金蘭花泰國菜 (已結業)

呢間餐廳係主打泰國既私房菜 廚師亦係泰國人所以食到既菜色同我起泰國食到既真係差唔多呀超級正宗！😍泰式炸蝦餅🍤🍤蝦餅既原材料係起泰國新鮮運到港🇹🇭所以比起平時食既真係唔同 蝦餅有八件 已經預先細心咁切開左 炸粉係超薄 只係薄薄既一層包住新鮮蝦膠 蝦餅既蝦味好重 而且仲食到啖啖蝦肉 彈牙可口配埋泰式辣將醬增加風味十足😋泰式黑椒炸豬手🐷欣賞廚師會將炸左豬手同埋黑椒汁分開咁就仍然可以保持到豬手既脆口 豬手外皮炸得金香脆口 入面既豬手肉好嫩滑 仲有好多肉汁😍黑椒汁唔會過辣反而提升左豬手既味道 完來兩者係超夾！泰式豬仔肉串燒豬仔肉串燒肥瘦均勻 每一條串燒都沾滿左濃濃既蜜糖 香烤左既串燒成功將豬肉汁逼出 每一條都好juicy！酸辣椰汁雞湯奶白色椰汁雞湯飲落口好滑 加左酸辣味道既椰汁雞湯感覺好特別 每一啖既味道好豐富 材料亦好足 用上左好多去骨既鮮雞肉 最欣賞既係即使雞肉經過多時既烹調仍然嫩滑無比豬肉菠蘿炒飯炒飯既材料好豐富 每一啖都食到好多配料 豬肉既嫩滑加埋菠蘿嘅香甜令每食一啖都好惹味 炒飯好乾身唔會好油👍🏻青檸梳打食泰國野點少得青檸既特飲！今次覺得好特別既係餐廳會另外提供一枝泰國出產既梳打比叫左

香港有好多泰國菜館， 但其實真係正宗又好味嘅都唔係咁易搵。我自從搬出市區之後真係方便好多，所以可以同媽咪周圍搵好野食。好似今晚咁， 我地就走左出灣仔，嚟呢間開左都有十年嘅泰國餐廳。返屋企接媽咪再走去搭地鐵嚟到都唔使廿分鐘✌️，快到自己都唔信！餐廳位於某商業大廈嘅二樓， 窄窄長長嘅門面， 唔係識途老馬分分鐘會miss。但對於我嚟講搵到啲咁隱秘嘅美味餐廳係件好有滿足感嘅事😊。餐廳裝修好Home feel，樸實無華，但直覺令我覺得啲野應該好好味。對住餐廳咁多選擇， 我選擇困難症又發作了， 樣樣都想食， 事關我地勁鍾意泰國菜，鍾意spicy, 同泰式香料嘅味道。好彩媽咪果斷地點左四樣菜式啫。第一道係豬頸肉生菜包，豬頸肉味濃，偏辣，用冰凍新鮮生菜包著食， 好味啊！泰式海南雞飯同其他有咩唔同呢？🤔呢個我都唔清楚， 不過今晚食呢個肉質實在，有肥油，雞皮滑溜得嚟爽彈，好似泡過冰水咁。個泰式酸辣好有勁道，米飯細長帶雞油香味，好利落嘅一個飯set啊！每次食泰國菜，我都好期待嗰道明爐烏魚，用魚形嘅碟冊在火上滾著原條烏魚，視覺味覺都好享受。對於明爐烏魚，每家菜館都會有點自家特色，今晚呢間，用左大量蒜蓉辣椒，香菜

想揾一間食泰國菜嘅餐館，但又唔想去九龍城，朋友介紹話灣仔有間金蘭花值得一試，我係中午時段，就打電話約埋太太放工後，係灣仔地鉄站等，慢慢行住街過去，到埗後，餐館環境都好特别，睇完菜牌，太太叫咗一個(小)冬蔭功湯，一個酸辣棷汁炸脆雞和菠蘿蝦球抄飯，加埋恐龍蛋。飲品要咗一杯青檸梳打，靑檸梳打和冬蔭功湯一齊到，青檸梳打味道比較清新的，冬蔭功湯，飲落有啲辣，但凍咗就辣味冇咁犀利，恐龍蛋個皮炸得好脆，內裏嗰皮蛋味道唔錯，酸辣棷汁炸脆雞，味道適中，外脆内軟，雞肉好滑，最後來埋個 菠蘿蝦球炒飯，菠蘿係新鮮嘅菠蘿，蝦球都好大隻配撘埋一齊嚟抄飯，抄出特別的味道， 越食越想食，今餐太太搶住埋單，佢話公司出咗中期花紅，我話早知就食大啲啦。

今天中午朋友約了我去食泰國菜，去了灣仔近衞蘭軒這間金蘭花，是一間樓上舖，正宗泰國人打理，坐位不算多，但也算寬敞整潔！服務員也很有禮貌！因爲是朋友做東道主，由他作主點菜！點了素春卷豆腐粉絲肉碎湯泰式炸蠔餅泰式蝦膏炒飯素春卷剛炸好上桌，熱騰騰的，醮以泰式酸辣醬，脆卜卜，好好味！豆腐粉絲肉碎湯，裡面是玉子豆腐，有雜菜和肉碎一起，湯底味道清甜！泰式炸蠔餅份量好大碟，炸得甘香酥脆，十分可口！蝦膏炒飯，青瓜和洋蔥炒疍伴碟，炒飯上面幾片薄薄的臘腸，令到視覺效果唔錯，味道亦十分可口，飯粒乾身而不覺油膩，廚師真用心去做的一碟炒飯！這頓泰式午膳亦極為滿足了！

朋友生日 指明要食泰國野又唔要過九龍城又唔要大牌野一search之下見呢間金蘭花寫自己係私房菜幾特別 (通常私房菜都係中餐) 應該合哂生日個位朋友嘅心水~平晚7點幾唔算好多人 餐廳分開兩邊單位安排左我地坐無人嘅一邊 可以靜靜地傾下計環境都唔錯~我地叫豬肉碎生菜包, 甜酸鰂魚, 炒什菜同冬蔭公炒飯生菜包係生日個位必叫 唔知點解佢咁毒愛~呢個肉碎偏辣 但都幾開胃 同埋生菜少左d 最後d肉碎用黎撈炒飯都好正!甜酸鰂魚有驚喜 佢係起哂d魚肉出黎 個魚身就炸左佢墊底 魚片唔會有骨 又唔洗食出面普通個d魚塊 好正冬蔭公炒飯都唔錯 初頭叫我陣我都擔心會唔會唔夾 反而出奇地好味 個飯帶有少少甜味 蝦都有幾隻 再加埋肉碎食就perfect~炒什菜就普通啦 純粹好似健康d有菜食

不知道你的正宗跟我所想的正宗有沒有分別，不過可以肯定的是這間泰國菜是比一般的特別，我自問已在香港吃過很多間泰國餐廳，而金蘭花泰國菜的很多菜式都是我第一遍吃！柚子沙律 $98柚子沙律看起來好像不太吸引，但吃起來一點也不酸，加了些泰式汁，開胃至極！臭草煎蛋 $88臭草沒有氣味臭，反而吃起上來有種特別的感覺，這道菜比較油膩，所以可點上醬汁恐龍蛋 $98是吉列的外層，配上皮蛋視覺味覺雙重享受紅咖哩海鮮炒飯 $88看起來完全不辣，意想不到的辣辣炒飯但是又很上癮～泰式奶茶

今日去左灣仔食泰國私房菜位置唔算就腳但係聽聞有好多明星都去過食👀試下食睇下係咪真係咁巴閉先😂—醃豬頸肉生菜包啲豬頸肉泰式沙律醬去撈酸酸辣辣咁樣算係開胃既前菜🐷頸肉嘅份量都算多唔錯既👍🏻—泰式肉碎湯河正常水準啦無乜特別不過湯底唔太油ok既—泰式腰果炒雞丁雞丁唔算多但炒得算入味加堆雜椒有啲菜食下—黃咖哩炒蜆好少會食咖哩配蜆無左種大啖大啖食既口感咖哩奶味偏重齋食得多會好滯配番個飯/薄餅多啲就最好🤷🏻‍♂

呢間泰國餐館保留到泰國菜應有嘅色香味👏🏻👏🏻👏🏻，口味十分之正宗！沒有讓我們失望，店裡雖然沒裝潢，但每一道菜的味道真的很不錯，是泰國本土味道的的私房菜。叫左常見不過既生蝦，蝦餅，炸點、柚子沙律同芒果糯米飯，地道泰國風味與泰國當地餐廳無異。柚子沙律是我的最愛, 柚子粒粒分明, 味道酸甜又爆汁, 配埋腰果一齊食. 呢個泰式燒雞，皮脆肉嫩，燒得好香，每件雞都啖啖肉，點埋泰式酸辣汁仲好味。食物，味道整體來說不錯的。 真的要來試一下，不錯。

係修頓睇完波，朋友帶我去食泰國私房菜上到去問口貼左好多名星相而且重要只招待會員泰式金邊粉$78食私房菜當然要試下傳統菜式試下手細份量一個人食係好足夠味道偏淡，唔辣。金邊粉濕濕地，但唔太油而配料有芽菜同蛋！泰式雞絲湯河$48朋友叫左雞絲湯河，河粉係粗河粉，比幼河粉更有口感同飽肚，而且粉同雞絲份量好多，衣個價錢超值清淡既雞湯，味精唔太多雞絲ok嫩口同入味芒果糯米飯$88最後叫左個甜品，衣個值得推介，比美泰國出名既糯米飯糯米看起來還會閃閃發光有光澤米飯軟硬間的拿捏剛剛好，適合喜歡中意有口感的朋友芒果成熟程度剛好，好甜而且椰漿好香！

樓上私房菜最重要是有特色，因為要人特別走到樓上，總需要一個理由吧。這間泰國私房菜除了以泰國廚作招徠外，特別的菜式也是一個很大的吸引點。除了必吃的金邊粉及魷魚沙律，還有兩款特色菜是特意推介的。第一款是豬仔肉串燒，豬仔肉很軟、很嫰，肉味也香。細吃之下才發覺，原來在肉與肉之間夾住脂肪。但因為是燒，脂肪不會太肥，反而多了一層香味，更叫肉質能保持嫩滑。很有心思的安排。另一款很特別的菜款是酸辣椰汁炸脆雞，最特別的是外型，剛上枱時還不知雞。原來是把雞肉起了，只剩一條小骨，所以有這效果。啖啖雞肉不在話下，豐富的肉汁與酸辣的椰汁配合的很好。獨特滋味，非常可口。最後記得要個椰青，由泰國運來，很多汁，很清甜的。

泰國菜不嬲都受港人歡迎！今次呢間係泰國私房菜，叫得私房菜就梗係樓上舖仲要寫住members only 所以去之前最好打個電話先！呢間私房菜有住家feel 行過聽倒廚房啊姐講泰文^-^野食就唔算超多款式跟友人都唔係好食得辣，但係又鍾意泰國菜的香味！同主人家講咗之後，佢就推介左幾味餸菜：點了個酸辣海鮮清湯泰國香料真係好香感覺就似係唔辣版本嘅冬陰公足料有蝦有蜆等海鮮好飲但係稍嫌有啲貴小食拼盤正呀！有蝦餅嗰啲我最鍾意食嘅泰式小食雖然全部煎炸野好熱氣但係食泰國菜一定要叫😍炸得啱啱好因為食唔到辣嘅關係，所以店主推介左食青咖喱！事先講明我真係食唔到辣，所以青咖喱嗰啲小小辣都令我出晒汗因為我係咁用青咖喱撈飯同埋點薄餅食如果食得辣嘅朋友紅咖喱係另一個選擇，可能仲好食仲食咗個菠蘿炒飯其實個菠蘿炒飯都又足料又好食，不過都係青咖喱撈飯好食啲嘢飲方面就叫咗椰青同埋泰式青檸梳打，椰青好大個好好飲，仲好好賣，最後一個都俾我other 左

經朋友介紹搵佐間泰國菜私房菜同女朋友開處，位置都算方便啦，係灣仔同金鐘中，我地就揀佐係灣仔地鐡站行去，貪佢一條直路唔使左穿右插樓上舖，地下街閘無鎖。上到黎地方細細但已經坐滿佐人，好在一早有BOOK 定位。成日食泰國菜，今日點菜就點得比較平淡鮮魷沙律，重料，開胃，呢個絕對係泰國菜必點開胃菜。估唔到成碟會落咁多鮮魷，相當抵食先黎係個炸蝦餅併魚餅，因為太肚餓，未影相都食佐兩舊佢每樣都四舊，夠曬分，無乜炸粉，相信都係餐廳自制，幾鮮味，幾飽滿。唔錯再黎就係個蝦膏炒通菜，呢個蝦膏味都幾重，又大蝶，相當抵食。全碟新鮮，挑過揀過，抵讚豬肉炒金邊粉，呢個係覺得最好食的一碟，雖然好似普普通通，但要控制個味道都唔簡單，好多泰國菜館都會做得好咸，反而呢間真係控制得幾好，仲落佐好多櫻花蝦，好足料一直都未食過泰國私房菜，雖然我都唔係好知何謂私房菜，但純以食物質素，呢間都算係幾用心同足料既一間泰國菜餐廳

今日lunch time 又來到訪喺灣仔嘅泰國菜！呢間泰國菜呢我哋經歷過好多次，原因呢就唔使多講啦因為真係幾好食㗎!Lunch time 呢好多人，每次都要等位啊！咁呢最好啦就book啦或者早啲落去啦！！😂咁今日呢就叫咗菠蘿炒飯，豬頸肉，同埋炒河粉嘅！要推曬嘅呢係嗰個豬頸肉ah!好好味㗎,果汁呢係酸酸地咁樣，好開胃㗎！😋😋二個炒河粉呢都好正，佢可以揀你prefer 嘅肉嘅👍🏻👍🏻唔錯呢😝😝

今次同屋企人食飯食泰菜，黎試下金蘭花。冬蔭公愛好者既我必點，今次點左大冬蔭公。雖然有有少少辣 但飲到好開胃，冬蔭功湯既海鮮有好多份量算多，夠6人份量。泰式生刺身夠爽夠新鮮 要預訂

Came in for the affordable yummy thai food for a birthday dinner with friends. Not only did they not charge us extra for the cake we brought but the staff also broke into song, dimmed the lights and celebrated our friends birthday with a Thai rendition of Happy Birthday To You!! Karaoke mics, candles, the works. This place is clean, friendly and affordable with decent thai food that came out the kitchen at an impressive speed. But the real reason i would come back is to celebrate someones birthd