金滿都越南餐廳 (已結業)

第二㳄食呢間，即叫咖喱雞飯。份量夠曬大，雞和薯仔的份量岩岩好咖哩汁有香濃椰汁味，雞肉都很滑🉐️,薯仔好入味，比美連鎖快餐店大xx的招牌咖喱試咗同事的咖喱牛，覺得雞比較好吃呢45蚊包熱飲烤雞湯檬平啲3x元，但有點油

呢日lunch時間經過呢間，就入黎試下。$45一個餐，價錢還可以香茅豬肉煎蛋飯雖然common，但都唔係間間煮得好架見佢係Menu上的招牌菜，就試下啦。一食落口不得了，豬肉又香又諗，估佢唔到，而且豬肉數量都算多，無偷工減料。有心之作，顯然想你食得開心又滿足。真係要推介下。

今日11點左右來到，叫左嘅香茅豬扒檬粉（無影相）~豬排一如以往都係新鮮炸起，另外加18蚊要左個蒸粉包！粉包外皮唔會好淋，反而有d 煙煙un un 咁，裡面材料好熱！ 

呢度嘅午餐日日唔同！星期日食嘅係越式香茅豬扒檬粉湯底唔會勁重味精味， 配上炸蒜蓉同埋洋蔥圈幾清新豬扒新鮮炸起，唔會油淋淋，平民越式餐廳質素嚟講非常唔錯不過對比剛開業時候d 粉嘅分量少左，不過都夠食！同埋d員工態度好好Rating: 8/10

我本人最愛吃海南雞飯, 在家附近大大小小的店我會試一試.這次,給"海南雞飯" 四個字欺騙了, 根本不是海南雞飯...是雞油飯+ 雞.雞油飯....唔香.雞....無味.離譜在醬油, 不是用海南雞"豉油", 係用普通豉油就算薑茸都係得油味....激氣收得海南雞飯價錢. 仲差過食飯盒.凍奶茶就澀都死....沒有茶香奶滑的感覺.再說, 呢個價錢, 在同區附近, 已經有幾間好過佢. 

因近來吃得西餐多，所以選了越南餐廳試試，看餐牌覺極多選擇，最後選了個2人餐，餐内最正是大頭蝦，燒得香口美味，另一個牛肉粒也好味，餐内還有一個最好味是碎肉粉包跟餐轉了一個沙冰亦不俗

呢日媽媽做無飯主婦，我地一家五口走到附近既金滿都食晚飯，order左7樣野食，3杯飲品，埋單先係$400,對於一啲媽媽突然偷懶唔煮飯既家庭黎講，係非常唔錯既選擇親民價越南菜，環境衛生四正，食物也不錯。雜錦沙嗲串燒，分為豬，牛，雞三款，燒得幾香口，牛肉最好味，夠腍又有牛味，不過沙嗲醬就少左啲~牛油雞翼，香脆可口，雞翼炸到脹卜卜熱辣辣，肉質嫩，一咬落去仲有肉汁爆出黎，有驚喜火車頭河，有牛丸，牛展，牛肉片，湯底都幾香濃。唔會好油既炒貴刁~咖喱牛腩飯，爸爸最愛，佢話飽肚又暖胃wor又點少得一碟油菜清清腸胃呢！雙檸蒸烏頭，清新開胃熱檸檬柚子蜜，酸酸甜甜好好飲！食完炸野同燒野後飲，夠哂滋潤

今晚一家之煮跟米飯班主要去上堂，大胃王又不回家吃飯，所以小妹就拉了兩老在上堂前先吃個早飯啦～ 家附近開了間泰國菜館金滿都，反正我們未試過，就去試試吧～餐點其實頗化算，最平的晚餐都只是$40-50左右，包一杯飲料，轉特飲都只是半價而已～ 可以放心點餐呀～米飯班主點了椰汁紅豆冰 (+$13)，紅豆的份量不少，足足三份一杯，可惜煮得不夠粉稔，吸引度大減！反倒是椰林樹影(+$13) 不錯！其實是一杯椰汁菠蘿味沙冰，椰子味濃濃的，口感冰涼，加上甜中帶微酸的菠蘿味，倍添清新！香茅牛肉湯檬 ($38)，湯頭鹹香帶味精味，不像是自家煲的牛肉湯底，因為完全沒有牛肉湯的甜美... 而「香茅牛肉」都只是普通醃過的牛肉，沒有什麼香茅味呀～ 總括來說，這個湯檬不合格！咖哩牛腩配蒜蓉包跟白飯($95)，食這個餐真的會飽死呀！有一大碗白飯跟四大片烤得香脆的蒜蓉包，三、四人分食也可以！咖哩味道香濃，牛腩稔身入味，味道尚算不錯~炒貴刁 ($48) 炒得乾身不油膩，用了不少蝦、魚片、蛋跟蔬菜同炒，味道更為豐富惹味！最後點了一份三色併盤 ($52)，三款小食是粉包、春卷及蔗蝦～ 賣相是不錯的，不過味道就....粉包的外皮粗

之前去開長沙灣都食過呢間，openrice 發現原來係新開嘅，第二度都有幾間分店。越南野來講呢間幾平，午餐33蚊起，有野飲，加18蚊有小食，試過粉包同埋蔗蝦都ok.粉包幾大件，但係個皮厚左d。蝦由圖中可以見到係幾薄，不過味道幾好，細細件反而無咁漏，加18蚊有3件蔗蝦算係超值。今次食牛展河，份量幾多，唔會得兩舊，牛展都幾淋，湯底係牛肉湯，同香茅雞翼檬湯底唔同。湯底唔會話好咸，有洋蔥調味，唔錯。臺上面有魚露，魚露唔咸，甜甜酸酸，調教得幾好味。另外香茅雞翼扎肉檬，雞翼係新鮮炸，熱辣辣，同之前係第二d連鎖越南餐廳食過已經攤凍嘅雞翼來比呢間d雞翼幾食，但香茅味就唔係好覺~ 扎肉薄切，感覺唔會話撈左肥肉落去，幾好。撈檬嘅粉同埋餸份量多，而且有幾多配料，花生，紅蘿蔔，加魚露正。粉嘅份量正常，特別讚係服務態度好，而且所有野都熱辣辣上臺，尤其炸野同埋焗蒜蓉包（之前試過）即落order即做，午餐餐牌一個禮拜日日唔同。