過不失, 食落唔會過晒味, $58都覺得算係幾抵食總括, 黎到一定要叫個生蝦, 食緊果陣都見唔少人叫, 個海南雞就隨自己喜歡, 人少有好多菜都冇試到, 如果有機會會再試下。

爸爸媽媽主動邀請水太太到東涌吃餐生日飯就在北大嶼山醫院旁邊第一次到這金泰屋吃飯，室外環境一流，好像到了泰國渡假村般但我們到了的時候室外已經滿座，唯有在室內進餐先來杯龍眼冰，很多龍眼肉，不算很甜，OK泰式炒通菜，很惹味，很香，而且菜很清甜，YUMMY!!泰式拼盤 ($178)比想像中大盤，因每一件份量不少呀鳳爪沙律味道酸酸甜甜很清新呢，好味道﹗炸蝦餅很正，啖啖肉，而且炸得很脆，上菜時新鮮出爐，熱燙燙的﹗春卷也很美味呀，內裡很JUICY，外皮夠薄又很脆~~香茅雞翼炸得脆卜卜，肉汁很豐富，咬下去肉汁都彈出來了的，正到不得了~~還有炸魚餅，炸得夠脆，肉汁都保留了，YUMMY!!蒜蓉炒椰菜苗 ($58)這是侍應推介的，椰菜苗水太太是第一次吃，算很新鮮，不錯~~泰式燒烤拼盤 ($188)似乎泰式燒烤是這餐廳的主打，我們當然要試試吧豬頸肉、串燒豬肉、串燒雞肉、雞全翼、牛肉、魷魚全部都烤得很香而且汁料很入味，只嫌略為油膩沙爹醬超美味，還有酸辣醬，加起上來更加惹味了 菠蘿海鮮炒飯 ($88)看餸菜都滿到快瀉了，海鮮比預期的大隻和多，不過當中很多都只是急凍食材但味道不錯，YUMMY!!很豐富的一餐~~能與