金田家 (已結業)

今次試左清雞白湯拉麵🍜，豬骨濃湯拉麵🍜，薯仔沙律🥗Patpat痕唔叫黑蒜油試雞湯，的確好清，但我都係鍾意濃湯豬骨，始終食拉麵我偏好濃味，淡口留返平時先，點左硬身既麵，不過掛住湊女硬都變淋😭😭，我同老公鍾意呢度既叉燒唔會大大塊，唔係厚切亦都唔un,薄切得黎仲有油脂好正～～～好愛個薯仔沙牛，有洋蔥粒同黑椒味好香~~~, 有分店既拉麵我只愛金田家🍜不過係貴囉，隻醬油蛋係唔包既$1x,多蔥又係加$5 ，然後仲要加一🥗

Yoho Mall開左間金田家食拉麵，早前都想試，今晚終於過黎試下喇。內裏燈光光猛，裝修頗有時尚感，喜歡吊落黎嘅波波燈。廚房位置為開放式，用左日本酒做佈置，加強日本氣氛。每張枱放有杯子，餐具和檸檬冰水，最貼心係個櫃桶，用黎放手袋，好喜歡喔～😍豬食豚骨雞白湯拉麵，朋友食黑豚拉麵，另外我地叫左個大將餃子同唐揚雞塊。只要喺菜單上剔選自己想食嘅野就可以，麵嘅硬度同葱嘅份量都可以選擇，豬比較喜歡呢種模式點餐，可以避免遇到黑面姐姐，問多句等多陣都唔耐煩。順道一讚呢度嘅店員，有禮貌又好笑容，我地2個大鄉里唔識開波子汽水，店員哥哥好樂意教我地，今晚又長知識喇，哈哈🤣黑豚拉麵嘅豬骨湯底，湯味香濃，但入口唔會鹹，剛剛好。拉麵揀左普通硬度，麵係幼身，朋友覺得麵質唔錯，夠彈牙。豚肉好香，份量都唔少，唔會老同韌，幾好食。豚骨雞白湯拉麵，奶白色既湯底充滿雞肉精華，湯底真係有雞味，朋友笑豬低能，但豬真係食到，而且都幾香，夠濃又唔會鹹。豬碗拉麵麵身比較粗，軟硬適中，唔錯。唐揚雞塊每舊都好大，炸粉唔會太厚，啖啖肉，外層脆卜卜，內裏鮮嫰。不過朋友嫌油膩，食左一夠就冇食。大將餃子肉餡滿滿的，初時覺得有點燶，但食落又唔會太覺

都唔錯呀食物都幾好食湯底夠龍麵都揀呀下次會再去食環境舒服服務一流下次我同家姐姐夫同埋我細妹去食帶咗三個面兩杯嘢飲我打咗五分鐘好快就上枱 不過其中一個食物呢錯咗服務都好好即刻幫我換返食完之後仲送返個甜品畀我食添唔錯啦下次再嚟食佢嗰個面呢有一個其中一個麵豉湯麵呢個面非常之好食嘅 大送嗰個甜品呢佢就乾得滯唔係咁啱我食兩杯嘢飲都ok呀好清甜好似係用啲新鮮生果打出嚟咁樣至於服務就非常之好不停幫我哋加水問我哋啲口味啱唔啱食

難得放假可以同老媽子—齊行街食個下午茶,住在元朗有時真係唔想出省城,就腳最好，去左yoho 行下,食市林立,十分方便。上open rice睇有咩好介紹,見到金田家讚口不絕,非去不可。入到店舖,裝橫十分普通,點左兩個麵,因為全店買麵為主,—個白豚麵,—個辛豚，埋相好靚,第一時間飲淡湯,十分濃郁,曰本麵個湯底最緊要,可想到廚師肴制湯底既用心好緊要，果然網上無介紹錯辛豚亦好入味,味道更濃,辣味適中,喜歡食辣既朋友必試唔够喉可以再叫多個小食,份量岩岩好又好味，價錢又唔貴

放半日係yoho mall 同老公食個Late Lunch，雖然2點幾，但依舊多人，還好不用等位☺️金田家係日本九州過江龍，次次食都保持水準，今日太餓了，來碗黑豚拉麵🍜 黑豚多到呢⋯⋯塊塊黑豚都好大塊，厚薄適中、非常林軟，肉味香濃，九瘦一肥，好香口😍😍湯底不太濃，成碗湯飲晒😂😂小食方面，日式炸雞又抵食又大件，5大件，外皮炸到脆卜卜，很薄粉，肉質嫩嫩的👍配上可樂、波子汽水一流🤭🤭日式煎餃也不錯，配上秘製醬汁不太咸，一邊脆一邊軟相對地，價錢差不多，炸雞就抵食很多了！

聽說金田家是日本九州第1的拉麵店，直至在元朗設店才有留意到。假日多次經過都常常見到有人籠在等候，以上種種令我期望都頗高的。黑豚拉麵 $98 - 可自選麵軟硬度，麵身是偏幼身麵條有韌度。叉燒份量不少有4大塊，可惜偏瘦，個人比較偏愛微肥的，因太瘦沒什麼油香同時口感也會偏柴皮。至於湯底雖店家說是濃湯，但感覺湯底偏稀，重口味如我就覺得味可重少許喇。整體來說也是合格的。溏心蛋 +$14 - 算頗出色，生熟程度控制得剛好，有流心效果。外層醬油色很均勻，能吃得出甜醬油香味，但同時鹹味也突出，口味算是偏重一點。🍴大將餃子 $30- 要一讚的是餃子煎得很脆而不油，每隻也很平均，而且飽滿。但味道普通質素，跟平價日式店鋪的雪藏貨沒大分別囉。

最鐘意食日本拉麵嘅我，想試呢間金田家好耐了，之前見到佢原來係日本福岡嘅過江龍，今日同朋友過黎試下夠唔夠正宗先！餐廳餐牌嘅選擇同其他拉麵店差不多，呢到就主打腩肉叉燒同黑豚叉燒，嗜辣嘅我就嗌左碗激辛拉麵，額外追加溏心蛋、黑豚叉燒，友人就嗌左碗少見嘅 柚子辛口拉麵，再追加溏心蛋、腩肉叉燒。大食嘅我地再嗌多份男爵薯餅。激辛拉麵賣相同味道一樣得！湯底香辣，但未至於地獄湯底的辣度，唔太食得辣嘅朋友都可一試！麵條係幼身的，麵質選擇左正常，十分恰當，不太硬/軟，好有咬口。腩肉叉燒不4大塊，肉質嫩滑，即使浸左落湯一段時間，都唔嚡口，味道都十分入味。溏心蛋只係加$12就食到，調味入味，稍稍偏咸，但送埋麵食剛剛好。試左啖朋友叫嘅柚子辛口拉麵湯底，柚子味香濃，十分清新，都值得一試！而追加嘅男爵薯餅，包括牛肉薯餅和紫薯栗子薯餅。兩種外層都炸得香脆可口，牛肉薯餅內有牛肉粒，好香薯仔味！而紫薯栗子薯餅微甜，味道好夾，食落也不會過於油膩。飲品就嗌咗可爾必思，酸酸甜甜，好開胃，一路都係我嘅最愛！

跟男友去Yoho mall拍拖，見到金田家個人像logo，比佢吸引住，就行到去佢門口，原來金田家係九洲no1 拉麵🍜即刻入去試等左一陣就有位啦，我地簡坐bar枱因為可以睇到師傅整拉麵🍜野食亦好快送到黑豚拉面再額外追加黑豚正呀 黑豚又大塊 圍住成碗拉麵🍜比個近shot大家睇 流心到不得了既流心蛋一定要追加好重要！ 一定要加 一定要加 一定要加 ！麵質可以自由選擇，仲有d調味料可以係調味架上落！柚子辛口拉麵🍜又係追加黑豚但湯底好特別，辣辣地，配拉麵食幾香口大將餃子🥟 煎得十分爽脆，配上秘製醬油，金黃色，可爾必思呀，正！ 個杯仲要凍冰冰！同日本一樣

柚子辛口拉麵- 上麵時湯面很多小氣泡，感覺像洗潔精泡- 湯底微稠，呷一口，有驚喜。那口湯混和了豬骨濃香和雞骨清香，不黏膩亦不淡薄，濃淡適度，且滲出淡淡柚子香- 切成拇指甲般大小的醋腌紫洋蔥塊，爽脆酸甜清香，具平衡骨湯黏稠之效- 芽菜尚算爽脆，但不清甜- 溏心蛋極流心，富蛋香及醬油鹹香- 混入辣醬後，湯底變得濃稠，雞清豚濃的層次感消失了，柚子清香亦消散了。多喝幾口，甚至覺得飽滯- 直身幼麵滑溜彈牙，掛湯力佳- 叉燒腍滑肉味香濃- 紫菜鹹香味濃，但不脆口- 辣腌菜有著紮實鹹香，爽辣帶酸，開胃

其實食過大部份元朗既日本拉麵店 大部份都係失望而回 而今次突然好想食搵1麵 於是試左元朗好評no1呢間 見d人講到又話冠軍 又咁又咁 應該唔會差得去邊 去到睇價錢牌 一般拉麵價錢 可以接受 環境ok 但座位唔係幾好坐 點左個最多人點既黑豚拉麵 加糖心旦同餃子 先講餃子 30蚊有4隻 普通貨色 同街邊小食檔無異 之後講拉麵 食碗野都做得幾好 差燒夠多夠大塊 湯底唔錯 唔太濃 味精有 不過唔太重可以接受 但係最敗筆就真係d差燒 d肉孩到瘦肉咁 無味 我成碗食剩d差燒真係食唔落 失敗!100蚊一碗拉麵竟然舊差燒咁難食 或者係我唔識欣賞 可能有人鍾意有趙口 最後講隻糖水星 細隻兼唔甜 總括黎講我比呢間野只有60分 係比個湯底ok 試一次就夠

聖誕假期開始放，今日同囡囡二人世界！去Yo號嘅遊樂場玩返轉，再去食囡囡至愛嘅拉麵囡囡成日記得叔叔波波拉麵😱原來講緊店裏邊裝修嘅燈波波！座位舒適，我哋揀咗坐吧枱，可觀摩廚房師傅的煮麵功架！囡囡覺得好有趣拉麵選擇多，客人可按個人口味自選拉麵軟硬度，岩岩送上黎既時候，仲熱辣辣出晒煙咁，於是就聞到佢既拉麵香，每一口都嚐到香濃的豬骨湯底，令人一試難忘。既辣係可以就住個人口味去落，真係好怕辣既話，可以拎走部分辣既醬料，本人鍾意食辣就覺得啱啱好🤤叉燒都相當唔同，脂肪同肉既位置分明，大塊而薄身柔軟既叉燒可以一啖入口，啖啖肉而啖啖滋味，正大將餃子每隻煎成金黃色，同埋每隻都煎到有微微地既“燶”，所以入口係非常爽脆。配合附上既醬油入口，甜左同鹹左，令到個餃子更加入味，另外咬開爽脆既外皮後，裡面既肉仲係熱辣辣，仲會溢出少量肉汁，作為小食相當不錯豬骨湯底香濃但不油膩，不會因太重口味而覺得十分口渴。囡囡仲飲晒個湯湯😏溏心蛋的軟嫩蛋白包裹著正在流心中、半熟晶瑩的蛋黃，滿溢香濃蛋味。囡囡食完一隻仲要再追加🤤糖心蛋同粟米

黎到12月中終於突然變凍，周末懶得外出，只想留係屋企附近搵食。咁凍既天氣自然想搵D熱辣辣既野食！除左打邊爐，我一定會揀去食拉麵。今日就去左有九州第一拉麵美譽既金田家食！平時行過食飯時間至少都會有幾個人排隊。今日早左少少出黎，大概六點半就好彩唔洗排。舖面唔算好大，亦都少左份傳統拉麵店既神秘感。一眼睇哂，燈光光猛，行一貫日系簡約風。______________________________🔸 黑豚拉麵 $98 同一般拉麵店一樣，可選麵既硬度，依到更有"超硬"供選擇。個人口味還是選"普通"好了。直身麵條，粗幼適中，有咬口。 黑豚叉燒一片搭一片圍滿碗邊，賣相有睇頭。 黑豚肉質偏瘦，無太多油脂層。雖然湯底係濃湯，但食開沾麵、重口味既朋友可能會同我一樣覺得可以再濃多少少哈哈！🔸 柚子辛口拉麵 $98 柚子辛口依個配搭幾特別，亦不常見。湯底柚子味帶點果香，幾清新。配上辣醬，略帶辛辣。但又唔會蓋過柚子味，拿到平衡，味道 富有層次感。叉燒片數唔夠黑豚拉麵多。🔸 男爵薯餅 (牛肉薯餅+紫薯栗子薯餅) $38炸粉薄薄一層，炸得酥脆，無油膩感。牛肉薯餅夾著牛肉碎同薯蓉，非常香口。紫薯栗子薯餅入面既紫薯

每次去元朗Yoho mall就會第一時間諗起金田家，雖然已經食過好多次，但都是百吃不厭🤪。今次就食了黑豚拉麵（$98）加溏心蛋（$14）同腩肉叉燒（$20），小食就係芝士年糕（$38）同唐揚雞塊（$35），飲料就係玄米茶（$15）。黑豚拉麵唔係第一次食，但每次都慨嘆湯底係非常有豬骨湯味，而且不油膩。麵條依舊幼身，至於軟硬度今次就揀左軟，但唔會過腍。當然仲要揀有葱，不然就好像缺了靈魂一樣。還有就是加溏心蛋（$14），呈半熟狀態，好入味。腩肉叉燒好香口，肥而不膩，擺入湯浸一浸再食會更佳芝士年糕炸得好好，口感煙韌，仲好有濃厚芝士味，絕不是一般放題貨色唐揚雞塊炸得外脆內嫩，吱啲檸檬汁有fresh的感覺，點上沙拉醬更滋味日本茶有玄米茶同煎茶選擇，都係健康之選

對foodpigss🐷🐷而言可謂一個惡耗就係去食金田家竟然無左最愛既黑松露拉麵🥺。一開始以為荃灣店特別啲所以無，點知係元朗店都無😭，有點傷心難過但都無阻對金田家既喜愛🤪，然而就好快咁搵到新寵😉就係雞白湯豚骨拉麵（$85）湯底方面，係由雞湯同豚骨湯結合而成，飲落係雙重口感，好清新的感覺麵條方面，就係曲麵，較幼身，岩曬🐷🐷軟度方面，🐷🐷就揀左普通，然而軟硬度適中最後就當要加芝麻同揀加葱，令成個碗更香口😋另追加溏心蛋（$14）是常識滑溜溜又流心，仲好入味右：腩肉叉燒（$20）&左：黑豚叉燒（$33）個人較愛前者，肥得黎係可接受，因為食落唔會膩；反而後者無咁濃味又無咁有口感😆，不過都不俗波子汽水（$25）係🐷🐷最愛的汽水，以前元朗金田家係無的，而加終於等到

記得呢間鋪頭喺紅磡見過，但係都冇去食。今次嚟到元朗就真係想試吓佢嘅拉麵。我就揀咗黑松露拉麵，因為我真係好鍾意食黑松露。佢個湯底好濃郁，隻蛋都好好食。啲面唔會煮到好淋個硬度啱啱好。所以整體來講都係唔錯嘅一個拉麵。