金蘭花泰國餐廳 (已結業)

我以前經常去灣仔店，覺得好食，所以對銅鑼灣店都有信心，可惜結果是失望至極。 星期六下午2時去到空無一人， 同行人士覺得不妙，但我想灣仔店weenend 的人流其實都是差不多，所以都照樣進店午飯 (但我沒有想到灣仔店的地理位置，週末沒有人很正常，但這裡是銅鑼灣呀，不能相提並論)。 我覺得作為一間連鎖店，基本道德是保持各分店的水準相約，金蘭花兩間分店的水準差天共地，不能推說不同廚師所以不同水準就蒙渾過去。 吃完後，覺得非常失望，所以寫下第一篇食評。 我們兩人點了海南雞湯河，泰式豬肉炒河和馬拉盞通菜(sorry，因我沒有相機食先的習慣， 所以沒有拍照證明)。 1. 海南雞湯河: 最正常， 金邊粉都算彈牙，但同行人士覺得雞有雞膻味。。。但我覺得還可以接受。2. 馬拉盞通菜: 通菜入口異常甜，馬拉盞炒菜是非常穩陣的菜式，最多只會太咸，但這裡的是竟是太甜。另外通菜亦相當老，沒有爽脆的口感。 3. 泰式豬肉炒河: 兩個字- 恐怖。亦都是異常甜，醬油味道古怪，又有鑊燶味。。。我本來很討厭浪費食物，但吃了幾口已無法接受。 另外，餐廳環境不錯，座位闊落。 但是服務不見得殷勤，全間店只有我一枱，女侍應一副我

我覺得只有生蝦好食 幾爽口有個短髮女待應態度好差 落單後因為等好耐 好好態度咁問左句 態度好差咁講要時間整架，唔係一叫即有架！心諗咩事？ 環境幾闊落 傾到計但不會再去 ！Openrice訂座有9折 實質去到無

今日浩浩蕩蕩十幾個人一齊去食lunch🤩難得好齊人約埋一齊farewell 同事，所以黎到銅鑼灣金蘭花食lunch! 之前成日都幫襯開灣仔店，銅鑼灣店黎過幾次，感覺乾淨企理，比灣仔店更開揚，坐得更舒服😌唔知生蝦刺身同咖哩蟹係咪限量供應嫁呢，早一日餐廳打黎confirm booking 都有問洗唔洗預留定，生蝦好鮮味好彈牙，配埋蒜頭辣椒同醬汁超級好食呀！另外值得一讚嘅係馬拉盞炒通菜，每次黎都必點，少少辣，好惹味😋菠蘿炒飯成個配搭好好，香甜好味😘特別推介串燒豬仔肉，係好嫩滑嘅五花腩，肉味濃郁仲一d都唔鞋👍🏻👍🏻因為大家都好肚餓，冇每一個dish 都影相🤣但每一樣都好好食！

想食海南雞飯，上網見到呢間金蘭花泰國餐廳好似唔錯，買咗兩盒外賣返屋企食，原價$68依家有九折， $109蚊有兩盒，返到屋企打開個盒聞到好香，最好食係佢個泰式辣醬，酸酸辣辣咁樣，又唔會太辣，十分開胃，點埋啲雞肉配合得啱啱好，撈住飯食都好好食，啲雞肉超級新鮮，有一盒係雞脾，一盒係雞胸，唔會太老， 10分滑，啲飯唔會太濕，一粒一粒唔會黐埋一舊舊，整體來講，呢個飯好好食，最特別係佢個醬汁，下次可以試埋其他嘢食，值得一試。

果幢大廈好難搵，兜左兩個圈，原來係一個好偏僻嘅巷仔到，上到去，見到好靚嘅牆，餐廳無人甘濟，得一台客，紅日同假期唔做茶餐，叫左兩個海南雞飯外賣，外賣自取有八折，折左同茶餐價差唔多。等左一陣就好快有，用左個好靚餐廳設計嘅袋裝，好厚好實淨，有個泰式辣醬另上，而且好夠熱，飯盒有兩塊生青瓜，好爽脆，好新鮮，啲雞好滑好味，唔會覺得好肥，啲飯黃黃地色，我估應該用雞油整，好香，油油地，但唔會覺得太油，泰式辣醬偏酸酸地，唔係好辣，好開胃，但覺得可以再辣啲。

跟朋友在铜锣湾溜达，饭点的时候都觉得不想吃中餐了，找了这家泰国菜试试。店门挺不好找的，在侧边的小巷子里坐电梯上去。店内环境还是不错的，装修的有东南亚风格，色调轻快活泼，服务员还算热情吧，就是介绍的菜吃的一般般。点了小食拼盘，烤肉，椰青，各式咖喱，海鲜，时蔬等。印象最深的是炒面真心不好吃，其他菜式也不出彩。基本没有留下什么印象，咖喱的味道普遍也差了点意思。唯一还可以的就是喝了点椰青，每人都要了试试，还是挺新鲜的。最后菜没有吃完。性价比也一般般吧，中等的一家店。

星期六和好友相約在此晚飯，因為想去食好耐，但都未有機會，一踏進店，環境不錯，不會有好迫的感覺，翻開餐牌，想不到在此地區價錢不是貴價路缐，我們點了泰式海南雞半隻，馬拉盞炒通菜，泰式併盤，海鮮芋頭㷛仔飯，每人一積椰汁冰。菜上得快而且熱騰騰的，當晚全場爆滿，亦有人包了房，伙記和老闆都忙過不停，但他們都熱情地招呼客人，整晚菜式很滿意，有水準，價格合理，海南雞冇骨送一碗白飯，本來是油飯，但我改了，基本上每個菜都好美味，有walk in 的客人還要等呢。但要來最好是先訂位。他們安排得很好，看到運作都很流暢。今次冇食生蝦，下次再來一定要食。值得推介。

Lunch去左銅鑼灣樓上泰國餐廳食🇹🇭 泰式牛丸船河超大一碗 料很足 牛丸外,還有牛肉粉絲吸哂湯精華 好爽口!.湯式係非常之濃郁！！ 愛好重口味人士一定會鐘意 哈哈lunch set 包一杯餐飲

同朋友約了在銅鑼灣食飯，其中一個話想飲冬蔭功🥘咁就搵泰國🇹🇭野食啦。之後就揀左呢間金蘭花。我鍾意可以在Openrice網上訂座，食滿$250仲有9折，方便又抵👍🏼🤗餐廳都唔太難搵，不過留意地址是怡和街，其實大廈入口又在渣甸街個邊。不過兩邊都出入丁，只係正門在後街。電梯上3樓就係，有D似家庭式餐廳。我地晚飯約了8點，今晚星期五真係坐滿人，好彩一早訂定枱。😯有個朋友遲收工，咁我同另一個老友就叫左個冬蔭功🥘食住等。冬蔭功有分size都幾好，無論少人定多人都可以按人數去叫唔同份量。我地3個人，就叫左個大 (因為佢仲有個特大)。出來每人都有飲到飯碗size 的5-6碗左右。蝦🦐都有4隻，同埋有好多菇。佢既冬蔭功椰奶偏重，唔算好辣較適合怕辣既人飲，易入口。小食拼盤我地就叫左個細既，款式都有4種，蝦餅🍤魚餅春卷同埋炸豬骨。炸豬骨🍖比較有驚喜，肉幾香但唔會太重香料味。春卷同蝦餅就正正常常，魚餅比較重粉味，唔係太吸引。之後齊人就叫左咖哩🍛紅咖哩雞個汁同冬蔭功一樣椰味🥥好香，變相咖哩味有D弱。好處就係好易入口，入面都有泰國茄子等，但成份既份量偏細。88蚊我expect係再多一半左右啦…好彩我地三條女都唔係

年前曾經惠顧過金蘭花既灣仔總店，覺得佢地既價錢及菜式方面都做得唔錯，唯獨係無緣一試佢地既船麵。週末來到銅鑼灣逛下一年一度既工展會之前，心癮發作之下突然諗起佢地銅鑼灣都有分店，時間又剛好是下午茶時段可以簡簡單單食碗麵先。呢段時間好容易坐到窗邊位置方便影相，我地分別order了雞肉炒金邊粉及泰式豬肉丸船麵。週六日原來只提供午市套餐包主食一客，飲品一杯及贈送甜品並需加一服務費，既然一條心來為求吃船麵，那沒辦法先不計較價錢。船麵配菜可二選一配牛丸或豬肉丸，麵底種類可以跟金邊粉/粉絲/河粉，我選擇了豬肉丸糙米粉底。早陣子原有既彩虹船麵唔見左....又少左一個選擇。配合濃郁惹味湯底既大大碗船麵，湯面放有數卷泰式風味既脆炸豬皮，要趁豬皮還未被熱湯弄軟之前，盡快沾少許湯先食，咬落仍然充滿著卜卜脆又香口既食感。再黎大大口糙米粉，雖然無亮白既外表吸引力較遜色，但真心入口感覺比一般米粉更加幼細且堅韌彈牙得多，徹底吸收晒湯底既精華味道。餐廳都有標榜糙米粉的饍食營養價值原來比一般米粉高兼且俾到你持久既飽腹感，睇黎都幾適合我呢類粉麵狂又想追求健康既人。綜觀豬肉丸細細地5粒跟泰國當地吃到既差不多，湯頭色水味道似乎較

啲嘢食太多味精食完好頸渴，嘢食和味道只係算一般不是太好又不太差。我食完買單之後話只收現金，卡機微信所有機都壞咗但係食之前又唔同人哋講聲，但係同一時間壞咁多機例如AE CARD 機，Visa Card機同埋微信支付機一齊壞都真是太難，所以下次都應該不會做去。😩

是日來幫朋友慶祝生日，除了有特別的芒果糯米飯生日蛋糕可預訂外，原來店裡還安排了人現場唱泰文生日歌給主角。如果想泰文版生日歌，不妨來這裡慶祝吧....至於食物的味道，一般，沒什麼特別，而且份量比較少。幸好當日有優惠，只要在Nommy App 上比like兼寫comment就可以有8折！

本人曾於灣仔幫襯過, 覺得味道服務品質皆不錯, 所以特意去銅記試下, 卻遇上不誠實的經營手法, 希望其他人引以為誡, 不會掉進此陷阱, 是緣昨晚於銅鑼灣光顧時, 在餐單上見到一道餸“咖哩炒殼蟹“, 標價$168, 認為價錢合理所以叫了此道餸, 結果結賬時卻收$268, 當時向店員查問時, 仍訛稱餐單顯示是舊的價錢, 當時已經質疑如果是舊價, 為何仍放在桌上供客人看, 而店員卻沒有收回舊價之意, 只敷衍說會收回舊餐單, 這代表什麼? 存心敲詐客人金錢, 消費客人對餐廳的信心, 因為只要在繁忙時間, 或是多人用餐, 客人根本不會留心價格是否跟最終結賬時相同, 其實餐廳已經有可能違犯《商品說明條例》。作為一個消費者, 卻上這些不法商人真心氣結, 認為經營一盤生意不是應該用此等卑劣之手法, 即使賺到多些錢, 最終都只會因為商譽而損失更多, 只著眼蠅頭小利, 實在太不智, 想人希望分享經歷, 提醒大家出外用餐要特別小心。

第一次到這間餐廳食物質素有水準，但地方環境比較小。食物價錢中位數在銅鑼灣區泰國菜也算不錯。而且位置也算方便。職員服務尚算不錯但在進食時間有限制有待改善。但亦值得再來惠顧

第一次光顧金蘭花，用了openrice訂座，準時到達，星期六午餐時段都冇乜人報親，店員冇比午市餐單，原先以為星期六冇，點知點菜時有一職員話我聽有午市套餐，我問係乜嘢，原來係包一杯飲品，所以我就叫咗泰式船河，金邊粉配牛丸，凍泰式奶茶。牛丸數量都多，有兩條生菜，有啲豬皮，脆脆地，金邊粉數量足，另有啲肉片，似係牛肉，但餐牌上有多，呢碗就冇喇，味道少少辣，都幾好食，有加一服務貴，計埋呢碗嘢都唔平。