金田日本料理 (已結業)

經常聽人講金田放題唔錯,琴日終於試左,覺得好普通,可能我食8點半果part刺身: 我覺得得個凍字,冇鮮味, 係甜蝦多人食幾甜壽司: 種類少好細舊炸蠔: 個皮超厚粉,一食隻蠔細到佢.....好似蠔餅d蠔甘細天婦羅蝦: 唔錯..蝦身好爽薄燒牛肉&牛柳粒: 牛柳粒就冇蒜味,總體都可以一試羊鞍: 幾好食,小小"蘇"味讚既係waiter收野都幾快手同幫人加水....服務態度唔結論:正價食就唔抵....特價時段都ok加埋一$163...我會出旺角食青葉

老細推介話呢間好味~見到呢到d評又唔太差~~所以今晚黎食啦~我地6個人6點鐘到,入面好多枱都未有人坐,但又叫我地坐門口....門口張枱d"椅"係屋邨荼樓d"椅"....俾你都唔想坐啦~同個小姐講想坐入面d枱....點知佢話:入面d枱俾人book左喎~小姐,我地都係book枱啦~又未有人黎,點解唔坐得入面呢?對住個門口食~~又坐得唔舒服喎...諗係話哂都係酒店入面啦~點知...全部都係膠碟,膠杯...玻璃杯都冇隻~~之後食野~冇咩款~野食又麻麻地~~唔係真係好好味je**有2個waitress成日幫人"針"水....係好好服務態度呀*但都唔洗每15分鐘就幫人"針"水呀*俾人既感覺係...想人地飲多d水,整到個肚脹哂~咁咪食少d野囉~~埋單每個人$250~咁既環境,咁既質素...我諗點都唔值~

今日同男朋友去食金田啦....每位$198加一雖然呢個價錢對於學生仔我黎講比較貴不過又唔係成日都食...今次食完覺得對得起呢個價錢一坐低，立即狂叫野食。刺身炸物一品料理等．．．．都叫哂。１個字都唔洗刺身就立即送到黎！三文魚大大舊，真係食落口都啖啖肉真係唔推介唔得！壽司就要推介下壓三文魚壽司．．．嘩！真係勁好食自己都食左４－５舊因為坐正鐵板燒個位，薄燒牛肉同牛柳粒一整完就食得。真係兩樣都唔錯，不過自己鐘意食牛柳粒多ｄ。一ｄ都唔會有ｕｎ既感覺其他野都唔錯嫁！不過就覺得炸帶子食唔食都冇問題＝＿＝！芝士年榚又唔係想像中咁好食因為食左粒會比較飽肚．．．醬汁雞翼都唔好叫喇，真係超級嘛嘛地鴨胸鵝肝卷又乾，食唔出咩味，ｂａｄ！服務生既服務都好，自動幫你倒茶，汁野。上菜速度又夠快！真係幾好！不過整體黎講真係食到好飽好滿足

今次係第二次食~~同老婆豬既３周年紀念日～ｋａｋａ＊第一次係食lunch buffet ~~近呢次食dinner buffet ~~~整體上...今次比上次好食＊ｏ＊...刺身類 - 喪食三文魚and甜蝦~~~~~*(特別甜蝦...好鮮甜)壽司類一般 - 唔多講熟食類分為好幾種 燒物,炸物,各種日式小食豬軟骨唔錯,羊鞍比上次的好..略嫌唔夠入味..炸蠔同炸帶子絕對唔建議大家食....反而炸蝦天婦羅唔錯 但唔好食太多 炸粉頗多...有不少食評話薄燒牛肉同牛柳粒好食~但我地第一次食覺得唔好食!!so今次無食到...留Quota試其他野....三文魚頭我覺得唔錯我老婆覺得蒸蛋好滑...同埋粒粒粟米好食wo -.-燒魷魚...等等都只屬一般 可以試食少少 不能盡錄另外一提就係服務好好, 上菜快, 收碟快, 斟水快!!略為美中不足既地方係...有少少趕客既感覺(因為我地係8:30賣單果批....佢8:00已經提我地叫最後一round...之後期間不停望我地....攪到我地都唔好意思繼續等 攪到d野食都未黎我地就賣左單...果時係8:10)整體黎講 刺身方面算突出~其他熟食一般~價錢算合理!!

今日要返總公司葵涌上班的關係...食飯時間好朋友帶左我去金田 之前朋友聚會原來計劃到這間尖沙咀分店食放題的..但最後因為覺得太貴所以冇食到 !他的SET LUNCH 提供..特價的只是有2~3 種提供..大約$40~ $50..不過唔係好啱食..最後我叫了 :石頭窩飯 $58 : 有沙律 , 前菜 (青瓜海蜇) ,面屎湯同甜品...原來是牛肉的...上面有一些牛肉,蛋,芽菜同一些菜..好味又唔係話得特別好味 $58 我覺得唔係好抵食..反而個甜品是布丁..細細舊好好味 日式便當 $50 : 賣相已經唔係好吸引..件件都好似迷你咁 哈哈...有2件三文魚壽司 ...香醋龍利柳 (一點醋味都沒有..淡淡淡 )...2件牛肉卷...幾片魚刺身...面屎湯同甜品 預左返工食飯時間所以上菜都好快...除左我個石頭窩飯要特別整之外..返葵涌出街食飯唔好的就係時間太急了..食完就要即刻走...想坐多陣都唔得呢... 今日返葵涌所以冇帶相機..冇得影相...

靚仔生田前夕，見未食過主食魚生既日式自助餐就黎食下 訂左八點因我地遲到唔想等位，決定用正價食(當時唔記得問點解有位都要比正價)魚生赤貝ok，其他味道"超一般"，勝在黎得快炸野等十萬年先到我地落單到黎都至少半個鐘(我地掛著食野無追單)，我諗一坐底就要叫定熱野估佢唔到有羊鞍，味道偏淡，我buy佢因小地方有羊食牛柳粒同薄燒牛肉好"ＵＮ"鴨胸鵝肝卷，乾爭爭食唔出咩味我坐吧檯，見有一個師傅整壽司有D求其，整個蟹子軍艦好小蟹子，比傳菜個人話完先識加番D蟹子；另可能要應付多單，飯都整定，撻個魚生上去就掂，除落單紙外，唔見有飲品餐牌侍應主動囉單同不斷加水，細心；另估唔到有甜品食，有餅底既綠茶慕絲，靚仔鐘意餅底，我鐘意個慕絲*總括講下次唔會再食魚生主打自助餐，主要怕唔新鮮

聞說這一間店子的日式放題是很出名的,但係地址卻位置在一個很不容易找的地方,拿出了Nanonavi覆查了幾次,最後要畫了路線後才好走一點,原來要由荃灣地鐵站走到金田也要至少十分鐘呢~~(已穿過幾個小商場了,原來金田是在悅來酒店的大堂)如同學所說,這個店子的確有很多人光顧,眼見小小的店子座無虛席,和小貓三四隻的悅來酒店形成了很大的對比~Order了很多很多食物,刺身: 主力要吃的是魚生~~~三文魚和甜蝦似最新鮮燒牛舌: 超級彈牙,真的好好吃!!!芝士年糕: 定是必食item,外面很脆,入面的芝士很滑溜~~不要吃太多,否則很快就fill up肚子了燒羊鞍:很了日本放題有燒羊鞍吃,水準不比其他日式料理專美,特愛羊鞍的羶味,一定要很羶才好吃日式雜錦炒烏冬:有點像百佳的炒面,預先炒定,還有點先碎...日式蒸蛋: 現在很少日式料理會有蒸蛋吃了,味道一但很懷念呢~是日吃了很多很多刺身,我想這個月的刺身quota都被我吃盡了~~lol~~P.S.服務的確差得很,常常掛著一個很不耐煩的樣子

早一日打電話去BOOK枱，點知又要入WAITING LIST，可能真係銷路不錯吧，所以時常也很多人，不過幸好是第一位，第二日已確認枱号。（LUCKY）這晚和得得地女友晚飯，可能她期盼已久，竟然整天沒吃，就只為這一餐。可惡，整壞自己。有見及此，我當然一埋位就即席揮毫，和女友一起把格仔填滿。這間店的款式數量尚算滿意，我們填格仔也填得很高興。首先第一道菜當然是刺身。（一來就一整碟，嚇怕隔離枱以為我地係第三世界的饑民）魚生幾好.....蝦和貝類也不錯(女友說這些好補喎)之後再來的是炸物。蝦天婦羅的蝦算新鮮，炸得幾夠火喉，但如果再大隻Ｄ會更好。我食左好多隻炸蠔可以不要，太燶太難入口。再來是其他熱點，女友對此讚不絶口。厚燒和牛....正，好嫩口。薄燒牛肉....好入味。羊鞍.....好' 林'，如果可以再入味Ｄ更好。芝士年糕.....好得意，得得地女友話要食廿多粒仲有好多得意的食物，不過由於掛住食，唔記得影相俾各位觀摩一下。但總括來說，我們空肚入去，脹卜卜咁出番黎，都好滿意這晚餐的質素。（借版一用）希望得得地女友睇完開心番，繼續努力等我，我得閒再和妳去試新菜吧！

30/6/2009 (星期二)今晚同一大班朋友一齊去食 buffet，十二個人選了荃灣悅來酒店的金田日本餐廳試下日式任食放題，食物是即叫即做的，因為 Quota 有限，所以我就預先上 Open Rice 的網頁睇下其他網友的推介，再揀自己的心頭好。經過精心挑選，我就試咗：刺身類三文魚刺身：三文魚幾新鮮又肥美，係必食的首選甜蝦刺身：甜蝦都幾鮮甜壽司類松葉蟹柳壽司：一般啦沙律冷盤類蟹子沙律：清清地啱晒我口味燒物類秋刀魚：原條上，燒的火候剛剛好，有水準多春魚：一般啦冬菇：燒得太乾身，有d苦海鮮薯蓉北海燒：元貝上加入了薯蓉，燒好之後很香，連元貝的殼一齊上枱，賣相頗佳，值得推介牛舌：燒的火候剛剛好，好食粟米：清清地啱晒我口味炸物類甘蝦腐皮卷：腐皮炸得好脆，值得一試吉列日本生蠔：好食芝士年糕：外脆內軟，非常特別，不過一定要趁熱食，凍咗就唔好食炸雞軟骨：細細粒，一碟有好多粒，一口一粒，炸得好脆，加上雞軟骨好有咬口，係小食的佳品炸蝦天婦羅：蝦好大條，不過脆漿太厚，太多粉一品料理粟米粒粒燒：清清地啱晒我口味枝豆：清清地啱晒我口味日式蒸疍：料多，蒸疍的火候剛剛好，疍好滑醬汁雞翼：雞翼煮得好淋好入味鴨胸鵝

見咁多人話好，於是打算book星期五晚去食，打電話去話想訂夜晚食，都未講幾點，個姐姐仔已經話要八點半前交檯有冇問題，我就係想book八點嘛，於是佢話八點半後特價無得book要黎排，咁無計啦，於是同老婆八點三到去，已經有廿人係樹，等等下有人話訂左檯就直入，我咪問個姐姐點解人地訂得我又唔得，佢話咁岩有人取消先比佢訂喎。終於到八點半，可以拿籌，拿籌時姐姐話應該九點四到有位，於是係個豆潤商場行左大半個鐘，人都呆晒，老婆塊臉黑到鑊底咁，終於九點半先有位，但十點半就last order，都唔知後面既人點食。入到去要坐吧檯，即刻劃紙叫野啦。d野有d黎得快，有d黎得慢，有d直情無黎要摧。三文魚魚生質素普通，又切得太厚，唔太喜歡。劍魚又好厚，兼無乜魚味，其他燒物同烏冬等ok。不過劃紙有個麻煩地方係你劃左唔見黎，你又要劃過，劃劃下有d又黎返，攪到你都唔知究竟黎晒未。雖然特價叫做抵食，但等到成十點先有野落肚你咪攪我啦。

今次預早2天父親節. 依舊人多. 但點菜都OK. 刺身好味道. 我地一班人主攻...HA HA. 點了一口芝士, 一個個波形, 一口咬落, 好味道, 但好LAU.手券都好正. 最LIKE松葉蟞壽司. 甜品是芝士CAKE, 有HOTEL的水準啊. 已經諗定下次又來再吃, 因為好多時間坐, 傾計一流. 出面9:00左右有成大約30人排隊, 因為好似148一個人咋.

近兩個月來了兩次的日式放題。這裡最好的地方是快, 落單不久就有得食, 最合大胃王 ，食物味道又不錯。今次的戰績:- 三文魚生 x 10片- 甜蝦 x 12- 其他魚生 x 6 片- 香蒜牛肉粒 x 3 份- 燒粟米 x 5 件- 炒雜菜 x 3 份- 仲有其他... (不記得了)好!!

呢晚我一支公去食,6點7左右去到,開始無耐都已經有成廿幾人,一開波就叫左d刺身,d刺身好新鮮,最鮮係三文魚同章紅魚(我食雲晒成張刺身單o既刺身,成晚加埋起碼食左30片),天婦羅蝦矮瓜蕃薯同南瓜,好香脆,芝士年糕都係.燒牛舌好入味(連我呢個唔多鐘意食牛舌的人都覺得好好食),不可不提的係果杯海鮮蒸蛋,又香又滑又熱辣辣,講到鐵板燒,最好食係炒雜菜,清甜又夠鑊氣,而壽司就推介壓三文魚壽司,好有魚香味.而燒羊架拉面關東煮就一般.至於個場裝修得幾靚不過就細左d喇,食食下被要求調一次位.講到服務態度都幾好,尤其係唔戴眼鏡黑衫果個男仔頭女待應,值得一讚.衛生方面就真係曳左d喇,個廁所好污糟下(好彩都係臨走先去,唔係就食唔落喇),最後係價錢,雖然貴左d(之前o係荃灣食日式放題唔使200蚊),但都抵0既,d野食有番咁上下.我唸我會再去第二次.

$188 一個任食日本美食,真係食指大動啊,我地狂叫三文魚,甜蝦刺身,簡直歸晒本,你計下加埋一叫埋野飲都只係$200鬆D到,如果有東亞同渣打咭仲有95折tim,價錢都算合理,食物水準不錯,值得一試 ORDER完都好快有得食,又無跟甩單,D 服務員(特別有個男仔頭的女待應) 服務態度好好整體唔錯唔錯 真係好有多日本料理選擇,最推介就係三文魚刺身D三文魚超新鮮.....正 ,可以狂ORDER 而且仲不停供應,筍 好鬼開心嫁蝦蝦天婦羅,幾好味嫁,脆漿不會好厚 出街食就好貴啦燒羊架,又幾得wor,記得問佢攞芥辣,YUMMY YUMMY薄燒牛肉,D個值得推介 味道好好 記住ORDER 呀

今日心血來潮,同媽咪去試下悅來坊呢間金田放題 !!因為我地係即日訂位既關係, 剩返bar 枱坐..!照殺 ~~~入到去有數張點菜紙 ~~上菜的速度都算快 !!!係炸野慢少少 ~~~刺身都係大路款式 ~~一黎黎好大盤..媽咪剩係食呢碟都飽飽地 !壽司就真係麻麻地....剩係叫左松葉蟹柳 (我仲期望似板前咁..) ,玉子,炸蝦卷 !都係十分普通......蝦卷仲要幾難食下..冇咩蝦肉....蒜片牛柳粒 - 好有咬口,加埋d蒜片食 ~~幾好味 !!我仲叫左幾次!薄燒牛肉 - 幾香口,d肉唔係完全燒熟晒,再加埋d 綠色葉類平均返下 !唔錯鴨胸鵝肝卷 - 總共叫左兩次, 第一次中間冇綠色物體 ~~而且食落都仲感覺到鵝肝味..幾正架 !不過第二次真係冇咩 !得鴨胸味 !炸蝦 - 比五月花好味, d炸粉唔會太厚,食落好鬆脆 !! (掛住食,張相都影得衰d,哈!) 腐皮炸蝦, 味道唔差,不過呢個野食完幾飽 !吉列生蠔 - 普通料,沒有特別燒芝士年糕 - 姐係上張圖右上個粒圓形物體 ~~好好味架 !!!!咬開熱辣辣入面係白色年糕+半溶芝士....勁yummy !!!!阿媽話食一粒都夠飽..但我足足食左