金筷子火鍋小廚

營業中

休息中

同朋友夜晚9點左右去新蒲崗打邊爐，揾到間有得食象拔蚌刺身嘅火鍋店。.坐底嗌咗份炸魚皮($58)+涼拌魚皮($68)，涼拌魚皮好食！少少辣，爽口彈牙😋.老闆娘推薦椰子雞鍋($128)，有半隻雞，椰子味清甜，啲雞大份兼嫩滑。👍🏻.推薦⭐️極級和牛霜降 ⭐️手打芝士丸 ⭐️象拔蚌刺身.手打芝士丸口感結實彈牙，象拔蚌刺身鮮甜爽口，鮮味十足！.但脆肉鯇就差少少，唔夠鮮甜。不過食物整體黎講我地都幾滿意。美中不足嘅係舖頭唔大，我同班朋友八個人坐就有啲逼。.老闆娘好nice好啱傾，送咗啲啤酒同野飲俾我地😆原來呢間舖喺新蒲崗開咗14年喇，係好有人情味的店舖❤️

舖頭細小，但充滿人情味嘅火鍋店🫶🏻先講食材，用料新鮮高質，男朋友中意食牛，叫左個牛霸王環球拼盤（$488），裏面有唔同種類嘅牛部位可以試，手切牛同極級霜降嘅牛味都好重，不過我自己比較鍾意手切牛，因為味道帶有點騷。份量好多，2個人次次叫都食唔曬，3至4個人食就差唔多。每一次去老闆娘都會啲特別推介嘅食物，我地食個日就叫左個墨魚刺身，份量都多，刺身鮮甜爽口，就咁沾wasabi豉油食已經好正，落一落湯灼一灼仲爽口。另外，特別要提嘅係佢地個湯底，我地叫左個冬瓜瑤柱湯（$38），好足料，裏面有好多冬瓜、瑤柱、仿翅、蠔豉，最重要係冇落味精，湯底仍然濃味，食到最後飲一啖湯超正！老闆同老闆娘好好客，服務態度亦好好，見過有客生日，佢地都會特登熄燈掛生日快樂燈飾牌同客慶祝，而且好鍾意同客傾偈，記性好好，記得啲客做咩行業，鐘意食咩，真係feel到佢地用心經營。

👍🏻海底椰鮮雞窩 $59/半隻家庭式火鍋小店！半價超抵食椰子鮮雞湯窩🔥！上枱時雞件先以隔網隔起，等湯滾起後先放入，避免雞肉煮得過熟變鞋半隻雞份量真係幾足料，雞皮爽彈偏肥，雞味濃郁雞湯清清甜甜，入口藥膳同薑味明顯，後勁有淡淡椰子清香飲落好舒服，食完雞後可以飲返碗湯先落其他食物😙$59咁大煲雞窩絕對超抵食🥹！味道：7/10性價比：9/10-👍🏻手切極級霜降 $268/大 & 手切封門柳 $248/大兩款招牌手切牛，大size約3-4人份量霜降牛油花多啲，油脂香明顯，口感更加軟嫩封門柳厚切大塊，雖然脂肪唔多，但完全唔韌，肉味較濃較多肉汁各有各好食，兩款都咁高質🤤-凡惠顧霜降/封門柳，只需加$1就送響鈴/蟹棒一碟，唔啱食仲可以同老闆娘針針，送手打烏冬/蔬菜等都可以🤑-味道：8/10性價比：8/10-👍🏻手打芝士墨魚丸 拼 手打墨汁墨魚丸 $108/8粒有驚喜🤩！墨丸係自家手打，加入芝士流心餡，淡淡芝士鹹香，爽口彈牙黑色嘅墨汁丸更加出色，墨魚味更濃，更彈牙而且食到明顯嘅墨魚肉粒，足料有咬口，值得一試👍🏻味道：8/10性價比：8/10-👍🏻手切和牛脷 $78牛脷味道濃郁但唔羶，有啲脂肪多啲口感軟嫩

我覺得有一道菜真係正到痹！！叫咗冰鎮鮑魚，$38 /隻，叫咗五隻，－擺上來就搶曬，冇影到相，又爽又甜，真係唔錯。聽阿姐話係老板買嘅新鮮鮑魚，自己用雞湯煲過，先俾我哋食用。👍👍

我覺得叫火鍋料一定要新鮮，所以叫咗手打丸、魚標、脆骨腩等。都幾好，冇令我哋失望。今次因為小朋友唔吃象拨蚌，所以冇叫，見$ 488元，仲加埋剌身蝦等，都幾抵吃嘅，下次再試啦！

今晚一家大細去新蒲崗睇戲，7點45分先開場，仲要等一個半鐘，所以阿囡建議吃飽肚先去睇。附近兜着一圈，來到金筷子火鍋，見雖然細細間，但貼着唔少廣告，星期一至五火鍋料三送一，仲有幾個湯底都做推廣，幾吸引，所以大家都話試吓。一入去，阿姐都幾好招呼。我叫着椰子雞窩，賣相同味道都唔錯。見手切牛加一蚊有響玲，咁係叫一碟試啦。手切封門柳賣相雖一般般，但牛味都幾重，唔錯。

嘩真係大讚😭😭雖然舖頭細細 但係應有盡有 價錢合理啲嘢食又新鮮 店員勁Nice 啲象拔蚌刺身正到不得了😍😍😍嗰日就嗌咗個椰子鮮雞鍋嚟食 啲雞又多肉又滑 仲要係勁抵 得閒會再試過！🤤🤤🤤

就嚟中秋，同幾個friend一齊打邊爐。有朋友推介左呢間位於新蒲崗嘅火鍋店。雖然舖仔細細，但睇得出店主好俾心機，食物質素都唔錯，買相擺設都好靚~😗啱啱坐低，我哋叫咗碟即食嘅涼拌魚皮，上面有啲花生，芫荽，魚皮有少少麻，少少辣🌶，好爽口~唔錯😋朋友就叫咗個四層樓梯牛肉，份量超足，$398，仲要免費送埋一個瑤柱冬瓜鍋！我就點左魚膘，雞腸，脆骨腩，樣樣都好新鮮，好好味😝最值得推介嘅係兩款手打丸，一種係手打芝士丸，一種係手打墨汁丸，買相同味道都一流，而且口感好彈口🤤🤤聽老闆話呢排火鍋料做緊三送一，所以除咗牛肉，我哋仲另外叫咗八樣火鍋料。好食又抵食，今晚超滿足🥰

必食項目手切和牛，封門柳，象拔蚌，脆肉鯇魚，手打丸和新鮮魚標。雖然是小店，但各種食材都很新鮮。鴨血也很軟滑！還有不設加一收費，這個已經省下不少錢。值得一試推介以下海鮮🦞套餐

我係睇到comment去金筷子嘅，中伏囉，叫左個套餐，椰子雞湯、象拔蚌、魚片、虎蝦手切牛肉通通無未。而且個一堆海鮮船嘅裝飾，好唔衛生。價錢唔係平嫁，其實依家好多人都識食，求求其其做生意，俾你賺一次錢囉，唔會有下一次，做生意好無heart.本人好少寫comment,但係今次實在太過份，唔想有人中伏。

同兩個朋友聚下舊食飯，喺朋友推薦下我地一行三人就黎左依間火鍋店到試試。如果鐘意食環境既朋友可能未必岩，但好似我地三五知己坐埋聚下舊，環境就完全唔重要。講返D食材，真係好新鮮好好食，佢地個刺身拼盤有活魚刺身，有生蝦仲有象拔蛘，樣樣都好新鮮好好食，份量都👌，我地另外加左鮑魚跟埋拼盤上。本地手切肉好重牛味，肉質鮮嫩。湯底我地揀左胡椒豬肚湯，非常足料夠味，加左幾轉水都仲係好濃胡椒味。手打丸有好幾個款式，試左芝士墨丸同蟹丸都好出色，但可惜掛住食唔記得影相🙈，下次會再光顧試埋其他款式嘅手打丸😋。總括而言，如果好似我著重食材質素既話依間火鍋店絕對值得一試，但如果鐘意食環境既buddy 們就可能未必適合。刺身拼盤（鮑魚我地另加）😋本地手切牛👍🏻胡椒豬肚湯底

男友人生日，朋友們安排左係新蒲崗呢間小店打邊爐，老實講，新蒲崗聽就聽得多，去真係第一次去，去到前係附近兜左個圈，原來有商場又多野食，下次可以過黎走一轉等齊人啦，已訂位既我地已經安排左台比我地，如果計火鍋店黎講，呢間係比較細小，有幾次隻手都撞左隔離台既客人Order左個胡椒豬肚煲，好特別，有層腐皮包住d豬肚放係個鍋裡面，湯底奶白色好濃郁，胡椒味又不太強，適合男女老幼另外最期待係個海鮮船同刺身魚同象拔蚌，先黎左個海鮮船，有蝦有魚有蠔等等，個價錢又吾貴，我地七人都分得暈👍👍，至於個刺身船真係👍👍👍👍👍👍👍👍👍👍👍👍👍，好新鮮，個象拔蚌同魚即叫即切，爽口彈牙，真心推介，一定要叫，其他丸丫，肉丫都好新鮮，不錯另外讚美下個度d 員工，雖然個個都係姐姐，但有活力又有禮貌，仲好識講笑，氣氛好好，不過吾醒水😛，生日蛋糕明明講左係驚喜，食到七七八八就不停提我地陣間切蛋糕，陣間同你上蛋糕😂😂驚死我地吾記得，最後每位消費$400左右，因為我地請壽星仔，如果吾係，就一人$300幾，性價位ok

朋友話想打邊爐，於是去咗呢間小店，椰子鮮雞窩好抵食只係$2 ，為慶祝金筷子十周年。食物：椰子鮮雞窩雞好新鮮，唔係雪藏雞，好滑唔鞋口。白灼新鮮花螺 - 新鮮象拔蚌、魚、蝦刺生，都算新鮮，象拔蚌好爽口，蝦反而冇咁爽口條魚切完片之後，仲會保留成條骨，可以打邊爐淥熟佢，食埋個魚腩位四層極級和牛霜降 - 好正，肥瘦均勻，必食！牛骨髓 - 正常豬仔牌午餐肉 - 正常蒙古羊片 - 唔太鍾意食羊嘅人，可能會覺得有強烈嘅羊味。響鈴（脆竹卷）- 唔夠脆手打美國響螺 - 其他打邊爐的餐廳好少有，呢個好特別，好味，彈牙爽口。手打墨魚滑 - 爽口彈牙，新鮮。手切白肥牛 - 我朋友話係牛胸油部位，唔係個個鍾意食。服務💁🏻‍♀️：店主親切有禮，態度殷勤，服務一流。會主動送雜菜給我們。晚一點的時候，正當是老闆們用晚餐，可能因為我們是坐在他們旁邊，老闆亦主動問我們有沒有興趣試吃他們整的鮑汁雞腳同水果。環境：店舖比較細，大約只有10張枱，有少少擠迫，適合少人數去試。泊車🅿️：可以直接泊餐廳出面的街。總結：整體質素唔錯，可以支持一下小店。

這店舖位處新蒲崗工業區附近，交通不自便利但人氣卻爆燈，因為它物美價廉。店子內部不大，若你不介意路邊風味，店主會加枱於店前，點起瓦斯爐給你。我們今夜預先３天訂枱，所以ＨＡＰＰＹ　ＦＲＩＤＡＹ能安座店中。今晚湯底選了＄２的蟹肉魚翅鍋。鍋來到時大家都很好奇，一個腐皮袋子安放於上湯中，湯頭滾起時打開那個腐皮袋子，內有大量卜卜蜆、魚翅、蟹肉及雞腳，雖不是絕頂鮮味，但較外面百多元的湯底相差無幾。火鍋料方面，我們點了＄２９９的大碟本地手切肥牛，加＄１有一碟松葉蟹腳。牛肉是厚切，肉味濃及有咬口，必點！＄８８的手打墨汁墨魚丸是這裡特有的，烏卒卒的外表內是爽口彈牙的墨魚滑，再貴也要來一碟。最後另一重點出場，＄４８８原條象拔蚌刺身，雖說＄６８８可來一條大象拔蚌，但確是沒此必要，因為細條也份量十足，加＄１２還有８只蝦刺身。這裡大青島＄２０／支，汽水＄１２／罐，竹蔗茅根＄１２／支，取價中庸＝）

昨夜有局，結果搵到去新浦崗⋯⋯十一點半，。先叫鍋底，呢間火鍋店經常有做推廣，今次湯底低至$2，吾好以為$2會好差，個湯底好足料。我今晚就點左雞湯底，佢仲配左2粒鵪鶉蛋，少量冬蟲草，椰子，紀子，個湯好甜。今晚因爲7點去食，佢做緊叫3樣餸，第4樣餸免費。我點左牛肉，蟹肉棒，魚皮餃，墨魚滑，豬腸頭，脆魚片，講真樣樣食材都好好味，特別係脆魚片，墨魚滑，好彈牙，好爽口。呢間最吾好係坐位少，店員太hard sell,其餘都好好，基本上每個月都會幫襯至少次，無得碌卡，去食記得帶現金，仲有海鮮價的海鮮都幾吾錯，我都好鍾意食，其他湯底，例如海鮮湯，我都覺得好味，但嚮鈴就麻麻。碟牛唔係太得，希望下次會好D。5個人，埋單950，出面食齋飲半打啤都要兩佰啦，一定番轉頭