金百滬

營業中

休息中

絕對唔會再幫襯、食物一般唔緊要、屋村飯堂冇要求、但係服務超差就不能接受、中午時段叫一般點心等大半小時都一樣都沒來亦都來唔齊、但同款食物別的枱都到了、最令人不滿就是雖門口有取票排隊、但形同虛設、夥計或門口的工作人員不會理會、你只需入去見到有位坐低就可以、對我們這些取票排隊的食客來講係非常失望😞😞😞、根本沒有需要排隊夥計仲覺得沒有問題、你有你攞飛排隊其他去慣嘅依舊入去見位就坐咁有需要排隊攞飛咩、咁嘅服務態度你間鋪唔執都幾難😡😡😡

母親節早上當然要同母親大人慶祝一下，帶左佢試下主打食上海菜既茶樓。.我地叫左幾籠點心同埋一啲上海粉麵，蝦餃同燒賣呢啲大路點心質素尚可。✨四喜烤麩試試這道冷盤前菜，烤麩吸哂啲醬汁幾惹味，凍凍地岩夏天食。不過得隻碟大，烤麩只裝得一半位置，反而伴碟毛豆同花生就好多。✨雞絲粉皮粉皮既份量都一樣好少，有半碟都喺青瓜絲同拌碟既裝飾，加上雞絲食落好霉咁，下次唔會再叫。✨雞排擔擔麵雞排極之厚粉而且有陣油億味，包喺入面既雞肉好細塊又鞋口，食左舊都唔想再食。反而擔擔麵味道相對好啲，好香花生醬味，但食落又唔會話好飽好膩。整體食物質素同味道都有待改善。

本來提早做節一家人食飯，結果一肚火，浪費我時間又激氣，落單後等很久後被告知龍蝦賣晒（落單到通知最少超過20分鐘）本來都算了，之後竟然見到坐隔離枱比我地後入坐落單既客人上龍蝦（兩枱人數相同）但我地明明聽到隔離枱下單時女部長話龍蝦賣晒，（當時心諗好彩我地之前點左，相差落單時間最少超過10分鐘），甘點解後來下單既隔離枱反而有呢？！真係O嘴問部長點解，反而話係我地係後點，佢地係計入單時間，原來那怕你半個鐘前order佢唔入你張單出問題都唔係佢地問題，之後仲要死撐話人地左打電話訂，（可能人地係熟客？！）咁莫非剛才我地出現幻聽？聽著隔離枱落單時女部長同人講話龍蝦賣晒，真係唔好當人傻先得架，你安排混亂/或者你將我地點嘅俾咗人地，唔認錯講大話仲要將責任推係客人身上真係不知所謂，已經嬲到食唔落，埋單走之時仲聽到d呀姐問部長其他餸點，最精彩既係部長當住我地面前話留返做宵夜，貴餐廳有此等服務人員，我只好祝你地食多d宵夜，永遠不會再幫襯！！甘既服務甘既處理手法，真係搵鬼幫襯你

同朋友去完迪士尼經過青衣 見長發岩岩裝修好諗住睇下有咩新餐廳試下見到呢間食上海小籠包好似價錢又ok 甘就入去試下入到去店員好快就問你飲咩茶我地簡左菊花 但佢係用茶包開既見入面主要係家庭落泥食飯我地就叫左一個擔擔面 小籠包 上海粗炒除左上海粗炒無咩味之外擔擔面同小籠包都ok 埋單2個人大約二百蚊 要加一同茶錢

路經商場，發現這間餐廳外寫著小籠包專門店。心想，大字標題，如此高調，師傅應該對自家小籠包信心十足。誰知，世事往往不如人意。雖然賣相沒有十八至二十二摺，心想只要好味道又何需拘泥細節。 一放入口，大失所望。它最多只有普通酒樓的水平，肉汁不多又不鮮，皮又沒有口感，蒸過了火。怎想也想不通，它如何自稱小籠包專門店窩貼更嚇了一跳，這是煎還是炸，貌似月球表面。不脆但硬！雖然，不喜歡浪費食物，最好也只是放棄它。幸好生煎包比窩貼好少少，雖然不美味，但還可入口。同樣和小籠包一樣，蒸過了火才煎。這隻碟很靚，如果它是鼓油王炒麵，便合格。但三絲卻廖廖可數，難道它所指的是菜絲。終於有兩道尚算合格的菜式：以辣為主，不酸，是一碗不過不失的酸辣湯。除了芝麻粒，沒有太多味道。只能想是舟山特色，唯有自己加點醋來調味。作為一間上海餐廳，有雅致的碗碟茶具，的確讓人客一進來便產生好感。但師傅對上海傳統食品沒有熱誠，不去優化，不求進步。人客只會一去如黃鶴

長發商場裝修之後，聽講多左好多野食，於是今日就上到最高層睇下，見有間叫「金百滬」既上海店，裝潢幾靚幾乾淨，就試下啦！正值午膳時間，就試下佢Ｄ午市套餐，唔好睇間野好似幾豪華，Ｄ套餐都唔係太貴，每個$40至$50左右咋！我地叫左個糖醋魚塊，黎到時一齊「嘩」左聲，唔係話好大碟，但一定唔只一人份量，仲要整得好靚，又好好味，可以媲美晚市餸菜！然後黎個上海炒年糕，好大碟同埋好入味！我地又試下佢個雪菜肉絲麵，好大碗，水準之作！除左正宗上海野，我見有豉汁蒸排骨，就試下佢Ｄ手勢，都幾入味同埋Ｄ肉好淋好好食！食左幾個套餐有Ｄ意猶未盡，加$10有多樣小食，於是試埋個麻醬茄子，又幾好食喎！

環境都幾好，都算寬敞。黑松露小籠見到師傅真係即包㗎！不過冇帶手套都幾唔衛生。原來所謂的黑松露，係小籠包個頂度放好少量的黑松露就叫做黑松露小籠包，入邊一啲黑松露味都冇，早知嗌個原味小籠包啦！紅燒獅子頭買相都可以，有兩大粒，不過個質感就實咗少少囉！同埋啲嘢唔係好夠熱，凍咗。回鍋肉都見到有一片片的肉，份量少，不過辣味唔係好夠，同埋多油左。京式賽螃蟹蛋白都幾滑，不過又食唔到一絲絲嘅的蟹肉喎！高力豆沙高力豆沙都唔軟熟，而且入面的紅豆餡得好少， 又唔夠熱，味道一般啦！服務就一般啦！一部分的侍應好似好熱情，一部分好似好冷漠。

上海菜現在越開越多，但好食真係好少，這一間都只係一般。小籠包是食上海菜必點，這裏向小籠包是即時製作，都算皮薄，而餡料都算足夠，略嫌肉汁唔夠多。這裏的四喜烤麩真是很差， 全部都唔合格唔入味。炒鱔糊會有骨，我最憎就有骨的。上海粗炒是全餐裏面我覺得做得最好，我懷疑是手製的，因為面是粗幼不一，而且更有豐富的彈性，另外面是非常上汁，最重要撈上少少辣醬，簡直令人回味，但有一點不明白，就是上枱的時候已經唔係太熱。味道: 一般環境: 一般衛生: 有改善空間服務: 有非常大改善空間抵食: 一般

該店是該集團的分店，面積頗大，枱數亦算多，有卡位和圓枱提供。出品頗多，一般滬式食品都算齊全。有醬及醋提供以調味佐膳。可惜一打開醋盅，內裏竟然是醋，這種低級錯誤實可避免，以不令顧客產生一種管理混亂之感覺。酸辣麵用料尚算充足，湯羹的濃稀度調節亦得宜，算合格之作。担担麵調味尚可，用料亦均勻，可惜祇有微辣可選擇，對不喜辣者少了一個選擇。韮菜鍋貼熱度不夠，不是即製出品，皮亦過厚，嚼頭不佳。荳沙鍋餅算中規中鉅，無驚奇但屬市面大路出品水平。該店帶位有點混亂，是晚未見有專人負責，是否人手問題就不得而知。醬醋亂投亦反映管理與督導問題，存在極大改善空間。

同屋企人黎食晚飯，一行6個人，佢話有位，點知入到去係拍埋兩張四人圓枱比我地。我第一次見咁樣拍枱食飯，拍完等於無拍。到諗住叫野食，佢枱面有張紙比人劃野食，但張紙野食item唔齊，有啲無啲咁，奇奇怪怪。填好野食想搵侍應，點知嗌極都無人應，終於嗌到個阿叔，佢行埋黎收左張紙就轉身走，想叫住佢嗌支啤酒，佢越叫越走。跟住想嗌定幾個白飯，佢行到埋黎話餸未黎唔幫我地落，我再同佢講話想嗌啤酒，佢洒手拎頭話無酒叫。指示唔清晰，服務態度差，完全無視啲客，貼錢比我都唔會再黎！