金滿都越南餐廳 (已結業)

去到長沙灣附近，係大街嘅角落頭有一間越南菜嘅餐廳《金滿都越南餐廳》，兩個人就入去試吓。餐廳嘅空間位置都幾大，而且座位舒適，更有卡位選擇。就算揸車人士都可以泊喺出面，而且非常方便。當然唔少得呢度比較有名嘅咖喱雞煲，咖喱唔算太辣，雞肉份量都比較多，而且肉質滑嫩，配埋白飯一齊食更加一流。另外套餐跟埋蒜蓉包一客。火車頭湯河更不得不叫，當中有新鮮牛肉片、牛丸同埋洋蔥等等嘅配料。飲一啖湯底非常清甜，河粉好爽滑，非常入味。食咗咁多肉類，梗係要叫碟上湯浸唐生菜，清一清腸胃，蔬菜新鮮爽口，唔錯。最後叫番杯青檸特飲爽一爽喉嚨。兩個人食埋單都只係＄200，每人平均消費只係＄100，價錢非常便宜合理。

同同事行遠d去到長沙灣食lunch，見到呢間越南野好似唔錯，好奇心下就入左去試下了店員推介新menu入面既越南咖哩芝士豬扒煲仔飯，咖哩溝芝士真係聽都未聽過，竟然推介，就一於試下啦佢同我地香港既煲仔飯一樣，都係個款煲，以求可以保持飯既熱度，咖哩香味濃郁，配合埋芝士既濃稠，咖哩都可以拉絲咁樣啊，豬扒肉汁仍然鎖係肉入面，唔會煲到乾身，飯微微有飯焦，上品之選另外同事食左個越南豬頸肉湯檬，湯底係典型pho既味道，豬頸肉一咬就開，每啖粉飲埋d湯，越南粉黎講都算不錯了！另外加配左牛油雞翼，炸到金黃色既外表，近d就聞到牛油既香味，咬落無炸到乾哂，雞翼控既我推介！午餐或放工呢到都係不錯既選擇

今日lunch嚟到金滿都。叫左越式春卷 上菜個時都香 熱辣辣咁送上台 要等佢冇咁熱先可以擺落口非常新鮮好食 另外叫左個雞翼豬扒飯 都幾好食 飯就正常 另外d 雞翼同豬扒都好熱辣辣

星期日的下午，同朋友去左呢到食越南野，其實之前都黎過食lunch，但寫食評都係第一次。等左一陣就入得，坐左個4人卡位，位置尚且足夠，由於入去果時岩岩開始下午茶，所以多左野揀。但多對我都唔係件好事，選擇困難嘅我本來想食飯，最後都係要左個香茅豬扒河粉佢係用幼河粉，食落都好滑溜，河粉份量就適中。豬扒係同一碗內，無分開上，睇落就唔係好夠香茅，食落質感都可以接受，但香茅味道就弱左d，呢樣可以改善。食物選擇都多，仲跟埋杯飲品，價錢都唔貴

阿叔我搵食最鐘意食性價比高，呢間四十幾蚊有野飲送，都算OK好快就落左單，朋友都有ORDER，不過唔講咁多啦，遲D可能佢地都寫食評唔幫佢地寫，唔好睇小我地，我班FD雖然都一把年紀，但個個都有返咁上下潮架寫食評，都唔係好難者，好多"文老"都寫得一篇好文章呢個就係我食嘅咖哩牛腩飯$45係好食嘅，呢張圖唔作得準，我只係筆左少少落去啫，其實份量都OK多牛腩夠腍，咖哩香濃，係好食嘅呢餐真好食，食得抵食下次再食過先朋友都話食得開心

呢間老公平時lunch都有食開，我今晚去長沙灣，佢順便帶我黎食佢話平時lunch好多人，反而夜晚清靜d，食得舒服d老公都係食返佢成日黎食既火車頭，配料有生牛肉，薄牛腩片，牛展，牛丸等，肉類份量幾足，佢就食慣左，而我係第一次食，覺得湯底夠熱，清甜既牛湯底唔錯，飲完唔口渴而我叫左香茅豬扒撈檬粉，食檬粉當然要加魚露，睇到落左好多蒜頭等配料呢香茅豬扒雖然唔厚身，但外皮炸得香脆，加上香茅炸蒜，食落夠鬆化，整體比火車頭更好食喎由於我地係叫左套餐，用優惠價加左春卷，係我鍾意既網紋春卷，炸得非常脆口，就算放到凍左，都仲keep到脆另外叫左牛油雞翼，係我地去親食越南野必食，外層牛油皮十分香脆，內裡肉質嫩滑多汁飲品方面，當晚侍應話呢個月做緊優惠，紅豆冰只需加$5， 咁抵飲，我地就要左一杯，已經好耐冇飲咁懷舊既紅豆冰，仲要係多奶，紅豆起沙另外一杯要左青檸特飲，飲落幾爽，甜度啱啱好，但加d罐頭雜果有d怪

放工同同事一齊食下野，到左佢屋企樓下食越南菜，晚市有套餐，價錢幾抵喎。坐低後店員送上水同餐牌，枱上有餐具同紙巾，都幾衛生的。越南生熟牛肉湯河粉（$41）自己選了個晚餐A生熟牛河，牛肉有好幾片好嫩滑，邊位少少肥膏，肥瘦剛剛好。河粉煙韌，湯底清甜不油膩。一碗份量實在不少，好飽肚。越南春卷併無骨鳳爪撈檬粉（$46）同事點了D餐撈檬粉，有兩條春卷同兩隻鳳爪，春卷香脆，鳳爪頗酸的，加上很多蔥油，酸蘿蔔，和乾蔥，味道很豐富。檬粉也不少，加酸汁食好正。烤豬肉條（+$23）跟餐可加小食，同事加了豬肉條，剛好一人一條試試，豬肉條紮實，甜甜的醬汁幾好味，。越式串燒（+$23）自己加了串燒，可選豬肉或雞肉，是晚選了豬肉，豬肉很嫩，燒起上黎亦不乾身，沙嗲醬幾香口，串燒加沙嗲醬是絕配呢。越式蒸粉包（$30）同事說想試試粉包又叫了一客，一客有兩件，又係啱啱好一人一個。粉皮不厚，入面包著的餡料很多，脹卜卜很飽滿，內裏有乾蔥蝦米等很香口。蘋果菠蘿疏打（+$5）＆青檸疏打（+$13）飲品方面同事叫了是日特飲，自己叫了青檸疏打，前者好香蘋果味但頗甜，後者酸酸的很清新，兩杯都幾好飲。叫太多好飽呀，食完暖笠笠好正。

去完長沙灣探朋友，就喺附近搵嘢食。行過見到間越南菜，都幾多人食緊，價錢相宜，而且天氣咁熱食啲酸酸辣辣嘅嘢就啱晒。星期六，七點半左右，等左5分鐘就有位啦。冇飯就唔夠飽嘅，自己就叫咗咖喱牛腩飯，雖然賣相冇乜特別，不過薯仔好淋，汁好多又香咖喱味，唔係好辣送飯一流。牛腩都好入味，而且係有筋膜，炆得夠耐，筋位軟Q，唔錯。女朋友最鍾意食啲湯粉，叫咗越式火車頭湯河粉,入面有齊生牛肉，牛𦟌，牛丸，牛筋，一次過可以試齊所有餸。湯底係牛骨湯，味道濃而不油。雖然芽菜已經放咗河粉下面，但金不換辣椒青檸另上，可以按自己嘅口味加返入去，幾正宗。牛筋滑到要用匙羹先拎得起，牛丸亦都真材實料， 彈牙又夠肉味。另外湯亦都夠熱，可以將生牛肉整熟晒，水準唔錯，係令人回味嘅牛pho見到餐牌既南乳吊燒雞相當吸引，廚師推介應該唔差，所以就同越式拼盤一齊叫多兩個餸。吊燒雞半隻都相當大份，食落的確同睇落一樣，外脆內嫩！而且重點係個南乳汁，好惹味，出色。越色拼盤有齊香茅雞翼豬扒庶蝦春卷。當中豬扒炸得夠脆，庶蝦甜美，印象難忘。估唔到平民小店都做到出色嘅越南小菜！下次要約埋朋友一齊再食過先。

今天跟個大專妹妹吃晚餐，長沙灣這一帶真的很多選擇，可能是星期四晚，幾乎都不用等位。這一家在十字路口，很醒目，位子很寬闊，坐得很舒服。自過MENU，每晚有精選套餐，點了兩個，加一個芝士焗西蘭花，盛惠＄151。海南雞飯雞肉算滑（但不是滑到流口那種，可接受），大大份，賣相不錯。黃油飯挺香，不太乾，又不會油膩，又是大大份，賣相就是用碗倒CUP出來那種。醬油就令人有些失望了，薑蓉（是沒有蔥的）好淡，豉油很稀，配多一個類似M記的泰式辣醬，這個組合真的失了風味。手作春卷湯檬粉湯。太。好。喝！！！粉不算很完整的，夾起來就滑走了，但用湯匙輔助來吃的話，還算方便的。手作春卷也不錯，愛香口的的朋友應該會喜歡（例如大專妹妹），但只有4個半條，太少了。芝士焗西蘭花芝士味不重，份量正常，就當個時蔬來說，沒什麼特別。可以Encore ＝ )

呢個餐廳食過好幾次，因為夠晒近地鐵站，又係屋企樓下，而且裝修企理光猛。今晚同屋企人點左2個晚市套餐，有5個選擇，可惜冇我最中意既豬頸肉，天氣有D熱，唔想食熱湯，2個都揀左撈檬～另外加$18/$23可以有一款小食。香茅烤雞肉撈檬　$41呢個係屋企人揀既，雞肉用左醬汁調味，所以冇咁寡，仲有D花生砰、蒜片、蘿蔔絲同蔥粒。食前倒D甜酸汁撈下撈下，夏天食撈檬真係特別開胃！不過我覺得味道有D唔夠，所以都倒左幾多下香茅雞翼併春卷撈檬　$41我就揀左香茅雞翼併春卷撈檬，雞翼同春卷各有兩件，睇落有D冷清，不過雞翼同春卷都係新鮮炸起，讚！而且雞翼炸到一Ｄ都唔乾～小食方面，我地分別加左海蜇扎肉粉絲同酸辣無骨鳳爪。海蜇扎肉粉絲我係好中意食海蜇架，份量都比想像中多，海蜇爽口彈牙，而且夠凍！酸辣無骨鳳爪啖啖肉，調味夠，好開胃呢！芒果沙冰就味道還好啦～～～個人覺得甜左小小餐牌

今日突然決定出街食，近近地去左金滿都，之前買過團購食過一次，當時價錢真係平都難以至信，係半價啊~唔好諗住半價就hea你，食物好味又大份，完全物超所值~所以今日想再黎試下~食越式野必點拼盤，呢度既拼盤只係$75，有豬扒，香茅雞翼，春卷，蔗蝦，款式多，味道唔錯，好抵食~熟牛肉湯河 $40湯頭清甜，牛肉有咬口，牛味都幾濃，滑滑既河粉配上大量芽菜，增加口感~上湯浸白菜 $28排到好靚既白菜，味道清甜，口感爽脆~椰汁三色冰 $26椰汁味香濃，配料都沾左半杯，夠足料~椰汁粟米黑糯米凍 $13好喜歡椰汁既香味，所以試下呢個越式甜品，黑糯米同椰汁係絕配，煙un有咬口，加埋清甜既粟米粒，口感好豐富~

朋友放工太累，所以晚餐直接在朋友家附近吃，她說她平常都會來吃，價錢合理之餘味道亦不錯，不乏一家大小光顧。天氣太熱，朋友主食套餐都選擇涼拌食物，香茅烤雞肉撈金邊粉及海蜇扎肉雞絲。海蜇扎肉雞絲份量也蠻多的，酸酸甜甜很入味，當開胃菜吃實在很適合，我也分了些來吃。香茅烤雞肉撈金邊粉這一道和剛剛的海蜇扎肉雞絲有點不同，雞肉都有經香茅醃漬香烤，挺滋味鮮嫩。金邊粉看起來白白的，好像沒甚麼味道，加入魚露酸醋後同樣開胃，而且也因為是涼拌關係，所以吃起來格外清爽。香草蒜茸牛油焗青口真心地美味，簡單的烤焗就鮮味十足，加上香草蒜茸牛油的提味，令青口的精華完全發揮出來。青口的尺寸頗飽滿，完全滿足我這個海鮮控的口腹之欲。泰式蜜糖雞刷上蜜糖超誘人，渾身油亮亮的，感覺戳下去就有肉汁，讓人看得口水直流。果然咬下去很鮮美，蜜糖香很明顯，超好吃，雞肉富有彈性保有肉汁。至於我則選吃香茅豬扒併雞翼飯，切成小塊的豬扒，香茅依附在豬排上，香氣濃郁，豬扒也很有咬勁，相當有厚度，口感不錯的說。雞翼外層香脆，雞肉嫩滑可口，加上飯嚼起來挺有口感，比較容易有飽足感。烤豬肉條挺滋味的，本來以為吃起來會很油，沒想到烤後很有嚼勁，肉也很香嫩，沒有

知道呢間金滿都喺其他地區都有開分店，食過都唔錯，所以今次係長沙灣都係約返朋友去食呢間越南菜，最抵食嘅係唔使加一，我哋兩個人食到勁飽都係唔使＄300買單，真係算抵食。生熟牛肉湯河$41以呢個價錢來講都幾抵食，份量都幾大，個湯底清甜，牛肉分量多係有少許鞋口，金邊粉質素咁不錯，吸晒啲湯汁好好味。火車頭湯河＄51配料好多，有牛丸，牛柏葉，同埋生熟牛肉，牛丸爽口彈牙，牛肉片牛味重。泰式鳳爪＄23套餐加嘅小菜，辣味剛剛好，啱晒夏天食。海蜇扎肉雞絲＄23呢個好開胃，海蜇煙煙unun,食落去個味道好似冷麵嘅醬汁。蝦餅＄58呢一款係薄身炸蝦餅，蝦肉幾彈牙，剛剛炸起，熱食就最好食。越式併盤$75有豬扒，雞翼，蔗蝦，春卷，個人就最鍾意豬扒，整得好入味，都幾大塊而且唔鞋口，春卷好脆口，亦都唔會油膩。芒果玉露凍味道甜左少少，入邊配上椰果，可能太甜嘅關係，最後朋友都飲唔晒。榴槤沙冰榴槤混合冰塊打出嚟，有淡淡的榴槤味，啱晒我呢個榴槤迷飲。

係一次唔愉快既排隊經驗之後我地來咗呢到食❤️ 係門口就已經feel到好warm既接待❤️尤其係所有人都黑面既時候😭❤️侍應生好貼心咁為我地安排咗一張四人抬❤️然後又好nice咁為我地落order❤️叫到海南雞飯既時候仲好唔好意思咁打斷咗落單 話冇油飯問我地介唔介意❤️ 語氣好溫柔好開朗令人好舒服 語速適中❤️完全唔係做咗一日野 然後將怨氣發落顧客身上既咁❤️野食味道唔錯 份量適中而且上菜速度快❤️冷氣充足 環境衛生一流❤️只係裝潢略嫌單調 整體完全冇問題 係ideal餐廳同ideal服務❤️感激香港仲有呢D有heart既餐飲業工作者❤️ 致力為香港既餐飲業獻上真誠既服務😭❤️雖然可能係因為有唔好既經驗所以先特別覺得佢好 但係呢D先係香港人追求既服務態度😭❤️❤️❤️❤️❤️❤️❤️❤️❤️❤️

放工近近地係屋企附近食今晚決定幫襯越南野 簡簡單單食越南野當然要叫越南肥牛河水啦套餐價$41 加$18可以加泰式春卷再加$23可以要埋泰式鳯爪 勁抵食先講過越南肥牛河 湯底夠清唔太油都幾大碗架 而且肥牛數量幾多 好好味泰式春卷即叫即炸 熱辣辣脆卜卜泰式鳯爪真係好好食 味道一流 酸酸辣辣 越食越滋味 雖然係跟餐加嘅 但份量都唔少重有媽子指定要叫嘅香蒜牛油焗大頭蝦制作需時 大約20分鐘左右 上枱堅大隻喎而且香味十足 芝士下面有好多蝦籽入口蝦肉鮮甜彈牙 有驚喜