金田日本料理 (已結業)

同朋友黎食下 試下金田放題可能因為星期六既關係 餐廳好多人好嘈魚生: 三文魚味道好好 甜蝦就唔多好食牛柳粒:好普通 不過不失 薄燒牛肉: 一流!!!!!芝士年糕: 趁佢熱食個陣真係好正! D芝士流出黎 不過食左一舊就會好濟炸蠔: 好難食天婦羅蝦: 都係麻麻地 我覺得金田既炸物好普通燒火灸三文魚: 好好食 而且火炙三文魚壽司味道都一流烏冬: 真係唔好食 個樣一d都吾似烏冬 ....炸雞軟骨: OK啦不過服務態度就麻麻地 成日都唔黎加茶 叫左好多次先至黎而且有d食物明明我地無叫咁多但又黎左好多 好似炸蝦咁黎左成30隻 ....其他方面都ok既 !

今次一行9人去食日本放題, 期望已久, 果然沒有令大家失望. 由於係母親節關係, 餐廳預備咗康乃馨送給大場母親, 實在值得一讚.一定要推介三文魚刺身及三文魚壽司, 令人回味無窮.牛肉入口即溶.服務方面: 無漏單, 倒茶, 換碟效率OK.8個大人, 1位長者, $2100

岩岩打完恐怖放題體驗...依家回味返D 好味的東東LA...金田食過2次...但LAZY 所以拖到依家先打返...XDDDD最近又去幫襯左一次...原來依家有新RULES...分時段....要食足一晚要比多$30...@@都係BOOK 位個陣先知...已經知邊唔BOOK 位無得食所以早左打去...點知早三日都係唔夠...1830 已經無晒位...咁唯有食2030-2230新裝修我又唔覺有咩特別BO...野食依然超水準...!!又多野食....D 魚生又大塊又厚又肥美....而且真係好新鮮...!! 凍凍地但又唔係凍到硬的...!!甜蝦好重蝦...即使好飽再食幾隻都唔覺呀...雖然好多人認為食放題唔食壽司淨食魚生先抵...但我又覺得魚生加埋d 飯食又係另一種口感喎...佢d 壽司真係好味到不得了...!!..仲好味過板前...!!大大塊魚生但入面夠飯又好細舊....woo....個口感真係難以形容!! 而且d壽司返係一粒粒唔係一pat pat o既感覺...好香壽司醋味...!!!牛肉手卷都係我最愛...!! 好好味...d 紫菜唔係好似食紙咁...好似咬開...!!熟食牛一定要推介LA

放題香港既吸引力真係幾好，因為可以指定既時間食到最多既野，當然有人係貴精不貴多。係會食價值比較高既食物。呢就唔同人有唔同既口味，不能作比較。呢晚雖然係星期五，但人都好多。服務都算唔錯，有個姐姐真係好好。好有耐性，問完佢野會好有禮貌咁答番我地。野食真係幾多，講印象深刻既。刺身其實都幾新鮮，由於太細件既關係。所以每次叫都要十幾件咁叫。但我發現一個問題，可能太多單做。所以份量有斷估，但都唔會差太遠既。我最鍾意既吞拿魚好新鮮，食左二十幾件到啦。燒物牛柳粒好淋，肉汁又多，煙韌可口。而羊扒整得好入味。雖然等得耐，但都值得既。炸物一口芝士真係得一口，何解？因為一口就食哂。而芝士年糕真係好正，平平無奇既年糕加上芝士。即刻變得不平凡。因為芝士可以拉到好長，好可口。甜品提子芝士蛋糕，其實都唔差既，不過就無乜特別。我都係鍾意青葉派一人一個雪米磁多。真係好好食，食兩個鐘乜都夠。

第二次黎試呢間野,發覺冇第一次咁好食今次坐正BAR 枱,可以一邊食野一邊睇住師傅整鐵板燒,見到師傅已經換了人,估唔到連手勢都唔同埋。唔知係咪因為好多ORDER,快快手手求求其其,薄燒牛肉竟然幾件都有好明顯地方係冇煎過,雖然牛肉生吃都冇問題,..但我食得鐵板燒都係想食香口果種感覺嘛。鐵板魷魚鬚冇以前咁香口,同埋冇乜味咁,上次來我ORDER3次,今次一次就夠了。魚生方面,款式不算太多,但今次吃到的海螺很鮮甜,赤貝亦有那種帶點腥的鮮味,正是我喜歡的口味,所以亦點了兩次。三文魚刺身今次食著有皮的,同埋一件切開兩件孤寒成咁,睇見已經唔係好想食。串燒等了很久,所以只能ORDER一次。反正唔係太好食,所以一次也沒所謂。雞軟骨猶如乾屍,好似放左好耐咁, 一點油的色澤也沒有,見到已經反胃。燒墨魚串,跟雞軟骨剛好相反,唔係太熟。一品料理款式頗多,其中點了芝士年糕,幾香芝士味,但係呢D食物太"漏", 點了一客便夠了。總括唔算難食,但咁既價錢我期望質素應該好D

首先讚下先靚女經理同之前一樣咁nice,不過唔知係唔係分左時段,所以佢地個個都好似好攰咁,不過keep到個service就好啦,睇返上一個留言,覺得會唔會係有d cheap人食唔起又要扮野,所以係度潑婦罵街呢?個傳菜姐姐就真係嚇死人,佢行動好迅速,但係佢真係"砰"一聲放低d野食,秒速咁講完d野食,就極速咁行左去,想問佢野都問唔切......到野食啦最愛既牛舌依然好好食,最正係佢又唔會好乾身,同出面比就真係...出面食咁多間都食唔返咁正既牛舌芝士一直都係我最愛,所以芝士年糕必選,咬落去d芝士溶晒係個口度,真係超正...芝士味濃d 刺身好似.....唔知係唔係近排d貨加左價,好似冇以前咁正,以前食到有甜味,依家都食唔返個甜品就真係超恐怖,個樣又唔好睇,又冇味...我寧願食返以前既cheese cake 綠茶cake 或者係椰汁奶果d囉.....另外想提一提既,點解要分咁多段?搞到好似好"cheap"咁,同以前既感覺完全唔同晒,搞到好似食得好趕咁....

好想試好耐~ 奈何次次都有好多借口無去~結果因為一次口快快~ 就去左食啦~去到無咩特別其望~ 所以平常心咁叫黎食~去果日係下午餐~所以比夜晚平~ 同少人~去到每樣都有得點黎食~ 刺身好食又多款~又夠新鮮~ 最推介係甜蝦同吞拿魚背正!!而且叫左幾ROUND 都仲有得出~真係狂食刺身都抵~之後炸物就不過不失~ 最令人留意係芝士年糕~真係好有芝味之後三文魚沙津~ 酸酸甜甜好開胃~ 蒸蛋又夠滑豆腐又夠豆味~ 正!!!之後最令我印象深刻係鴨胸卷!!! 一流~ 喜歡食鴨的記得要試啦~其他野都唔錯~ 而且樣樣都細細碟~ 試曬所有野都得~另外服務態度幾好~ 成日有人收紙同加水~真係令人食得好舒服同享受架

公司攪春茗，大家想食放題，地點又要近公司，就看開飯網。見呢間食評好似還可以，而且平時很多人排隊，諗住一定係好野(點知…)勁早BOOK位，所以有位，但價錢很貴，雖然沒有時限$188+10%(而家已經係$198+10%)但沒有想像中好，比旺角登打士街的2XXXX日式放題差…第一食物選擇少，第二而且唔包飲品(只供應茶)，第三食物麻麻，第四坐位很擠迫。最最最重要係很貴。雖然魚生壽司炸芝士年糕蒸蛋(要喜歡吃的人才覺好吃，我自己就麻麻)都不錯，但主打牛舌炸蠔卻太失所望(牛舌完全咬不開)，炸蠔得D炸粉，又太乾身，實在吃不下。沒有甜品選擇，只有一人包一個芒果西米布甸(味道還可以)但值得一提既我係地今次覺得餐廳服務還不錯，不是食評講的很差，這倒是很滿意~同事們一致決定不會再幫襯…正價時段恆生卡有95折，折後加埋一過200，可以吃一餐"

這間餐廳的食物質素都有一定水準,環境也很好。魚生也很新鮮,其他食物也是熱上。雖然食物不錯,但那短頭的髮櫃服務人員的態度差到離譜,令一家人都吃得很不愉快!令客人不開心,最好的食物都變了垃圾,食之無味!昨天7:50分我媽媽去等位,8:00派飛,9點打來叫我們等多10分鐘說有得食,我們到了,但卻還沒得吃,又再等了足足半小時,我們投訴了兩句,之後那個短頭髮的櫃檯服務員態度不可一世,說了些很難聽的話:「說不想等位,便食正價!」 但那時已經九點多了,,又說這些誨氣說話於是我們想叫經理,她自認是經理。之後好像故意為難我們一樣,我們7:45很早便來了,但結果我們等到9:45才有位入去!這樣差勁的經理真是令人難忘!!這裡的食物是不差,但找到這些經理便是最差的食到一肚氣

因為近來工作實在太過忙，沒有陪女朋友過聖誕趁今日休息打算同女友出去吃西餐補數，但她就要去金田吃日本野，她說那裡的環境不錯，食物的款式比西餐廳還多，呢餐女友話事，首先叫咗刺身嘅，三文魚刺身，次次都食佢，無辦法，又新鮮又鮮甜，甜蝦刺身都幾好味，夠新鮮。炸豆腐，好好味，炸到外脆內軟，豆腐外層好正，裡面D味道有點淡，不夠味，最正係D汁，我哋叫咗兩份，真係好味，推薦!!壽司類的食得好少，味道都唔錯，特別係鰻魚壽司，正！最後甜品叫咗炸芝士年糕，芝士夠多，好香，不過我哋只叫咗一份，因為食得多會膩。

今日原本是黎試下~~友人係8.30分到左已經問有位~但因為我地無book位~個待應就話要等到8.5X分先話我地知有無位期間友人一直同我電話聯絡而且係門口等~之後都有問要等幾多張而個待應都有講話兩張到左8.5X分個待應比左好多人入之後一個短頭髮既女待應出到黎無啦啦話小姐你係咪要台我地問仲要等幾耐？佢話我答你唔到要有人賣單先得~我頭先叫你留低資料你無留低過我唔知你係咪要但佢根本無問過友人囉資料所以友人話你無問我喎之後佢就好惡咁話你一直係道傾電話叫我等等友人再次強調佢根本無叫過留資料佢勁大聲話我有！但你講緊電話！之後又無啦啦話你地係咪入如果係吧台就即刻有得入但佢態度真係好差仲勁大聲我深信佢大聲到入面都聽到但我想講如果一個客人叫你等等之後客人再問返你要等幾多張台仲等左差唔多半個鐘你係咪應該問多次客人留唔留資料？我知個時段好多人佢都好似唔休做咁但態度都唔應該咁差囉！最後因為佢態度真係極奇差！所以我就係個待應面前講話算！呢道態度咁差食唔食都算！之後我地就走左！我想講香港既服務業就係比呢D人整衰！

前排和一班同學想食日本菜大家就夾埋來金田食嘢啦！對於我哋女仔來講出食飯第一選擇就係日本菜顏色漂亮、款式多、味道又正！金田有幾樣嘢我次次都會必食嘅，吞拿魚腩手卷，吾係人人都中意食吞拿魚，但我覺得好鮮甜，食過番尋味！甘蝦腐皮卷，D蝦超爽口又彈牙，咬落去啖啖都有蝦，吾食對唔住自己。黑椒煙鴨胸，好好味，色香味俱全，不過如果份量再多DD就very good啦！秋刀魚係好多人嘅最愛，我都係，一上臺香氣撲鼻,食幾條都覺得未夠喉啊！蒜容青口每次都一定有，我已經對它上曬癮，大大只好肥美，一隻一啖，極力推薦，因我唔中意食蒜容，so次次食一半漏一半（蒜容），宜家諗起都想再食啊，實在太美味了！食日本嘢雖然貴左DD，但食到自己中意嘅食物，物超所值，都抵番啦。

每次打電話book位，次次都full要waiting，打心一橫，book定一個月後的同事晚飯。一坐底，大家都急不及待填紙仔，首選當然係刺身，仲有炸物及燒物等等...刺身：很新鮮，份量大，件頭大，劍魚腩是我的推介，甜蝦亦都不錯！炸物：炸蠔，咬落去仲有蠔腥味，我鍾意！燒物：推介蒜片牛柳粒，很惹味！壽司及手卷：大家不愛點壽司及手卷，可能覺得有飯飽肚掛，所以只有我點了一個葱三文魚手卷及一件鰻魚壽司(因為鰻魚冇得齋點)，飯粒很軟熟、帶少許醋味，紫菜脆，很美味！環境方面，很不錯，夠寬敞，很檯都間開，大家傾計大聲啲都唔會嘈住隔離。服務方面，都很不錯，唯獨一位年青四眼女待應，當拎野放係檯面時，倒瀉了同事的豉油，冇識意去整返個碟，冇講唔好意思，放低左碟野就走左，全店員工就係比佢扣晒分喇，！

話時話,成日都話要去食日本放題,次次最後都食唔成,生野我只好三文魚,試問我要食幾多三文魚先回到本呢?!?!所以每次都打消放題念頭,改食板前~~今次唔駛俾我話事, 慶祝朋友A生日,朋友B決定,book埋檯,直至放工後先知道今晚地點係荃灣金田~that’s why我今次成功試到日式放題~三文魚應該無人唔食,就算係好日本野or not,我的朋友圈中係無人唔食三文魚, 只有食少少同喪食之分~我以前從來唔掂生野,什至是三文魚,數年前才開始終止對三文魚的抵抗,未至於愛上它,但至少不抗拒它,程度似乎一直在改善,大概是受身邊三文魚愛好者朋友的影響吧!!!當然,我的至愛仍然是鰻魚,地位誰也不能改變。扯得太遠,講番金田~星期四的晚上未到週末依然係爆場,還好未看到排隊等位的情況。大家都處於肚餓狀態,畫野食刻不容緩~~~order補顏色跟據種類分別,好似有7,8張~由於我地4人中朋友B係一名多胃王,所以每個order我地都預2人份俾佢,但求佢幫我地食倒回本,哈哈~~~種類比我想像中多, 芝士年糕,燒餅,章魚小丸刺哩D小食亦有提供,當然水準唔可以太過要求,只可以一止口癮!!!~新鮮程度,很抱歉本人只可以提供三文

細妹生日，一家人出街吃餐飯慶祝。記得上次父親節說過來金田吃的，不過當時訂不了位，今次再試，終於成功訂座了。既然是任食，就由阿妹全權苛打食物，反正我什麼都食的，唯一要求是要燒秋刀魚。食物是真的豐富，就讓我逐一介紹：選了三款壽司，有最傳統的三文魚、鰻魚同埋蟹柳。壽司全是細細件的，飯糰握得較鬆散，幾款材料均不算很鮮甜；刺身來了兩round，頭一輪是淨三文魚，擺成一朵花咁，幾漂亮。但看真一點，三文魚有些少發黑，味也不鮮，感覺一般；第二輪則有加了甜蝦及北寄具，同樣不算甜美。全晚最想吃的秋刀魚隨之上場，還要是打孖上，很是滿足。魚燒得很香，肉不會韌，尤其是魚肚的部份，愈吃愈甘香，無需點任何的醬汁亦可。我不太懂吃骨，否則魚頭更加是極品。炸物，有蝦天婦羅、炸蕃薯、吉列生蠔和帶子，全是新鮮送上，燙口的，一定不會太差。的確，幾款食物也炸得鬆脆、香口，蕃薯爽脆、生蠔甜美、帶子彈牙，總的說就是有水準。少不了燒物，最喜歡是蒜片牛柳粒。肉質鬆化，帶肉汁，夾著蒜片吃更為味美；還有個串燒魚腐，外層燒得香，付彈牙口感，是意料不到的好。老豆想吃點料理，又叫一些。醬汁雞翼，就是鼓油雞翼，普通貨色；餃子更為不濟，裡頭的軟骨完全