金華燒臘大王 (已結業)

This restaurant has been here for ages but I have never tried it until today because there are too many temptations in Central and Sheungwan.Finally tried it on a sunday when lots of other places were closed.Although it was pricey, the roast pork was amazing, you get to choose which cut to have and the menu clearly says that in English too.The pork was soft and tender and the fat didn't annoy me with a great taste.There have been lots of negative reviews so I was either lucky or it was sunday so

聽講呢間燒腊鋪開左好多年，入到去睇得出裝修過，佈置有啲心思，貼左啲食店同燒味嘅歷史&介紹。一碗普通嘅燒味雙拼飯$60，都係中環standard價錢，唔係特別貴。嗌左碗叉雞飯，叉燒兜亂上係咩玩法，一般都係排得整整齊齊架嘛... 咬落勁乾，柴皮咁😩啲雞肥到嚇死人，最肥嗰層皮有1cm厚，皮多過肉😤個汁冇乜味，打個咁嘅芡整色整水不如落返豉油算啦。食物唔得，環境都唔係好得，四個人坐嗰張卡位真係細到痴線，伸手應該都搭到對面膊頭😓最尾想飲啖茶啫，隻杯係痴笠笠嘅😰唔好食、唔好坐、唔乾淨、唔平，我都唔明點解咁多年都仲做得住🤷🏻‍♀️

又是外賣日，好耐未嚐燒味了，很久都沒來金華了，記得最喜愛這裡的六安茶，但這次是外賣，沒有得飲呢。點了個叉燒拼切雞胸(少) 飯，白灼芥蘭。雖然是少飯， 但都有頗多， 足夠2個小胃口的女生， 餸都不少，雞胸有5件，叉燒有6件， 就算是雞胸都唔"un", 有d 雞味， 叉燒就算是瘦都不硬，就是飯比較爛一點。白灼芥蘭軟硬度剛好，最怕就是淋晒又變黃的菜，看得出亦不是菜頭菜尾，清洗得亦ok, 起碼沒有白色發泡膠粒，$15 算抵食， 而且好食。雖然係貴dd, 都是值得的。

呢到野食本身冇咩特別好食，因為最近減肥，見佢有菜心又做到全走，價錢合理，又唔使等位，就揀係佢到食但個落單阿姐講野真係好笑，同我講如果係飯市只係叫菜食下次唔做我生意，話叫多個湯先得。我真心覺得佢好笑，我入去，間餐廳都未坐夠一半人，我唔明佢點解要趕客！你話餐廳已經爆晒，咁我都算丫。你依家都冇乜人，有多張單你就做啦，講埋咁多廢話令人反感！菜唔係得你呢間先有，你今日咁講，得啦！我以後唔再幫襯！我出街食飯咁耐未見過咁既餐廳！難怪唔使等位啦～ 明晒！

今日係呢度叫左個叉燒飯，食左少少，見到飯入面有曱甴。我叫侍應過來睇下，佢一見到就快快手收左碗曱甴飯。問左我幾次要食咩其他野，我答佢話唔想食之後，佢十分不情願咁係張單刪除叉燒飯個價錢，但所有其他食物同飲品都要照比錢。食物有曱甴，一句唔好意思都無，張單照比錢。好似無事發生咁，咁樣做生意，仲會有下次幫襯嗎？

原本霖著去食九記牛腩嘅，不過人實在太多啦，於是打道回府，系openrice上面search咗好耐，最終pass咗三四間店之後揀咗呢間。老字號燒臘店，從外面睇店面唔大....門口就擺著各式各樣嘅燒臘...服務員年紀都偏大，服務態度一啲都唔熱情。78蚊嘅五寶飯，超唔好食！！叉燒唔夠香，燒鵝得一舊，仲有油雞全部都係雞胸肉，仲有一細塊鴨胗....五寶竟然連脆皮燒肉都無，連推薦嘅鴛鴦都好難飲···叉燒同燒鵝拼盤，叉燒系五花嘅，瘦肉都算甘香，不過肥肉太多···燒鵝好肥。。

今日公司勁忙，又想吃叉燒，諗起有間係中央街市附件既燒味鋪，試下都無所謂．．．金華始於1963年．．．．諗住有咁上下歷史，應該幾得．．．點知都係一般餐牌可以揀廋叉或半肥叉，好！今次就揀半肥叉不過，叉燒d肉質就一般啦，完全冇叉燒果種油甘香味，醬汁又偏甜，早知吃美心．．．

平時少出去中環，所以今日到中環做嘢都唔識去邊穩食，特別系中午，又要趕住盡快食完去繼續做嘢，唯有兩個人入巷去周圍穩，打算食個快餐解決就算喇，飯點時候基本好多店都排隊，見到金華燒臘大王人唔算多，就呢間喇。店內環境都幾干凈，係門口見到D燒臘唔錯，就點個燒臘飯。燒鵝飯都幾多燒鵝肉，表麵睇燒得唔錯，先食燒鵝皮試下先，皮燒得好脆，再咬開D皮仲有汁流出嚟，開始以為人唔多，仲以為唔好食，原嚟燒鵝咁唔錯，皮脆肉嫩，味道好夠。我試左件同事嘅叉燒飯，唔同其他一般店嘅叉燒有D硬，呢度嘅比較軟，口感比其他嘅要好一D，但個醬汁有少少咸，敗筆。

可以響中環多年迄立不倒，呢間燒味老店確實有令人欣賞既地方。半肥瘦叉燒肥膏同瘦肉分布清晰，入口即化，甘香可口，而且配上秘制既蜜糖燒味豉油,完全可以送多幾碗飯。最令人驚喜既係老火湯係全冇味精，一星期日日唔同款式，呢個係花生雞腳湯，有益又好味，單售10蚊。呢間好店裝修特別，而且好多人生感言掛響牆身，好有舊香港特色，見證香港歷史新舊交替既一面。

唔知點解佢仲可以生存落去......本來諗住去太興, 但見太興太多人,又見呢間野話有位,咁咪諗住試下囉,點知唔試油自河,一試就把幾火,我個姓林的同事, 佢碗叉飲有兩隻蚊....同個女侍應講....個侍應答"呢啲天氣係咁架啦, 你接受到就得"...............................重點都係好難食...要食, 不如去對面間龍記排下隊, 等多一陣, 好味好多。

一碗肥叉少飯，但奇怪淋在叉燒上的不是豉油，是茨汁，個人認為淋上茨汁的叉燒頓時會失色不少，叉燒飯應該是灑上豉油的，至於那嚿肥叉，就吃不到香囗焦燶肥美感，只覺像吃燒汁豬肉，幸好叫了肥叉(曾猶豫叫半肥瘦), 嚿肉咬落都算夠軟身易入口，我只嫌它不太像叉燒！

突然間話要去律師樓簽文件，完全唔記得有依件事囉，嚇得我鴉 ﹗好采阿姐放人比我事假啫。唔知幾多年無黎幫襯喇，印象中係全港最好食既肥美蜜餞叉燒，要黎回味一下。西洋菜陳腎湯，就算例湯都超級有水準呀，火喉十足，一飲就知。真材實料無味精無搵笨，香甜得利害，有添飲既衝動。雙髀飯一碟，近來一直心情唔多好，叫個富貴飯氹下自已先得。切雞髀燒鵝髀，嘩 ﹗碟燒味飯都幾巨形架喎，餸仲多過飯，雙髀居然係全髀添，食過咁多間都係第一次乍，連飯都唔多見到囉！阿個阿姐走埋黎欣賞依個大製作，勁搞笑 ﹗燒鵝皮香肉嫩，質地幼細又滑不留口，肉汁非常豐富又入味，正呀 ﹗切雞髀雞味濃，薄薄雞皮不油膩又嫩滑無比帶點爽口，不得了 ﹗雞肉彈牙有咬口，好味又抵食！多謝 HKD132 蚊，破晒我食開雙髀飯既記錄，足足貴一倍，但係雙鵝髀雞髀勁巨形呀 ﹗有樣唔太喜歡，就係淋得太多燒汁喇，濕笠笠又偏甜呢。例牌蜜汁叉燒，碟雙髀飯實在太好食喇，搞到無理過碟叉燒，唔記得同佢拍遺照添。HKD60 幾蚊疊到成座山咁高，下面一層鋪滿一整碟，上面仲加多一行，堅抵食 ﹗香甜蜜汁叉燒好香口，眼見到肉汁立立亮，咬落 juicy 又軟墊，豬味濃郁，半肥瘦無得輸呀 ﹗三

見附近翠X人又多.太X的下午茶餐又吾抵食,餐單又吾=不是我想吃的.就入左去試下.心想老店有人準,食物應該不會太差.點了一碗叉燒河粉.飲料需另外加錢.河粉冇特別.好小一般,叉燒可以做沙紙用.條菜心感覺有點生生的,下次米搞我

約了朋友，打算在中環街市搭扶手電梯上半山。路過傳統老店金華燒臘大王時，如著魔般被櫥窗掛著的燒臘如叉燒、燒肉、鵝等深深地迷惑，雙腳不能自拔地走了進去。老店裝潢古香古色的，褐木雕花屏風襯圓枱紅色枱布，四周貼滿各種極具禪意的警世真言。一飯之間，既可滿足口腹之慾，也可洗滌身心，何樂而不為呢？馳名燒味飯由$48-$68不等，樣樣都想試，奈何眼闊肚窄，掙扎了一會兒，終有了決定﹗不消片刻，年老侍應送上一碗熱辣辣、香噴噴的金華叉燒燒鵝飯$55，以及一小碟冰梅醬。一碗有七片肥瘦大一均一的叉燒，五件大小不一的燒鵝，以及少量椰菜墊底。淋上醬汁的叉燒和燒鵝色澤相似，醬汁味道與坊間燒臘店明顯稍有不同，不會太甜，味道不錯，伴白飯吃蠻不錯。白飯夠香糯入味，然質感若可稍稍硬身少許，咬口會更佳也。是日的叉燒偏瘦身，表面油光亮澤，色澤亮麗，肉紋清晰可見，看上來沒有丁點兒邪惡感。叉燒四邊燒得焦黑而香脆非常，咬下，肉質軟腍具彈力且充滿肉香和鮮味，吃罷毫不膩口，加上適量的糖味兒，香甜中帶微微焦香的迷人魅力，倍添滋味，不愧是招牌菜也﹗後來，據其他食友食文，方知叉燒可要求瘦叉，肥叉或半肥瘦的。相對而言，油潤有光澤、油脂滿佈的燒鵝入

今日下午同同時事去買午餐，經過金華，記得好耐冇食過，就諗住入去買。。。叫咗肥叉燒腩飯，d燒腩唔脆，叉燒冇味，汁冇味，爛飯，仲要收115元！四個字。。。 貴夾難食。。。