金蘭花泰國菜 (已結業)

接完小妹收工之後， 就同小妹係屋企附近食泰國🇹🇭菜—「金蘭花泰國菜」， 之前係銅鑼灣分店食過， 知道灣仔有間姊妹店， 就食過返尋味！😏 恐龍蛋（$98） 其實係蝦膠包住皮蛋，配搭出意想不到的美味！👏🏻 外層係炸脆爽彈嘅蝦膠， 包住流心甘甜嘅皮蛋， 蘸點泰式辣醬一起吃，酸辣惹味，作為開胃菜也不錯！👍🏾 冬陰功湯（$98） 我哋兩個人，所以就叫咗個細嘅冬陰公湯，就啱啱好！👏🏻 蝦嘅鮮甜完全被迫出來，湯頭鮮甜甘醇， 加上不可或缺嘅配料如蕃茄、菇類、香茅、檸檬葉、南薑 、指天椒等， 味道夠晒正宗，酸辣味美，正！😋👍🏻 酸辣椰汁炸脆雞（$92） 炸雞炸得皮脆肉嫩， 即使淋上秘製酸辣椰汁，既香又辣， 炸雞外皮仍然保持香脆，裏面嘅肉嫩滑美味～ 菠蘿蝦球炒飯（$88） 炒飯又炒得乾身，唔會油淋淋， 配上海鮮如魷魚、蝦、肉鬆、提子乾和菠蘿肉等， 啖啖都食得到滿滿嘅配料，值得一試！😌 杞子龍眼冰（$28） 自家製龍眼冰，味道清甜香醇，必試！😚 青檸梳打（$32） 原瓶泰國梳打一同奉上，夠晒真材實料！ 配上青檸，入口清爽，酸甜清新！

餐廳是泰國私房菜，門外有很多名人照片感覺很像不錯，一心去吃明爐烤烏頭，可惜當日只剩下盲糟，青檸湯汁味道是不錯的，可惜魚質不配合 較為腍身，有點失望，而且烤魚的爐火經常性很快熄滅，食一餐玩左兩次火，而且店員較少，很多時都未必可以見到我們。豬肉串卷很有泰國水準，肥廋均勻，值得瑋試，但6串要過百元，價錢頗高，其他菜式正常泰菜水平。不過座位都幾寬闊，唔會太逼，而且當日隔離枱有人生日，店員會唱live生日歌，都幾有氣氛。

金蘭花係泰式私房菜，其實本身唔知佢私房唔私房但佢個地點實在太私私到好多時都有位，比較寧靜、舒服，價值亦好合理，樓面等等都係普通坐位，人唔多所以都闊落既餐牌一般食既泰野都有，價錢會比一般餐廳平少少，我諗都同地點有關不時有折頭既，可以叫多兩味，等亦唔耐，都係泰廚泰侍既整枝Singha泰一泰先先黎個串燒豬仔肉，店員推介話唔係日日有，賣相相當不錯入口嫩滑，比一般串燒豬牛雞好味，調味就有少少偏甜，加埋醬汁都幾正如果再濃味啲或者辣啲就更正，份量都係好足夠既海南雞飯跟住就上，叫飯送汽水油飯幾香下，不過無咩味亦有啲太硬，雞既油脂同肉分佈唔錯，入口夠滑點埋醬汁，正！味道幾好泰式炒通菜，上枱好香，泰式通菜口感細細條，加埋汁好正炒法偏濕，汁比較稀，無鑊氣而唔太香口調味尚算幾好，如果唔算太好辣既都ok最後就係明爐烏頭，勢頭十足，跟左梅湯，可以隨自己想時補入湯汁，湯味濃而梅酸味好正配料、香料好足料，魚身多肉而大條既，食極都食唔完如果想惹味啲可以叫酸辣湯食完準備走時，全店黑晒原來後面枱有人生日，店員開左卡拉ok唱泰文生日歌好似上面張相咁，好驚喜好正好有氣氛不妨考慮生日黎，又有蛋糕又有節目#另特別推介冬蔭公同蝦餅#

晚上7點黎，好彩有book 位，如果5係要等位呢～2個人點左1小食1餸1菜1飯（本來無諗過份量很足，下次呢個份量都係要3個人先食得哂）泰式豬仔肉BBQ ($108) 有6串，燒得岩岩好同好juicy 。個人覺得5使點個醬都已好夠味，但朋友則喜歡連醬汁一起吃。蝦🦐膏炒雜菜（$76）同香葉辣椒🌶️炒肉碎（$78）都炒得好香。同埋5使驚，辣椒不係好辣個種，送飯一流！ 紅咖哩海鮮🦞炒飯（$88）有好多海鮮料，魷魚🦑好彈牙。不過好似5係好食到好咖哩味🤔洛神花茶（$28），呢杯野飲係俾佢個別名～泰式利賓納吸引左所以點🤣其實我覺得係甜牌洛神花茶，但係飲落都幾好味的😬

岩岩旅行返黎，仲倒緊時差，朝早起身已經系晏晝....😓突然醒起今日約左朋友食飯，朋友安排左佢成日都食既泰菜- -金蘭花。非常對胃口，佢知道我出門在外多日，專登揾我最愛的泰菜。餐廳雖然唔大，但坐得舒服，枱與枱之間系有晒空間感的。串烤系必須要食的菜式之一，尤其推薦豬仔肉串燒，豬仔肉夠味，肉質嫩滑，偏大塊，醬料有少少辣，烤肉串泰味十足，過晒牙癮，醫肚一流。豬仔肉不肥，肥瘦適中。酸辣椰汁雞湯：原本以為只是湯，結果發現料多到變成一道主菜咁，昵道菜有驚喜！椰汁濃郁，有獨特的泰式香料味，菇又帶起雞的鮮，同時雞又令菇不單調，所以整個配搭都令人很意外的喜歡！菠蘿炒飯，配料多，菠蘿很fresh,肉鬆腰果炒得好香口，可惜飯身比較濕，我地比較鐘意乾爽d既炒飯，所以如果可以炒得乾爽d就會更好味的。泰式黑椒炸豬手豬手脆皮無敵脆，好香，沾上醬汁，味道一流。豬手都算多肉，黑椒令豬骨更有味。難得約朋友吹水，飲返杯野傾下計，呢間泰式餐館系不錯的選擇。

記得朋友之前介紹灣仔近軒尼詩道的泰菜很好味，是留上鋪！ 於是搜尋一下應該是《金蘭花》了！ 泰式豬仔肉串燒 HKD 108平時吃的豬仔肉比較乾身而這個剛好相反 - 除了肉質嫩外還有很多醬汁！ 酸辣椰汁雞湯 HKD 98味道椰汁比較重帶酸，而辣度可能己被椰汁味道蓋著所以較為談，很適不太辣的朋友！ 泰式黑椒炸豬手HKD 268德國豬手吃得多，泰式還是第一次！ 肉質乾身而脆菠蘿炒飯 HKD 78泰菜點少得菠蘿炒飯！顏色色彩繽紛，很吸引！ 份量足夠二人！ 杞子龍眼水HKD 28泰式凍奶茶 HKD 28 突然間全場關了燈湊起音樂，原來是有人慶祝生日，職員還用泰語及英文唱生日歌！ 遠看其蛋糕似有芒果糯米糍，很特別呢！

夜晚來到金鐘行街 突然想食泰國菜咁岩見到金蘭花 個名好泰式 即刻入去試下金蘭花是樓上店所以要行樓梯上去 當做運動 一入到去見到都坐滿左半個場 Menu 款式很多 中文，英文和泰文都齊而且價錢亦很親民碎肉生菜包味道不會太濃 亦不會太咸的豬肉碎配上新鮮的生菜簡直一流炒豬肉夠香口紅咖哩炒素瓜是素菜適合食素的朋友紅咖哩入口是辣辣的 不過仍可接受海南雞飯的飯是雞油飯所以食入口很香口而雞肉亦滑身 略嫌雞有點過肥 最後，泰式明烏頭烏頭配上了特製的青檸汁 更令人開胃魚蒸到剛剛好 魚肉不會鞋口配上青檸，蒜，辣椒更是令人食不停口

最初是在朋友口中聽過金蘭花的名字，之後亦有光顧過銅鑼灣分別，覺得食物味道或賣相同樣出色，定價亦不貴，今次約了朋友在灣仔晚飯，就試試灣仔分店的手勢。＊＊＊＊＊＊＊＊＊＊＊＊雖然同為樓上餐廳，但相比起銅鑼灣分店，灣仔店裝潢較為平實，但最緊要乾淨企理。厚厚一本菜單，選擇非常豐富。左: 凍檸多($28)凍檸多原來就是檸檬加益力多，第一次見，一於試下。可能加了冰的關係，益力多沒有平時般甜，多了青檸酸味，都幾特別。右: (自家製)杞子龍眼水($28)杯面有幾粒龍眼肉，龍眼水甜度適中，很潤喉。酸辣海鮮清湯－細($108)酸辣海鮮清湯夠酸夠辣，但因為沒有下椰漿，略嫌有點不夠香濃。清湯內非常多湯料，內有蜆、魷魚和秀珍菇。小食拼盤－小($108)拼盤內有四款不同小吃，由上至下左至右分別是香茅炸雞翼、春卷、蝦餅和魚餅。春卷炸得香脆。魚餅彈口，不會成口粉。蝦餅同樣彈口，蝦味十足。香茅雞翼炸得香口，外皮炸漿亦不過厚。泰式青咖哩雞－小($98)青咖哩可配豬、牛或雞，另配白飯。青咖哩濃稠適中，不算太杰身，但也不會水汪汪，咖哩調較至港人口味，雖然沒有辣味，但都幾香，用來餸飯一流。青咖哩內有很多茄子、脆肉瓜和雞肉。菠蘿

之前在金鐘番工，平時食lunch都會逃跑去灣仔頭附近一帶搵食～ 呢間喺連鎖咖啡店附近既樓上泰國菜 金蘭花泰國菜館～我地都食過好幾次 今次就同朋友試埋晚餐水準又如何先！佢位置都幾隱蔽 侮位處二樓 上到去會有種私房菜感覺，內裡裝潢純樸乾淨，坐位亦算寬敞舒適的。一如既往 我因為唔太食得辣 我係會要求餐廳幫我走辣 所以唔食得好辣既朋友可以放心～落左單好快就黎喇啲野青木瓜沙律 $62：青木瓜條爽爽地好清新，用生菜包住 加埋蝦米 蕃茄酸酸微辣好開胃 冬蔭公湯$98 (小) ：湯內有很多菇 同埋大蝦 足足有五六隻 好足料 ，酸辣程度適中，好開胃！泰式炒通菜$68：份量頗多，調味好濃，好香蒜味超級惹味! 青咖哩（雞）$98 ：雞肉仍好嫩滑，辣味很少，適合不太吃辣的人士，而青咖哩的椰漿較外面的泰國菜多，所以特別的香滑，而再加配上金不換或九層塔令其香味加上青咖哩原有的香味，互相配合下，令整道菜昇華不少～～～呃仲有個飯跟架！好開心 可以小辣但同時又會好惹味～

很久沒有見過舊同學仔, 又是時候"交換手信", UPDATE 下近況。本來想約他找回舊校那邊吹水懷緬過去, 可惜大忙人只有開工沒有收工時間, 只能約我們在他的公司附近食個靚飯, 於是就到了他揀了的樓上餐廳。要不是同學仔是識途老馬, 我們也不知道這兒有間樓上的泰國菜館, 而且頗正宗的。在等大忙人的時間, 我倆各點了杯飲品。自家製香茅冰味道清清地帶少少甜, 但每口都帶着淡淡的香茅香, 解膩清熱最適合, 之前去泰國一飲便愛上, 現在每次泰式食肆也會點上; 泰式奶茶雖然也是偏甜的, 但調製下茶味而加濃, 不會死甜。幸好同學仔不用等很久就出現, 我們亦很快點了菜。首先送來的是我揀的酸辣海鮮粉絲沙律沙律賣相紅紅綠綠的相當漂亮, 酸酸甜甜的粉絲十分醒胃, 每口都充滿着青檸和辣椒味。加入不同的海鮮就不但增加口感來層次, 亦為沙律帶來次鮮味, 令整個味道都豐富起來。不過我略為覺得較辣, 要是有辣度選擇會更好。泰式牛丸湯是同學仔點的, 牛丸彈牙,而且湯頭十分夠味, 帶着又甜又濃的牛骨湯。加入生菜和芽菜及小量香料 雖然是較為普通, 但喝上熱熱的湯和有些菜吃又真是幾舒服的。海南雞配上油飯, 真是男生的最愛之一

灣仔其實係一個好多美食聚集嘅地方，有好多隱世嘅小店唔係開係大街大巷，而係響大廈裡面。今次呢間餐廳就係一間隱世嘅泰國私房菜。呢間餐廳位於一座商業大廈嘅2樓，佢嘅裝修簡約，乾淨。雖然唔係好豪華，但好有家嘅感覺。打開餐牌有好多選擇，樣樣都好似好吸引咁。我哋就揀咗幾樣最鍾意食嘅嘢，例如恐龍蛋（蝦餅皮蛋），一個好開胃嘅柚子沙律，一個海鮮炒飯同埋從未見過嘅臭蛋炒蛋，再加多一杯泰式奶茶。柚子沙律酸酸甜甜帶少少辣，非常開胃惹味。柚子沙律入面嘅竟然唔係花生，而係更好味嘅腰果，提升個沙津口感同味道。海鮮炒飯味道其實好好，只不過實在太辣啦，唔係人人都接受唔到，食到我噴晒火。蝦餅皮旦嘅蝦餅好彈牙好爽口，皮旦又係流心，食材好靚，真係非常好食。呢個臭草炒蛋望落去個樣好似好普通又好似好唔抵咁，但估唔到食落去原來係咁香，啲蛋煎得個邊燶燶地，好香口，臭草除左煲綠豆沙之外，原來炒蛋都係咁夾。最後加埋一杯泰式奶茶，真係飽到上心口。呢間私房菜嘅食物水準都好高，而且價錢又唔係貴，有好多餸都未試，一定會再返嚟食。

柚子沙律($98)，先黎個開胃菜，啖啖柚子肉，兼且好甜，仲有腰果中和返甜味同增加口感。臭草煎蛋($88)，一上菜就聞到有味，外表似蠔仔餅，食落似台灣臭豆腐味道，個名雖然唔太好聽，但其實味道唔差，個醬係鹹味類似南乳醬。恐龍蛋($98)，哩個最正，皮蛋係流心，食落有漿住口既感覺，外層係炸蝦餅，配泰式辣醬好夾。紅咖喱海鮮炒飯($88)，個飯好辣，最終要慢慢食，同埋飲勁多水先食得晒，但炒得幾香，入面有蝦球同魷魚。青檸梳打($32)凍檸多($28)，益力多加檸檬又幾好飲。

有一間泰式私房菜，平時好多人幫襯。所以今次我都去試一試！酸辣椰汁雞湯椰汁味超香 而且唔係好辣。啱香港人口味泰式豬仔肉串燒呢個串燒得啱啱好，肉軟軟滑，泰式 醬汁 好惹味，點埋汁錦上添花菠蘿妙飯(豬）炒飯炒得好香，每粒米 粒粒分明， 加了菠蘿和番茄～令食慾大增！泰式黑椒炸豬手呢個超香超好食呀，炸到啲豬皮脆卜卜。豬手又入味。如果送啤酒一流呀！青檸梳打成支梳打畀你凍檸多檸檬茶加益力多依度服務幾好，如果有人生日，員工會唱泰文生日歌你聽，好有氣氛又有趣

早有聽聞灣仔上樓泰式私房菜，菜式及味道媲美九龍城，今天有機會到來食午餐，就是想試試廚師手勢，因為這店子由廚師到樓面都是泰國人，期待他的正宗菜式。 先來酸辣鳳爪做前菜，酸辣平衡，惹味令胃口大開，顏色配搭又鮮艷奪目，眼睛跟味蕾都在享受。半隻泰式海南雞份量可不少，注意是已去骨的，啖啖肉，脾位滑溜，胸肉一點也不嚡口，配上特製的泰式醬汁更有另一番味道。油飯很香，充滿香茅味，淨飯也連吃多啖。 再來道泰式炒椰菜苗，微辣惹味，最後點了鹹魚芥蘭炒飯，外表跟一般炒飯無異，但入口鹹魚味道突出，鮮香不過鹹，飯炒得粒粒又不油膩，雖然很飽，但也忍不住吃多兩口。 今餐整體滿意，每道菜式調味恰到好處，雖然菜式惹味，但沒有絲毫口渴的感覺。離開時見到門口附近架上有多款從泰國入口的醬料，而上層則放置多個獎牌，堅持選用正宗配料及用心製作是有質素的，我也會用心記著，如果再約朋友食泰國菜，這兒一定會是考慮之一。 #hkfoodblogger#hkfoodies#foodstagram#foodpics#灣仔美食#食評#相機食先#食好西#吃貨#泰國菜#金蘭花泰國菜#二人世界#三五知己

平日中午同同事黎食lunch叫咗生菜包、泰式奶茶、炒菜、串燒、海鮮金邊粉先講生菜包太辣，菜份量不夠金邊粉多粉，但少海鮮，味道淡至於串燒，選咗豬同雞，真係好好食，又大串但奶茶味道一般，太甜，蓋過了茶味服務方面：期間有職員一路彈唱生日歌、一路跳舞誠意加分總結係食物一般，但服務還可以吧